انما الجنة بيـن الحرمين
ادخلــوها بــسلامٍ آمنين
***
ملتقى العشاگ بــس مو كل عشگ
يلتــقي بـــيها الدليــلــه محــــترگ
العايـشه في داخله اخيام الحسين
شلون عن هالجــنه يگــدر يفتــرگ
جنتاً قد ازلفت للمتقين
ادخلوها بســلامٍ امنين
***
الراد يــسأل شو تقدسـوه هالمكان
انگله لو ما هل مكان انــسه الاذان
الدين ميت چــان وحسـين الحياه
امن ارتفــع راسه على ذاك السنان
قبلةً للانبيا والمرسلين
ادخلوها بســلام امنين
***
بيها وادم خيره طـاحت عالتراب
وصيتها من العــلو فاق الـسحاب
الراد يتــنفس هــواها مـــن بعيد
خــل يشيل ايده ويسلم عالقباب
تلك ايات لــقومٍ موقنين
ادخلــوها بســلام امنين
***
جنـتاً وعرضهــا بعـرض السماء
قـــد اُعـــدت لعطــاشا كــربلاء
اليدخللها كون متوضي بدموع
على مسلـوب العــمامه والرداء
بها لا يعلم الا العاشقين
ادخلـوها بســلام امنين
***
جنه بيها انحور وچفوف وعيون
بين أبو اليــمه وابوفاضــل تكون
والـذي بيـهــا يقيمــــون الــــعزاء
العابس الــشاكري همه ايقــلدون
ثم قيل يامجانين الحسين
ادخــلـوها بســــلام امنين
***
حسين رحمة جنته اتعــم الجميع
والعمـل بيـــها ابـــد لا مـايـــضيع
شرط كون نعيـش شوغات الرباب
لمن شافــت منذبح نحــر الرضيع
ولقد كان جـــزاء الصـابرين
ادخــــلوها بســـلام امنيــن
*
حيدر تركي الكربلائي
ادخلــوها بــسلامٍ آمنين
***
ملتقى العشاگ بــس مو كل عشگ
يلتــقي بـــيها الدليــلــه محــــترگ
العايـشه في داخله اخيام الحسين
شلون عن هالجــنه يگــدر يفتــرگ
جنتاً قد ازلفت للمتقين
ادخلوها بســلامٍ امنين
***
الراد يــسأل شو تقدسـوه هالمكان
انگله لو ما هل مكان انــسه الاذان
الدين ميت چــان وحسـين الحياه
امن ارتفــع راسه على ذاك السنان
قبلةً للانبيا والمرسلين
ادخلوها بســلام امنين
***
بيها وادم خيره طـاحت عالتراب
وصيتها من العــلو فاق الـسحاب
الراد يتــنفس هــواها مـــن بعيد
خــل يشيل ايده ويسلم عالقباب
تلك ايات لــقومٍ موقنين
ادخلــوها بســلام امنين
***
جنـتاً وعرضهــا بعـرض السماء
قـــد اُعـــدت لعطــاشا كــربلاء
اليدخللها كون متوضي بدموع
على مسلـوب العــمامه والرداء
بها لا يعلم الا العاشقين
ادخلـوها بســلام امنين
***
جنه بيها انحور وچفوف وعيون
بين أبو اليــمه وابوفاضــل تكون
والـذي بيـهــا يقيمــــون الــــعزاء
العابس الــشاكري همه ايقــلدون
ثم قيل يامجانين الحسين
ادخــلـوها بســــلام امنين
***
حسين رحمة جنته اتعــم الجميع
والعمـل بيـــها ابـــد لا مـايـــضيع
شرط كون نعيـش شوغات الرباب
لمن شافــت منذبح نحــر الرضيع
ولقد كان جـــزاء الصـابرين
ادخــــلوها بســـلام امنيــن
*
حيدر تركي الكربلائي
گوم حسين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،
حركوها الخيم يحســـين فوگانه
