وفي نِهَاية المَطاف
وأنتِهاء الخِدمة لـشهرِ مُحرم وزِيارة الأربَعين المُقدسة، نسألُ من الله (ع) بـحُرمةِ المولىٰ الحُسَين (ع) أن يَتقَبل خِدمَتنا وعزائَنا، وان يُسَجِلَنا معَ الماشينَ للُحسَين، والباكينَ والجازِعينَ للحُسَين وأن لايحرمنَا خِدّمَتهُ وزِيّارَتهُ ولا يُفرِق بينَنا وبيْنهُ طَرّفةَ عَينٍ أبدَا، وان يُعَجلَ فَرَجَ مولانا الطالِبَ بالثأرِ الأعظم صاحِبَ العَصرِ والزَمان (عج) وان يجعلنَا من أنصارهِ وأشياعهِ والمُستَشهدينَ بينَ يَديهِ الكَريمتين أنهُ سَميعٌ مُجيب والسلامُ عليكَ سَيدي أبَا عَبد الله مابَقينا و بَقي الليل والنَهار.

هوسات جنوبيه للأربعين الحسين
من ديوان #مواجع_الطف_جزء_الثامن

آه آه ياااازينب شلون حالها من رجعت لكبور اهلها مهدودة الحيل ومشيبه وتعبانه


اكوووول

بيا حال العقيله أجت لخوتهـا
جابت روسهم صوغه بعبايتها
من الظيم تـتـعثر ابـمشيتهـا
هاي اخت النشامه الروس جابتها
#وصلت كربله وصاحت يخوان
أخيتكم اجت والحيل تعبـان
ام عون مشيبه ردت ياالأخوان

اكعد يبن امي وشيل احمولي التعبانه

•───✧◐◐✧───•

احمول اختك چثيره وتعبت الحره
من ليل اهدعش اختك تجر حسره
شافت ظيم واااهات وسبي وعثره
مثل ضيم الزچيه فاطمة الزهره

#شافت رووسكم برماح مدميه
وشافت جثث فوك الكاع مرميه
وزينبكم مشت للشام مسبيه

هواي جروح بزينب رادت يمكم تحچيها

•───✧◐◐✧───•

چم آه التحمل ياكلب زينب
وچم ونه تونها الثاكله وتنحب
دمع عيونها لخوانها يسچب
درب الشام ماخذ حيلها يتعب

#الأصعب والأشد ياطبت السوك
علويه وخذوها مكييده عالنوك
وفروها الأزقه بكلب محرووك

هاي الما شافو ظلها شلون بسوك يفرها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

هوسات لأربعين الحسين
على طور داسته الخياله

من ديوان
#مواجع_الطف_جزء_الثامن


يزينب عله الناكه شلون رديتـي
وروس اهلچ كبالج بالدرب جيتي
ياهو الشال حملچ لمن انخيتـي

ماشالو احمولي / ماشالو احمولي
لمن حشمت ماشالو احمولي

•───✧◐◐✧───•

توجع كعدت الناكه الصعدتيها
بحضنچ روس خوانچ الجبتيها
وصلتي الكربله زينب دخلتيها

رديتي تعبانه - رديتي تعبانه
وبروس اخوتچ رديتي تعبانه

•───✧◐◐✧───•

تعبانه اجيتي ومحد اتلكاچ
نيام العزاز بمكبره ولياچ
ماكالو اختنا ياهله وحياچ

نيام بالحومه - نيام بالحومه
ولدچ واخوتچ نيام بالحومه

•───✧◐◐✧───•

چم راس بعباتچ جايبته اليوم
يا ذيچ الوجوه الحلوه كلها ادموم
الله يعين كلبچ بالحزن مالوم

واجت تعبانه - واجت تعبانه
جابت روس اهلها واجت تعبانه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

#قصيدة_للأربعين

#المستهل 👇🏻👇🏻👇🏻

يزينب من اجيتي شلون ونيتـي
هم نعايــه عندج لوانتي اقريتي

•───✧◐◐✧───•

نصبتيلج عزه يم كبر ابو اليمه
وجبتي راس اخوچ السابح بدمه
يم كبر العزيز وصارت اللمه
وبيا حال زينب يوم رديتي

