باجر ولادة سيدتنا ومولاتنا فاطمة الزهراء عليها السـلام 😍 استغلوا هاي الايام وفرحوا قلبها باي عمل تهدونه ❤️

#قصاصات
#فاطمة
إعداد: فـريق زينبيات على خُطى الزهراء

متباركين بولادة النور❤️

عود باجر عطلة وكلت اسوي نمنميات واكعد اتابع شي
جبت هذا الاندومي اشوف البنات تاكل بي واني ابد مااكله يمكن مره لومرتين وهاي اخر مرررة😂💔
شعاجبجن منه يلعب النفس

مـَسّـِآء الـخّـيًــر يحلوات❤️
بمــا انو اليوم عطلة استغليتها بالصيام تعرفون شهر رمضان قريب ف حاولوا بالعطل تصومون القضاء ..

ف راح ابلش يومي من هسـه ف اشياء بسيطة مثل: تعزيل لملابس ,تنظيف للغرفة
عندي شغل بالسعيات واسوي اسئلة نصف السنة وغيرها ..

انتو هم يلة من هسه حددي شنو تردين تسوي وابدي النهار يركض خلي نستغله💪🏻
وللحماس شغلي قصيدة مواليد شي

زنوبه حبيبتي
انتي اختنا ومدرساتنا
لا تسوين اسئله صعبه للطالبات
خطية على مود ينجحون ويحصلون اعفاء
احنا مطلعين النا الويل بسبب المدرسات والمديرة

بالعكس والله ماعندي هيج وتعرفون تعاملي امتحنتهن 3 اشهر والاسئلة كررتها واوكف ع راسهن هاي صح هاي خطأ هاي هنا موجوده بس بعد تضل وراهن لقارية تذكر وتكتب ولماقاريه والله ولايفيد مساعده وهم انطيتهن باليومي هواي
بحيث السعيات ماعندي وحده راسبة ☺️

💟يستحب قراءة حديث الكساء الليلة
وأجـرهٌ عظيــم 💟

اذا ماعدكم شي اليوم اوباجر
اكتبوا هذني يمكم بورقة وفكروا بينهم وجاوب عليهن
وشوفوا هاي السنة شنو جانت
حتى نتعلم شلون تكون السنة الجديدة❤️

جمعـة مباركة يارب

"💛ســورة الڪـهف نورٌ بين الجُمعتين💛"

مرحبااا يحـــلوات 😍
اريد احجيلكم ع موضوع بسيط وسريع
وجبة الريوگ جدا جدا جدا جدا مهمة
وخصوصا للطلاب وهاي فتره الامتحانات جاية
حتى لو تكعدين متأخرة غصبا عليج تريگي يلة ترحين
والريوگ ضروري يكون صحي حتۑ تستفادين منه موكلاوات.. يعني الشي المهم تضيفونه للريوك (بيض سلق) وحدة او اثنين كافيات لاتكولون مانحبه لو يتٲخر هيه 10 دقايق تكمل + ابتعدو عن الاجبان +الجاي الحلو كلش او الثخين ..وتگدرون تضيفون خيار وطماطة وفلفل اخر هيج شويه هم كلش مفيدات هيج وكت جربوها كم يوم وشوفوا النتيجة بالشبع والطاقة وكلشي

هذا ريوگي حتى لو اكعد ب12 اتريك يلة اتغدة
لاتخربطون بالوجبات ❤️وبلعافيية

اذا دازيلي رساله وممجاوبه رجعوا دزولي حبيباتي @zynba8_bot