لاگـــــــــانه الشمر ويسبنه لاگانه
يـم جسمك وصلت وحيل تعبانه
حيـــــــــرانه اخيتك تالي حيرانه
نحجي ويـــــاك سكته وما تحاجينه
گوم حســين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيـــــــن الناس نتعثر وصلنالك
گوم حســــين رد الخيل گنالك
متعـــــــوبين يبن امي أجينالك
جتالك يطگنه ويشـــتم أعيالك
علينه النــــاس صارت لمه أعلينه
گوم حسين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالنايم خــــــواتك ضلن بحيره
وهـاي الناس ماعدها ابد غيره
بــاجر ضعنك يطبله الف ديره
بـس زين العباد وزينب جبيره
يخويه أخـلاف عينك كلها تاذينه
گوم حسين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هزله النوگ والــوادم تصد لينه
مر بالسوگ حادينه احنه مر بيه
مانحمل يخــــويه فراگ تدرينه
ضل السوط ياگل خـويه بعبينه
وين حســـــين كلها تكول جا وينه
گوم حسين هاي الخيل اجت لينه
*
اللهم_عجل_لوليك_الفرج
خادمكم_سيد_حسن_الياسري
،،،،،،،،،،،،،،،،،،،،،،،،،،،،،،،،،،،،،،،،،،
حركوها الخيم يحســـين فوگانه
لاگـــــــــانه الشمر ويسبنه لاگانه
يـم جسمك وصلت وحيل تعبانه
حيـــــــــرانه اخيتك تالي حيرانه
نحجي ويـــــاك سكته وما تحاجينه
گوم حســين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيـــــــن الناس نتعثر وصلنالك
گوم حســــين رد الخيل گنالك
متعـــــــوبين يبن امي أجينالك
جتالك يطگنه ويشـــتم أعيالك
علينه النــــاس صارت لمه أعلينه
گوم حسين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالنايم خــــــواتك ضلن بحيره
وهـاي الناس ماعدها ابد غيره
بــاجر ضعنك يطبله الف ديره
بـس زين العباد وزينب جبيره
يخويه أخـلاف عينك كلها تاذينه
گوم حسين هاي الخيل اجت لينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هزله النوگ والــوادم تصد لينه
مر بالسوگ حادينه احنه مر بيه
مانحمل يخــــويه فراگ تدرينه
ضل السوط ياگل خـويه بعبينه
وين حســـــين كلها تكول جا وينه
گوم حسين هاي الخيل اجت لينه
*
اللهم_عجل_لوليك_الفرج
خادمكم_سيد_حسن_الياسري
(رساله)
أسـمـع رسـالـه وبيـهـه غـايـه
أسـمـع كـلامـي مـن الـبـدايـه
أسـمـع عـلـى گـــد الـنــوايــه
ينطي الحسين ينطي الحسين
*-------------------------*--------------------*
عيش خـادم وي الحسين بشعورك
واحذر احـذر تـوگـع ابأفت غرورك
صـير شمعة وبالمجالس أدّي دورك
تـفـرح الزهره اذا شـافـت حضورك
عـينـك على حسين وخدمته
عـينـك الحبيبك وابچي سكته
عـينـك يـگـرهـه لـو طـلـبـتـه
*-------------------------*----------------------*
لايهمك يـاهو جـاي وصفـي نيتك
والمجالس هاي خلهه اتصير بيتك
تـرى بـهـذا الـعـزه اتـحـدد هويتك
بـغـيـر حسيـن أيـس يعلـه صيتك
اعـرف الحسيني صافي گلبه
اعـرف فـقـط لحسيـن حـبـه
