فزاعيه للحسين عليه السلام

من ديوان #ضمأ_الطف

{ ونكابل العلوية }


ننصب فاتحه لحسين
ونكابل العلويه

•───✧◐◐✧───•

ماسوت عزه لحسين
نجري اوياها دمع العين
اخوتها اعله الثرى امطاعين
وتالي تروح مسبيه

•───✧◐◐✧───•

نشد اللطمه وياها
نواسيها اعله ولياها
وللعافت يتاماها
اونن حيل مابيه

•───✧◐◐✧───•

نكابلها ونصيح احاه
ابن امهه عالرمل ويلاه
عاري مكطعينه اشلاه
مارحموه بني اميه

•───✧◐◐✧───•

يمعزيات عيننها
اليوم ام عون واسنها
اللطمه اوياها شدنها
على المظلوم واخيّه

•───✧◐◐✧───•

فاتحة العزيز تريد
لطامه تدك بالايد
ونلعن حرمله ويزيد
بكل مصباح وامسيه

•───✧◐◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313

كيف أكون من خدمة الإمام الحسين (عليه السلام)؟
السلام عليكم ورحمة الله وبركاته
كيف اكون من خدمة الامام الحسين ع وماهي الواجبات والشروط ليقبلني الامام في خدمته ، وكيف اكون رسالية ؟

عليكم السلام ورحمة الله وبركاته أختي الكريمة..
إن أفضل خدمة تقدمونها لسيد الشهداء (عليه السلام) هي الالتزام بطاعة الله تعالى في جميع شؤون حياتكم، والتخلق بأخلاق أهل البيت (عليهم السلام)، كالالتزام بالحجاب الشرعي، وعدم النظر المحرم، وعدم مشاهدة ما يخل بالحياء، وطاعة الوالدين وبرهم، وصلة الأرحام، وتحمل أذاهم، والإحسان إلى الناس، والصلاة في أول الوقت، والتثقف بعلوم أهل البيت صلوات الله عليهم، وحسن المعاشرة مع الزوج، وتريبة الأطفال تربية دينية، وما إلى ذلك من الأمور الكثيرة التي تظهر فيها الخدمة الحقيقية.
وقد يخفى على كثير من الناس أن هذه من أهم الأمور التي أمرنا بها أهل البيت صلوات الله عليهم؛ فيحسبون أن الخادم هو من يلطم أو ينعى أو يقيم المجالس، وإن كان عاصيا لله تعالى! كيف وقد ورد عن النبي (صلى الله عليه وآله): «ليس مني من استخف بصلاته، ولا يرد علي الحوض لا والله، ليس مني من شرب مسكرا لا يرد علي الحوض لا والله».
وعن الإمام الباقر (عليه السلام) - لجابر الجعفي -: «يا جابر! بلغ شيعتي عني السلام، وأعلمهم أنه لا قرابة بيننا وبين الله عز وجل، ولا يتقرب إليه إلا بالطاعة له، يا جابر! من أطاع الله وأحبنا فهو ولينا، ومن عصى الله لم ينفعه حبنا»، «والله ما معنا من الله براءة، ولا بيننا وبين الله قرابة، ولا لنا على الله حجة، ولا نتقرب إلى الله إلا بالطاعة، فمن كان منكم مطيعا لله تنفعه ولايتنا، ومن كان منكم عاصيا لله لم تنفعه ولايتنا، ويحكم لا تغتروا!، ويحكم لا تغتروا!».
نعم لا شك أن من موارد طاعة الله تعالى هي خدمة سيد الشهداء (عليه السلام) في النعي والبكاء وإقامة المجالس وحضورها ونحو ذلك مما يقوم به المؤمنون.
وهذه الأمور لابد من العناية بها من الرجال والنساء، كل واحد على حسب ما يستطيعه، كإقامة المجالس العامة، وتذكير العائلة بمصاب أهل البيت (عليهم السلام)، وتوعيتهم على القضية الحسينية، وتعليمهم أحاديثهم (عليهم السلام) وإقامة المجالس البيتية، وقراءة زيارة عاشوراء قراءة جماعية.
وفقكم الله لكل خير..

