بيت زغير دافي يشبة التفاصيل الي احبهه بي لمسة مني مطبخ حلو مثل اللي ابالي حيكون عندي كل الادوات والاجهزة الي اطلع منهه اطيب طبخات وحلويات ومعجنات يطل ع حديقة ورد وخضار حلو بيهه مرجوحة زغيرة صالة بأثاث حلو ونازك بي شباك كبير بحيث الشمس منورة بي بلا اضوية طرمة حلوة مليانة ورد ومرجوحة وع صفحة كرسيين وطاولة زغيرة اشرب بيهه جاي ويكون بي مكان خاص للصلاة يكون مليان بأجواء،دينية يكون بي استقبال چبير نوعآ ما للمات العائلية اما مكتبتي حيكون بيهه رف للكتب وزاوية صور الكل الانميات الي احبهه بي زرعاتي الي راح اكبرهن ع ايدي بي كرسيي الخاص وميزي الي يكون اغلب الوقت مليان كوابة چاي واوراق مبعثرة بي صور الي وانه بأسعد لحضاتي اما غرفة نومي حتكون غرفة اميرات بالالوان الي احب وبالتصميم الي بداخلي وبالاثاث الي بي روح مني حيكون عندي حمامتين وكناري بيت يشبهني دافي وبسيط لطيف ومحبوب الي يدخلة يحس بالراحة والالفة يكون عطرة ورد وكيك وبخور يكون دافي شعوريآ ومليان حياة ❤️