اعـرف كلامـي وروح جـربـه
*------------------------*-------------------*
خلي گلبك بالعـزه وعـوف المصوّر
اويـن متصيـر الدمـوع اعليهه دوّر
لــو ضـلام ابـدربـك ايـشــع اوينوّر
وقدس الخدمه تـرى الخدمه تشوّر
حـافـظ يهل عندك قضيه
حـافـظ على هاي الوصيه
حـافـظ ألك اشرف هويه
*------------------------*----------------------*
رسـالـه بـكـل حـرف اسـمـع كلامي
تـعـال اخـذ الأجـر عـوف الاسامي
يـبـو الـسـجـاد گـلـه ارفـع مـقـامي
على مودك تسحگـه الخيـل ضامي
بـالـك ابـفـعـل تلچـم جراحه
بـالـك ألك احچـي الصراحه
بـالـك ترى بـگــد الـنـيـاحـه
*-------------------------*----------------------*
الـيـدوّر بـس اسـامـي وهـذا هـمـه
لايـضـن وي الخَـدم يتسجّل اسـمـه
حسين يعرف ربعه والرايـد يخدمه
يعتنيله بكـل صدق ومضحي دمـه
أحـذر بـعـد مـاكـو ندامـه
أحـذر اذا عـفـت الخدامه
أحـذر اجر كلشي بختامه
*-------------------------*-----------------------*
✍خادم الحسين( ع)
الشاعر رعد الجريخي
أسـمـع رسـالـه وبيـهـه غـايـه
أسـمـع كـلامـي مـن الـبـدايـه
أسـمـع عـلـى گـــد الـنــوايــه
ينطي الحسين ينطي الحسين
*-------------------------*--------------------*
عيش خـادم وي الحسين بشعورك
واحذر احـذر تـوگـع ابأفت غرورك
صـير شمعة وبالمجالس أدّي دورك
تـفـرح الزهره اذا شـافـت حضورك
عـينـك على حسين وخدمته
عـينـك الحبيبك وابچي سكته
عـينـك يـگـرهـه لـو طـلـبـتـه
*-------------------------*----------------------*
لايهمك يـاهو جـاي وصفـي نيتك
والمجالس هاي خلهه اتصير بيتك
تـرى بـهـذا الـعـزه اتـحـدد هويتك
بـغـيـر حسيـن أيـس يعلـه صيتك
اعـرف الحسيني صافي گلبه
اعـرف فـقـط لحسيـن حـبـه
اعـرف كلامـي وروح جـربـه
*------------------------*-------------------*
خلي گلبك بالعـزه وعـوف المصوّر
اويـن متصيـر الدمـوع اعليهه دوّر
لــو ضـلام ابـدربـك ايـشــع اوينوّر
وقدس الخدمه تـرى الخدمه تشوّر
حـافـظ يهل عندك قضيه
حـافـظ على هاي الوصيه
حـافـظ ألك اشرف هويه
*------------------------*----------------------*
رسـالـه بـكـل حـرف اسـمـع كلامي
تـعـال اخـذ الأجـر عـوف الاسامي
يـبـو الـسـجـاد گـلـه ارفـع مـقـامي
على مودك تسحگـه الخيـل ضامي
بـالـك ابـفـعـل تلچـم جراحه
بـالـك ألك احچـي الصراحه
بـالـك ترى بـگــد الـنـيـاحـه
*-------------------------*----------------------*
الـيـدوّر بـس اسـامـي وهـذا هـمـه
لايـضـن وي الخَـدم يتسجّل اسـمـه
حسين يعرف ربعه والرايـد يخدمه
يعتنيله بكـل صدق ومضحي دمـه
أحـذر بـعـد مـاكـو ندامـه
أحـذر اذا عـفـت الخدامه
أحـذر اجر كلشي بختامه
*-------------------------*-----------------------*
✍خادم الحسين( ع)
الشاعر رعد الجريخي
#العليله..