ومن نعم الله عليك أن يريك حقيقة الدنيا في عز شبابك حتى لايضيع عمرك وراء زينتها

مع مرور الأيام، تكتشف حقيقة من كان إلى جانبك في الشدّة والرخاء، وتفرّق بين من كانت علاقته بك خالصة، ومن كان مدفوعًا بالمجاملة أو المصلحة. وهكذا تعلّمك الحياة درسًا عظيمًا، فتصبح أكثر نضجًا ووعيًا مما كنت عليه من قبل.

اداب هامة لكل زوار الاربعين

قصيدة ثكيله لأربعين الحسين

#من_ديوان
#مواجع_الطف_الجزء_الثاني


{ ضميت راسك يالولي }


ضميت راسك يالولي جوه العبايه
من الشمس يحسين متغير اهواايه

•───✧◐◐✧───•

متغيره اوصافك يخويه وكل معانيك
فوك الرمح مرفوع راسك وانه اصد ليك
من كربله للكوفه خويه العده اموديك
وللشام راسك يالولي ويانه حمايه

•───✧◐◐✧───•

راسك يخويه كبال عيني رافعينه
طول الدرب يحسين ينظر عالضعينه
وكلما يضربون الحرم يندار لينه
وابنك علي السجاد ضل مشدوه رايه

•───✧◐◐✧───•

لمن وصلنه الشام هاي اعضم مصيبه
من جابو الراس بطشت مخضوب شيبه
ورقيه فوك الراس موتتها الحبيبه
يبن امي واحتاريت بيها بهالولايه

•───✧◐◐✧───•

شفت العجايب بالدرب واليوم اجيتك
انصب عزيه بكربله تكعدلي ريتك
يم الكبر يحسين اسويها اربعينك
اكعد وخل احجيلك الصاير اويايه

•───✧◐◐✧───•

ضيم وهظم يحسين راووني هالانذال
ضيم العلي ماينحمل ويهدم اجبال
واصعب واشد من الجره يحديني جتال
بحجار اهل الشام شمروهن ورايه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة


https://www.tgoop.com/um_ali313

كم عظيم والعظمة لله امرهم ان ينزلون جميع الصور الرافعيهن بالشوارع والمواكب 👌🏻👌🏻 دقيق بعمله وكلامة اطال الله بعمره اعوام 🤲🏻

سيعوضك الله لأنك رضيت في
وقت لم يكن فيه الرضا عليك سهلاً

تمسكو بفاطمة الزهراء الحبيبة
يازهراااء ياحبيبة روحي

👈🏻من بعت عمري عليها
ماخذت من غير اديها

#ام_علي_الإماره

نعي ندبه لطلب الشفاء
من مولاتي فاطمة الزهراء ومن فاطمة بنت الحسين العليله


لو مسنه المرض نندب الزهره
منچ نكلها نريد نضره
نحلفها بأبنها وكطع نحره


تشافينه وتحن علينه
ندريها بالشده تجينه
على احبابها امنه حنينه



ماينفع دوه ولافاد دكتور
كتلنه المرض وكلوبنه تفور
ومجبل علينه شهر عاشور


تعبنه المرض مابينه حيله
وارواحنه صارت نحيله
نشكي الهظم يم العليله


عليله وتحن اعله العليلات
تزيح المرض ماتظل ونات
تشافي يكون الخادمات


اليوم المرض كثران كثران
ونريد وكفه من ام الأحزان
تمد ايدها اعله الضال وجعان


بقلم ام علي الإماره

https://www.tgoop.com/um_ali313

إنَّ الاسمَ المقدّس لحضرةِ الصدّيقةِ الكبرى يُنجّي الإنسانَ من همومِ الدنيا والآخرة".

