መባ tube ዲ/ን አሸናፊ ፍቃዱ

መኖርያ ቤታቸውን ሸጠው የአርባምንጭ ዝጊቲ አቡነ ገብረ መንፈስ ቅዱስን ታምር አድራጊ ጸበል ለዓለም ያስተዋወቁ የጻድቁ ባርያ የሆኑ ምስጉን እናት
~~~~~~~

መጠርያ ስማቸው ወ/ሮ ካሠች ይባላሉ። ቅድስት ቤተክርስትያን ወለተ ማርያም ብላቸው ትጠራችዋለች። በመምህርነት የሞያ መስክ ዕድሚያቸውን ሙሉ አገልግለዋል።

ዕድገት እና ነዋሪነታቸው አርባምንጭ ከተማ ላይ ነው።

ወዳጅ ልጆቻቸው "እናታችን" ብለው ይጣሯችዋል። ፍጹም መረጋጋት ግርማ ካለው የእናትነት ጸጋ ጋር ፊታቸው ላይ ይነበባል።

የዛሬውን እንኳን አደረገው እና ያቺ ጥንታዊቷ ከ120 ዓመታት በላይ ዕድሜ ያስቆጠረችው ከአርባምንጭ ከተማ በ17 ኪሜ ርቀት ላይ የምትገኘው ፣ ካህናት እና ዲያቆናት ከከተማ በወር አንዴ እየመጡ የሚቀድሱበት ልትወድቅ ደርሳ በየእለቱ ጭቃ እየተመረገባት በግድ የቆመችው የዝጊቲ አቡነገብረመንፈስቅዱስ ቤተክርስቲያን እንደዛሬ ብዙዎች አያውቋትም ነበር።

የጻድቁ የአቡነ ገብረ መንፈስ ቅዱስ ጸበልም በአከባቢው ማህበረሰብ ከጥንት ጀምሮ የሚጠቀሙት ቢሆንም በሣር በጥሻ እና በጎርጅ ውስጥ የተደበቀ ነበር።

"በስሜ ገንዘብ ሳትለምኝ በእራስሽ ገንዘብ ጸበሉን ገንቢልኝ ፤ገንዘብ ከሌለሽም በኮባ ቅጠል አጠራቅመሽ የሰው ልጆች ይድኑ ዘንድ አሳውቂው" ሲሉ በህልም ከጻድቁ እንደተረዱ የሚገልጹት እኝህ እናት ስፍራው ላይ ከ44 በላይ የጸበል ምንጮችን በጻድቁ ረዳትነት አመላክተዋል።

እነዚህ የጸበል ምንጮችም ዛሬ ላይ ለጸበልተኛው የፈውስ እና የድህነት ምክንያት ሆነው በጻድቁ ምልጃ በክርስቶስ ኢየሱስ ምህረት እና ቸርነት ኃይል እያደረጉ ይገኛሉ።

የገዛ መኖርያ ቤታቸውን ሸጠው የጻድቁን የጸበል ስፍራ አስገንብተው ደውያን እንዲፈወሱ፣ደካሞች እንዲያርፉ ምክንያት ሆነዋል።

ቅድስት ቤተክርስቲያንም ለእዚህች ምስጉን እናት ለአገልግሎታቸው እውቅና ሰጥታቸዋለች።

ዛሬ ላይ ይህ ስፍራ ከግማሽ ቢሊዬን ብር በላይ በሆነ ሐብት በአንዲት እህታችን አማካኝነት ግንባታው እየተከናወነበት ሲሆን ዛሬም ድረስ ህገ ቤተክርስቲያንን በጠበቀ መልኩ የሱባኤ እና የእረፍት በዓት ሆኗል።

የእናታችንን የአገልግሎት ዘመን ያርዝምልን!

547 viewsመባ ቲዩብ, 13:18