Buyurtma №1094 — #aktiv
👨‍💻 Mavzu: LILYGO TTGO T-SIM7000G МОДУЛЬ ESP32 A7670E
📝 Vazifa: LILYGO TTGO T-SIM7000G qurilmasini ESP32 bilan ulash kerak.
Modbus RTU orqali ma'lumotlarni o'qish va bu ma'lumotlarni MQTT brokeri orqali serverga uzatish kerak.
🕛 Muddati: Kelishilgan holda
💰 Narxi: Kelishilgan holda

#Dasturlash #Back-enddasturlash

Sun’iy intellektga (SI) yondashuv

Yaqinda chiqqan ba’zi yangiliklardan butun sanoat taxminan qaysi tomonga qarab ketishini payqash mumkin. Bu, asosan, kattaroq kompaniyalar SIga bo’lgan yondashuvining o’zgarishi. Facebook, Microsoft kabi katta kompaniyalar yo’lga qo’yadigan ba’zi tajribalar, o’z-o’zidan, boshqa kichikroq kompaniyalar tomonidan ham qabul qilinadi.

Quyida oxirgi oylarda kompaniyalarning SIga strategik tomondan yondashuvini va qo’shimcha ma’lumotlarni keltiraman.

Shopify

Reflexive AI usage is now a baseline expectation at Shopify - Shopify asoschisi va bosh direktori Tobi Lutke kompaniyaga yuborgan xatini hamma bilan bo’lishdi:
- Endi kompaniyada SIdan samarali foydalanish asosiy talablardan biri.
- SI prototiplar qilish jarayonining ajralmas qismi bo’lishi lozim.
- Faoliyatni baholash (performance review) SI bo’yicha savollarni o’z ichiga oladi.
- Ishga olishdan oldin nega bu vazifani SI orqali qilib bo’lmasligi tasdiqlanishi kerak.
- Va bu hammaga talluqli.

Duolingo

Duolingo is going to be AI-first - Duolingo hozirgi jarayonni xuddi mobil interfeyslar paydo bo’lgan vaqtga o’xshatyapti. Kompaniya nimalarni o’zgartiryapti:
- Yollanma ishchilarni (contractor) asta-sekin SI bilan almashtirish.
- SIdan foydalanish ishga olish jarayonida e’tibor beriladi.
- SIdan foydalanish faoliyatni baholashga ham hisobga olinadi.
- Avtomatlashtirib bo’lmaydigan jamolargina yangi xodimlar olishi mumkin.
- Ko’p bo’limlarning faoliyati keskin o’zgaradi.

Microsoft/Meta

Satya Nadella va Mark Zakerbergning Llamacon’dan qisqa va to’liq videolari:
- Microsoft: kompaniyada 20-30% kod SI yordamida yozilyapti. Kuni kecha kompaniya xodimlarni 3% ga qisqartirishini bildirdi.
- Meta: 2026-yilda Meta’da 50% kod SI tomonidan yoziladi.

Klarna

Klarna misoli qiziq. O’tgan yili kompaniya ishga olishni 12 oyga muzlatib qo’ygandi. Maqsad: xodimlarni SI bilan almashtirish va kompaniyani kichraytirish (xodimlar soni masalasida).
Lekin kompaniya yaqindan boshlab yana odamlar olishni boshladi. Sabab: Klarna mijozlari uchun odam bilan muloqot qilish imkoniyatini qoldirish.

Fiverr

Fiverr bosh direktori Micha Kaufman yozyapti:
- SI ish o’rningizga da’vogarlik qilyapti, hatto, mening ishimga ham.
- Farqi yo’q qaysi soha: dasturchi, dizayner, mahsulot menejeri, data scientist, yurist, savdo, moliya va hokazo.
- Oson topshiriqlar yo’qoladi, qiyin topshiriqlar osonga aylanadi, imkonsiz topshiriqlar yangi qiyinga aylanadi.

