tgoop.com/Alphadli/35524
Last Update:
كلما باوع لچفوفي اذكر خيمه اطيح وركض ازغار
من الطف ضلت بس ذكره دخان بريتي امن النار
ليش اتسلب ليش اتعذب خيمه اطيح وركض ازغار
_
جمعّت كل ذكرياتي ادري خلصانه حياتي
ارسم اعله اجفوني ذكره بلكي ترجعلي امنياتي
امفارگ اعزازي الاحبهم اشتاگ الهم من صفاتي
الماشايفه احبال السبي تاكل گلبهه الحسره
و اعله المدللهه تضل كل الملامح تقره
فارگته الماضن يتفارگ واحد بس حنيته اهواي
كلما اعثر الزم گلبي اشعر طول انفاسه وياي
مااتعجب ليش اتعذب خيمه اطيح وركض ازغار
____
الرمح ماخذ كلشي مني مايهم الصغر سني
الشايله مابي محنه امد چفي يبعده عني
صوطه ينزل عله متوني الدرب كله مارحمني
الفرحه بعيوني انتهت وبزغري عشت الچمه
لون الطفوله بلا ابو ليل ويفارگ نجمه
اليمشي ويه الغربه اشمايمشي اول خطوه يحس تعبان
يخلص دربه بهضمه ودمعه وبعيونه اتعيش الاحزان
ابچي وانحب ليش اتعذب خيمه اطيح وركض ازغار
_
الحبل مايعرف ابجرحي ينشد اشمانزل دمعي
والجوارح تبچي حسره الشتم مافارگلي سمعي
صارت امنيتي الوحيده الملگه ابويه ابموتي ادعي
الدنيه والبيهه تره امعلگه ابرمش اعيونه
من يفتح اعيونه الصبح يخليني فوگ امتونه
متعلقه ابروحه وحنيته شتسوه الدنيه ابدون احسين
ضيعته وضاعت امالي المثلك يحصل بويه منين
گلبي اتشيب ليش اتعذب خيمه اطيح وركض ازغار
_
النوم مامر اعله عيني الحادي بصياطه يجيني
بل الرمح متعلقه روحي والشمر ماييخليني
تيقنت راس الاحبه عله الرمح من يحاچيني
ما حاسبه بيوم الرمح ياخذك مني ويمشي
مقهوره اباوع والتعب ماخله حيل ابرمشي
حيل اعله اشفافك مقهوره مامرتهن گطرت ماي
وجسمك ضل عل گاع مطشر بالهيمه ومافوگه افياي
امن اعثر انسب ليش اتعذب خيمه اطيح وركض ازغار
سلام البهادلي
BY قناة قصائد والحان في رحاب الحسين ع
Share with your friend now:
tgoop.com/Alphadli/35524