يالنويتو اعله السفر … كَلبي مايحمل قهر
بويـــه ياحسين
**
بويه يوم السافرت -- جن ألف موته متت
بويه يوميه اموت ابفكَدك آني
نزلت ادموعي جمر-- والوداع اصعب امر
من حده الحادي ابضعنكم عذباني
يالخذت كَلبي ورحت-- ورده ذبلانه اصبحت
من زغر سني بهجركم كَمت اعاني
جنتو لعيوني ضوه -- هلـي يانسمة هوه
بويـه ياحسين
**
من بعدكم ياهلي -- بالمصايب ابتلي
وبقه احن ألكم وناطركم تجوني
وحشه داري ومضلمه -- فاكَده انجوم السمه
وآنه محتاره وتغير حتى لوني
اخلاف زينب والكَمر -- رافكَ اعيوني السهر
سافرو لرض الغرب ماودعوني
كَاعده ابدرب اليمر -- انطر احباب العـمر
بويه ياحسين
***
لارساله ولاخـبر -- بيه ابـد ماظل صبر
روحي خلصت وي وداعك يابو الاكبر
بويه تدري ابحيرتي -- حيل زادت علتي
كل دقيقه ابكَلبي جرح الفركَه يكبر
اكسر الخاطر صرت-- بالرزايه اتحزمت
ونت الزهره اون ونـاري تسعر
طفله من عمري اشفت -- والله حيل اتعذبت
بويه ياحسين
****
من افز من نومتي-- يمي ماشوف اخوتي
وركض ابلايه شعور ولاوعيه
يهلي ليكم كَمت-- طير ويحن عالقصن
ورسم ابالي صوركم كل مسيه
لوذكرت ام الخدر -- يمي يتفاوح عطر
وبقـه اتنفس حنـان الهـاشميه
خالي هزيت المهد -- عالطفل كَلبي انمرد
بويه ياحسين
**
آه من جور الزمن -- طفله راواني المحن
ليش وياي الزمان اهواي قاسي
فاض بركان الألم -- واهس اسنيني انهدم
من ألم دنياي شيب حتى راسي
جنت اعيش امدللـه -- هسه وحدي امعلعله
راح اخلص كل حياتي اويالمئاسي
صحت ياربي الصبر -- حيل تعبني الهجر
بويه ياحسين
****
الخادم
كامل السعيدي
يالنويتو اعله السفر … كَلبي مايحمل قهر
بويـــه ياحسين
**
بويه يوم السافرت -- جن ألف موته متت
بويه يوميه اموت ابفكَدك آني
نزلت ادموعي جمر-- والوداع اصعب امر
من حده الحادي ابضعنكم عذباني
يالخذت كَلبي ورحت-- ورده ذبلانه اصبحت
من زغر سني بهجركم كَمت اعاني
جنتو لعيوني ضوه -- هلـي يانسمة هوه
بويـه ياحسين
**
من بعدكم ياهلي -- بالمصايب ابتلي
وبقه احن ألكم وناطركم تجوني
وحشه داري ومضلمه -- فاكَده انجوم السمه
وآنه محتاره وتغير حتى لوني
اخلاف زينب والكَمر -- رافكَ اعيوني السهر
سافرو لرض الغرب ماودعوني
كَاعده ابدرب اليمر -- انطر احباب العـمر
بويه ياحسين
***
لارساله ولاخـبر -- بيه ابـد ماظل صبر
روحي خلصت وي وداعك يابو الاكبر
بويه تدري ابحيرتي -- حيل زادت علتي
كل دقيقه ابكَلبي جرح الفركَه يكبر
اكسر الخاطر صرت-- بالرزايه اتحزمت
ونت الزهره اون ونـاري تسعر
طفله من عمري اشفت -- والله حيل اتعذبت
بويه ياحسين
****
من افز من نومتي-- يمي ماشوف اخوتي
وركض ابلايه شعور ولاوعيه
يهلي ليكم كَمت-- طير ويحن عالقصن
ورسم ابالي صوركم كل مسيه
لوذكرت ام الخدر -- يمي يتفاوح عطر
وبقـه اتنفس حنـان الهـاشميه
خالي هزيت المهد -- عالطفل كَلبي انمرد
بويه ياحسين
**
آه من جور الزمن -- طفله راواني المحن
ليش وياي الزمان اهواي قاسي
