نعي للسيدة الزهراء ع

#جديد 😭💔

زينب تودع الزاچيه اليوم
حزنت عليها وسود الهدوم
والكلب من الصار مالوم

•───✧◐◐◐✧───•

من الدمع ناكع شليلي
ومهدوم عكبج صار حيلي
من فركتچ مانمت ليلي

•───✧◐◐◐✧───•
تكلچن زينب

هم وحده مثلي مفاركة امها
وتحتار عدمن تشكي همها
لو جار الوكت بيها وهضمها

•───✧◐◐◐✧───•

ذكرن سوالفها وحچيها
وكولن بعد لا مانجيها
شالت بليل امودعيها

•───✧◐◐◐✧───•

اليوم زينب حالها شلون
تبچي على امها وعميه العيون
واليله نعش امها يدفنون

•───✧◐◐◐✧───•

يدفنون الهوى بنفاس زينب
حكها على امها ام عون تنحب
دمعتها دمه من عيونها تصب

•───✧◐◐◐✧───•

كلچن حبايب ساعدنها
من شالت ام البيت عنها
ماهده من النوح ونها

•───✧◐◐◐✧───•

تكووول …
المن بعد احچي اسراري
ظلمة عكبها اصبحت داري
اون بحزن ليلي ونهاري

•───✧◐◐◐✧───•

عله ام المحنه اليوم اونن
وكل لحضه لسوالفها احنن
نسير بعد ونروح عدمن

احوووي يم حسن يمه

•───✧◐◐◐✧───•

حنينات لوكعدن سويه
تسولف وي امها البنيه
محلاها وكت المغربيه

•───✧◐◐◐✧───•

تشكي الهضم لو مر عليها
تسولف العدها وتصغي ليها
تشيل التعب عنها وتجيها

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

صباح الحزن على بيت علي وفاطمة اصبحت الدار خالية من الزهراء 😭💔 اصبحت زينب والحسنين يتيمان وعلي يكفف دموعه على خده الشريف ينظر الى مكان فاطمة مهجور خالي لاسجادة الصلاة ولا فراشها ولا صوتها ولا نورها ويلاه يافاطمة
😭😭😭😭😭😭😭😭😭

شايفين من واحد يفكد امه وتخلص الفاتحة وكل المواسين والمعزين والأحباب تروح عنهم يحسون باليتم الحقيقي يبقون يدورون على سوالف امهم هنا كعدت وهنا نامت وهنا وكفت وسولفت وصلت ووووو تبقى فقط ذكريات معها حسرات ودموع وشجون وحزن
اعانكم الله على فقد امكم فاطمة سادتي 😭😭😭

اليوم علي وأولاده وبنته ايتام باليتم الحقيقي الحزين ماتت الوردة الزاهرة النافعة المثمرة العطرة اختفى عطرها ورونقها اصبحت تحت التراب

💔💔💔💔

يازهراااء 😭😭😭😭😭
لعنة الله على ضالميكِ يابنت رسول الله يافاطمة 💔💔

حياكم الله جميعا خادمات الحسين ع
اكثر الخادمات راسلوني يكولون شعجب ممنزلة ديوان مواجع الزهراء ع جزء ثالث

اقول لهم ان شاء الله ينزل عالرواية الثانية وتدللون بس اكمل كتابته ادزه للمطبعة كونو مترقبات انزل اعلان بقناتي من يصدر
خادمتكم ام علي الإماره

قصيدة للسيدة معصومة

{{ لكل محروم من زيارتها }}

#المستهل 👇🏻👇🏻👇🏻


وفقينـي يااخت الرضا وفقيني
لزيارتج كون بعجل سجلينـي

يايوم ادوس اعتابچ
واوكف بعتبة بابچ

لزيارتچ كون بعجل سجلينـي

•───✧◐❤️‍🔥◐✧───•

لزيارتچ يخت الرضا مشتاكه
امنيـتي اوصل يمچ ونتـلاكـه
حسره بدليلي ونارها حراكـه

اوصل ضريحچ بالعجل
مولاتي زيحي كل حمل

بجاه ابوچ الكاظم تسندينـي
لزيارتچ كون بعجل سجلينـي

•───✧◐❤️‍🔥◐✧───•

ناخيتچ ومنچ ردت هالنظـره
كون بضريحچ يالنجيبه اقـره
انصب عزية وحاظرتها الزهره

يصير اللطم عالهامه
ونـكـابـل اللـطـامـه

لحظه بضريحچ انسه بيها سنيني
لزيارتـچ كـون بـعجـل سجلينـي

•───✧◐❤️‍🔥◐✧───•

دوم انخه واطلب منچ الزياره
منتظره خيرچ مااظل محتاره
وبعينـي اشاهد كْبتچ ومنـاره

يمچ اعيش الصوره
وبمرقدچ مسروره

يخت الرضا ادريچ ماتنسينـي
لزيارتـچ كون بعجل سجلينـي

•───✧◐❤️‍🔥◐✧───•

الزارچ يغاتي تنغفرله ذنوبـه
طاهر يرد منچ وابيض ثوبــه
چن زاير الكعبه وعلنها التوبه