Hozirgi holat

- SI hayotning yoki ishning chetlab o’tib bo’lmaydigan qismiga aylanib bo’ldi.
- ChatGPT otasiga ishonsak, SI internet ixtirosi bilan teng yoki undan ham kattaroq.
- SIni tezroq, samaraliroq tatbiq qiladigan kompaniyalar yutib boraveradi.
- SIdan to’g’ri foydalanigan mutaxassislar ham g’olib chiqib boradi.

Kompaniyalarga taklif

- Dasturchilarga Cursor/Windsurf/Copilot kabi uskunalarni hoziroq berish lozim. Turli agentlarni sinab ko’rgandan keyin, eski usulda kod yozish juda sekindek tuyuladi.
- Qolganlarga ChatGPT kamida yoki Gemini.
- Jarayonlarni moslashtirish: ishga olish, faoliyatni baholash kabilarda SI bilimini qo’shish.
- Jarayonlarni optimallashtirish: juda ko’p narsani avtomatlashtirish mumkin. Odamlar Zapier yoki n8n orqali ham agentlar qurib tashlayapti.

Fikrlar va savollar izohlarda. Welcome to the new world!

@farhodjon #ai

Assalomu alaykum, yaxshilar.
Yaxshimisizlar?
Xabaringiz bo'lsa kerak, men hozir Jahon School maktabida direktor bo'lib ishlayapman.
Bu maktabda biz tarix yozyapmiz. O'zbekistonda eng ilg'orlaridan biri bo'lishi kutilayotgan ta'lim loyihasi uchun tizim shakllantiryapmiz.
Jamoamiz kun sayin kengayib boryapti va ayni kunlarda menga to'liq bandlik asosida ishlay oladigan shaxsiy yordamchi zarur.
Asosiy talablar:
- Kamida 1 yil korporativ muhitda ish tajribasi;
- Ko'p miqdordagi data bilan ishlay olish;
- Tadqiqot va tahlil ko'nikmalariga ega bo'lish;
- Google Docs, Sheets dasturlaridan professional darajada foydalana olish;
- Ingliz tilini kamida IELTS 6.5 darajada bilishi zarur. IELTS sertifikati bo'lishi shart emas.
Kunduzgida o'qiydigan talabalar emas, balki sirtqida o'qiydigan talabalar ko'rilishi mumkin. HR, xususan, rekruting yoki ta'lim jarayonlarini boshqarish sohalarida tajribasi bo'lsa, bu katta ustunlik beradi.
Vakansiya ta'lim sohasi jonkuyarlari, ayniqsa, o'z kelajagini xususiy ta'lim sohasi bilan bog'lashni istagan nomzodlar uchun juda mos!
Nomzod menga shunchaki yordamchi emas, balki shogird maqomida bo'ladi. Shu sabab nomzodda katta o'sish bo'lishi mumkin.
Oylik 4 - 6 mln. so'm orasida, aniq summa yakuniy suhbat natijasiga ko'ra belgilanadi. Shartnoma 1-oktyabrgacha tuziladi. Ta'limga aloqador tajriba bilan kelgan nomzod keyinchalik alohida kelishuv asosida maktabda faoliyatini davom ettirishi mumkin.
Vakansiyaga topshirish uchun Telegramda @javohirga_murojaat_bot manziliga 16-may 23:59 ga qadar "resume" va "cover letter" yuborish so'raladi.
Shu vakansiyaga mos tanishlaringiz bo'lsa, bu e'lonni ulashib qo'ysangiz ham bo'ladi. Oldindan rahmat. )

Javohir Izzatulloh

@Teamwork_uz

Telegram WhatsApp-ni videoda yillar davomida funksiyalarni o‘g‘irlab kelgani uchun chiroyli tarzda trollagan har bir kishiga – 50 ming dollar to‘laydi .

Shaxsan men uchun Telegram messenjerlar olamidagi “onamning dugonasining o‘g‘li”, WhatsApp esa taslim bo‘lmaydigan va yoshlarga o‘xshab ko‘rinishga harakat qiladigan, lekin baribir ortda qoladigan masxaradir.

