Як і ў многіх сучасных гарадах, сцены і вуліцы Пампеяў былі багатыя на выявы фаласаў. Іх можна знайсці пад нагамі, на камянях вуліц, а таксама на сценах і нават над дзвярнымі праёмамі і хлебнымі печамі.

Экскурсаводы часта расказваюць турыстам, што каменныя хуі Пампеяў паказвалі месцы, дзе знаходзяцца бардэлі ў горадзе.

Але гэта хлусня. Навукоўцы лічаць, што хуі выконвалі апатрапейную функцыю, абараняючы ад сурокаў, нячыстых сіл і спрыяючы жыццёвым сілам.

У Францыі мігранты спалілі чарговую хрысціянскую царкву!


- прачытаў я з раніцы на адным канале. Насамрэч гэта хлусня для распальвання антыімігранцкіх настрояў у Еўропе.

Відэа было знятае 2 верасня 2024 года, на ім — пажар у царкве ў французскім гарадку Сент-Амер. Царкву падпаліў прафесійны злачынец і серыйны падпальшчык Жаэль Вігурэ, белы карэнны француз. Ён расказаў, што падпальвае цэрквы, таму што бачыў па тэлевізары, што ўсе святары — педафілы.

#Францыя

У Вілейцы па вуліцы Партызанскай знеслі 80-гадовы даўгабуд. Кінуты праз пачатак Вялікай Айчыннай вайны будынак кінатэатра знесены пад паркоўку...

Кінатэатр на скрыжаванні вуліц 1 Мая і Міцкевіча (цяперашняй Партызанскай) пачалі будаваць у 1940 годзе, але да новай вайны паспелі скончыць толькі саму скрыню.

У 1946 годзе мясцовая газета «За Савецкую Радзіму» абурана пісала:

“Зараз, пасля заканчэння вайны перамогай, увесь савецкі народ узяўся за аднаўленне народнай гаспадаркі, культурных устаноў. Аднак да аднаўлення памяшкання новага кінатэатра не прыступілі і нават нічога не зроблена ў гэтым напрамку. Горш таго. Сцены зараз разбураюцца антыдзяржаўнымі асобамі, якія на сваё прыватнае будаўніцтва забіраюць цэглу”.

Аднак будоўля засталася закінутай. 1 верасня 1949 года недабудаваны кінатэатр перадалі Аблмаслапраму «пад халадзільнік» — адсюль пачынаецца гісторыя малочнага завода. Як кінатэатр будынак не працаваў ні дня.

Кароткі перыяд з верасня 1939 па чэрвень 1941 года, калі ў Заходняй Беларусі ўсталявалася савецкая ўлада, самы дрэнна вывучаны ў гісторыі беларускай архітэктуры.

#Вілейка #знішчэнне

У 70-тысячным польскім Любіне, што пад Уроцлавам, улады хочуць знесці савецкую жылую забудову, каб палепшыць выгляд гістарычнага цэнтра.

Улады Любіна плануюць знесці чатыры шматпавярховыя дамы, якія з’явіліся ў 60-х гадах ХХ стагоддзя на месцы старажытнай гарадской забудовы. Тады камуністычныя ўлады поўнасцю знеслі гістарычныя камяніцы і на іх месцы ўзвялі тыповыя панэльныя будынкі.

Як адзначаюць у магістраце, гэта было стратэгічнай памылкай, якая пазбавіла цэнтр горада яго сапраўднай архітэктурнай тоеснасці. На іх думку жылыя дамы састарэлі і не ўпісваюцца ў гістарычную забудову.

Улады плануць знесці іх, каб адкрыць гістарычныя будынкі: касцёл, ратушу і фрагменты былых абарончых сценаў.

#замежжа #Польшча

Гэта знакаміты павільён Германіі ў Барселоне, пабудаваны па праекце ван дэр Роэ да Сусветнай выстаўкі, якая праходзіла ў 1929 годзе.

Ён выглядае вельмі сучасна — і ў гэтым вялікая праблема. Людзі, якія жылі ў 1910-я гады не маглі сказаць, што архітэктура іхняга дня такая ж, як у 1810-я, людзі, якія жылі ў 1810-я — не маглі таго ж сказаць пра 1710-я.

А мы ў 2020-х бачым, што архітэктурны стыль, які дамінуе вакол нас, быў вынайдзены сто гадоў таму. Мадэрнізм стаў апошнім стылем чалавецтва, ніякія спробы павярнуць назад да класікі ці адысці ў бок да біёнікі, не скончыліся поспехам.

Магчыма гэта прыкмета агульнага заняпаду культуры: чалавецтва ўжо пераспрабавала ўсё і цяпер засталося толькі шукаць глыбокія сэнсы ў банане, прыклееным ізастужкай.