•───✧◐◐✧───•

يم اكبور اخوتج سوي تعزيّيـه
واقري الفاتحه وصيحي الكلابيه
ريتج حاضره وتقرين لطميه
على اوليدج واخوه يايمه ونيتي

•───✧◐◐✧───•

شميت التراب ونمت يم كبره
طول بطول وياه واشم نحره
صحت بصوت وينج يمه يا زهره
اريدچ بالعزه وياي ماجيتي

•───✧◐◐✧───•

خلصت الدرب ونات مخفيه
ما بان اعله وجهي الصاير عليه
اخاف ابچي ويعيلون الزلم بيه
بسكته لودرت ابجي لهل بيتي

•───✧◐◐✧───•

ميرجعون اخوتي وما اشوفنهم
ايس ياكلب شيل الرجه منهم
بهاي الساع ياريت اندفن يمهم
ويادار المدينه موحشه اصفيتي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب القصيده الى مولاتي ام البنين عليها السلام

https://www.tgoop.com/um_ali313

خلص عدكم صفر وانتهى عاشور..
وغلگتوا الحسينيات والدور...
وطويتوا أعلامكم لمن سنة تدور...
وبگيت أنه حزينة بضلع مكسور....

- موجود يا أمي من يواسيچ طيلة أيام حياته...💔

#حصريا 🔥🔥🔥

نعي خروج السيده زينب من كربلاء الى المدينه

اخت وتريد توادع اخوها شلون تودعه وترجع للديار الخاليه لرض المدينه شلون حالها 💔💔💔
كعدت يم الكبر وصاااااحت


يخويه مودع الله اليوم ماشين
ماتكعد تكوم ويانه يحسين
لرض المدينه تردنه يحنين

•───✧◐◐✧───•

يحسين خويه كوم ليه
لبيوتنه نرجع سويـه
وترجع ليالينه الزهيه

•───✧◐◐✧───•

حملي ثجيل يريد والي
وانتم على الغبره الغوالي
واختكم نحيله وهذا حالي

•───✧◐◐✧───•

ثلث تيام يمك ماشفتنـي
ولا كلت هايه عمت ابنـي
حنينه اخيتي وجايـتنـي

•───✧◐◐✧───•

دربنه طويل يريد شجعان
وانتم صفيتو حدر تربان
واختكم ترد والحيل تعبان

•───✧◐◐✧───•

شينسه عشرتي اويه العزيزين
ياروحي موتي ولا تضلين
عليهم يكون اعميچ ياعين

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

#جديدحصريآ 💔😭🔥

قصيدة شوق لأربعين الحسين

لسان حالي وأحساسي بالعقيلة من رجعت مشتاقة لأخوها
بقلمي خادمتكم أم علي الإماره

{ يم حسين زينب }

يم حسين زينب من رجعتـي
رف كلبچ على الخوه ورجفتي

•───✧◐◐✧───•

رف كلبچ عليه يم عشرة الحلوه
بس وياچ زينب لايـگـه الخــوه
يلمتروس كلبچ غيــره وامــروه
وأحسچ للملاكه اليوم اجيتــي
يم حسين زينب من رجعتـي

•───✧◐◐✧───•

أشوفچ جايه تردين المسامر
وي اعزاز روحچ والكلب طاير
ولو نشدوچ اختنه بحالچ شصاير
سلامتكم يخوتي وما شكيتـي
يم حسين زينب من رجعتي

•───✧◐◐✧───•

شوك البيچ يازينب تطلعينــه
وتنسين الهظم والصار تنسينه
بس ملكه العزيز اليوم تردينـه
ونبرة صوته يلحره طلبتـي
يم حسين زينب من رجعتي

•───✧◐◐✧───•

اجيتي مسيره ليهم وتعبانـه
مشتاكه لهلها الروح خلصانه
تفلين الحزن والشوك حزنانه
تالي بس قهر شفتي وشبعتـي
يم حسين زينب من رجعتـي