Bugun Plug & Play EXPO ko‘rgazmasida ishtirok etgan startaplar (davomi sharhlarda).

1. Bito ( bito.uz )
Chakana savdo, elektron tijorat, ulgurji savdo, tarqatish va ishlab chiqarishda biznes jarayonlarini avtomatlashtirish uchun ERP yechimi.

2. Karmon ( karmon.ai )
Shaxsiy moliyaviy menejer: byudjetni rejalashtirish, xarajatlarni kuzatish, o'yinlar orqali moliyaviy savodxonlikni o'rgatish.

3. 1Doc ( 1doc.uz )
Aqlli vositalar yordamida hujjatlarni tahrirlash, imzolash va saqlash uchun AI platformasi.

4. Jett ( jett.uz )
Har qanday mobil ilovada investitsiya mini-ilovasini kapital xarajatlarsiz 2 hafta ichida ishga tushirish xizmati.

5. Robosel ( robo.uz )
Bitta interfeysdan to'liq boshqaruv bilan onlayn biznesni boshlash uchun platforma.

6. Alem ( askalem.com )
Bir zumda transchegaraviy to‘lovlar va blokcheyndagi AIdan AIga tranzaktsiyalar uchun moliyaviy AI infratuzilmasi.

7. MilliyPay ( milliypay.uz )
UzCard/HUMO/VISA qo'llab-quvvatlash va xizmatlar uchun to'lov bilan Rossiyadan O'zbekistonga tezkor o'tkazmalar. Migrantlar uchun qulay.

8. 4Rize ( 4rize.com )
Foydalanuvchi tomonidan yaratilgan videoga asoslangan fintech ilovalarining UX tadqiqoti. Mahsulotlarni yaxshilash va vaqtni tejashga yordam beradi.

9. ZebraEye ( zebraeye.ai )
OKT asosida bir daqiqadan kamroq vaqt ichida ko'z kasalliklarini 95% aniqlik bilan tashxislash uchun AI tizimi.

10. TPM ( tpm.house )
Turar-joy binolarini boshqarish: bron qilish, texnik yordam, yagona interfeys orqali aholi bilan aloqa.

11. Exode ( exode.biz )
To'lov, BNPL va o'z brendingiz ostida ishga tushiriladigan onlayn maktablarni yaratish uchun platforma.

12. SmartX360 ( k-tech.uz )
Binolarni boshqarishning integratsiyalashgan tizimi: energiyani o'lchash, jarayonni avtomatlashtirish va samaradorlikni oshirish.

13. Global Green Hub ( globalgreenhub.net )
Ekologik mahsulotlar, treninglar va video o'yinlar, loyihalarni monetizatsiya qilish va global o'zgarishlar uchun xalqaro hamkorlik.

14. Pulberry ( pulberry.uz )
O‘zbekistonda mikromoliyalashtirishdan tezkor foydalanish imkoniyatiga ega mahsulot – istalgan vaqtda, istalgan joyda.

15. ISH.uz ( ish.uz )
Tezkor kadrlarni tanlash va turli sohalarda ish qidirish bilan ish portali.

16. Growy Me ( growy.biz )
Telegram asosidagi HRTech platformasi, sun'iy intellekt bo'yicha murabbiylik. Hosildorlikni oshiradi, mikro boshqaruvni 70% gacha kamaytiradi.

17. UzbekVoice ( uzbekvoice.ai )
O‘zbek tili uchun nutqni aniqlash va sintez qilishning AI modellari. Avtomatlashtirish va ovozli xizmatlar uchun javob beradi.

18. Urbo ( urbo.uz )
Ko'chmas mulk platformasi: ikkilamchi, yangi binolar, ipotekalar, tahlillar va sheriklar tarmog'i orqali operatsiyalar.

19. pDaftar ( pdaftar.uz )
Kichik biznes uchun moliyaviy vosita: qarzlarni boshqarish, eslatmalar, xarajatlarni nazorat qilish.

