ردن والتراب بعبيهن
تعبن عمت عيني عليهن
يحسين ردن
بالكوه يمشن
بيهن بواجي وعتب بيهن

////////////////////////

ردن واشتمن ريحتكم
من بعيد وصاحن ردينه
مهضومات وكالن هسه
كون العباس يلاكينه ٢

تعبانات بكد لجمتكم
وجنكم يشكن يابو سكينه
نبجي ونلطم يمكم صاحن
وداعة غيرتكم مابينه٢

دليني وحده تكل للاخره
ردن عبي وعيون حمره
من التعب خلصن
بالكوه يمشن
بيهن بواجي وعتب بيهن ٢

/////////////

بالكوه يشيلن رجليهن
بس من وصلن ليكم ركضن
الشوك البيهن ركضهن
ويم كبر العباس التمن

صاحن ردينه من الغربه
يهالغيره تلكو الردن
مابيهن حيل على البويه
تعبانات وكوه يلطمن
زينب برد جفها وحضنها
ام واخت كلها اشوى منها
حكهن يعتبن
بالكوه يمشن
بيهن بواجي وعتب بيهن

/////////////

جنكم وحده تجي لوحده
يهالملكه يريدن ملكه
جنكم بس كلوب يدكن
نشفن من دموع الفركه

دموع الحرمه تغيض الزلمه
من اضل باب النخوه دكه
يهالنخوه وجنكم يبجن
ودمعات المهضوم تحركه
مابيهن الناشف جفنها
ولابيهن البهداي ونها
من الفركه تعبن
بالكوه يمشن
بيهن بواجي وعتب بيهن

////////////////
من زغيرتهن لجبيرتهن
حدبن من ضيم الشافنه
ياهي اكبرهن مايتميزن
نفس المشيه ونفس الونه

منهن بس زينب معروفه
كلساع لواحد تتعنه
وسمعن من كبر الجايبهن
ردن وحدجن عذرنه
درب السبي تعبه كضاهن
ولرض الوطن رده وراهن
ردتهن المن
بالكوه يمشن
بيهن بواجي وعتب بيهن

/////////////

الشاعر المبدع مرتضى حرب



من اروع القصائد الحزينه المتنوعه التي تشد العزاء تحصلونه بقناة العبرة الحسينية

https://www.tgoop.com/amAli30

لحن القصيدة 💔

في يوم القيامة يأتي النداء:
أينَ زوار الحُسين؟
#السيد_مرتضى_المدرسي

قصيدة ندبه للأمام المهدي عج
من ديوان #مواجع_الطف_الجزء_الأول

{ اندبك ياأمامي }

اندبك ياامامي الحجه مولاي
طالت غيبتك ياسيدي اهواااي

اندبك كل مسيه
متى الطلعه البهيه

طالت غيبتك ياسيدي هوااي

•───✧◐◐✧───•

كل يوم اليمر ننتظرك بشوك
بفراكك حبيبي الكلب محروك
منتظريك تطلع تاخذ احكوك

ثار الزهره وحسين
تاخذهن يالحنين

من فركاك بينه زايد الداي
طالت غيبتك ياسيدي هوااي

•───✧◐◐✧───•

العيشه بغيبتك مولاي مره
بوسط اصدورنه مكسوره عبره
يمك كل عملنه وانت ادره

تدري شصار بينه
وتسمع لو نخينه

بس يمك حبيبي شاغل الراي
طالت غيبتك ياسيدي هوااي

•───✧◐◐✧───•

سراب الدنيا بغيابك يمهدي
حياة بلا وجودك مرض معدي
عايش باانتظارك ماكو عندي

بس انت الأتانيك
بروحي سيدي اشريك

نفرح لو طلعت وتكسر اعداي
طالت غيبتك ياسيدي هوااي

•───✧◐◐✧───•

حلات الدنيا انت تكون موجود
وتزهي بطلتك وايامك تعود
انت بكل وكت مولاي مريود

وكتنه يريد والي
وغيرك ماكو غالي

وجودك سيدي ينورها دنياي
طالت غيبتك ياسيدي هوااي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

زيارة النساء الى قبر الإمام الحسين صلوات الله عليه

بِسْمِ اللَّـهِ الرَّحْمَـٰنِ الرَّحِيمِ
((فَجَآءَتۡهُ إِحۡدَىٰهُمَا تَمۡشِي عَلَى ٱسۡتِحۡيَآءٖ))

قال الإمام الصادق (عليه السلام)
يَا زُرَارَةُ، مَا فِي الْأَرْضِ مِنْ مُؤْمِنَةٍ إِلَّا وَقَدْ وَجَبَ عَلَيْهَا أَنْ تُسْعِدَ فَاطِمَةَ عَلَيْهَا السَّلَامُ فِي زِيَارَةِ الْحُسَيْنِ.