•───✧◐◐✧───•

منهم أيست روحچ يعلويـه
ماكعدولچ اخوانچ النشميه
مافليتي شوكچ للولي شويه
حالچ ماتحمل وانوجعتـي
يم حسين زينب من رجعتي


•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة

https://www.tgoop.com/um_ali313

#هوسات_ للرسول_محمد

من ديوان #مواجع_الطف_الجزء_الثامن


عراضه وبيرغ ابأسمه يرفعون
رسول الله نبينه مرسل الكون
الشيعه تون عله امصابه وينوحون
{ تحلاله الهوسه / مولانه }

•───✧◐◐✧───•

اليله المجلس ابأسمك نصبناه
وبيرك بالعزه لجلك رفعناه
تستاهل عراضه الشيعه تنعاه
{ كل دمعه الأجله / مذخوره }

•───✧◐◐✧───•

ويه ام الحسن هاليوم حزنانين
بالمجلس نون ونهل دموع العين
على امصاب الأبو جيناج منكوبين
{ الصرخه اوياج / انعليها }

•───✧◐◐✧───•

اليله فاطمه تريد اليساعدهه
لبو ابراهيم كون ادموعك تهلهه
تلم دمعاتك التجري اعله والدها
{ وبالجنه تجازيك / اهوايه }

•───✧◐◐✧───•

لاتبخل بصوتك لو نعى رادود
ون الونته صوتك يظل موجود
يمجان اللطم مايوصله كل دود
{ وبكبرك تحظر / مولاتي }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
🚫لايجوز حذف اشكال الذمه من الهوسات

https://www.tgoop.com/um_ali313

🔶 لا يحل للمرأة أن تمزح مع البائع لتقلل من ثمن السلعة
فإن حيائها أثمن من ثمن السلعة ... (ولا يخضعن بالقول) ،

نعي للنبي لسان حال مولاتي فاطمه عليها السلام


روحي بعد ماتحمل اغياب
من شال ابوي وساد الباب
هجمو عليه الكالو اصحاب

•───✧◐◐✧───•

بس مارحت يابوي ناديت
ميته عساني وياك ياريت
مظلم يبويه ويوحش البيت

•───✧◐◐✧───•

يومك يبو ابراهيم يكتل
وكلبي على فراكك تعلل
الماعنده ابو ياناس ينحل

•───✧◐◐✧───•

خلاف الأبو تموت البنيه
راح الأبو وشلون بيه
موتك كلف يصعب عليه

•───✧◐◐✧───•

انه فاطمه يالدللتني
ليش بعجل بويه عفتني
يتيمه اصبحت يالفاركتني

•───✧◐◐✧───•

مكسور كلبي الف كسره
خلاف الأبو ياهو اليجبره
ناديت انا بنيتك الزهره

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313

رباطات نهاية عزاء للرسول

من ديوان
#مواجع_الطف_الجزء_الثامن



نعازي فاطمه بمصاب والدهــا
نبي الرحمه رحل والدور سددها
وضلت بالـديار تـنـوح وحدهــا

نتحزم وياها نتحزم وياها
ونشد اللطم نتحزم وياها

•───✧◐◐✧───•

ونعلي صرختنه ونعلي صرختنه
بالمجلس اجينه نعلي صرختنه

•───✧◐◐✧───•

ونصيح وياها ونصيح وياها
وصاحت فاطمه ونصيح وياها

•───✧◐◐✧───•

ومايرحموها ومايرحموهــا
زهره خلاف عينه مايرحموها

•───✧◐◐✧───•

ونسوي اقرايه ونسوي اقرايه
على امصاب النبي وانسوي اقرايه

•───✧◐◐✧───•

نلطم عله الهامه نلطم عله الهامه
بليلة دفنته نلطم عله الهامه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

بقيتُ على سجادتي لساعاتٍ طويلة لم أكن أصلي أو اقرأ القرآن 📖 كنت فقط أدعو اللّه بقلبي أن يُوفقني للإخلاص في حب الزهرا۽