20. Cradle AI ( cradle-vision.com )
Chakana savdo, bank va ta'lim sohalarida tashrif buyuruvchilar, xodimlar va talabalarni tahlil qilish uchun kompyuter ko'rinishi.

21. Ishonch identifikatori ( aigroup.uz )
Biometrik tekshirish: yuzni tanish, OCR, NFC, bitta yechimda masofadan identifikatsiya qilish.

22. AIsha AI ( aisha.group )
Call-markazlar uchun AI: qo'ng'iroqlarni tahlil qilish, operatorni baholashni avtomatlashtirish, xizmat ko'rsatish sifatini oshirish.

23. Secura ( secura.uz )
Haqiqiy vaqtda AI firibgarligini aniqlash va xavfsiz tranzaktsiyalar uchun bir martalik kartalar.

24. SynCall AI ( syncallai.com )
Haqiqiy ovozga ega qo'ng'iroq markazlari uchun sun'iy intellekt yechimi mijozlarning o'zaro aloqalarini yaxshilaydi, operatsiyalarni avtomatlashtiradi va samaradorlikni oshiradi.

25. Datagaze ( datagaze.uz )
O'rta va yirik biznes uchun kiberxavfsizlik: ruxsatsiz kirishdan himoya qilish, standartlarga rioya qilish, ekspert yordami.

Manba: @umedschannel

@Teamwork_uz

Иш бериш — иш ўрни эмас, имконият беришдир

Кўп танишларим: “Яхши ишчи топиш кийин”, “Компаниямга ходим керак”, “Одам йўқ” деган гапларни кўп айтяпти.

Муаммо факат кадрларда эмас. Муаммо — муносабатда.

Иш бериш — фақат маош ва вазифа бериш эмас. Бу — имконият бериш. Эътибор бериш. Ургатиш. Ишониш.

Кимдадир салоҳият бор. Аммо у ўзини кўрсатишга имконият олмаган.

1. Резюмега эмас, салоҳиятга қаранг
Ҳамма ҳам кучли CV ёза олмайди. Лекин баъзилари биринчи имкониятни олса, энг яхши жамоа аъзосига айланади. Савол беринг:
→ “Бу одам нимага қизиқади?”
→ “У қандай вазиятда очилади?”
→ “Уни кучли қилувчи тараф нима?”

2. Хатога тайёр бўлинг
Янги одам билан ишлаш — қийин. У хатолар қилади. Лекин шу жараён орқали у ўсади. Агар ҳар бир хатони жавобгарлик деб қабул қилсангиз, ҳеч қачон кучли жамоа қура олмайсиз.

3. Иш берманг — мақсад беринг
Агар сиз инсонга фақат иш эмас, маъно берсангиз — у сиз билан қолади. Ҳатто бошқа жой кўпроқ тўласа ҳам.
→ “Бу ерда у нимани ўрганади?”
→ “Унинг ҳиссаси қандай натижа беради?”
→ “Унинг иши нима учун муҳим?”

Хулоса
Биз иш эмас, имконият беришни ўрганишимиз керак. Ҳақиқий раҳбар — одамни кўради, ишонади ва ўсишига ёрдам беради.
Ҳатто у ҳали тайёр бўлмаса ҳам.

@paiziev24

Oshga to’ygan norveg mehmonlar haqida

Bundan 2 yil avval klinikamizga investor bo’lib kirgan bir tadbirkor haqida yozgan edim.

Klinika sohasida hech qanday tajribaga ega bo’lmagan bu bola, 2 yilda 2 ta qo’shimcha filial ochdi, 6 million dollar pul jalb etdi. Klinikani 10 milliondan 100 million baholanishga olib chiqmoqchi.

Maqsadlari katta.

O’sha odamni va yana bir sherikni o’tgan oy O’zbekistonga olib bordim.

Birga ishlaymiz ular bilan. Ikkisida ham avvalgi bizneslaridan puli bor. Investitsiyaga biznes qidirishmoqda. Chetdan.

Mendagi maqsad ular pulini Uzbga olib kirish edi. Ma’qul bo’lsa yarim mil investitsiya haqida gaplashdik.

