tgoop.com/ABDII_SABAA/18256
Last Update:
ODUU:
Dr. Teediroos waraanni Gaazaa akka xummuramuuf imimmaan buusuun watwaatan.
Daarektarri Olaanaa Dhaabbata Fayyaa Addunyaa Dr Teediroos waraanni Gaazaa keessatti geggeeffamaa ture akka dhaabbatu gaafatan.
Dr Teediroos , walgahii waggaa Dhaabbata Fayyaa Addunyaa Kamisa darbe gaggeeffame irratti; Waraanni furmaata waaraa hin fidu; Israa'elis ni miidha jedhan.
Wanti ummanni Gaazaa yeroo ammaa itti jiru natti dhagahama kan jedhan Doktar Teediroos, waraanni Bu’aa kan hin qabnee fi sodaachisaa tahuu ibsaniiru.
Nyaataa fi meeshaalee yaalaa akka meeshaa waraanaatti fayyadamuun sirrii miti jedhan.
Waliigaltee akka dhufu ni gaafadha kan jedhan Hogganaan kun, Nageenyi bu'uun Israa’eliifis ta’e Falasxiinotaaf gaariidha jechuun ibsaniiru.
Daarektarri balaa tasaa Dhaabbata Fayyaa Addunyaa Maayikeel Raayan akka jedhanitti, Gaazaa keessatti namoonni miiliyoona 2.1 ta'an ''balaa du'aa'' keessa jiru jedhan.
Beela dhaabuu qabna kan jedhan Daarektarri kun, itti dabaluunis sirni fayyaa haala sirrii ta’etti deebi’uu qaba jedhan.
Dhaabbanni Fayyaa Addunyaa lammiileen Falasxiin Gaazaa keessa jiran hanqina nyaataa, bishaan, meeshaalee yaalaa, boba’aa fi bakka jireenyaatiin rakkataa akka jiran ibseera.
Hospitaalota Gaazaa keessatti argaman 36 keessaa 19 qofati hojjechaa kan jiran yoo tahu, hojjettoonni isaa ''haala yaaduun hin danda'amneen'' hojjetaa akka jiran Dhaabbanni fayyaa Dhaabbata Mootummoota Gamtoomanii ibsa baaseen ibseera,
SABA GUDDAA WAAN TAANEEF MIIDIYAA GUDDAATU NUUF MALA!
📡 MIIDIYAA @ABDII_SABAA 📡
BY ABDII SABAA
Share with your friend now:
tgoop.com/ABDII_SABAA/18256