#Ofarin!
🤩Buxorolik o‘quvchilar – xalqaro tanlov g‘oliblari!

✨1-iyun — Xalqaro bolalarni himoya qilish kuni munosabati bilan “Tong yulduzi” gazetasi tahririyati hamda Ozarbayjon Respublikasi “AZERTAJ” axborot agentligining “Detskoye znaniye” portali hamkorligida “Suratlarda Vatan madhi” nomli xalqaro rasmlar tanlovi e’lon qilingan edi.

✨Bu tanlovda O‘zbekiston va Ozarbayjondan yuzlab tasviriy san’atga ishtiyoqmand iqtidorli yoshlar ishtirok etdi. Quvonarlisi, tanlovning barcha g‘oliblik o‘rinlarini buxorolik o‘quvchilar qo‘lga kiritishdi!

1️⃣-o‘rin – Shahriza Sadriddinova, Buxoro shahri 2-maktab o‘quvchisi, viloyat “Barkamol avlod” markazining “Tasviriy san’at” to‘garagi a’zosi

🔤-o‘rin – Mohichehra Rustamova, Buxoro shahri 9-maktab o‘quvchisi, “Barkamol avlod” markazining to‘garak a’zosi

3️⃣-o‘rin – Xurshida Kamolova, Buxoro shahri 2-maktabning 6-sinf o‘quvchisi

✨Bugun “Tong yulduzi” gazetasi muharriri Feruza Adilova boshchiligidagi ijodiy jamoa Buxoroga tashrif buyurib, g‘olib o‘quvchilar bilan uchrashdi hamda ularga diplomlar va esdalik sovg‘alarini tantanali ravishda topshirdi.

✨Viloyat “Barkamol avlod” bolalar markazida bo‘lib o‘tgan mazkur uchrashuv samimiy va iliq ruhda o‘tib, yosh ijodkorlar uchun unutilmas taassurot qoldirdi.

✅Buxoro viloyati maktabgacha va maktab ta’limi boshqarmasi kanallariga a’zo bo‘ling👇
Telegram | Facebook