عَنْ أُمِّ سَعِيدٍ الْأَحْمَسِيَّةِ، تَقُولُ:
قَالَ لِي أَبُو عَبْدِ اللَّهِ "الصَّادِقُ عَلَيْهِ السَّلَامُ":
(يَا أُمَّ سَعِيدٍ، تَزُورِينَ قَبْرَ الْحُسَيْنِ؟ فَقُلْتُ: نَعَمْ، قَالَ: زُورِيهِ، فَإِنَّ زِيَارَةَ قَبْرِ الْحُسَيْنِ وَاجِبَةٌ عَلَى الرِّجَالِ وَالنِّسَاءِ).

عَنْ أُمِّ سَعِيدٍ الْأَحْمَسِيَّةِ قَالَتْ:
جِئْتُ إِلَى أَبِي عَبْدِ اللَّهِ عَلَيْهِ السَّلَامُ فَدَخَلْتُ عَلَيْهِ فَجَاءَتِ الْجَارِيَةُ فَقَالَتْ: قَدْ جِئْتُكِ بِالدَّابَّةِ، فَقَالَ: يَا أُمَّ سَعِيدٍ أَيُّ شَيْءٍ هَذِهِ الدَّابَّةُ، أَيْنَ تَبْغَيْنَ تَذْهَبِينَ؟ قَالَتْ: أَزُورُ قُبُورَ الشُّهَدَاءِ، فَقَالَ: مَا أَعْجَبَكُمْ يَا أَهْلَ الْعِرَاقِ، تَأْتُونَ الشُّهَدَاءَ مِنْ سَفَرٍ بَعِيدٍ، وَتَتْرُكُونَ سَيِّدَ الشُّهَدَاءِ لَا تَأْتُونَهُ؟! قَالَتْ: قُلْتُ لَهُ: مَنْ سَيِّدُ الشُّهَدَاءِ؟ قَالَ: الْحُسَيْنُ بْنُ عَلِيٍّ، قُلْتُ: إِنِّي امْرَأَةٌ، فَقَالَ: لَا بَأْسَ لِمَنْ كَانَ مِثْلَكِ أَنْ تَذْهَبَ إِلَيْهِ وَتَزُورَهُ، قَالَتْ: قُلْتُ: أَيُّ شَيْءٍ لَنَا فِي زِيَارَتِهِ؟ قَالَ: تَعْدِلُ حِجَّةً وَعُمْرَةً وَاعْتِكَافَ شَهْرَيْنِ فِي الْمَسْجِدِ الْحَرَامِ وَصِيَامَهُمَا وَخَيْرٌ مِنْهَا، قَالَتْ: وَبَسَطَ يَدَهُ وَضَمَّهَا ثَلَاثَ مَرَّاتٍ.

عَنْ يَحْيَى بْنِ مُسَاوِرٍ قَالَ:
كَانَ جَعْفَرُ بْنُ مُحَمَّدٍ (ع) جَالِساً فَأَقْبَلَتِ امْرَأَةٌ مِنَ الْعَرَبِ، فَقَالَ: مَا لِي لَمْ أَرَكِ مُنْذُ أَمْسِ؟ قَالَتْ: كُنْتُ عِنْدَ قُبُورِ الشُّهَدَاءِ. قَالَ: تَرَكْتِ سَيِّدَ الشُّهَدَاءِ عِنْدَكِ! قَالَتْ: مَنْ هُوَ؟ قَالَ: الْحُسَيْنُ (ع). قَالَتْ: أَزُورُهُ؟ قَالَ: نَعَمْ، زُورِيهِ فَإِنَّهُ أَفْضَلُ مِنْ حِجَّةٍ وَحِجَّةٍ؛ حَتَّى عَدَّ عَشْراً. فَقُلْتُ: فَمَا لِمَنْ زَارَهُ مَاشِياً؟ قَالَ: لَهُ بِكُلِّ خُطْوَةٍ حِجَّةٌ وَعُمْرَةٌ.

