✅ Бугун Хива шаҳридаги "Фаровон" меҳмонхонасида халқаро инвестиция форуми иш бошлади. Унда 32 нафар дипломатик корпус вакиллари, дунёнинг 31 та давлатидан ташриф буюрган 315 нафар ишбилармонлар иштирок этмоқда.

✅ Форумнинг очилишида вилоят ҳокими Жўрабек Рахимов мамлакатимизда хорижий инвесторлар учун яратилган шароитлар ва ҳуқуқий кафолатлар, Хоразм вилоятининг иқтисодий салоҳияти ҳақида маълумот берди. Сўзга чиққанлар иқтисодиёти барқарор ривожланаётган Хоразм вилоятининг инвестициявий жозибадорлигини эътироф этдилар.

✅ Қизғин мулоқотларга бой тарзда ўтаётган форум доирасида қатор йирик компаниялар билан савдо-иқтисодий ва сармоявий алоқаларни янада кенгайтириш юзасидан ўзаро манфаатли келишувларга эришиш кўзда тутилган.

Хоразм вилояти ҳокимлиги матбуот хизмати
Xorazm.uz | Telegram | Facebook | Instagram | Youtube

✅ Бугун “Арда Хива” халқаро туризм марказида ҳудудий тармоқлараро саноат ярмаркаси ўз ишини бошлади.

Мазкур ярмаркани ўтказишдан асосий мақсад – янги инновацион ишланмаларни намойиш этиш, саноат маҳсулотлари ишлаб чиқаришда кооперация алоқаларини ривожлантириш, хўжалик юритувчи субъектлар ўртасида ўзаро ҳамкорлик учун қулай шарт-шароитлар яратишдан иборат.

✅ Ярмарканинг очилиш тадбирида вилоят ҳокими Жўрабек Рахимов иштирок этиб, кўргазма павильонларидан жой олган маҳаллий саноат корхоналарида ишлаб чиқарилган маҳсулотлар намуналари билан танишди, тадбиркорлар билан мулоқотда бўлди.

✅ Кўргазмада Республикамизнинг барча ҳудудларидан ташриф буюрган ишлаб чиқарувчилар туризм, туризм соҳаси учун тўқимачилик маҳсулотлари, автомобилсозлик, қишлоқ хўжалиги техникаси, мебелсозлик бўйича ўз маҳсулотлари билан қатнашмоқда. Ярмарка 22-23 сентябр кунлари ҳам давом этади.

Хоразм вилояти ҳокимлиги матбуот хизмати
Xorazm.uz | Telegram | Facebook | Instagram | Youtube

✅ “Хоразм хонлари миллий таомлари” халқаро гастрономик фестивали

✅ Айни кунларда “Арда Хива” сайёҳлик маркази яна бир нуфузли тадбир - “Хоразм хонлари миллий таомлари” халқаро гастрономик фестивалига мезбонлик қилмоқда.

✅ Ушбу фестиваль мамлакатимиз Президентининг 2024 йил 18 ноябрдаги ПҚ-394 сонли қарорига мувофиқ, Хоразм вилоятининг туризм салоҳиятини ривожлантириш чора-тадбирлари доирасида ташкил этилди. Фестивалнинг мақсади Хоразм миллий таомларини халқаро миқиёсда кенг тарғиб этиш орқали гастрономик туризмни жадал ривожлантиришдир.

✅ Вилоят ҳокими Жўрабек Рахимов фестиваль жараёнлари билан танишди, иштирокчилар билан самимий мулоқотда бўлди.

Хоразм вилояти ҳокимлиги матбуот хизмати
Xorazm.uz | Telegram | Facebook | Instagram | Youtube