فاض بركان الألم -- واهس اسنيني انهدم
من ألم دنياي شيب حتى راسي
جنت اعيش امدللـه -- هسه وحدي امعلعله
راح اخلص كل حياتي اويالمئاسي
صحت ياربي الصبر -- حيل تعبني الهجر
بويه ياحسين
****
الخادم
كامل السعيدي
Forwarded from مسلم المطيري
بصوت. مسلم المطيري
ابوذيات فراس المحمداوي:
١٠٨٩- سيدي ابا عبدالله
عَلَيّ حُكم الحــزن يحسين جاري
ويظل دمعي المصابك دوم جاري
بالبـــــــرزخ اريــدك كـــون جاري
وافــــــوزن من تحط عينك عليه
١٠٩٠- سيدي ابا عبد الله
الي بس بطـريقك جِدم مشّيت
ودمعاتي ابردان الشوگ مشّیت
دخـــيلك يابـو عبد الله مشّيت
عليك امك ابد لتعــــــوف اديه
١٠٩١- سيدي ابا عبدالله
هويتك ياحبيب الــــروح ماشي
هويت ، وحالي بس وياك ماشي
خــلّيني اعلــه دربك دوم ماشي
ودخيلك من يزل الجــــــدم بيه
✍ فراس المحمداوي
ابوذيات فراس المحمداوي:
١٠٨٩- سيدي ابا عبدالله
عَلَيّ حُكم الحــزن يحسين جاري
ويظل دمعي المصابك دوم جاري
بالبـــــــرزخ اريــدك كـــون جاري
وافــــــوزن من تحط عينك عليه
١٠٩٠- سيدي ابا عبد الله
الي بس بطـريقك جِدم مشّيت
ودمعاتي ابردان الشوگ مشّیت
دخـــيلك يابـو عبد الله مشّيت
عليك امك ابد لتعــــــوف اديه
١٠٩١- سيدي ابا عبدالله
هويتك ياحبيب الــــروح ماشي
هويت ، وحالي بس وياك ماشي
خــلّيني اعلــه دربك دوم ماشي
ودخيلك من يزل الجــــــدم بيه
✍ فراس المحمداوي
#زينب_تخاطب_ابيها
تدري الموت اشْوالي
بعدك ما يســر حالي
منـي ضــــايع الغالي .. تدري
//////////////
يابويه ماعندك علِم .. شمسوي فگدك بيه
حتى الطيور البسمه .. من ونّي تبچي اعليه
ابمحرابك اشعلك شمع .. كل مغرب وصبحيه
ولسْمَك افز من نومتي .. من ينذكر طاريه
جفني ماطبگ ساعه
الغالي يكلـف اوداعه
گلبــي تحس بوجاعه .. تدري
////////////////
يابويه من طبني الخبر… گلبي انصدع حسيته
بعيوني ضاگت دنيتي... والموت الي اتمنيته
شفت الحسن ظهره انْحِنَى… من طاح شمعة بيته
وحسين يلطم عالوجه… وبحسرتي اتلگيته
وصـرخ راح خيمتنه
غايــب عنه عزوتنه
اخلافك هاي حالتنه .. تدري
//////////////////
ياسورنه البي نحتمي.. ويالنستراح ابفـيّه
ياحيلنه المنه انهدم .. كل حيل ماضل بيه
اشكيلك اعتاب الهجر .. وقره ابلحن لطميه
وبگليبي انصبلك عزه.. يا بالحسن ليليه
ذبّـل…. بالهجـــــر لوني
ابيضّت بعـــدك اعيوني
ابجرحك والله جرحوني .. تدري
//////////////////
العيد گرب يا علي .. وغايب اهلالك عني
وياك اخلصنه ردت .. سهم الهجر يلچمني
إرجَع انادي ابدمعتي .. بس انته ماتسمعني
متعذبه وگلبي انمرد .. بيك الدهر فاجعني
اوصِيْتي لليدفنــــــونك
ابهــــيده لا يلجمــــونك
عمـــــري شيسوه من دونك.. تدري
///////////////////
يابو اليتامه يا علي.. تنشد عليك ايتامك
اتعودو بيهم تِمُر .. برغيفك وبالثامك
حتى الرضيع البلمهد.. يبچي وترضعه ابهامك
ضلو ينادون ابدمع.. شيردها ذيچ ايامك
وحشه الدنيـه بغيابك
تلچــم لوعة امصابك