قصيدة للحسين جنوبيه
من ديوان
#العبرة_الفاطمية_جزء_الأول

{ وسعي الميدان }

اهنا يللاطمه - وسعي الميدان
وياچ ام حسن طبت بـالأحزان

✫───⊹⊰⊹───✫

اجت ام الحسن وي اليلطمون
تريد تشوف شيعتها شيسوون
هم عدهم عزه لحسين يعزون
{ حسين الضامي / يذكرونه }

✫───⊹⊰⊹───✫

تحظر فاطمة وتنظر اللطامه
على المظلوم ابنها الرضو اعظامه
وفوك الكاع شمرو منه العمامه
{ ضلت عالكاع / امدمايه }

✫───⊹⊰⊹───✫

تكول ام الحسن وين اليعازيني
بالمذبوح ابني خل يواسيني
راح عزيز كلبي وثمرة سنيني
{ بحسين اليوم / نواسيها }

✫───⊹⊰⊹───✫

نواسيها وندك صدورنه وياها
نساعدها على المذبوح ضنواها
الله يعينها كثران بلواها
{ اتعينچ زهره / وعينيها }

✫───⊹⊰⊹───✫

شدوله العزه وحسين لاتنسوه
ضل يومين نايم غسل ماغسلوه
وراسه اعله الرمح عدوانه يعلكوه
{والراس برمحه / معلكينه }

✫───⊹⊰⊹───✫

بقلم الشاعوة ام تحسين البصرة
غير مبري الذمة اليحذف اسم الشاعره وينسب الكلام له


https://www.tgoop.com/a1230th

قصيدة لأربعين الحسين
تقرأ بطور الفزاعي والمربع وطور الشور السريع

من ديوان #مواجع_الطف_الجزء_الثامن

{{ زينب جايه }}

زينب جايه من الشام للحومه
ردت ناحله وبالروس مهظومه

•───✧◐◐✧───•

مهضومه اجت زينب وتعبانه
ترد راس الولي هاليوم لمچانه
مو ذااك الحسين اشفافه ذبلانه
جابت راس اخوها مغيره رسومه

•───✧◐◐✧───•

وجهه حسين متغير معانيه
زينب ردت اعله حسين محنيه
مشيبه من الهضم ردت العلويه
تكله اكعدلي ماتحلالك النومه

•───✧◐◐✧───•

نوم المكبره لختك تمنيته
جوه تراب كون ونعشي زتيته
مو راسك بحضني اليوم رديته
الكاسرني يخويه الراس بدمومه

•───✧◐◐✧───•

هذا الراس جبته وحيل مابيه
شحچيلك بعد ماجبت البنيه
مـاتت بالخرابه بنتك رقيــه
آآ يالشام يكتل حيل يايومه

•───✧◐◐✧───•

يخويه بالخرابه وسوك طبونه
شتمو والدي وكل احنه سبونه
نتغشه بعبينه ولا يشوفونه
وحتى لشوفتك ياخويه محرومه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

وثواب القصيده لجميع الخادمات المشتركات بخيمة عزاء اهل البيت ع
لايجوز حذف الأهداء وبراء الذمه

https://www.tgoop.com/um_ali313

نعي لأربعين الحسين ع
من ديوان #مواجع_الطف_الجزء_السادس

تكول زينب ……

عادة الميت بااربعينــه
تزوره هله وتحظر بنينه
اليفكد هله يكثر ونينه

•───✧◐◐◐✧───•

اربعين يوم اهله يحسبون
وصبح ومسيه اعليه يبچون
للمكبره كلهم يروحون

•───✧◐◐◐✧───•

ثواب اعله ميتهم يوزعون
ومجلس عزه لجله ينصبون
وكل ليلة الجمعه يزورون

•───✧◐◐◐✧───•

وام عون ماسوت اقرايه
ومن السبي جابت هدايه
روس الأهل جوه العبايه

•───✧◐◐◐✧───•

ولانصبت الماتم لخوها
شماتـه بهلها و عذبوها
بدرب اليسر وليه ولوها

•───✧◐◐◐✧───•

ولا كعدت ولطمت لهلها
راحت يسيره ومحد الها
وردت بروس الشيم كلها

•───✧◐◐◐✧───•

من وصلت كبور الغوالي
صاحت يخويه هذا حالي
اكعد تلكاني يواااالي

•───✧◐◐◐✧───•

عالكبر ذبت حيلها ام عون
تعبانه اجت ومغيره اللون
ومن القهر عميانه العيون

•───✧◐◐◐✧───•

مناوب ……

كعدو يهلنه كعدو يهلنه
من نومكم كعدو يهلنه


ليكم وصلنه ليكم وصلنه
من السبي ليكم وصلنه


طايح حملنه طايح حملنه
صوب الغرب طايح حملنه

عميه اعله اخوي اليوم عيني

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

قصة زيارة جابر الأنصاري الى قبر سيد الشهداء في يوم الأربعين ولقائه مع الركب الحسيني

