tgoop.com/Abduqahhorov_Abduvahob/999
Last Update:
Ёзда болалар вақтини самарали ўтказсин!
Мактаблар тугади, таътил бошланди. Энди болаларнинг кўпчилиги (тахминан 90%) эрталаб чойини ичиб, кун бўйи ўйинга шошилади. Телевизор, телефон, кўча ўйинлари — шулар билан вақт ўтади.
Болага ҳам дам керак дейсизми? Албатта, болага дам бериш керак. Лекин савол туғилади: ўзи мактабда дам оладиган даражада ўқидими? Масала шундаки — фарзандимиз 11 йил мактабда ўқийди, ҳар куни кечгача мактабда бўлади. Ёз келса, бекорчилик бошланади. Ёзи билан бекорчи юрган бола мактаб бошланганда ҳам ундан унумли фойдаланишни билмайди. Жисмоний тарбияни кутиб, бир ҳафтани бекор ўтказиб юради. Натижада, 11 йилдан кейин мактабни битирса-да, на тилни билади, на бирор спорт ёки касбга қизиқиши бор бола шаклланади.
Бу ҳолатда унда икки йўл қолади: ё Россияга кетади, ё маҳалладаги усталарга қўшилиб ишлайди. Қизлар ҳам худди шундай — тил билмайди, уй ишларини қилмайди, бўш вақтларини ижтимоий тармоқлар ва “севги муносабатлари”га сарфлайди. Мактабни тугатгунча тиктокер ёки севги бўйича “мутахассис” бўлиб етишади.
‼️ Азиз ота-оналар! Бугун фарзандингизни бекор қолдирманг. Унинг вақти — унинг келажаги. Унга эътибор беринг, қизиқишларини қўллаб-қувватланг, спорт, тил, ҳунарга йўналтиринг. Агар бугун болангизга эътибор бермасангиз ва унга тўғри йўлни кўрсатмасангиз, 20 йилдан сўнг телевизор орқали эътибор берилган болаларнинг ютуғига қараб афсусланишингиз мумкин.
Биз ҳам жиянларим билан бу ёзги таътилни тил ўрганиш билан ўтказамиз. Жиянларим инглиз тилини, ўзим эса рус тилини ўрганаман. Ўзим ҳам энди ўрганяпман, чунки менда ҳам кўплаб ёзги таътиллар бекор ўтиб кетган.
👉 @Abduqahhorov_Abduvahob
BY Abduvahob Abduqahhorov | Blogi📝
Share with your friend now:
tgoop.com/Abduqahhorov_Abduvahob/999