tgoop.com/Alphadli/35600
Last Update:
#خروج_ضعن_الحسين_صلوات_الله_عليه
خرج ضعن الحسين(ع) وبقت مولاتي فاطمه العليله(ع) تگلة انة ارضة ما تاخذني وروح وياكم بلضعن بس احسبني بوية ميتة بهذا وداعك…
أرضه؟ ماخذتني بس أكلك
لحظة ما اعيشن بوية بعدك
ماعندي بوداعك چلمه تنگال
أعضم چلمه عندي بويه فگدك
لحضه أخيره
وضهرك تديره…أطلب تخلي ارقية
تهود غربتي
وتمسح دمعتي…تباريني وتحن بية
هاي الليالي شلون
چا؟ كلكم تروحون
بدرب الهجر ذبيت
من رحتو بويه عيون
ااه …بويه بويه بويه
_______________________________________
اصعب نضره لمن درتة ضهرك
حسيت بنضرتك بيها كسرك
چنها عيونك يسولف دمعها
ما ترجع يبويه وما انضرك
من ودعتني
شگد كبرتني…عمر الهجر مو لية
وضحت دمعتي
وكبرت كسرتي…ودمعي اعرفت تالية
خايف دليلي اهواي
چانت نضرتك ماي
خاف العكس ويصير
تعطش يشح سگاي
اااه..بويه بويه بويه
___________________________
بوية وداعكم خلالي لچمه
ماگدر اسولف حتى چلمه
چنتو وياي وشمحلاتة يومي
ماأدري بهجركم صار قسمه
كسره چبيره
متروسه حيره…كلش چبيره اجروحي
مكسوره خاطر
مگدر اكابر…تعبت بعد ياروحي
كلش اخاف يصير
يذبحونك انته تحير
ومحد يضل وياك
ألمن يبويه أدير
اااه…بويه بويه بويه
___________________________
كمت شما انامن يكبر الخوف
شفتك منذبح وندارت اسيوف
تصيح ادركني خويه يابوفاضل
ونيران المخيم سدت الشوف
حرگو خيمكم
طشو شملكم…وعمتي شفت محتاره
صارت غريبه
هاي المصيبه…الدنيه شكثر غداره
حارت يبويه ام عون
وبيها العدة يشمتون
من عز دلال؟ لشام
والغربه شو يحدون
اااه…بويه بويه بويه
__________________________
✍️محسن الباوي
اللهم عجل لوليك الفرج
_________________________
BY قناة قصائد والحان في رحاب الحسين ع
Share with your friend now:
tgoop.com/Alphadli/35600