tgoop.com/springcrowdfund/1098
Last Update:
ချန်ဂင်တို့စခန်းကို SCF နဲ့အတူ အလည်သွားမယ်
အောက်တိုဘာလ ၁၀ ရက်နေ့မှ ၂၀ ရက်နေ့အတွင်း SCF Account အသစ်ဖွင့်သူများမှ (၁၀) ဦးကို Random မဲနှိုက်ရွေးချယ်ကာ ဆရာစိုးမင်းရဲ့ချန်ဂင်တို့စခန်း အတွဲ(၁) စာအုပ်(၁၀)အုပ် ကို လက်ဆောင်ပေးမှာဖြစ်ပါတယ်။
📒 လက်ဆောင်အစီအစဥ်ကို အသေးစိတ်ဖတ်ရှုရန်
https://www.facebook.com/share/p/1ChKoQbqSq/
အောက်ပါစာစုကိုလည်း
#ချန်ဂင်တို့စခန်း မူရင်း post မှကောက်နှုတ်တင်ပြပေးလိုက်ပါတယ်။
စာအုပ်နဲ့ပတ်သက်ပြီး ပြောချင်တဲ့စကားတချို့ ရှိပါတယ်။
၁။ ဖေ့စ်ဘုတ်ပေါ်မှာ အလကားဖတ်လို့ရတဲ့၊ ဖတ်ပြီးသားလည်းဖြစ်၊ file တစ်ခုနဲ့ သပ်သပ်သိမ်းပြီးသားလည်း ဖြစ်တဲ့စာတွေကို ဘယ်သူကမှ ပိုက်ဆံပေးပြီး ဝယ်မဖတ်ဘူး လို့ ထင်ကောင်းထင်ပါမယ်။ စပြီးရေးကတည်းက စာအုပ်ထုတ်ဖို့၊ စာအုပ်ရောင်းဖို့ ရည်ရွယ်တာ မဟုတ်တဲ့အတွက် အဲ့ဒီကိစ္စကို နည်းနည်းလေးမှ စိတ်မပူပါဘူး။ ဖတ်စေ၊မှတ်စေ၊ ခံစားစေချင်လို့၊ အတွေးအမြင်ပြောင်းလဲဖို့ ရေးတာသာ ဖြစ်ပါတယ်။ အပိုင်း (၁) ကနေ (၃၃၈) ဇာတ်သိမ်းပိုင်းအထိ စိတ်ဝင်တစား စောင့်မျှော်ဖတ်ရှုကြတဲ့အတွက် အတိုင်းအတာတစ်ခုအထိ အောင်မြင်ခဲ့ပြီးသား လို့ ယူဆပါတယ်။ ပုံနှိပ်စာအုပ်အဖြစ် ထုတ်ဝေရတဲ့ အကြောင်းရင်းကတော့ ပျောက်ပျက် သွားမှာစိုးလို့ပါ။ Facebook Policy က Notes တွေကို သိမ်းမပေးတော့တဲ့အခါ အရင်တုန်းက notes အဖြစ်နဲ့ နှစ်ရှည်လများ ရေးထားတဲ့စာတွေ ဝင်ဖတ်လို့ မရတော့ပါဘူး။ Timeline ပေါ်မှာ ရေးတင်တာတွေကလည်း နှစ်ကြာလာတဲ့အခါ font တွေ ပြောင်းပြီး ဖတ်မရတော့ပါဘူး။ နဂိုက ယူနီကုဒ်နဲ့ ရေးထားလည်း font error က တက်တာပါပဲ။ တကယ်လို့များ ကိုယ့်အကောာင့်ကို ပျက်အောင်ကျအောင် တိုက်ခိုက်လာခဲ့ရင် အဲ့ဒီစာတွေ ပြန်ရှာလို့ မရနိုင်ပါဘူး။ ဒါကြောင့်မို့ စာအုပ်အဖြစ်နဲ့ သိမ်းပါတယ်။
၂။ “ဒါဆိုလည်း ပိုက်ဆံမယူပဲ အလကားလိုက်ဝေပါလား။ ဘယာကြော်ထုပ်လို့ရတယ်။ အိမ်သာကုန်းလို့ရတယ်။” လို့ အငေါ်တူးမယ့်သူတွေလည်း ရှိပါတယ်။ Follower 195K နဲ့ ကိုယ့်ရဲ့စာမျက်နှာဟာ monetization နဲ့ ပိုက်ဆံ ဝင်နေတာ မဟုတ်သလို ဘာကြော်ငြာမှလည်း လက်မခံပါဘူး။ ဒီစာအုပ်နဲ့ကျမှ “ဥုံး မန်းနီး မန်းနီး။ ကမ်းကမ်း။” လုပ်ရအောင် ငတ်ပြတ်နေတာလည်း မဟုတ်။ ဒီစာအုပ်ကို တန်ရာတန်ကြေးနဲ့ ရောင်းတဲ့အခါမှာ အဲ့ဒီပိုက်ဆံတွေကို ဘာလုပ်မှာလဲဆိုတဲ့ အကြံအစည်က ကိုယ့်မှာ ရှိပြီးသားပါ။ ဒါပေမယ့်အဲ့ဒါတွေကို အလုပ်ပြီးမှပဲ ချပြမယ်။ လူစည်ရာ ဘင်တီး မျက်လှည့်ပြပြီးမှ လျှာပွတ်ဆေး မရောင်းချင်ဘူး။ ကိုယ့်စာအုပ်ကိုယ်ရောင်းတာကို “ပိုက်ဆံတွေ ဘယ်ရောက်သွားလဲ။ ပြ။ ပြ။” ဆို ပွဲမဆူချင်ဘူး။ ဒါကြောင့်မို့ “ဝယ်ချင်ဝယ်။ မဝယ်ချင်နေ။ စာအုပ်ရောင်းလို့ ရတဲ့ ပိုက်ဆံ ကိုယ့်ဘာသာကိုယ် လုပ်ချင်ရာလုပ်မှာ။” လို့ ပြောပြီး ရောင်းချင်ပါတယ်။ ကိုယ့်စာဖတ်ပရိသတ်က ကိုယ်ဘာလုပ်မလဲ ဆိုတာ ပြောစရာမလိုပဲ သိပြီးသားပါ။ စာရေးသက် ၁၄-၅ နှစ်ရှိနေပြီ။ ဘယ်တုန်းက သောက်တလွဲလုပ်တာ မြင်ဖူးလို့လဲ။
၃။ ကိုယ့်စာအုပ်ကို လက်ဝယ်ထားရှိပြီးဖတ်တဲ့သူကို စစ်တပ်ကဖမ်းမိရင် ထောင်တသက်တကျွန်းတို့ သေဒဏ်တို့လည်း ပေးနိုင်ပါတယ်။ ကော့စမက်တစ်ရောင်းရင်တောင် ဖမ်းသေးတာကို။ ကိုယ့်အတွက်နဲ့ တပါးသူ ဒုက္ခရောက်မှာကို မလိုလားတဲ့အတွက် စာအုပ်ဖြန့်ချီရေးကို တတ်နိုင်သမျှ သိုသိုသိပ်သိပ် လုပ်ဆောင်ပါမယ်။ စာအုပ်အမှာစာကို “ချန်ဂင်တို့စခန်း” page ကို messenger က စာပို့ ငွေချေပြီး တိုက်ရိုက်မှာကြားနိုင်ပါတယ်။ သက်ဆိုင်ရာနိုင်ငံမှာရှိတဲ့ မိတ်ဆွေတဦးဦးကတဆင့် မရောက်ရောက်အောင် ပို့ပေးပါမယ်။ ကြားထဲမှာ ငွေကြေးလိမ်လည်မှုတွေ၊ အလံရှူးတွေနဲ့ လိုက်စုံစမ်းပြီး အကောင့်ပိတ်ခံရအောင်လုပ်တာတွေ ရှိလာနိုင်တဲ့အတွက် ရောင်းသူဝယ်သူ တိုက်ရိုက်စကားပြောတာပဲ ကောင်းပါမယ်။
၄။ ပြည်တွင်းက စာအုပ်လိုချင်တဲ့သူလည်း တော်တော်များများ ရှိမှာပါ။ ဖတ်တဲ့သူ၊ ဝယ်တဲ့သူ၊ သယ်တဲ့သူ အကုန် အန္တရာယ်ရှိနိုင်တဲ့ ကိစ္စမို့လို့ လူချင်းသေချာမသိတဲ့ သူစိမ်းတွေကို မရောင်းပါဘူး။ စာအုပ်ဖိုးရင်းပြီး တသီကြီး လိုက်ဖမ်းမှာ စိုးလို့ပါ။ စိတ်ချရတဲ့နည်းလမ်းနဲ့ အရောက်ပို့နိုင်ဖို့တော့ စီစဉ်နေပါတယ်။ စာအုပ်ကိုယ့်လက်ထဲရောက်တဲ့အခါမှာတော့ “ဒီစာအုပ်ကြောင့် ငါအဖမ်းခံရတာ။” ဆိုပြီး စိတ်ဒဏ်ရာမရရလေအောင် စစ်သားတွေရှေ့ သွားသွားဖတ်မပြနဲ့ဦးပေါ့။ City Mart တို့၊ စာပေလောကတို့မှာ တင်ရောင်းနိုင်တဲ့အချိန်လည်း ရောက်လာမှာပါ။ ရန်ကုန် ရင် ရန်ကုန်ရောက်မှာပေါ့။ ရှင်းရှင်းလေးရယ်။
၅။ အလွယ်ကူဆုံး နဲ့ အမြန်ဆုံး စာအုပ်လက်ထဲ ရောက်တဲ့နည်းတစ်နည်း ရှိပါတယ်။ ထိုင်းနိုင်ငံမှာ ရှိတဲ့မိတ်ဆွေများ လိုချင်သလောက် ဝယ်ယူမှာကြားရင် ရက်ပိုင်းအတွင်း ရောက်အောင် ပို့ပေးပါမယ်ဗျ။
လှိုက်လှဲစွာ ကျေးဇူးတင်ပါသည်။
#ဒေါက်တာစိုးမင်း (ငွေစန်းရောင်)
SCF Account ဖွင့်ပြီး တော်လှန်သူဆရာဝန်တစ်ယောက်ရဲ့ ကိုယ်တွေ့မှတ်တမ်းတွေကို အတူတူတန်ဖိုးထားဖတ်ကြရအောင် 🤍
𝙎𝘾𝙁 𝘼𝙘𝙘𝙤𝙪𝙣𝙩 ဖွင့်နည်းလမ်းညွှန်
facebook.com/share/p/1BT6P9jcZS
#SpringCrowdFund #YourSCFAccountYourPower
BY Spring Crowdfund
Share with your friend now:
tgoop.com/springcrowdfund/1098