Uzb haqida uzoq suhbatlar qilganmiz oldin. Potensialini sota olganman. Shu sabab o’z ko’zlari bilan ko’rishmoqchi bo’ldi. Potensiali katta, yosh avlod, soliqlar jozibador, to’yinmagan bozor va hok.

Sayohat oxirida ular katta imkoniyatlarni ko’rishgan bo’lsada hozircha sabr qilishlarini aytdi.

Xohlasang bizsiz davom etaver deyishdi.

Sabablarini so’radim (tahminan bilsam ham).

To’rtta misol keltirdi haligi yigit.

- birinchi kecha yotgan mehmonxonasini Bookingdagi bahosi 9,1/10 edi. Asl sharoit esa unday bo’lmadi. Kirishda kanalizatsiya hidi kelib turar edi. Ertasiga chiqib ketishdi. Bookingda 4/10 baho berdi. Mayli bu ham tajriba bo’ldi dedi.

Ertasi kuni mehmonxona ular bilan bog’lanib past bahoni o’chirib tashlashini iltimos qilgan. Yalingan. Xulosa: «bu biznes yolg’on ustiga qurilgan. Mijozlarni aldayapti»

- oradan 2 kun o’tdi, yana bir boshqa hoteldan joy band qildik. Kechroq bordik, faqat uxlash uchun. Bizga «siz bron qilgan xonadagi tualet quvuri yorilib ketdi. Afsus boshqa xonamiz yo’q» dedi resepshndagi yigit. Yorilgan quvur rasmini ko’rsatdi. Ahmoqlikni qarangki rasmda u olingan sana turipti va u 2023-yilni ko’rsatmoqda. Xonalarni ortiqcha sotib yuborishgan. Boshqaruv joyida emas. Xulosa: «mijozni aldamoqda». Hech kim aldanishni xohlamaydi!

- bir xususiy maktab egasi bilan uchrashuv belgiladik. Birga tushlik qiladigan bo’ldik. Maktabga investitsiya haqida gaplashmoqchi edik. Akamiz 30 min kech qolib keldi. Kech qolayotganini aytmadi ham. Kelgandan keyin ham sababini aytmadi. «Uzr ozgina ushlanib qoldim» dedi xolos. Xulosa: «vaqtingni qadrlamagan, pulingni ham qadrlamaydi»

- klinikalar ko’p pul topadigan lazer operatsiyalari bor. Ularni qanday qilinishi haqida so’rashdi. Qoidaga ko’ra ko’zoynakdan qutulish uchun qilinadigan lazer operatsiyalar ko’z stabil holatda bo’lgandagina qilinadi. Ya’ni minus yoki plyus o’smagan bo’lishi kerak. Bunga ishonch hosil qilish uchun bemorni kamida 6 oy kuzatiladi. Bu eng muhim talablardan biri. Stabil bo’lmagan bemorlar operatsiya uchun yaxshi kandidat emas. Uzbda bunga ko’p xirurglar amal qilmasligini ko’rishdi. Xulosa: «daromad bemordan ustun»


Kelgan mehmonlarda baraka degan tushuncha yo’q. Qadriyatlar haqida bong urganini eshitmaganman. Ammo biznesi rivojlanishi uchun aldov bo’lmasligiga juda katta e’tibor berishadi. Mijozni aldagan, hamkorni ham aldaydi degan fikr bor ularda. Ishonch eng muhim ko’rsatkich, biznesdagi asosiy kompas darajasida.


Men esa o’zimcha hursand bo’ldim.

«Zato rosa osh bilan go’shtga mehmon qildim bularni» deb.


Bek Olimjon
Eidsvoll, Norvegiya
09.05.25

PS. Investitsiya fikridan butunlay voz kechilgani yo’q. Sababi uchrashgan tanishlarimiz ichida kelishuvga amal qilganlari ham ko’p edi. Ular biznesi hali katta bo’lgani yo’q, yo ular chetga ketmoqchi bo’lganlar. Umid katta.

Bu mavzuga yana qaytamiz…