👈🏼 وفي ناس بتعني من مشكلة عدم الرغبة في دراسة مادة معينة " وده غالبا بسبب كرههم للمادة اللي ناتج من خوفهم في الفشل فيها او من عدم مقدرتهم علي قرائتها، او بسبب كرههم لاسلوب دكتور او استاذ المادة"

_ وهنا بحب اوجه ليهم رسالة خاصة " حاولوا تتعلموا انكم تفصلوا بين مشاعركم وبين قرايتكم، بمعني احتفظ بحبك او كرهك للمادة علي جنب وادرسها حتي لو كنت م بتحبها خالص"

فدي الطريقة الوحيدة اللي ممكن تعينكم في النقطة دي 💛


" ودايما اتذكر انك سواء بتكره استاذ المادة او المادة، ده مش مبرر لانك ما تقراها، لانك مش بتقرا علشان تتخصص في المادة دي، انت بتقرا لانك عاوز تحقق هدفك اللي انت فعليا دخلت الجامعة دي علشانه"

في نقطة مهمة نسيت اذكرها 💛

الا وهي " الضغط الدراسي"

معروف علميا ان الضغط بيحصل " من تراكم الحاجات فوق بعضيها"

والضغط الدراسي بيحصل " نتيجة للجدول الضاغط + بالاضافة لتراكم الدروس او المحاضرات فوق بعضها"

👈🏼 والحل في النقطة دي بيمكن في التالي ..

_ اولا لازم تحاول تظبط زمنك من اول لحظة نزلت الجامعة لغاية اخر لحظة حاتقعدها في الجامعة، " وصدقني عبارة انا مش بعرف اظبط زمني شيلها من راسك، لانك بتقدر تظبط زمن لجوالك، بتقدر تضبط زمن لمسلسلك، وبتقدر تضبط زمن لطلعتك لكن لمن تجي القراءة م بتقدر وده علشان انت مش عاوز كدا مش علشان انك م بتعرف خالص .."

فعلشان كدا " مش مطلوب منك كتير، غير انك تخصص ساعة يوميا للدراسة او نصف ساعة اذا قرائتك ما بتحتاج زمن اكتر"

_ ثانيا لازم تحاول تشتغل بمبدا " انك تركز علي الحاجة اللي قدامك، وبعد تخلصها تركز علي البعديها"

عارف في ناس " محاضراتهم بتكون كتيرة، وكذلك موادهم، او بكونوا بيقروا من مراجع كتيرة" فبجيهم خوف من انهم مش حايقدروا يقروا كل ده وينهوه في الزمن المناسب ..

فنصيحتي ليهم " ماتركزوا علي خوفكم من انكم ما تقدروا تكملوا اللي موجود قدامكم لانكم لو ركزتوا علي ده ما حاتقروا وحتي لو قريتوا حاتضغطوا نفسكم شديد"

فحاولوا " امسكوا المواد مادة مادة، وكل ما تخلصوا مادة انتقلوا للبعديها، ولمن تحسوا بانكم نسيتوا المادة اللي قريتوها ماتخافوا حاتتذكروها، فواصلوا في المادة اللي بديتوا فيها جديد، وبعد تخلصوها انتقلوا للبعديها برضو لغاية ما تكملوا كل المواد"

_ حاولوا ظبطوا اوقات نومكم واوقات دراستكم كويس " بحيث ان وقت قرايتكم ما يقلل من ساعات نومكم والعكس برضو، فحتي لو ممتحن ونازل امتحان ماتحاول تساهر، حاول نوم بدري واصحي الصباح واقرا الجزء اللي م قريته وراجع اللي درسته في نفس الوقت"

وده علشان شنو " علشان ان لو انت ضغط علي صحتك الجسدية، حايحصل تاثير علي صحتك النفسية، فلا حاتقدر تقرا ولا حاتقدر تكون كويس"


_ برضو نصيحة للمتحنيين وللماقروا خالص ..

" حاولوا خليكم فاكرين، ان الضغط اللي حاتعيشوه حاليا ده، مش حايكون دايم، فعلشان كدا ماتحاولوا تكبروا من كمية الضغط دي علشان ماتاثروا علي حياتكم بعدين"

" امسكوا المواد مادة مادة، واتبعوا اسلوب التقسيم اللي ذكرتوا، واقروا الاجزاء الحددتوها، وحتي لو لقيت ان الوقت مش حايقدر يكفيك لانك تقرا كل المرجع، حاول دايما اقرا الحاجات اللي انت حاسس روحك فاهمها وركز عليها، بدل تركز علي الحاجات اللي مش فاهمها ويحصل بعدين ان انت لا تقدر تشتغل في اللي فاهمه ولا في اللي مش فاهمه"

" واهم شيء اتوكلوا علي ربنا كويس، والدعاء ثم الدعاد ثم الدعاء ما تستهونوا بقيمته والله"


