tgoop.com/Awanz_00/11785
Last Update:
#رواية مـاذنبي؟
للكاتبة✍🏻:سندس علي
#الحلقـة 4
روحت نور لحوشهاا وضمت سما الحوش وخشت أرقدت ومحمد بات ف المزرعةة مع اصحابةة
سمـا في الصبح شاف تلفونهاا لقتها الساعة 9 شافت الوتساب لقت قروب البنات
فاطمة: بنات الدكتورة أعتذرت اليوم
سما :الحمدلله تعبانه وماعنديش جو نمشي صبت وطلعت للصالة لقت علي يصلي
علي :السلام عليكم السلام عليكم صباح الخير سما
سماا :وهيا تثوب صباح النوور
علي: كيف ماعندكش جامعةة ولف الصلايةة
سما :لاماعنديش ماشي للعمل
علي :اهاا ماشيي
سما :فطرت ولا لا؟
علي: لافطرت وخذا مفتاح السيارة هيا نبي نمشي
سما :في امان الله
ولعت التلفزون ع القرآن وخشت تجهز الفطور
غزالة: سمعت الدوشة طلعت من دارهاا من ف المطبخ؟
سما :ناا ماما
غزالة: خشت عليه ف المطبخ كيف ماعندكش جامعةة
سما: لا الدكتورة أعتذرت
غزالة: اهاا بوك طلع
سما :طلعع وهيا عشان تفطري معياا
غزالة: هيا هيا
*ايلين: وهيا ف اخر لمسات لان اليوم بيحولوا ومن وقت ماوعت وهيا تبكي🥺وكل ماتجي ترفع ترن لسما وماتقدرش
مالك: وين ماشييه من ع الصبح ؟
ايلين: نمشي للجامعةة ندير طلب نقل
مالك: اهاااا
سعد: طلع من دارهه ايلين هياا وأنت مالك نجي نلقا كل حاجةة واتيهه
مالك: تمام
طلعت ايلين مع بوهاا وهياا كل خطوة حاسةة كأنهاا تموت وتودع بعيونهاا الشوراع والجامعةة وحالتهاا مايعلم بيه إلا الله وخشت لجامعة وخدت ملفهاا وقعدت تبكي عليهه
سعد: من جدك يابنتي
ايلين: صوتهاا ملين خزن تربية هنا وكبرت هنا وصحبتي هن واليوم ملفي ف يدي 💔
سعد: بحت ف بنتا نظرة عجز يعني شن ديرللهاا كل شي مكتوب وطلع شور الحوش
محمد: فتح عيونهه شاف الساعة 10 اوووو ي فتحي نوض وعيي يلي حظااك وأنتوا كيف البخت
فتحي :مغير أصبح بس
محمد: والله يستر الله اصبحت عليك وع هالمريض😂
معاذ :شورك الحناطةة ياصامط😒
محمد: وهياا يمرن ف ايديهه صبوا واحد يدير قهوة واحد الفطور
معاذ: والله😂
محمد :مانبصرش معاكم ناا صبواا
فتحي: شفت يامعاذ كيف يذل فيناا وغمز لمعاذ
معاد ؛هياا نمشي خير مانلتزواا
محمد: صبا من مكانةة تحسبوهن يمشن علياا صبي أنت ويااه خلينا نفطروا😂
(محمد جواا سمح مع أصحابةة ودما خفيف بس مش قدام اي شي يضحك)
*غزالة: سما أفطري
سما: نيتي منسدهه
غزالة :كنك
سما: ايلين بتمشي اليوم 💔
غزالة: اهاا
سما :مش متخيلهه نمشي للجامعة ومانلقهاش😔وصبت من مكانةة وخت التلفون ورنت عليهاا
ايلين: شافت رقم سما عيونهاا دموع 🥺ايواا
سما: أهلين وهياا تبكي 😞
ايلين :من مبدري بنرن عليك ماقدرتش وقعدت ايلين تبكي وسما تبكي 🥺
ايلين: سما تعالي اليوم نشوفوا بعضناا
سما: ان شاءلله نجيك وصكرواا سما في بالها توا بعد يجي بابا يشيلني لان عارفةة خوتهااا والرد متاعهم شنوو
خديجة :طلعت مع نزالت سالم ع الدوج
سالم :صباح الخير ياأمي
خديجةة :مرحبا مرحبا ماريتش خوك وين؟
سالم: بعد أمس معش شافتاا أكيده مزال ف المزرعة
خديجة :مبدري يرن عليا باتهه لقاه مقفل
سالم: لاتوا يجيي هيا نا ماشي تبي شي
خديجة: سلامتك رد بالك من الطريق وأمشي براحه الله يرابحك
هيا عند الباب تلفتت لقت منيرة زوجة سالم
منيرة: خيرات اعميمهه
خديجة :فجعتني عطك الخير😂
منيرة:😂😂كيف حالك اعميمة أمس نزالت قالي عمي عند مروة
خديجةة: اهاا حست شوي مشيت شورهاا
منيرة :كيف حالهاا توا
خديجة :لا الحمدلله احسن من قبل تعالي جواا الشمس حرقتني
منيرة: هيا هيا
(وخشووا للحوش وخشت منيرة للمطبخ تضم فيهه منيرة طيبةة وع نيتهاا ولان خديجة حتي طبعهاا كويس جوهم زي العسل)
محمد: ماسكك تلفونهه ويصفح ع الفيس لقا كنب للبيع سأل ع السعر تلفت لفتحي قال اهوو لقتلهاا كنبب صقع عليك😂
ردت عليهه الصفحة قالولا لوا جاد ف الشراء نعطوك ايميل صاحبتهاا وتعامل معاها قاللهم تمام
(ومن صاحبة الميل ياترا ايواا هيا نفسها سما)
سمـا :ع العصر قاعده جنب علي في المطبخ بابا
علي: نعم وعيونهه في اوراق ف يدا
سما :تشيلني بعدين
علي: للسوق لا عندي شغل
سما :لا لا تحطني عند ايلين
علي: كنهاا؟
سما :مش قتلك بيحولوا لبنغازي
علي :اهاا تمام نشيلك لكن حد يجيبك
سماا: في يدهاا السكين وعيونها يدمعوا من البصل😂لا فكني منهم يهزبوا يقعدوا ياتشيلني وتجيبني أنت ياخلاص وبرمة وجهااا
علي: خلاص تمام عليك الحصلةة
فرج: خش للمطبخ كنا صوتك عالي
علي :نحكي نا وبنتي
فرج :اهااا الغدااا مزال
سماا: اهاا مزال بكل أخرا
ومرا الوقت وجـا العصر وسما توتي ف روحها عشان تمشي لصحباتهاا
غزالة: ف الصالة لا تفضلن مرحبتين بيكن
سما: ف دراها تلبس ف عبيتهاا سمعت أمهاا تحكي ف الممر طلعت منوو ياماما
غزالة: هذي عمتك أسما قالت بتجي
سما :انا طالعهه راهوو
غزالة :أجليهاا ياااسما🤨
سما: كيف أنأجلهاا بكل بيمشوا
غزالة: ونقعد بروحي ناا
سما: خمس دقايق ونجيي وتوا نجهز كل شي عبارة قدمي بس
غزالة: كلمتي معش تنسمع نااا ومشت للمطبخ تهزب
سما:نقاصني ياربي ناا 🥺
أحمد: كنها أمي
سما: ماكنهاا شي ومشت لبوهاا بابا نوض عصر
علي :هيا عشان نحطك ونطلع
BY روايات ليبيه 🇱🇾🖤
Share with your friend now:
tgoop.com/Awanz_00/11785