https://www.tgoop.com/Rafeqt/7376
فيديو أتى في. قته رائع جداً أستمعوا له....

اتعودنا خلاص على سنة صلاة الضحى مهو مش طبيعي أنك تضيع ركعتين من ثوابهم أنهم صدقة عن 360 مفصل في جسدك ده غير أنها صلاة الأوابين وغير ان من مصلاها بيحي سنة النبي ﷺ وغيرها من الأجور فإياك وتضييع صلاة الضحى💙🌤️.

🌤️ضحاكم يا أوابين💙.

السلام عليكم ورحمة الله وبركاته
صباح الخير يا شباب

أوقات كتير بنحس إننا متأخرين عن اللي حوالينا..
اللي اتجوز بدري، واللي خلّف، واللي سافر، واللي اشتغل شغلانة كبيرة..

ويبقى جوانا سؤال: هو أنا ليه لسه هنا؟!

والجواب:
إنك لو فعلا عامل كل اللي عليك، ومش مقصر في الأخذ بالأسباب المباحة المتاحة ليك = فأنت كده مش متأخر.

لأن ببساطة اللي مطلوب منك هو السعي، مش ضمان النتيجة.

فأنت لو فعلا متوكل على الله، وعامل اللي عليك؛ فأنت مش متأخر.

فأبشر!
لعل ربنا بيجهّزك؛ علشان لما توصلك النعمة تعرف قيمتها وتحافظ عليها.
لعل الخير في حاجة تانية غير اللي أنت نفسك فيها.
لعل ما يُصلحك هو التأخير.
ولعل العطاء فيما تظنه بلاء.

الخلاصة:
ده ترتيب رباني محتاج بس يقين وصبر وأخذ بالأسباب..
واللي ربنا كاتبه ليك، أكييييد هيجيلك..
وهيجي في وقته اللي هو أحسن من أي وقت تاني.

قال الله تعالى: {يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ}.

د. محمد الغليظ

السلام عليكم ورحمة الله وبركاته
صباح الخير يا شباب

الصبر صعب مش سهل!
سواء كان صبر على طاعة، صبر عن معصية، أو صبر على أقدار الله المؤلمة..

ولكن..
من أكتر الحاجات اللي تساعدك تصبر وانت مطمئن، إيمانك باليوم الآخر.

الإيمان ده بيخليك متأكد تماما إن النهاية مش هنا، وإن قصة حياتك مش هتنتهي بموتك، وإن ألم الصبر مش ببلاش..

يعني صبرك على ملازمة طريق الطاعة اللي مليان مكاره مش ببلاش.
وصبرك على البعد عن طريق المعصية اللي مليان زينة تخطف العين والقلب مش ببلاش.
وصبرك على وجع قلبك وأنت بتعافر معاه عشان يرضى بقضاء ربنا مش ببلاش.

فالحمد لله رب العالمين
مالك يوم الدين.

د. محمد الغليظ

طمأنية 🥹🥹

السلام عليكم ورحمة الله وبركاته
صباح الخير يا شباب

إوعى تستهين بأثر الكلمة في النفوس!
فيه كلمة ممكن تشجع، وكلمة تانية تحبط
فيه كلمة ممكن تبني، وكلمة تانية تهد
فيه كلمة ممكن تجمَّع، وكلمة تانية تفرَّق
فيه كلمة ممكن تجبر كسر قلب، وكلمة تانية تجرحه

الكلام نفسه سهل، لكن أثره في النفوس مش سهل!

فخليك لسانك دايما طيب؛ لعلك تسيب أثر طيب في نفس كل واحد بتتعامل معاه، واحتسب الأجر عند الله
فالنبي صلى الله عليه وسلم قال: "...والكَلِمَةُ الطَّيِّبَةُ صَدَقَةٌ..."

د. محمد الغليظ

لو لسه مبدأتش في صيام الست من شوال فلسه عندك وقت بلاش تضيع الفرصة دي من أيدك يعني صمت ثلاثين يوم ومش قادر تكمل ست كمان والأجر طبعا معروف قال رسول الله ﷺ " من صام رمضان ثم أتبعه ست من شوال كان كصيام الدهر "
تغلب على نفسك وهواك وابدأ من دلوقتي💚🌿.

أذكار الصباح حصنك الحصين

عن حفصة بنت عمر بن الخطاب رضي الله عنهما قالت :

قال رسول الله ﷺ :

"من أتى عرافا فسأله عن شيء، فصدقه لم تقبل له صلاة أربعين يوما".

📚رواه مسلم 2230

العراف: هو الذي يدعي معرفة الأمور بمقدمات يستدل بها على المسروق ومكان الضالة ونحو ذلك.
لم تقبل له صلاة أربعين يوما: أي لم يكن له ثواب صلاته أربعين يوما، لكن لا يلزمه إعادة صلاة أربعين يوما

📚 عن ابن عمر رضي الله عنهما عن النبي صلى الله عليه وسلم قال:

🍃 ((لا تتركوا النار في بيوتكم حين تنامون)).

                متفق عليه.