" وفي الامتحانات، حاولوا بقدر الامكان انك ما تقروا كل الاسئلة، بالعكس ركزوا علي اول سؤال، اذا ماحليتوه ماتخافوا اعملوا نجمة وانتقلوا للبعديه، وبعد تخلصوا من حل كل الاسئلة العارفين اجاباتها، ارجعوا حلوا الاسئلة اللي مش عارفين اجاباتها حتي ولو حاتكتبوا اجابات قريبة ليها، بس اهم شيء ماتخلي الورقة فاضية"

من النقاط المهمة اللي اخذتها واتعلمتها من " فيلم هيبتا" ان لنجاح اي علاقة واستمرارها لابد من 4 نقاط وهي :

🔹 الصراحة : ودي بتعني " ان لابد لكل طرف من الطرفين من مصارحة الطرف التاني بعيوبه قبل مميزاته، و بمواطن النقص فيه قبل نقاط القوة فيه، و بالحاجات اللي وحشة فيه قبل الحاجات الكويسة فيه، وكل ما كانت الصراحة حقيقية وصادقة وشاملة كل ما كان اساس العلاقة قوي"

والعكس " ان اخفاء احد الطرفين الحقيقة عن الطرف التاني، قد يكون السبب في تفكك ونهاية العلاقة"

🔹الاحتواء : المرحلة اللي بتجي بعد مرحلة الصراحة هي مرحلة الاحتواء وهي بتعني ان كيف الطرف التاني يقدر يحتوي الطرف اللي صارحه بعيوبه وسلبياته والحاجات اللي وحشة فيه بدون ما يحسسه بان اقل منو، او يحسسه بالشفقة، او يلومه بسبب عيوبه ويتريق عليه ..

والعكس " ان استهتار اي من الطرفين بعيوب الطرف الاخر، بيؤدي الي نهاية العلاقة او دخول التوتر والشك بداخلها"

🔹التضحية : علشان تنجح اي علاقة لابد من التضحية علشانها ..

ففكرة انك " حاتتحب وتتقبل كده بكل عيوبك دي فكرة خاطئة جدا، لان الانسان اللي حاتحبه برضو حايكون شايف ان لازم يتقبل ويتحب بكل عيوبه زي ما انت شايف وعلشان ده م يحصل لابد من ان نتنازل ونضحي لاجل بعض"

" واذا م حصلش تنازل او تضحية، فيبقي مافيش حدا فينا حايحب او حايتحب، وحانكون كلنا منتظرين الشخص اللي حايقبل عيوبنا زي ماهي لغاية مانموت"

ولازم نعرف " ان مافيش حاجة حلوة ممكن نلقاها بدون مانضحي علشانها، فمافيش راحة من غير تعب، ومافيش ضوء من غير نار ، ومافيش برد من غير حر، ومافيش ليل من غير نهار .. الخ"

والعكس" ان عدم تضحية اي واحد من الطرفين لاجل الاخر، حايقفل العلاقة بين الطرفين وقد يؤدي الي نهايتها"

🔹الصفقة : لابد من ان نعقد صفقة مقابل التضحية اللي حانضحيها " فزي ما انا ضحيت علشانك في الحاجات 1،2،3 لابد برضو من انك تضحي علشاني في الحاجات 1،2،3"

فمن الاسباب اللي ممكن تنهي العلاقة " ان واحد من الطرفين هو اللي يضحي بس"

📎 المصادر " كتاب وفيلم هيبتا"

#Mohammed_Omer
#Yes_You_Can

كل سنة و إنتو طيبين 💙
رمضان كريم عليكم
تصومو و تفطرو على خير

رمضان شهر خير وبركة و رحمة و شهر تأثيره كبير على الأنفس البشرية و طبعائها و خصالها
حكون معاكم أنا الطيب دراج كل يوم في رمضان في دردشة بعنوان رمضان مع دراج عن كل شيء حوالينا و عن رمضان

#رمضان_مع_دراج
#دقق
#Digag

القلق و الخوف من المستقبل متعبين كتير من الناس و ممغصين عليهم حياتهم و حارمنهم من لذة الطمأنينة

الليلة في أول حلقات رمضان مع دراج حنتكلم عن علاج فعال للتخلص للقلق و الخوف من المستقبل الناس ناسيهو و مهم جداً

#مع_دراج
#الطيب_دراج
#Digag

أول حلقات رمضان مع دراج
#الحلقة_الأولى
#الطيب_دراج
#Digag

أمس والليلة أجسادنا عانت من كتير من أعراض بسبب الصيام و عاداتنا الخاطئة البنعملها قبل الصيام
الليلة في رمضان مع دراج حندردش عن الموضوع دا و نفهم كيف إننا بنأذي أجسادنا بعادات خاطئة
#رمضان_مع_دراج
#الطيب_دراج

من أحق الناس بحسن صحابتي
كلنا حافظين الحديث دا صم بس هل يا ترى إحنا فاهمينو 🤔🤔 و عارفين معناه
الليلة في رمضان مع دراج حندردش عن معنى الحديث و نعرف المقصود منو شنو