tgoop.com/suntaar_ulus/11504
Last Update:
Кэрэ эйгэлээх, айымньылаах дьон - култуура үлэһиттэрэ.
🎤🎶Култуура үлэһиттэрэ былыр-былыргыттан дьон көҕүн тардан, агитбиригээдэ тэринэн, үлэни көҕүлүүр, дьону сомоҕолуур, олохтоохтор сүргэлэрин көтөҕөр дьонунан буолаллара. Билигин да, дьон өйө-санаата, духуобунай, култуурунай сайдыыта үрдүктүк сыаналанан турар кэмигэр, кинилэр үлэлэрэ олус тоҕоостоох, наадалаах уонна улахан суолталаах.
Бүгүҥҥү күҥҥэ Сунтаар улууҺугар музей, библиотека, тыйаатыр, култуура дьиэлэрэ, барыта 31 тэрилтэ баар. Манна 360 киһи үлэлиир. Кинилэр олохтоохторго кэрэ көстүүнү, умнуллубат түгэни бэлэхтиир, настарыанньаны көтөҕөр, духуобунас өттүнэн байытар туһугар утуйар ууларын умнан туран, түүннэри-күнүстэри үлэлииллэр, саҥаттан саҥа бырайыактары олоххо киллэрэллэр. Кэлиҥҥи сылларга "Култуура" национальнай бырайыагынан уонна республика, улуус анал программаларынан үлэлиир усулуобуйа тупсар, нэһилиэктэргэ саҥа эбийиэктэр тутуллаллар.
Бүгүн Сибиэрэп киинигэр норуот төрүт үгэһин, култууратын, устуоруйатын араҥаччылыы, дьоҥҥо тарҕата сылдьар култуура үлэһиттэрин чиэстээтилэр, маны тэҥэ улуус баһылыга Анатолий Григорьев, депутаттар Сэбиэттэрин бэрэссэдээтэлэ Ульяна Попова кыттыылаах сүбэ-мунньах ыытылынна. Манна 2025 сыллааҕы үлэни түмүктээн, саҥа соруктары туруордулар, бастыҥ үлэһиттэри чиэстээтилэр.
Култуура үлэһиттэрэ быйыл норуот тумулук туттар сүдү киһитэ - Сэргэй Сибиэрэп - Кыыл Уола төрөөбүтэ 125 сылыгар аналлаах араас таһымнаах тэрээһиннэри кыайа-хото туттулар, үйэлээх үлэлэри ыыттылар. Инникитин да саҥа саҕахтар арылла турдуннар.
