tgoop.com/Abduqahhorov_Abduvahob/1011
Last Update:
Ёш болаларга хайитлик беринг.
Майли, болалар бу байрамни пул учун кутсин — бу ёмон эмас.
Шу баҳона уларда хайитга нисбатан ҳавас, интизорлик ва байрамга ҳурмат пайдо бўлади.
Пул — баҳона. Асоси — меҳр. Болалар катталардан қайғуриш ва эътибор кутади.
Агар умуман бермасангиз, бу байрам улар учун аҳамиятсиз, оддий кунга айланиб қолади.
Кеча туғилган бола эртага улғайган инсон бўлади.
Унинг хотирасида “Хайит” деган сўз қандай ҳиссиёт билан сақланиши — бу сиз билан бизга боғлиқ.
Хайитлик — садақа эмас.
У — эҳсон, раҳмдиллик ва яқинлик рамзи.
Бу — анъана. Бу — боланинг қалбида байрам мазмунини уйғотиш.
Хайитлик — меҳрнинг кўриниши. “Сен бу байрамнинг бир қисмисан” деган ифодадир.
Катта бўлганида ҳам, бола у пайтларда қайси юзларда табассум кўрганини,
кимлар қанча хайитлик бериб уни хурсанд қилганини ёрқин хотиралар билан эслаб юради.
👉 @Abduqahhorov_Abduvahob
BY Abduvahob Abduqahhorov | Blogi📝
Share with your friend now:
tgoop.com/Abduqahhorov_Abduvahob/1011