قصيدة موشح لأربعين الحسين

#جديدحصريآ 💔😭

الجايه من بعيد نتلكاها
راده وراس الولي ويـاها

•───✧◐◐✧───•

راده وراس الأخو بحضينها
جايه والدمع تارس عينهـا
وصلت وصوت الحزن بونينها
والعليل اليوم هل جاباها

•───✧◐◐✧───•

جاي وي عمته يرد روس الأهل
وصلو من الشام للطف بوجل
محملين هموم وآآهات وعلل
نصيحها من بعيد يا حياها

•───✧◐◐✧───•

جابها السجاد هادل حيلـه
روس اهل بيته يردها الليله
ردو من الشام جاب العيله
حيل ماعدها الوكت خلاهـا

•───✧◐◐✧───•

ردت من الشام شبعانه قهر
وبحضنها راس محزوز النحر
عدها ماظل حيل كاضيها السهر
سبي الشام وسوكهم أذها

•───✧◐◐✧───•

شيخة النسوان ردت كلخيال
حالها متعوب من ربط الحبال
ظيم العليها يهدمها الجبال
تشكف السوط الوصل يمناها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة


https://www.tgoop.com/um_ali313

#قصيدة_للأربعين

بداية القصيدة نعي

وصلت بت علي وتريد عوانه
جابت روس اهلها اجت تعبانه
وين الي تجي تساعد الحزنانه

#المستهل 👇🏻👇🏻👇🏻

اجت الكربله وتريد نسوان
تساعدها عله النامو بتربان

•───✧◐🕊🌻🕊◐✧───•

بيارغ ناخذ ويـانـه أنـتـلكـاهـا
وعراضه نسوي يم كبور ولياها
ونـاخذ بالعزه ملايـه تنـعـاها
ونتكابل بالون وياها

•───✧◐🕊🌻🕊◐✧───•

تريد الي تون وتصيح يحسين
مكابل كون يالطم السلاطين
بهوسات وبيارغ ماتمليـن
اللطمه تصير اعله الهامه

•───✧◐🕊🌻🕊◐✧───•

حبايبها واجينه بخالص النيه
نشد احزام لطمتنـه اشتراكية
ونكابل الحره بدمعة مجرية
واعله الخوان انعازيها

•───✧◐🕊🌻🕊◐✧───•

نتلكاها كلنه باآه وبـونـه
نطين روسنه وكربله نتعنه
نصيح احاه ياضيم الجرعتنه
ونتكابل وي اخت الهيبه

•───✧◐🕊🌻🕊◐✧───•

نشوف شلونهن نزلن من الناكة
علويات اجن والروح مشتاكة
وذبن روحن يردن للملاكة
والرووس وياهن جابوها

•───✧◐🕊🌻🕊◐✧───•

#جديد2022
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313

#ختامية_عزاء_حماسيه

حال مولاتي فاطمة الزهراء

{{ مجلسكم يشيعه }}

مجلسكم يشيعه لاتختمونـه
اريد بكل عزه المآتم تنصبونه

•───✧◐◐✧───•

اذكرو المات محد غمض عيونه
واخته الحملت والروح محزونه
امسجل كل دمع لجله تهلونــه
والمذبوح ميدانــه تـعـدلونــه

((يستاهل ون لو ونينه))

•───✧◐◐✧───•

الزهره تكول ماننسه اليواسونه
وماانسه البچه والدمعه بعيونه
اسجله بدفتري الواسه المحزونه
واليحظر مـآتـم يلـطم امتونــه
يوم المحشر هناك يجازونــه
{{ حيدر وحسين يجازونـه }}

•───✧◐◐✧───•

بقلم الشاعره ام علي الامارة
غير مبري الذمه اليحذف اسم الشاعره ويتلاعب بالكلمات
العمل مهدات الى مولاي صاحب الزمان عج

https://www.tgoop.com/um_ali313

رسالة الى الزهراء"ع" أمي السلام عليكِ
أما بعد
نحن الفقراء الذين أغنانا الله بحبكِ
نحن المكسورين الذين جبرنا الله عند الاستغاثة بكِ
أمنيتنا التي طالت هي رؤية قبركِ
لا لشيء فقط لأن هموم الدنيا أثقلت كاهلنا نريد أن نلوذ بقبركِ كما نلوذ بقبر بعلكِ وبنيكِ
نريد أن نرتمي على قبركِ نبكي نتوسل بكِ
تمسحي على قلوبنا قبل رؤوسنا ثم نعود بعد ذلك مجبورين الخاطر لأنكِ الأم الحنون ،والأم لاترد بنيها مهما بدر منهم من ذنوب .💔

كلام هام عن زيارة الاربعين

ياربي لمسنا بدرب أبو السجاد ڪل الخير ،
فلا تحرمنا من خير هذا الدرب ، نريد أيام
العمر نعيشها مع الحسين وفي خدمته ، لا
تجعل الدنيا تشغلنا عن المعصومين.

