tgoop.com/Alphadli/35637
Last Update:
الابوذيات لصاحب الزمان
~
الهي بالكســــر عبـاس ظهره
للعالم فـــــــرج مولاي ظهره
يصلي بكربله الموعود ظهره
بعد ماياخـــــــذ بثار الزچیه
✍..
عله بيرك امــد الحبل ودلاي
يالموعود فد مكتوب ودلاي
گلبك لون بيه اشواي ودلاي
اسجد شـــــاكر الرب البريه
...
بغياب المهدي حيلي انهدم وانحال
وسؤالي ما لگـــاله اجواب وانحال
ارزقــــــــني يرب رؤيــــاه وانحال
بيني وبينه مـــــــــــــوتي والمنيه
..
گلبـي ماهـــــوه غيرك ولا لاذ
وابد مازلف عن دربك ولا لاذ
عيشي مُــر بعد عينك ولا لاذ
يمهدي وفــرگتك صعبه عليه
✍...
دعاء العهــــــد اقراله وندبه
واذكره بكل فرض انه وندبه
مثل خــد الورد خدي وندبه
انوحـــن والمفارگ طال بيه
...
نطرت المنتظر بحظان مهدي
ارضعت حب الولايه وعشگ مهدي
دعائي بالفرج ياناس مُهدي
الحب ابن الحسن راعي القضيه
~
بصفاتك تشبه الهادي وعينن
الليالي سهـام صـابنك وعنن
ربي ايكون الك ناصر وعينن
ويعجل كــون بالطلعه البهيه
✍
امناطر يومك واحسب وعدلك
متى يتــحــقق من الله وعد لك
أبمانك تـــــــنـعم الوادم وعدلك
امان الله وجودك للبريه
حيدر بشار الدراجي
BY قناة قصائد والحان في رحاب الحسين ع
Share with your friend now:
tgoop.com/Alphadli/35637