🔍Qonun loyihasi boʻyicha taklif va tanqidlar tahlili: AOKA ekspertlari argumentlari

AOKA tomonidan "Onlayn platformalar va veb-saytlardan foydalanuvchilarning huquqlarini himoya qilish toʻgʻrisida"gi qonun loyihasining ishlab chiqilishi va jamoatchilik muhokamasi uchun eʼlon qilinishi jurnalistlar, Oʻzbekistonning taniqli media arboblari, milliy internet nashrlari va blogerlar orasida qizgʻin muhokamalarga sabab boʻldi.

Bu bir tomondan, yuqoridagi qonunni tayyorlashning dolzarbligidan dalolat bersa, ikkinchi tomondan, jamoatchilikning respublikamizda soʻz erkinligini yanada mustahkamlashdan manfaatdorligini koʻrsatadi, buni AOKAning oʻzi ham qoʻllab-quvvatlaydi.

Eʼtirof etish kerak, aksariyat munosabatlarda qonun loyihasi yuzasidan konstruktiv va oqilona fikr-mulohazalar, takliflar bildirilganki, ular qonun loyihasining uzil-kesil variantini tayyorlashda, shubhasiz, ishlab chiquvchilar tomonidan hisobga olinadi.

Maʼlumot uchun: bugungi kunga qadar "Onlayn platformalar va veb-saytlardan foydalanuvchilarning huquqlarini himoya qilish toʻgʻrisida"gi qonun loyihasi idoralararo kelishishning zarur tartib-taomillaridan oʻtdi. Bunda ushbu normativ-huquqiy hujjatning jamoatchilik muhokamasi ekspertizaning qoʻshimcha manbai hisoblanadi.

✅Shuningdek, qonun loyihasida belgilangan normalar va tartib-qoidalarni "tanganing ikkinchi tomoni" bilan talqin qilgan media vakillari ham yoʻq emas. AOKA ekspertlari ana shunday tahlillarga nisbatan oʻz argumentlarini taqdim etadi.

📌Quyida qonun loyihasining ayrim moddalari media vakillarga koʻra qanday ifodalanayotgani va AOKA ekspertlarining argumentlari keltiriladi:

1️⃣Qonun loyihasi qabul qilinishi bilan onlayn platformalarning barcha foydalanuvchilari blogerga aylanadi

➖ Internetga har qanday xarakterdagi axborotni joylashtirgan shaxs bloger hisoblanadi. Aynan shunday konsepsiya qonun loyihasida oʻz aksini topgan va bundan qoʻrqish kerak emas, chunki loyihada blogerlar uchun hech qanday ogʻir majburiyatlar koʻrsatilmagan. Blogerlar ham oddiy onlayn platforma foydalanuvchilari kabi bir xil huquq va majburiyatlarga ega.

2️⃣Internetda eʼlon qilingan barcha narsalar kontent deyiladi va kontentni maʼlum bir shaxsga yuborish, uzatish yoki namoyish etish uni tarqatish deb hisoblanadi

➖Ushbu qonun qabul qilinishi bilan kontentni tarqatish deganda faqat kontentni joylashtirish, joʻnatish, namoyish etish tushuniladi.

3️⃣AOKAning onlayn platformalar va veb-saytlarni monitoring qilish vakolati fuqarolarning shaxsiy yozishmalar sirini saqlash boʻyicha konstitutsiyaviy huquqlariga taʼsir qilishi mumkin

➖Bunday xavotirlar mutlaqo asossiz. Chunki, birinchidan, qonun loyihasining oʻzida onlayn platformalarning majburiyatlari sifatida "onlayn platformalardan foydalanuvchilarning yozishmalar, soʻzlashuvlar, pochta, elektron va boshqa xabarlar sir saqlanishi huquqini taʼminlash" yozib qoʻyilgan boʻlsa, ikkinchidan, na AOKA, na dunyodagi boshqa biror organ fuqarolarning onlayn platformalardagi shaxsiy yozishmalarini monitoring qilish uchun texnik imkoniyatlarga ega emas.

⚠️Bundan tashqari, mazkur qonun loyihasining amaldagi qonun hujjatlaridagi baʼzi moddalarni takrorlashi, "yolgʻon axborot" tushunchasi tasnifi notoʻgʻriligi va qonun loyihasining onlayn platformalarga nisbatan ayrim talablari bajarilishiga shubhalar bildirilgan.

👉Ushbu havolada AOKA ekspertlarining asosli talqinlari keltirilgan: https://shorturl.at/gIKIA

Xorazm.uz | Facebook | Telegram | Instagram