قصة عجيبة لاحد زوار الحسين ع

فزاعيه للإمام الحسين

#جديد للخدمه

الزهره بخدمة المظلوم
تتلكــه اليعينــوهــا

•───✧◐◐✧───•

تشد احزام وياهــم
دمعتها اعله مبچاهم
تصيح الزهره حياهم
الزيارة ماتركتوها

•───✧◐◐✧───•

كل الهلا بخدامي
واسو ابني الظامي
ويلطمون جدامي
وزينب ساعديتوها

•───✧◐◐✧───•

ماانسه البچه والصاح
بلمجلس على ابني وناح
مشايـه كصدلــه وراح
ولكربله اوصلتوها

•───✧◐◐✧───•

حي الله التعنه وجاي
من بعيد اجه مشاي
واليخدم يوزع چاي
مواكبكم نصبتوها

•───✧◐◐✧───•

تسجل فاطمة الزوار
تعد بيهم كبار صغار
الكصدو يم ابو الأحرار
الخدمه هناك يلكوها

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة


https://www.tgoop.com/um_ali313

هوسات لأربعين الحسين عليه السلام عله طور مله مسلم الوائلي

من ديوان
#مواجع_الطف_الجزء_الثاني



وين اخوان زينب خليكعدون
من درب اليسر هالردت ام عون
محنيه اجت ومغيره اللون
كعدو تلكوها / اختكم هالأجت

•───✧◐◐✧───•

تلكوها اجت كل حيل مابيها
بت حيود هيه اسباع اهاليها
حسافه ياوكتها مارحم بيها
طاحت من الناكه / وصاحت يخوتي

•───✧◐◐✧───•

تكوم امن الأرض تعثر ابممشاها
محد من اهاليها ايتلكاها
جابت روسهم جابر تلكاها
دليني اعله اخيي / تصيح ياجابر

•───✧◐◐✧───•

دليني اعله كبر حسين دليني
عماني افراك اخيي وانطفت عيني
متعوبه الهظم بفراكه غاطيني
اجت ام عون / يبن امها تلكاها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313

قصيدة اهوازيه للعباس للحوائج
من ديوان
#مواجع_الطف_الجزء_الخامس

يلعباس يلعباس - يلعباس يلعباس
أريدآ منك بشاره - أريدآ منك بشاره

•───✧◐◐◐◐✧───•
عندي هموم يامولاي يم بابك اخليها
ادري ماتقصر دوم كل حاجاتي تكضيها
واتعنه واجي تعبان يم شباچك احجيها
تتلكاني لو جيتك / ومتنعي اجي لبيتك
يابو الغيره ياعباس لتخليني محتاره

•───✧◐◐◐◐✧───•
محتاره وادك بابك يالكلك عطايا وخير
جربناك بالشده يمك لو نجي منحير
خيرك تارس الدنيه تنطي زغيرنه وچبير
كل الناس تنطيها / اليم بابك تمشيها
وماظل واحد ابابك واكف مااله چاره

•───✧◐◐◐◐✧───•
جينه لمجلسك مولاي بينه هموم كثرانه
وكالو يم كفيل ام عون ماتبقين حيرانه
وهاي انه اجيت بساع للعزب بذرعانه
بخدر الحره حلفته / اريد اليوم من بخته
يزيل اهموم العلينه ينطي الجاي يم داره

•───✧◐◐◐◐✧───•
كفو ونعمين من عباس ينطي الجايله بسرعه
وكل واحد تعناله مراده بيده ويرجعه
مشكور وثلث تنعام يلوفيت للبضعه
تستاهل يبو الغيره / رفعه ومنزله چبيره
غيور وغيرته حلوه الله لهاي مختاره

•───✧◐◐◐◐✧───•
ميقصر كمر عدنان لو ننخاه بالشده
كريم وينطي بيمناه ما خاب الكصد عنده
الضيف الجايله من ابعيد يتعناه ويكصده
يم شباچه يتعنه ومسرور لهله يرده
من بعيد ابو فاضل يتلكه الأجه وزاره

