tgoop.com/Abduqahhorov_Abduvahob/1051
Last Update:
Хато қилмайдиган одам йўқ. Лекин ҳаммамиз ҳам хатолар ҳақида гапиравермаймиз.
Блог юритишни бошлаганимдан бери атрофимдагилар билан бўлган ҳар учта суҳбатдан камида биттаси — мен ёзган постлар ҳақида бўлмоқда.
Яқинда бир қариндошим, кейин эса дўстларимдан бири шундай деди:
— Постларингни ўқиймиз, лекин нега ҳаммаси жуда “идеал”? Фақат ўзингни мақтайсан. Ҳеч хато қилмаган одамдай ёзасан-да!
Бу фикрга жавобим бор.
Мен хато қилганман. Ҳозир ҳам қилаяпман. Ва келажакда ҳам қиламан.
Мен идеал эмасман. Балки блогимдаги барча обуначилардан ҳам кўпроқ хато қилгандирман.
Аммо шунга қарамай — ҳамма хатони ёза олмайман. Нега?
🔸 Чунки ҳамма хато ошкор қилишимга арзимайди. Ҳар нарсанинг вақти, ифодаси ва таъсири бор. Баъзи гуноҳларим мен билан Парвардигорим орасида. Уларни омма олдида айтиш яхши оқибатларга олиб келмаслиги мумкин.
🔸 Баъзи хатоларим бошқа инсонлар билан боғлиқ. Кўпинча пантни бегоналардан эмас, яқинларимдан еганман. Улар орасида қариндошларим, синфдошларим, ҳамкасбларим бор — ва улар каналимда ҳам бор. Агар ёзсам, гап ким ҳақида эканини англашади. Бировнинг айбини очиш — яна бир хато бўлади.
🔸 Айрим хатоларим эса ёзишга арзимайдиган, оддий инсонга хос хатолар. Ҳаётимда қора кунлар ҳам, қийин кунлар ҳам бўлган — лекин жуда кам. Қийинчилик кунлар кам бўлган кейин, хатолар ҳам кам бўладида.
🔸 Кўп хатоларимни ўзим билсам, янада кўпроғини бошқалар билади. Чунки мен ҳақимдаги гаплар кўпинча мен кетганимдан кейин бошланади. Шунинг учун, менинг хатоларимни кўчадагилардан сўраб билиб олсангиз, эҳтимол тўғрироқ бўлади.
Менинг мақсадим — ҳар бир пост орқали кимгадир куч бериш, сабоқ бўлиш, хато йўлидан қайтариш.
Қисқача айтсам — мотивация бериш.
Мен идеал эмасман.
Лекин ҳар куни олдингидан яхшироқ инсон бўлишга ҳаракат қилаяпман.
👉 @Abduqahhorov_Abduvahob
BY Abduvahob Abduqahhorov | Blogi📝
Share with your friend now:
tgoop.com/Abduqahhorov_Abduvahob/1051