عن عطية العوفي قال: خرجت مع جابر بن عبد الله الأنصاري زائراً قبر الحسين بن علي فلما وردنا كربلاء، دنا جابر من شاطئ الفرات، فاغتسل، ثمّ اتزر بإزار وارتدى بآخر، ثمّ فتح صرّة فيها سعد فنثره على بدنه، ثمّ إنّه لم يخط خطوة إلاّ ذكر فيها الله تعالى حتى إذا دنا من القبر قال: المسنيه يا عطية، فألمسته، فخر على القبر مغشياً عليه، فرششت عليه شيئاً من الماء، أفاق قال: يا حسين، يا حسين، يا حسين، ثلاثاً، ثمّ قال: حبيب لا يجيب حبيبه، وأنّى لك بالجواب وقد شخبت أوداجك على أثباجك، وفرّق بين رأسك وبدنك، فأشهد أنك ابن خاتم النبيين، وابن سيد الوصيّين، وحليف التقى، وسليل الهدى، وخامس أصحاب الكساء وابن سيد النقباء، وابن فاطمة سيدة النساء...
قال عطية: ثمّ جال ببصره حول القبر فقال: السلام عليكم أيتّها الأرواح الطيبة التي بفناء الحسين أناخت برحله، أشهد أنكم قد أقمتم الصلاة وآتيتم الزكاة وأمرتم بالمعروف ونهيتم عن المنكر وعبدتم الله حتى أتاكم اليقين.

لقاء جابر بالإمام زين العابدين عليه السلام
بينا جابر وعطا ومن معهما كانوا يزورون الحسين عليه السلام إذ بسواد قد طلع عليهم من ناحية الشام، فقال جابر لعبده: انطلق إلى هذا السواد وآتِنا بخبره فإن كانوا من أصحاب عُمر بن سعد فارجع إلينا، لعلَّنا نلجأ إلى ملجأ، وإن كان زين العابدين  عليه السلام فأنت حُرٌّ لوجه الله تعالى.
مضى العبد، فما أسرع أن رجع وهو يقول: يا جابر، قم واستقبل حرم رسول الله صلى الله عليه وآله، هذا زين العابدين قد جاء بعمَّاته وأخواته.
فقام جابر يمشي حافي القدمين، مكشوف الرأس، إلى أن دنا من الإمام زين العابدين،

فقال عليه السلام له: ( أنْتَ جابر ) ؟ قال: نعم يا ابن رسول الله فقال الإمام عليه السلام:

يا جابر هاهُنا واللهِ قُتلت رجالُنا، وذُبحِت أطفالُنا وسُبيَت نساؤنا، وحُرقَت خِيامُنا💔

لواعج الأشجان - السيد محسن الأمين - الصفحة ٢٤٢

نعي لأربعين الحسين ع
#جديد

"فتساقطنَ بنات رسول الله علىٰ القبور،
كتساقط أوراق الأشجار".

-هكذا وصف الرّاوي حال الفاطميّات عند وصولهم لكربلاء.



كعدن على كبور العزيزين
وام عون تنعه ام كلب الحنين
تكلهم اجيناكم مسيرين

•───✧◐◐◐✧───•

حنت واجت لهل الحمية
وصلت اراضي الغاضرية
صاحت ياهلي لحكو علية

•───✧◐◐◐✧───•

كعدولنه يمكم اجينه
تعبانات يمكم سيرينه
وين الحنين يكوم لينه

•───✧◐◐◐✧───•

راحت لخوها الشوك بيها
نادت حسين يكوم ليها
عمت الولد عينه عليها

•───✧◐◐◐✧───•

عطشانه زينب مو على الماي
عدها حچي وسوالف هواي
صوب النهر صاحت يرواي

•───✧◐◐◐✧───•

يم الكفلها تعنت ام عون
تعبانه وذبلانات العيون
اكعد تكله لهاي الضعون

•───✧◐◐◐✧───•

صار اربعين وجيت ليكم
مشتاكه للكعده وحچيكم
الفركة طويله ومانجيكم

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313

العودة ان شاء الله عليكم يخدام

#قصيدة_للأربعين_للحسين

#المستهل

براحتج يم عون نزلي الناكة
وشبعي منهم يالعقيله املاكة

•───✧◐◐✧───•

براحتج نزلي لخوتج من تجين
حيل ماعندج ولا تتعورين
يوجع الدلال يفراك الحنين
للكعده اوياهم مشتاكة

