Bo‘sh ish o‘rinlari yarmarkasi bo‘lib o‘tdi

Bugun Andijon shaxridagi Alisher Navoiy nomli madaniyat va istirohat bog‘ida «Tadbirkorlik va bandlik” bo‘sh ish o‘rinlari yarmarkasi bo‘lib o‘tdi.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat

Murojaatga munosabat

Aholiga ta'minotning muqobil turi orqali xizmat ko‘rsatilmoqda

Andijon tumani Sanoat MFY Bunyodkor ko‘chasidagi 29-, 30-ko‘p qavatli uylarda yashovchi aholi ushbu manzilda suv ta'minotida muammo yuzaga kelganligi haqida xabar bergan edi.
"Andijon suv ta'minoti" AJning tumandagi filiali tomonidan olib borilgan o‘rganish davomida esa yozgi mavsumda aholining toza ichimlik suviga bo‘lgan ehtiyojining ortishi, ayniqsa, ichimlik suvidan xo‘jalik ishlarida foydalanishlari natijasida ushbu manzilda suv bosimi pasayib ketganligi aniqlandi.
Hozirda iste'molchilarga toza ichimlik suvidan to‘g‘ri va unumli foydalanish yuzasidan targ‘ibot ishlari olib borildi. Ko‘p qavatli uyda yashovchi aholiga esa suv tashuvchi maxsus texnik vositalar orqali ichimlik suvi yetkazib berilishi yo‘lga qo‘yildi.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat

Murojaatga munosabat

Muammo ijobiy yechim topdi

Marhamat tumanidagi Chilon MFY Mingtepa ko‘chasida yashovchi aholi nomidan ham murojaat e'lon qilindi. Unda ushbu mahallada suv ta'minotida muammo yuzaga kelganligi bayon etilgan edi.
Holat yuzasidan shuni ma'lum qilamizki, ushbu manzilda suv yetkazib beruvchi markaziy suv quvurida muammo yuzaga kelganligi bois ta'minotda uzilishlar kuzatildi. Bu vaqt mobaynida aholiga maxsus suv tashuvchi transport vositalari orqali ichimlik suvi yetkazib berilgan.
Ayni paytga kelib muammo ijobiy yechim topdi va ta'minot qayta tiklandi.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat

Murojaatga munosabat

Nosozlik bartaraf etildi

Izboskan tumanidagi Barhayot MFY Ilonizi ko‘chasidagi suv qudug‘ida nosozlik yuzaga keldi. Bu toza ichimlik suvining isrof bo‘lishiga sabab bo‘ldi. Bu haqida aholi tomonidan murojaat yo‘llangach, "Andijon suv ta'minoti" AJning tumandagi filiali tomonidan o‘rganish ishlari olib borildi. Hozirga kelib nosozlikni bartaraf etish ishlari yakunlandi va muammo ijobiy yechim topdi.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat

Murojaatga munosabat

Ta'minotdagi uzilishlar haqida aholi oldindan ogohlantirilgan

Baliqchi tumani Do‘stlik MFY Yangi hayot ko‘chasida istiqomat qiluvchi hamyurtlarimiz ham murojaat yo‘llab, ushbu manzilda suv bosimi pasayib ketganligi, aholi 15 kundan buyon qiynalayotganligi ma'lum qilingan edi.
Holat yuzasidan shuni ma'lum qilamizki, ushbu manzilga suv yetkazib beruvchi quduqda nosozlik yuzaga kelib, uni bartaraf etish ishlari 3 kun davom etdi. Bu haqida aholi oldindan ogohlantirilgan bo‘lib, ta'minotning muqobil turlari qo‘llanilgan.
Ayni paytga kelib, nosozlikni bartaraf etish ishlari yakuniga yetgan va ta'minot bir maromda yo‘lga qo‘yildi.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat

Murojaatga munosabat

Do‘lanada suv ta'minoti tiklandi

Buloqboshi tumanidagi Do‘lana MFY Otbozor ko‘chasida yashovchi aholi nomidan yo‘llangan murojaat ham o‘rganildi. Unda iste'molchilar ushbu hududda ichimlik suvi ta'minotida muammolar yuzaga kelganligini xabar qilgan edilar. O‘rganish davomida manzildagi suv quvurida nosozlik yuzaga kelganligi aniqlandi va ta'mirlash guruhi tomonidan holat bartaraf etildi.
Hozirda ushbu mahallada suv ta'minoti bilan bog‘liq muammo mavjud emas.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat

Murojatga munosabat

Oylik maoshning kechikishi iste'molchilar tomonidan amalga oshirilayotgan to‘lovga bog‘liq

Ijtimoiy tarmoqda "Andijon suv ta'minoti" AJ mas'ullari tomonidan ishchi-xodimlarga oylik maosh o‘z vaqtida berilmayotganligi haqida murojaat e'lon qilindi.
Holat bo‘yicha shuni ma'lum qilamizki, jamiyatda ishchi-xodimlarni oylik maosh bilan ta'minlash iste'molchilar tomonidan to‘lanayotgan to‘lovlarning o‘z vaqtida amalga oshirilishiga bog‘liq. Afsuski, viloyatda bir oyda 16 milliard 900 million so‘m to‘lov qabul qilinishi kerak bo‘lgani holda amalda bu ko‘rsatkich o‘rtacha 50 foizni tashkil etmoqda. Bu esa, ish haqini bir necha kun kechikish bilan tarqatilishiga sabab bo‘lyapti. Shunday bo‘lgani holda jamiyat tomonidan "To‘lov madaniyatini shakllantirish" tadbirlari joriy etilib, har bir xodim hududlarga biriktirilgan holda qarzdorlikni so‘ndirish, to‘lov madaniyatini shakllantirish borasida targ‘ibot va tashviqot ishlarini olib bormoqdalar.
Kezi kelganda shuni aytish joizki, jamiyatdagi har bir faoliyat onlayn tizimga ulangan bo‘lib, har bir xatti-harakat mas'ul idoralar tomonidan o‘z vaqtida nazorat qilib boriladi. Bu esa tizimda shaffoflikni ta'minlash. korruptsion holatlarning oldini olish, pul mablag‘larini o‘zlashtirmaslikka xizmat qilmoqda.
Bir so‘z bilan aytganda, oylik maoshni o‘z vaqtida to‘lash xodimlarning xizmat faoliyati samaradorligiga bog‘liq.

"Andijon suv ta'minoti" AJ axborot xizmati

Cabinet | Bot | Telegram |facebook| Instagram | Youtube | Website | Chat