الفقـره تنحــب ابابك .. تدري
////////////////
الخادم
كامل السعيدي
تدري الموت اشْوالي
بعدك ما يســر حالي
منـي ضــــايع الغالي .. تدري
//////////////
يابويه ماعندك علِم .. شمسوي فگدك بيه
حتى الطيور البسمه .. من ونّي تبچي اعليه
ابمحرابك اشعلك شمع .. كل مغرب وصبحيه
ولسْمَك افز من نومتي .. من ينذكر طاريه
جفني ماطبگ ساعه
الغالي يكلـف اوداعه
گلبــي تحس بوجاعه .. تدري
////////////////
يابويه من طبني الخبر… گلبي انصدع حسيته
بعيوني ضاگت دنيتي... والموت الي اتمنيته
شفت الحسن ظهره انْحِنَى… من طاح شمعة بيته
وحسين يلطم عالوجه… وبحسرتي اتلگيته
وصـرخ راح خيمتنه
غايــب عنه عزوتنه
اخلافك هاي حالتنه .. تدري
//////////////////
ياسورنه البي نحتمي.. ويالنستراح ابفـيّه
ياحيلنه المنه انهدم .. كل حيل ماضل بيه
اشكيلك اعتاب الهجر .. وقره ابلحن لطميه
وبگليبي انصبلك عزه.. يا بالحسن ليليه
ذبّـل…. بالهجـــــر لوني
ابيضّت بعـــدك اعيوني
ابجرحك والله جرحوني .. تدري
//////////////////
العيد گرب يا علي .. وغايب اهلالك عني
وياك اخلصنه ردت .. سهم الهجر يلچمني
إرجَع انادي ابدمعتي .. بس انته ماتسمعني
متعذبه وگلبي انمرد .. بيك الدهر فاجعني
اوصِيْتي لليدفنــــــونك
ابهــــيده لا يلجمــــونك
عمـــــري شيسوه من دونك.. تدري
///////////////////
يابو اليتامه يا علي.. تنشد عليك ايتامك
اتعودو بيهم تِمُر .. برغيفك وبالثامك
حتى الرضيع البلمهد.. يبچي وترضعه ابهامك
ضلو ينادون ابدمع.. شيردها ذيچ ايامك
وحشه الدنيـه بغيابك
تلچــم لوعة امصابك
الفقـره تنحــب ابابك .. تدري
////////////////
الخادم
كامل السعيدي
اعظم كلمتين .. خادم للحسين
محلاها و اتباها خادم للحسين
■□■□■□■□■□■
يعيوني و بعيوني بس انته الضوه
ما ترهم من دونك عيشه ابلا هوه
وادروسي بهالخدمه من راعي اللوه
من غيرة عباسك كل خادم روه
و جددت القسم .. وي راعي العلم
تـفسـيره بالـغـيره خـادم للـحسيـن
■□■□■□■□■□■
مو هسه من آدم حبك أزلي
ابهالخدمه اتعلينه و بسمك نعتلي
من نوگف بالموكب آنه وكل هلي
اشمحلاها من نخدم زاير أبو علي
صاحت كربله .. يالزاير هله
و ايجدد و ايردد خادم للحسين
■□■□■□■□■□■
يالغالي ما اعظم رتبة خدمتك
يا روحي اترد روحي ابشمة تربتك
هنيالي بجفوفي شايل رايتك
يا جنه و الجنه طافت حضرتك
يا ريحة علي .. غيرك ما إلي
و اعيونك مجنونك خادم للحسين
■□■□■□■□■□■
مولاي و سلمتك أمري امن الزغر
بالخدمه اشمحلاته من يگضي العمر
ما ألزم دمعاتي أسمك من يمر
و اجفوفي الوحدهن تلطم عالصدر
معناة الطلم .. ثورة اعله الظلم
اتفاخر للمحشر خادم للحسين
■□■□■□■□■□■
بحروفك تتغنه هالگاع و السمه
يحسيني ومن مثلك جبريل خادمه
عله بابك خليني الخاطر فاطمه
من جفك رويني يا شيخ الضمه
ضامي ابكل دهر .. بس شفتك نهر
ما يضمه اليتسمه خادم للحسين
■□■□■□■□■□■
سلطان و يسجدلك كل هذا الفلك
بين ايدك يالغالي العبد وما ملك
لطامه بجايه مشايه الك