👆🏻ابداع الشاعر الأديب جابر الكاظمي

قصيدة لرجوع السيدة زينب للمدينة خطاب السيده ام البنين عند ملاقاتها للسيدة زينب
من ديوان #مواجع_الطف_الجزء_الثاني

{{ يالمحد سمع صوتچ }}

يالمحد سمع صوتـچ يـعلويــه
تالي اويه الغرب تمشين مسبيه

حرامات اخت عباس وحسين
حرامات تمشي اويه الملاعين

يزينب يزينب 2

•───✧◐◐✧───•

يالعشتـي بدلال ابجـال اخوتـچ
وجارچ ماسمع همسات صوتچ
يااخت النـشامـه وعلي عـودچ
يـالماطـالعـه من باب بـيـتـچ

والأخوان على خيالچ يخافـون
والأخوان اثر جدمچ يمسحون

يزينب يزينب2

•───✧◐◐✧───•

يزينب سولفيلي شسوت اعداچ
كعدي احچيلي كلشي صار وياج
يـاهو الضاربـچ عـالمتن واذاچ
وچاوين الكفيل ام عــون وداچ

علامات عليچ مبينه هـواي
علامات چن ماشاربه الماي

يزينب يزينب2

•───✧◐◐✧───•

ام عـون الغالية چاوينه عــبـاس
كفيلچ وين ابو الغيره ونومــاس
وين الكلي يمه اختي عله الـراس
انه ابنـي اعرفه غيـره واحسـاس

ييمه خاف مقصر وياچ
ييمه كولي ويـن خــلاچ

يزينب يزينب2

•───✧◐◐✧───•

تجاوبها العقيله وتـدمع العيـن
تكلها ابنـچ وفّـي ماقـصر حنيـن
فده لحسين اخو وانطاله چفين
وانه بزوده شيخه وبت سلاطين

الهظيمه خلافه انه شفتها
الهظيمه بغـيابـه عشتهــا

يزينب يزينب2

•───✧◐◐✧───•

احچيلچ بعد بحسين وشصار
وحيد بكربلـه وما يمـه نـغــار
وجسمه بخيل أميه صارطشار
واحنـه أسرونــه صغـار وكبـار

وأجينه متعوبات كلنـه
وأجينه ماجبنـه اهلنـه

يزينب يزينب2

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

هوسات لرجوع السيدة زينب يوم الأربعين

من ديوان #مواجع_الطف_الجزء_الثاني


ركدت عبادتي من الشمس واليوم اجيتك
اكعدلي يبن امي الأجت ام عون اخيتك
محنيه رديت بهضم تكعدلي ريتك

اكعد تلكاني - اكعد تلكاني
ام عون انه الأجت اكعد تلكاني

•───✧◐◐◐◐✧───•

تلكه ضعون اخيتك والحمل شيله
يخويه وداعتك مانحمل العيله
ماعدنه ولي والحال نشكيله

يمك تعنينه - يمك تعنينه
نشكي احوالنه يمك تعنينه

•───✧◐◐◐◐✧───•

نشكي ضيمنه ولي جره اعلينه
وعذاب الصار بينه من اعادينه
يضربونه اذا نبچي اعله والينه

الكوم راوونــه - الكوم راوونــه الماشافته روحي الكوم راوونـه

•───✧◐◐◐◐✧───•

وهاي اليوم اجيتك زايد اونيني
وراسك ياابن امي جبته بحضيني
مغطيته بعباتي الشايل سنيني

بعباتي غطيته - بعباتي غطيته راسك يالولي بعباتي غطيته

•───✧◐◐◐◐✧───•

اكعد خل اسولف بالجره اعليه
جبت الراس بس ماجبت البنيه
ضلت بالخرابه اندفنت ارقيه

اعذرني ياخويه - اعذرني ياخويه
ماجبت العزيزه اعذرني ياخويه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

قصيدة التراث
( جابر يجابر )

قصيدة لأربعين الحسين ع
من ديوان #مواجع_الطف_الجزء_الثاني
{{ للخوان }}

للخوان - صوغه جايبه ام عون
جابت روسهم بلكت يكعـدون

•───✧◐◐◐✧───•

من درب اليسر ردت العلويه
صوغـه جايبه لحسين واخيه
جوه اعباة زينب روس مدميه
[ كل واحد صوغه - تهديله ]

•───✧◐◐◐✧───•

وصلت للطفوف بروح مشتاكة
ذبت روحــه زينب من الناكــه
صاحتهم اكعدو حان الملاكـه
[ جيت من الشام - تلكوني ]

•───✧◐◐◐✧───•

كعدو يخوتي وصلت عقيلتكم
تعبانه اجيت وجبت صوغتكم
مشتاكه وعلي اللمة سوالفكم
[ لعزازي الشالو - مشتاكه ]

•───✧◐◐◐✧───•

انه ام عون اضننكم نسيتوني
اجيت من اليسر ماشوف بعيوني
وعن ارقيه خويـه لاتسألوني
[ بتكم بالشام - ادفناها ]

•───✧◐◐◐✧───•

عن بتكم يخويـه لا تنشدون
ماحملت هضم من اليكرهون
فوك الراس شبحت منها العيون
[ ميته اعله الراس - ارفعناها ]

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

كأني بالعقيلة عندما تصل الى كربلاء

توصل كربله خيال من هم العليها
بكترها راس الحسين شايلته بديها
مسومر وجهه الحنين
وزينب عاميه العين
توصل كربله خيال من هم العليها

#ام_علي_الإماره

الإِمَامُ الْـحُسَيْنُ"عَلَيْهِ السَّلَامُ" مَظْهَرُ الرَّحْمَةِ الْأَلهْيَّةِ، فَإِيَّانَا أَنْ نَخْسَرَهَا!!

- الْعَلَّامَةُ السَّيِّدُ أَحْمَدُ الصَّافِي (دَامَ عِزُّهُ)

المقطع جدآ مؤثر وحزين

هنيئا لمن عاش على ذكر فاطمة الزهراء في كل حين
لعن الله ظالميكِ وقاتليكِ سيدتي

#يازهراء 💔

اداب حظور المآتم او المجالس

الشيخ المحترم الخطيب عقيل الحمداني