🍂 فيه: النهي عن ترك النار في البيت عند النوم، لئلا يشتعل البيت على صاحبه.

ولو تكلمنا في نعم الله لانتهت أعمارنا وما انتهينا 🙂
وموعدنا اليوم مع نعمة لا تساويها أبدا نعمة
إنها الجنة 💚
الوطن لكل من عانى في وطنه أو تغرب عنه..
المأوى لكل من ليس له مكان يحيا فيه سعيد..
الأماني التي لم تتحقق..
والنعيم الدائم الذي لم نحصل عليه..
السعادة التي كانت تكدرها الدنيا..
والأمان الذي كان الخوف حليفه في الحياة..
الحياة التي لا يعقبها فناء..
والراحة التي لا يعقبها شقاء..
العِوض عن كل فقد..
الجزاء عن كل عمل..
نسيان كل ألم وبؤس مر عليك..
صحبة الأخيار والأحبة والأنبياء والرسل..
وأجملهم ولا شيء يعلو بعد ذلك، رؤية الله جل في علاه ❤
فاللهم ارزقنا الفردوس الأعلى من الجنة بغير حساب ولا سابقة عذاب.🤲

د. محمد الغليظ

لا تتخلى عن حصنك
#أذكار المساء

بمناسبة الصور المنتشرة لببعض الممثلين بلبس غريب
حابيبن نأكد على كام حاجة كده سريعا :
- خدوا بالكم ياشباااب
"لَعَنَ رَسولُ اللَّهِ ﷺ المُتَشَبِّهِينَ مِنَ الرِّجَالِ بالنِّسَاءِ، والمُتَشَبِّهَاتِ مِنَ النِّسَاءِ بالرِّجَالِ"
◀️ المتشبهين دول داخل فيها حاجات كتير
*اللبس الغريب اللي شوفتوه داخل طبعا في التشبه بالنساء
*السلاسل والحظاظات اللي فيه شباب بيلبسوها داخلة فيهم بردو
* أي حاجه في العرف إنها بتاعة البنات ...لو عملتها يبقى دخلت في الحديث ده

خدوا بالكم ياشباب
- اوعوا تتأثروا بالافكار المسمومة دي
مافيش رجالة بتلبس سلاسل ❌
مافيش رجالة بتلبس شيفونات❌
مافيش رجالة بتلبس أي حاجة شبه البنات❌

#رسايل

أرح قلبك ومسمعك بالقرآن 💚🌿.

فضل العالم على العابد كفضل القمر على سائر الكواكب
أطلب العلم ولو عندك جميع الظروف طلب العلم رحمة لك يكفي أنك ترفع الجهل عن نفسك وتعبد الله عزوجل على بصيرة🤍💫.

📚 أگـآدِيَـميَـةّ يَـقيَـنْ 🤍.

السلام عليكم ورحمة الله وبركاته
صباح الخير يا شباب

رسالة لكل واحد بيعافر عشان يحفظ كتاب الله:
أبشر خيرًا..
كل مرة بتجا.هد نفسك فيها عشان تتقن تلاوة وحفظ آية من كتاب الله، وبتقعد تكرر فيها عشان تثبّتها رغم صعوبة الأمر عليك، مش هتروح هَدَر..
يقول النبي ﷺ: "مَثَلُ الذي يَقْرَأُ القُرْآنَ وهو حافِظٌ له، مع السَّفَرَةِ الكِرامِ البَرَرَةِ، ومَثَلُ الذي يَقْرَأُ وهو يَتَعاهَدُهُ، وهو عليه شَدِيدٌ؛ فَلَهُ أجْرانِ."
يعني ليك أجر الحفظ والتلاوة، وأجر المشقة كمان..
واستمر في سعيك واجتهادك؛ عشان تكون في يوم من الأيام مع السفرة الكرام البررة.

د. محمد الغليظ

وقال رسول الله ﷺ-: " يصبح على كل سلامى من الناس صدقة والسلامى: المفصل، يصبح على كل سلامى من الناس صدقة، فكل تسبيحة صدقة، وكل تحميدة صدقة، وكل تكبيرة صدقة، وكل تهليلة صدقة، والأمر بالمعروف صدقة، والنهي عن المنكر صدقة، ويكفي من ذلك ركعتان تركعهما من الضحى هذا فضل عظيم، ركعتان من الضحى تؤديان هذه الصدقات " .

#صلاة الضحى 💚🌿.

لا أحد يستطيع وصف جمال القرآن وسكينة القرآن وطمأنينة القرآن وهداية القرآن 💜.

أقرأ ورتل وردك🪻.

اللهم صلِّ وسلم على محمد وآل محمد كما صليت على إبراهيم وعلى آل إبراهيم إنك حميد مجيد💙🌈.
اللهم بارك على محمد وآل محمد كما باركت على إبراهيم وعلى آل إبراهيم إنك حميد مجيد 💙🌈.

﴿إن اللَّه ومَلائِكَته يُصَلُّونَ عَلى النَّبِيّ يا أيّها الَّذِينَ آمَنُوا صَلُّوا عَلَيْهِ وسَلِّمُوا تَسْلِيمًا﴾💜💜.