У Нясвіжскім замку цяпер выстаўлены творы вывезеных у Маскву ў другой палове XVII стагоддзя беларускіх разьбяроў і цаніннікаў (кафляроў), у якіх яскрава праявілася знаёмая нам пышнасць барока.

Абсалютна еўрапейскае барока, гэта асабліва добра бачна па мастацкіх асаблівасцях царскіх варот з круглымі медальёнамі. Медальёны абрамляюць мудрагелістыя завіткі, з патоўшчанымі краямі, акруглымі адтулінамі і радамі круглых караляў — быццам бы і падобна да расліннага арнаменту, але гэта не ёй.

Гэта храстковы арнамент кнорпельверк, пра які мы ўжо раней пісалі, вядомы ў Беларусі па помніках сярэдзіны XVII стагоддзя.

#дэталі #Масква #барока #Нясвіж

Усе ведаюць пра мудрагелістыя арнаменты ў выглядзе ракавін у барока і ракако (ракайль). А што, калі я вам скажу, што многія «ракавіны» гэта зусім не рамантычныя ракавіны, а мярзотныя храсткі, як у носе і вушах?

Храстковыя элементы, або кнорпельверк (Knorpelwerk) гэта арнамент, характэрны для мастацтва маньерызму XVI стагоддзя і фламандскага барока XVII стагоддзя. У вытанчаным, фантастычным малюнку храстка ўгадваецца абрыс маскі, твар якой-небудзь пачвары, грэбень марской хвалі, або храсток, адкуль і назва.

На фота картушы з херувімамі з царквы Св. Мікіты ў Здзітаве Жабінкаўскага раёна. Сярэдзіна 17 ст.


Дэкаратыўнае наверша лавы (сталі) з брыгіцкага касцёла ў Гродне. Георг Цэль, 1646-1649

#лікбез

1,2 — Рамы іканастаса. Майстэрні Зброевай палаты. 1680-я. Дрэва, ляўкас, залачэнне. З царквы Унебаўзяцця Маці Божай Сіманава манастыра.

3 — Філёнгі іканастаса. Майстэрні Зброевай палаты. 1680-я. Дрэва, ляўкас, залачэнне. З царквы Унебаўзяцця Маці Божай Сіманава манастыра.

4, 5 — Царскія вароты. Майстэрні Зброевай палаты. 1702. Дрэва, ляўкас, залачэнне. З царквы святых мучанікаў Барыса і Глеба сяла Зюзіна, Маскоўская вобласць.

6, 7 — Царскія вароты. Майстэрні Зброевай палаты. XVII ст. Дрэва, ляўкас, залачэнне, тэмпера. З Мікольскага сабора Нікола-Угрэшскага манастыра, Маскоўская вобласць.

Знайшоў прыкольную інтэрактыўную карту, складзеную літоўцам Рычардасам Іванаўскасам, па якой можна вызначыць, якія храмы былі найбліжэйшымі для вашых продкаў.

Ёсць беларуская мова (рускай няма). Радыус можна змяняць, каб захопліваць менш ці больш храмаў. У кожнага храма свая картка з назвамі на розных мовах, кароткай даведкай і пазнакамі пра даступныя архіўныя запісы.

Найлепш працуе з праваслаўнымі і каталіцкімі храмамі.

https://www.geneatlas.lt/geo.php?lang=by&c=1&z=7&id=cid_6d3c744f-220a-444c-83e3-17ffbbdfa2b0&lat=52.98172322390683&lng=30.212402343750004

Планіровачная структура мястэчка Любча на нямецкім аэрафотаздымку.

#Любча #горадабудаўніцтва #аэрафотаздымкі