tgoop.com/ALshoely12/9098
Last Update:
قصيدة حاير على وزن /المجرشه
حاير..بيمن اعزي فاطمه الحزنانه
حاير.. رايح ادور بالسمه واشجانه
يافاطمه تلكَيني ..وبمجلسج خليني
بيمن اعزي فاطمه الحزنانه
حاير وادور مجلسج توهن بدن ايامج
والعشره احسبهن جمر مثل الحركَ بيبانج
تشابه الموقف علي بابج وجمر اجدامج طبعن جمرهن يختلف اجدامج واحلامج
حزنج..فاض وترس دنيانه وغطانه
حزنج..حوتك ييونس ماوصل مرسانه
يا ام الحسن دليني ..دمعاتي هل تجويني
بيمن اعزي فاطمه الحزنانه
*
يافاطمه مجلس حزن واحنه ليه نتعنه لوحته يحصل باخر سمه انقيمه لو بالجنه
يا ام الحسن امنه صدكَ بهل الخدمه نفدي دمنه
محتاج يمه دمعتج بكل قطره منه اتحنه
خدمه..بيهه امر رباني لاتنساني
خدمه..باول مراتب للشرف خلاني
يم الحسن رقيني..باعله الرتب خليني
بيمن اعزي فاطمه الحزنانه
*
مولاتي ماعدنه سبل وانتم سبل نجاتي
هاي المجالس انبنت الطم صدر اهاتي
كل لطمه ادكه عله الصدر بيه ترد حياتي
حررني من قيد الدمه وخليني اشج هاماتي
فتوه..صادر امرهه من السمه ومعناهه
فتوه..حليه انطه بالدمه وشرحاهه
بيمن اعزي فاطمه الحزنانه
*
مولاتي ماعدنه عذر واليعتذر منج خسر
غلطان دنيه واخره والمجلسج ماحضر
كلنه نريده ونعشقه مثل الصحاره والمطر مشتاكَ صدري اللطمته وعيوني ماتدمع بطر
دمعي ..هذا نزل باحساسه واهاتهه
دمعي .. ايطفيه جهنم بقطراته وحسراتهه
بيمن اعزي فاطمه الحزنانه
*
يافاطمه عند اللطم تمنيتج انتي ويانه ونتكَابل ويم الحزن بخيمة حزن مولانه
واقراء الزياره بكل شجن وسجليني يمه هنانه
تعبني قلبي مايدك بس من ينسطر فرحانه
رايد ..اشوف الزهره بمجلس وتلكانه
رايد..بصمة ابهامي بدفتره واحزانه
بيمن اعزي فاطمه الحزنانه
*
#_ الشاعر جبار عبد الزهرة الشويلي
#_ غير مبرئ للذمه حذف إسم الشاعر
BY الشاعر جبار عبد الزهرة الشويلي
Share with your friend now:
tgoop.com/ALshoely12/9098