tgoop.com/ALshoely12/9029
Last Update:
قصيدة ابتاه
ابتاه قد ضربوني
ابتاه ضي عيوني
ضلعي تكسر.. اين المحشر
****
شال ايده وهل لطم خد الورد
هل اجه من بعيد يسطرني عبد
صاح فاطم كَله خلهه تستعد
باب ابو الحسنين نحركَه ونرد
ابتاه حزني تجدد
ابتاه بنت محمد
قالوا يهجر.... اين المحشر
****
وين ابو الحسنين منك ايسن
انكَلب وياه عدوان الزمن
بهل القضيه شلون وسفه امتحن
راح اموت من القهر وين الوطن
ابتاه انت تعرف
ابتاه فاطم تنزف
هذا المنظر... اين المحشر
****
طاح محسنه ونزل منه الدمه
فضه صاحت عالترب يافاطمه
ذاك جنه جنين يندب قائمه
راح اشيله يصرخ لرب السمه
ابتاه ضربوا جنيني
ابتاه زاااد حنيني
اني المضطر... اين المحشر
****
شفت دمعه نزلت بوادي السلام
القبر محفور يم صحن الامام
ليش ابو الحسنين كبر ما اقام
وانتي عينه انسطرت ابيد اللئام
ابتاه يعلوا انيني
ابتاه اين سنيني
نادي حيدر.. اين المحشر
****
باب محروكَه وسمعنه بس صياح
ظلمه جنهه وماطلع بعدج صباح
انتي فاطم والضلع كسر وجراح
باجر اينادون حي على الفلاح
ابتااه احمي حجابي
ابتااه حَرقوا ثيابي
طفلي يعصر... اين المحشر
****
ش. جبار عبد الزهرة الشويلي
BY الشاعر جبار عبد الزهرة الشويلي
Share with your friend now:
tgoop.com/ALshoely12/9029