يمچ اعيش من جديد
ويصيرلي يمـچ عيـد

مچـلبه بـعباتـچ رايده تقبلينـي
لزيارتـچ كـون بـعجـل سجليني

•───✧◐❤️‍🔥◐✧───•

ابقى اطلب ومامل ابد دعواتي
وفقينـي كون بخدمتچ يـاغاتـي
وابچي لحزنكم ماتجف دمعاتي

عليكم اصب الدمعه
ونواسي بيها البضعه

ونصيح زهره بدفترچ كتـبيـنـي
لزيارتـچ كـون بـعجل سجلينـي

•───✧◐❤️‍🔥◐✧───•

#جديد2023

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


https://www.tgoop.com/um_ali313

#جديدحصريآ 🔥🔥

قصيدة لوفاة السيدة معصومه

{ حضرتها المنيه }

حضرتها المنيه اليوم معصومه
خل نلطم عليها واللطم كومـه

•───✧◐◐✧───•

خل نتكابـل اعليها ونجـر ونــه
هاي اخت الرضا يالضامن الجنه
تستاهل مناحه وفاتحــه ورنـه
{ ميدان اعليها توسعينه }

•───✧◐◐✧───•

ميدان ولطم سويلها وجولـه
يهاي معدله ومابيها كل لوله
معصومه لبوها اليوم كلولـه
{ خل يحظر بته بهل الليله }

•───✧◐◐✧───•

شباب ورايحـه للموت هلساعـه
ماحملت افراك ابن امها واطباعه
عافت دارهـا ولطـوس فـزاعـــه
{ والموت اتعنه ملاكيها }

•───✧◐◐✧───•

يچنها فاطمه من الصغر موتتها
ماطولت بالدنيا ومشت عنهــا
معصومه الزچيه وهيه ورثتهـا
{ بالعصمة الصغرى موروثـه }

•───✧◐◐✧───•

بيها تبركت قــم ونواحيهــا
وصارت للعلم تاريخ يحچيها
وعم الخير والنعمه بااراضيها
{ فرحان الراح اتعناها }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

#جديد😭😭🔥🔥

نعي حزين للسيدة معصومه

#ابوذيه…..

المريض اهلـه يحظرونه ويداوو
يجيبولـه الدوى لـعلـتـه ويداوو
اليطيح شلـون بـالغربـه يـداوو
ومـايمـه هلـه تسمـع ونينــه

•───✧◐◐✧───•

في مثل هذا اليوم مولاتي فاطمة المعصومه وافاها الأجل بديار الغربه وهي بعيده عن الأوطان اصبحت نحيله ضعيفه من شدة المرض الذي حل بها بالطريق
آه آه واويلاه على مصابها ….

معصومـه متعنيه لوليهــا
مــاتت ومـايدرون بيـهــا
موت الغرب يصعب عليها

•───✧◐◐✧───•

أمست نحيله من مرضها
وسلمت للباري امــرهـا
وماكو ولي الليله حظرها

•───✧◐◐✧───•

نحيله اصبحت والحال متعوب
لفراك اخـوهـا روحـهـا تـلـوب
صبحت ذابلـه ومهدلـه الثوب

•───✧◐◐✧───•

وحيده ولا واحـد ويـاهــا
وماكو اخت تعدل غطاها
ولانايحـه صاحت وراهــا

•───✧◐◐✧───•

احــاه يالماتـت غــريـبـه
موت الغرب والله مصيبه
تعنت على الزاچي حليبـه

•───✧◐◐✧───•

للرضا اتعـنت جـايـه اليـوم
مشتاكه اجت والكلب مالوم
والحال من الظيم مهظــوم

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

"

▪️كيف توفيت السيدة فاطمة المعصومة ع ومالذي جاء بها الى قم ...حقائق مؤلمة

- الشيخ عقيل الحمداني
عظم الله لك الاجر ياصاحب الزمان (عج)🏴

الزينبيات_والترندات!!!
:
◀️اولا
الركض وراء الترندات
بمرور الوقت يسقط حياء الفتاة
◀️ثانيا
بمرور الوقت ستجد الفتاة
انها تسيرة لكل ترند ولو كان تافها فارغا
◀️ثالثا
الترند فيه رسالة خفية للشباب
ان علقوا
وتجاوزوا
وهذه صفحتي بين ايديكم !!
:
((قريبا محاضرة))
#العادات_العشرة_للحوزوية_الناجحة

لطالما كنتُ أتوسل الله بضلع فاطمة إذا اشتدت عليّ الأمور، وفي كل مرة كانت تعطف عليّ، وتمسح على قلبي، لم تردني خائبةً يوماً، كانت سيدتي فاطمة الزهراء(ع) تحاوطني في كل لحظة، وتسمع كل ما أُناديها فيه دون كلل أو ملل، أنا ممتنة أن في حياتي آل بيت محمد، لولاهم من سألجأ إليه بعد الله؟

السلام على امنا الحنونة فاطمة الزهراء ع

وجه الصباح للرادود محمد الحجيرات

ميهمني السوالف من تجي بظهري
العنده وياي حك يتكابل مكابل

طريقي مستقيم
اعمل لأجل الزهراء وأولادها كل شئ يخص خدمتهم بالصورة الصحيحة
#أم_علي_الإماره

حياتك تزهر حين تصمت،
حين لا يعرف الناس عنك سوى ظلّك،
ففي الخفاء تنمو الأحلام،
وفي العزلة يصفو القلب،
فلا ضجيج يسرق منك سكينتك،
ولا أعين تلاحق نبضك،
كن سرًّا جميلاً لا يُروى،
تكون الحياة لك أحنّ وأهدأ.

اللهم لاتحرمني خدمة ال محمد الخالصه
كتاباتي ومجالسي ايامي كلها لآل محمد والعتره الطاهرين ماعندي غيرهم

خادمة ال محمد
الشاعرة والمله ام علي الامارة

ديوان بين الباب والمصاب
خاص للزهراء وام البنين ع

للشاعرة العلوية فضيلة هاشم الموسوي

للحجز والاستفسار تواصلو مع الرقم
+964 783 017 7501