يا منقذ للعالك و العافك هلك
عهدي ابدمعتين .. لبيك يا حسين
من مهدي للمهدي خادم للحسين
علی فرهود الکربلایی
ثواب النشر هدیة الی روح امي و ابوي
محلاها و اتباها خادم للحسين
■□■□■□■□■□■
يعيوني و بعيوني بس انته الضوه
ما ترهم من دونك عيشه ابلا هوه
وادروسي بهالخدمه من راعي اللوه
من غيرة عباسك كل خادم روه
و جددت القسم .. وي راعي العلم
تـفسـيره بالـغـيره خـادم للـحسيـن
■□■□■□■□■□■
مو هسه من آدم حبك أزلي
ابهالخدمه اتعلينه و بسمك نعتلي
من نوگف بالموكب آنه وكل هلي
اشمحلاها من نخدم زاير أبو علي
صاحت كربله .. يالزاير هله
و ايجدد و ايردد خادم للحسين
■□■□■□■□■□■
يالغالي ما اعظم رتبة خدمتك
يا روحي اترد روحي ابشمة تربتك
هنيالي بجفوفي شايل رايتك
يا جنه و الجنه طافت حضرتك
يا ريحة علي .. غيرك ما إلي
و اعيونك مجنونك خادم للحسين
■□■□■□■□■□■
مولاي و سلمتك أمري امن الزغر
بالخدمه اشمحلاته من يگضي العمر
ما ألزم دمعاتي أسمك من يمر
و اجفوفي الوحدهن تلطم عالصدر
معناة الطلم .. ثورة اعله الظلم
اتفاخر للمحشر خادم للحسين
■□■□■□■□■□■
بحروفك تتغنه هالگاع و السمه
يحسيني ومن مثلك جبريل خادمه
عله بابك خليني الخاطر فاطمه
من جفك رويني يا شيخ الضمه
ضامي ابكل دهر .. بس شفتك نهر
ما يضمه اليتسمه خادم للحسين
■□■□■□■□■□■
سلطان و يسجدلك كل هذا الفلك
بين ايدك يالغالي العبد وما ملك
لطامه بجايه مشايه الك
يا منقذ للعالك و العافك هلك
عهدي ابدمعتين .. لبيك يا حسين
من مهدي للمهدي خادم للحسين
علی فرهود الکربلایی
ثواب النشر هدیة الی روح امي و ابوي
ام البنين ع
هم يرجع حسين .. و تتكحل العين
فدوة الگمر و ام الگمر .. بس خل يرد سالم نحر
_
شوگ انتظار الفاگدة ما تتسعله الديرة
ما بين نيران الهجر تاكل بروحي الحيرة
مو زينه تطلع يا خلگ كلما خذيت الخيرة
قرآن گلبي بكربله ما يرجع بتفسيره
ما يرجع شلون .. و افرشله العيون
عميانه من كثر السهر .. بس خل يرد سالم نحر
_
جرح اليتاني شما عتگ يدي بغزارة و يكبر
وانه منهد ما ودعت ذاك الظعن جرحي احمر
و كلما يمد روحه البُعد لچماتي تزداد أكثر
ليلي و نهاري ادعي بشغف امن يجيب المضطر
يا ربي لو عاد .. لجروحي الضماد
اذبحله بعيوني النظر .. بس خل يرد سالم نحر
_
فارگني ابن روحي و مشه الحاسبته اعز من ابني
متواردين بكل نبض مثل امه هم حاسبني
بيناتنه فراگ و سفر و بس الدمع صاحبني
وگلب الحنينة شيستچن وتالي الهجر دولبني
بكل نسمة افراگ .. دلالي يشتاگ
و ماظن وصل شوگي بشر .. بس خل يرد سالم نحر
_
بالماي اغصن شو صرت و اكره شكو مسناية
و يتبده گلبي ويه الدمع كلما اشوفن راية
بس لا حبيبي بلا ظهر منطيته ابني احچاية
قربانك شما امتلك يا بعد هايه و هايه
منطيتك إحساس .. مو فقط عباس
العايفله بصمة بكل نهر .. بس خل يرد سالم نحر
_
يمسافر ويه الموت اخذ من عمري خلي لعمرك
و اترك خريف الطف حلم لا تترك الينتظرك
و ارجعلي خليني ابتسم مو ترجع بلا نحرك