•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

لماذا سميت الزهراء أم أبيها؟؟

يا زهـراءُ
يا كُلَّ الرأفةِ والرحمة
يا كُلَّ العفّةِ والإكرام

يا زهـراء
يا أُمّاً، يا أطيبَ مِن لبنٍ عذبٍ صافٍ في عطشٍ في جوعٍ يشربُهُ الأيتام

يا زهـراء
يا صَرحاً من نورٍ، مِن طُهرٍ لا تُبصِرُهُ الأقزام

يا زهـراء
يا غَيباً.. يا سِرّاً.. يا كنزَ الإسلام

يا زهـراءُ.. جئتُكِ أسعى،
والهمُّ يُقيّدُني.. لا أدري؟!
هل هو يأسٌ
أم هو حزنٌ
أم هي آلامُ الآلام؟!
〰️〰️〰️〰️〰️〰️
سلامٌ على مليكةِ الحشرِ الأكبر، وبابِ رجائنا الأوفر..
نسألكِ يا أُمَّ الحسنِ والحسين بلُطفكِ الخفي أن تُزيحي عن قلوبِنا وعُقولِنا كُلَّ الغياهبِ والغواسقِ والحُجُبِ النفسانيّةِ الظلمانيّةِ التي تحولُ بيننا وبين إبصارِ الحقائقِ وقَبولِها

تحولُ بيننا وبين رؤية نورِ اللهِ الأنور، وحبلِهِ الأطول، وعُروتِهِ الأوثق، وبابِهِ الأدنى، ووجهِهِ الأكرم، وجنبِهِ الأوجب، وحجابِهِ الأقرب، وحُجّتِهِ الأبلغ: إمامِ زمانِنا "صلواتُ اللهِ عليه"

نسألكِ المدد يا زهراء في التوفيق لمعرفتِهِ والتوفيق لخدمتِهِ ونُصرتهِ والتسليمِ لأمرِه، والعونِ على تأديةِ حقوقِهِ إليه والاجتهادِ في طاعتِهِ واجتنابِ معصيتِه
➖➖➖➖➖➖

قصيدة موشح لأربعين الحسين

#جديدحصريآ 💔😭

الجايه من بعيد نتلكاها
راده وراس الولي ويـاها

•───✧◐◐✧───•

راده وراس الأخو بحضينها
جايه والدمع تارس عينهـا
وصلت وصوت الحزن بونينها
والعليل اليوم هل جاباها

•───✧◐◐✧───•

جاي وي عمته يرد روس الأهل
وصلو من الشام للطف بوجل
محملين هموم وآآهات وعلل
نصيحها من بعيد يا حياها

•───✧◐◐✧───•

جابها السجاد هادل حيلـه
روس اهل بيته يردها الليله
ردو من الشام جاب العيله
حيل ماعدها الوكت خلاهـا

•───✧◐◐✧───•

ردت من الشام شبعانه قهر
وبحضنها راس محزوز النحر
عدها ماظل حيل كاضيها السهر
سبي الشام وسوكهم أذها

•───✧◐◐✧───•

شيخة النسوان ردت كلخيال
حالها متعوب من ربط الحبال
ظيم العليها يهدمها الجبال
تشكف السوط الوصل يمناها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة


https://www.tgoop.com/um_ali313

#قصيدة_للأربعين

بداية القصيدة نعي

وصلت بت علي وتريد عوانه
جابت روس اهلها اجت تعبانه
وين الي تجي تساعد الحزنانه

#المستهل 👇🏻👇🏻👇🏻

اجت الكربله وتريد نسوان
تساعدها عله النامو بتربان

•───✧◐🕊🌻🕊◐✧───•

بيارغ ناخذ ويـانـه أنـتـلكـاهـا
وعراضه نسوي يم كبور ولياها
ونـاخذ بالعزه ملايـه تنـعـاها
ونتكابل بالون وياها

•───✧◐🕊🌻🕊◐✧───•

تريد الي تون وتصيح يحسين
مكابل كون يالطم السلاطين
بهوسات وبيارغ ماتمليـن
اللطمه تصير اعله الهامه

•───✧◐🕊🌻🕊◐✧───•

حبايبها واجينه بخالص النيه
نشد احزام لطمتنـه اشتراكية
ونكابل الحره بدمعة مجرية
واعله الخوان انعازيها

•───✧◐🕊🌻🕊◐✧───•

نتلكاها كلنه باآه وبـونـه
نطين روسنه وكربله نتعنه
نصيح احاه ياضيم الجرعتنه
ونتكابل وي اخت الهيبه

•───✧◐🕊🌻🕊◐✧───•

نشوف شلونهن نزلن من الناكة
علويات اجن والروح مشتاكة
وذبن روحن يردن للملاكة
والرووس وياهن جابوها

•───✧◐🕊🌻🕊◐✧───•

#جديد2022
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tgoop.com/um_ali313