قصيدة ثكيله حال خادم الزهراءع

من ديوان
#مواجع_الزهراء_الجزء_الأول

{{ ماعندي أم }}

ما عندي أم غير الزچيه
دمعاتي الها بكل عزيـه
بالوحشه تحظر ليه // وتوصي منكر بيه
ما عندي ام غير الزچيه 2

•───✧◐◐✧───•

هيه امنا الحانيه وام الأهلنه
كلنه بيها نلوذ بالزهره سندنه
مثل حنيتها مولاتي مشفنه
هي سور بيوتنه وهيه املنه

الزهره دوم ويانه // وابد ماتنسانه

بآأخر انفاس المنيه
ماعندي أم غير الزچيه 2

•───✧◐◐✧───•

امنه بالدنيه تموت تريد رحمه
تطلب من الزهره كون هناك نعمه
مو مثل هاي النعم تطلب الخدمه
بخدمة الزهرة اولدها وكون تعمه

تعمه كون عيوني // اعليها لتلوموني
نكلها بس حني عليه
ماعندي أم غير الزچيه 2

•───✧◐◐✧───•

أمي كل ايامها لأم الحسن
كالت امكم هاي تحظر بالمحن
زهره بيها العافيه وجنة عدن
لاتلوموني من احبها وبيها اجن

روحي صارت بيها // بدمي اني افديها
بكل صباح وكل مسيه
ماعندي أم غير الزچيه2

•───✧◐◐✧───•

دموعي للزهره اصبهن بالمصيبه
واذكر النيران بالباب ولهيبـه
صوره اتخيلها للزهره غريبه
وتهجم الكوم بحقدهم ياعجيبه

الزهره حيل اذوها // وبحقد عصروها
علي مكيد بالوصية
ماعندي أم غير الزچيه2

•───✧◐◐✧───•

ادعي ربي يطول عمري بالخدامه
بالمجالس اكضي عمري بلا ندامه
خدمتي مقبوله عند ام اليتامه
تسجل اسمي فاطمه ويمه علامه

خادمه لم الحسن // ابقى اون طول الزمن

عله امصاب الغاضربه
ماعندي أم غير الزچيه2

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

‏أحببت أن تكون بيننا، فصرت فينا للأبد.

متعوبين حيل الدنيه اذتنــه
وغير ام الحسن ماتكضي شدتنه
چثيره همومنه والدنيه حيل تريد
يوميه بمصايبها تولتنه

{ ماترحم بينه دنيانه }

#ام_علي_الإماره

يالعندك حزن لاتشكي للناس
توجهه للكفيل وصيح عباس
الحاجة بشاربك يلبيك نوماس
{ ادريها بچفك محلوله }
#ام_علي_الإماره

‏ مَا أن مَسني عُسر فَفَوضتُ أمرَهُ
‏ إلى الزَّهْراء إلا تَيَسرا .

فزاعية سريعه للزهراء ع

من ديوان #مواجع_الزهراء_الجزء_الثاني

شالت خيرة النسوان
كومن نلطم أعليها

•───✧◐◐◐✧───•

سوي للعزه ساحات
شيلي بيدچ الرايات
مكابل واللطم يازات
الصرخه اليوم علّيها

•───✧◐◐◐✧───•

تستاهل لطم وحداد
ونلبس علزچيه سواد
بينه هل الحزن يزداد
ولزينب نعازيها

•───✧◐◐◐✧───•

نزيد النوح والونه
وخل تجري مدامعنه
علشالت غفل عنه
نواسي اليوم واليها

•───✧◐◐◐✧───•

علصابوها بالبسمار
والحركو عليها الدار
شالت بت نبي المختار
وللمكبره اموديها

•───✧◐◐◐✧───•

تراب ورمل غطاها
بت المصطفى طاها
زينب ونت احذاها
والدمعات تجريها

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

كُلّ الطُرق الّتي تؤدّي لِرِضا الزَهراء (عليها السلام) هي طُرُقي، شُلّت قدماي عن طريقٍ يؤذيها.

من اروع القصائد الحزينه المتنوعه التي تشد العزاء تحصلونه بقناة ام زهراء الفاطمية

لتترددين اشتركي بالقناة واستمري بالمتابعة من هذا الرابط 👇🏻👇🏻👇🏻

https://www.tgoop.com/AAAAAFCTP6mH2egqJ1qA

قصيدة مربعة وتنقره فزاعية للزهراء عليها السلام

من ديوان #مواجع_الزهراء_الجزء_الأول

{{ لطم الحار }}

لطم الحار — للزهره ام الحسين
عليها نهل دمعنه ونعمي العين

•───✧◐◐✧───•

كون اعله الضلع لطمچ تخلينه
وصدرچ حيل يمعزيه تعورينه
بااسم الزاچيه ننصب تعازينه
بس الها الحزن ويلوك الونين

•───✧◐◐✧───•

يلوك اونينه وتلوك لطمتنه
بمجلس فاطمه مقبوله دمعتنه
امنه الحانيه الزهره وحبيبتنه
ابد متعوفنه ام كلب الحنين

•───✧◐◐✧───•

متعوف الذكرها ويلطم عليها
زهره تشوف كل خادم حظر ليها
يون لمصيبة الزهره ويواسيها
وللمحسن لطمنه الطايح جنين

•───✧◐◐✧───•

يهنياله اليساعد فاطمة الزهره
ويبچي للضلع يبچي عله السطره
ويشد العزه مخنوك بالعبره
ويواسي الحسن ويواسي الحسين

•───✧◐◐✧───•

مذخور اللطم ويه زينب اعله امها
من عمر الطفوله البين هاضمها
اخذ منها الحنينه التشرك بهمها
شوغات وهضم شافت من البين

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

بسطاء نحن في كل شيء
لانحب التلون ولانحب النفاق
نفضل أن نبقى على طبيعتنا كما نحن
ستبقى الطيبة عنواننا ونتعامل بأخلاق مع الجميع مهما عصفت بنا الحياة للأسوء
نعامل الجميع بأخلاقنا ولا نطمع لشيء ما