من مصائب النبي الاعظم ص واله

قصيدة للرسول محمد لسان حال مولاتي فاطمه لبنتها زينب عليها السلام

{ جدچ راح }

جدچ راح زينب لطمي ويـاي
شال اليوم عزنه وخاب رجواي

•───✧◐◐✧───•

لطمي اوياي زينب راح الحنين
يستاهل عزه ويستاهل اونين
اظل صبح ومسيه تدمع العين
{ نتكابل / وانزيد ابجانه }

•───✧◐◐✧───•

جدچ راح يايمه من ادينــه
يتامه اخلافه يازينب صفينه
وصدك راح الحنين وايسينه
{ يادينه اويانه / مياله }

•───✧◐◐✧───•

انه انعي ييمه اوني ويــاي
من شال العزيز ازداد بلواي
من ينشد عليه ويكعد اوياي
{ احا يابويه / ويايومه }

•───✧◐◐✧───•

يايومك يبويه يهدم الحيل
هاي اعزيزتك مانامت اليل
يجد ابني عليك المدمع ايسيل
{ نجر بيها / الونه اعليك }

•───✧◐◐✧───•

تجينـي وتكعد ابيتـي يوالي
افرح من تجي ومسرور حالي
عكبك يالعزيز البيت خالـي
{ الكعده اوياك / اخسرناها }

•───✧◐◐✧───•


اهدي ثواب القصيده الى خادم الحسين السيد جاسم الطويرجاوي

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tgoop.com/um_ali313

نعي للنبي لسان حال مولاتي فاطمه عليها السلام


روحي بعد ماتحمل اغياب
من شال ابوي وساد الباب
هجمو عليه الكالو اصحاب

•───✧◐◐✧───•

بس مارحت يابوي ناديت
ميته عساني وياك ياريت
مظلم يبويه ويوحش البيت

•───✧◐◐✧───•

يومك يبو ابراهيم يكتل
وكلبي على فراكك تعلل
الماعنده ابو ياناس ينحل

•───✧◐◐✧───•

خلاف الأبو تموت البنيه
راح الأبو وشلون بيه
موتك كلف يصعب عليه

•───✧◐◐✧───•

انه فاطمه يالدللتني
ليش بعجل بويه عفتني
يتيمه اصبحت يالفاركتني

•───✧◐◐✧───•

مكسور كلبي الف كسره
خلاف الأبو ياهو اليجبره
ناديت انا بنيتك الزهره

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313

#قصيدة_للرسول_محمد
تقرى بطور السريع وطور الثكيل

#المستهل

رسول الله عليك العين لعميهه
ودمعاتي الزجيه تشهد اعليهه
رسول الله رسول الله رسول الله


•───✧◐◐✧───•

اعمي العين لوما تبجي لمصابه
وجمرات بدليلي اعليه لهابه
ابكل مجلس اصيحآ آه يايابه
ابو الأمه محمد هو حامينه
رسول الله رسول الله رسول الله

•───✧◐◐✧───•

اللطمه اعليك اشدهه واكسر اضلوعي
وبالمجلس اونلك واذرف ادموعي
تصرخ يامحمد هاي الجموعي
الدنيه اخلاف عينك طعم مابيهه
رسول الله رسول الله رسول الله

•───✧◐◐✧───•

وي جبريل كلنه اليوم حزنانين
وسفه اتروح ياجد الحسن وحسين
احنه ابحاجتك هاليوم مظلومين
الشيعه بكل وكت مولاي سابيهه
رسول الله رسول الله رسول الله

•───✧◐◐✧───•

ويه ام الحسن نبجي ونجر ونه
الف وسفه عليك انصيح سيدنه
كل هاي الخدم وياي تتعنه
الزهره بمجلسك جينه نواسيهه
رسول الله رسول الله رسول الله

•───✧◐◐✧───•

لاامسح دمعتي ولاابطل النوح
ودمعاتي على الوجنات تبقى اسفوح
وكلبي ابفركتك مولاي ظل مجروح
عندي اذنوب بس دمعتك تمحيهه
رسول الله رسول الله رسول الله

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313