•───✧◐◐✧───•

براحتج ليطيح راس حسينج
الشايلته من العده بحضينج
ياصبر صبرج والله يعينج
يانار الشالو حراكة

•───✧◐◐✧───•

نارهم وسط الدليل موجره
ونزلت الناكة صعب تنزل مره
جان ابو فاضل اليحني اضهره
زينب من ردت مالومه

•───✧◐◐✧───•

حيل ماضل عندج بدرب السبي
راحه ماشفتي ويقودج اجنبي
وفوك كتل اخوانج محركة العبي
بيد الظلام وميسوره

•───✧◐◐✧───•

شبعي منهم نزلي كون براحتج
لاتـعثـرين وتـروح اعبايــتــج
امشككه وبيها حرك من خيمتج
والروس براضه نزليها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى روح مولاتي العقيله زينب

https://www.tgoop.com/um_ali313

#جديدحصري

قصيدة لأربعين الحسين

{{ اجت ام عون }}

اجت ام عون ردت بالفواطم
جابت روس اهلها بلا عمايم

•───✧◐◐✧───•

جـابـت روسهم غـاطيها التراب
من درب اليسر متعنيه الأحباب
ومصيوبه اجت مصوبه اصواب
{ ردت لخوتها تعبانه }

•───✧◐◐✧───•

تعبانه وتون كل حـيل مـابيـهـا
جابت روسهم والظيم غاطيها
ذبت روحها اعله الكبر مابيهـا
{ ماكامو ليها تلكوها }

•───✧◐◐✧───•

يم كبورهم كعدت العلويه
جابت روسهم متربه ومدميه
صاحت يخوتي كومولي مابيه
{ انفل الشوك اني وياكم }

•───✧◐◐✧───•

كعدو يخوتي يالراحتي يمكم
من الشام اجيت وانه اخيتكم
مااعتب ردت بس ردت شوفتكم
{ لوجوه الحلوه مشتاكه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tgoop.com/um_ali313

قصيدة مربعة للحسين للأربعين

{ مستهل القصيدة }

اخيي البي حميه محمل افراكه
اجيت من اليسر ويـاه اتلاكــه

•───✧◐◐✧───•

جبت الراس وياي وتعنيته
ماتكعد لخيتك هيچ حاچيته
مهضومه ونحيلة وحيلي هديته
متعنيه لعزيزي بروح مشتاكة

•───✧◐◐✧───•

كوم اكعد يخويه اتلكه البنات
من درب اليسر ردن حزينات
مشتاكات اجن خويه ونحيلات
اجن من اليسر والدمعه حراكه

•───✧◐◐✧───•

يخال ابني وحكك مانمت ليلي
من ليل اهدعش مهدود ياحيلي
اون سكته واكلها دمعتي سيلي
ذباحك يخويه للضعن ساكه

•───✧◐◐✧───•

يخويه جايه وكل حيل مابيـه
يم كبرك اجيت اكعدت محنيه
شحجيلك يخويه الصاير اعليه
ايام السبي يـاخوي فتاكــه

•───✧◐◐✧───•

اكعد شوف حالي واسمع الونه
جبت راسك يخويه وليك اردنه
تكعد يالولي لو اكطع الضنــه
منك يالعزيز ارد اشبع ملاكه

•───✧◐◐✧───•

حشمتك يخويه بالجره اعليه
باارض الشام ماتت بنتك ارقيه
محتاره شكلك بالجره بيـه
شحچيلك يخويه الدمعه سباكه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tgoop.com/um_ali313

{ هوسات لصاحبة المجلس }

من ديوان #مواجع_السجين_جزء_الثاني


هاي الهوسه لم الدار للمانست مولاها
ونصبت مأتمه بالبيت وام الحسن ترعاها
لوليدچ الماتم هذا صيحن هله بطرواها
الزهره تحب الخادم - ينصب مآتم وسط الدار

•───✧◐◐◐◐✧───•

تفيدچ هل المجالس من تنصبيها
أم حسين تتعنه وتجي ليها
تكول الذكرت اولادي ادخل عليها
بنص ميدانها اتعنه واواسيها
الزهره بيتچ تدخل - والخير وياها

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tgoop.com/um_ali313