هاي امنيات الفارگت و ما تدري شي عن أمرك
و الممتلي جروح .. ما يگدر يبوح
بكل ما على إحساسه خطر .. بس خل يرد سالم نحر
_
عباس حسن السوداني
هم يرجع حسين .. و تتكحل العين
فدوة الگمر و ام الگمر .. بس خل يرد سالم نحر
_
شوگ انتظار الفاگدة ما تتسعله الديرة
ما بين نيران الهجر تاكل بروحي الحيرة
مو زينه تطلع يا خلگ كلما خذيت الخيرة
قرآن گلبي بكربله ما يرجع بتفسيره
ما يرجع شلون .. و افرشله العيون
عميانه من كثر السهر .. بس خل يرد سالم نحر
_
جرح اليتاني شما عتگ يدي بغزارة و يكبر
وانه منهد ما ودعت ذاك الظعن جرحي احمر
و كلما يمد روحه البُعد لچماتي تزداد أكثر
ليلي و نهاري ادعي بشغف امن يجيب المضطر
يا ربي لو عاد .. لجروحي الضماد
اذبحله بعيوني النظر .. بس خل يرد سالم نحر
_
فارگني ابن روحي و مشه الحاسبته اعز من ابني
متواردين بكل نبض مثل امه هم حاسبني
بيناتنه فراگ و سفر و بس الدمع صاحبني
وگلب الحنينة شيستچن وتالي الهجر دولبني
بكل نسمة افراگ .. دلالي يشتاگ
و ماظن وصل شوگي بشر .. بس خل يرد سالم نحر
_
بالماي اغصن شو صرت و اكره شكو مسناية
و يتبده گلبي ويه الدمع كلما اشوفن راية
بس لا حبيبي بلا ظهر منطيته ابني احچاية
قربانك شما امتلك يا بعد هايه و هايه
منطيتك إحساس .. مو فقط عباس
العايفله بصمة بكل نهر .. بس خل يرد سالم نحر
_
يمسافر ويه الموت اخذ من عمري خلي لعمرك
و اترك خريف الطف حلم لا تترك الينتظرك
و ارجعلي خليني ابتسم مو ترجع بلا نحرك
هاي امنيات الفارگت و ما تدري شي عن أمرك
و الممتلي جروح .. ما يگدر يبوح
بكل ما على إحساسه خطر .. بس خل يرد سالم نحر
_
عباس حسن السوداني
Forwarded from مسلم المطيري
بصوت. مسلم المطيري
نعي عن العقيلة زينب عليها السلام
تديير العين زينب وين اهاليها
تنادي ولايرد واحد يحاچيها
شحال الحرمه من يروح واليها
اتهز أجبال ونتها ونواعيها
عيون ام عون مَرَدِّهَا بواچيها
وسوده الدنيا صارت كل نواحيها
اتباري ايتام فوگ الماجره اعليها
حيل على المباره مابعد بيها
غربه وشام مامعلوم تاليها
بعد اهل الكفاله من يحاميها
شامت بالشماته الوكت لافيها
شبعد ويلات بالدنيا يراويها
العمر شيفيد من راحوا غواليها
الياحد الوكت ها گد يجافيها
وعمد لهل الشماته اصبح يوديها
وذباح الاهل بالدرب حاديها
ساعات الدرب بالون تگضيها
بردنها تمسح الدمعه وتغطيها
ضجت كربله ومخسوف واديها
لحسين الارض ناحت رواسيها
هاي ام الحزن ياهو اليعزيها
بت حامي الحمه مذبوح حاميها
الشاعر حسن لعيبي الحريشاوي
نعي عن العقيلة زينب عليها السلام
تديير العين زينب وين اهاليها
تنادي ولايرد واحد يحاچيها
شحال الحرمه من يروح واليها
اتهز أجبال ونتها ونواعيها
عيون ام عون مَرَدِّهَا بواچيها
وسوده الدنيا صارت كل نواحيها
اتباري ايتام فوگ الماجره اعليها
حيل على المباره مابعد بيها
غربه وشام مامعلوم تاليها
بعد اهل الكفاله من يحاميها
شامت بالشماته الوكت لافيها
شبعد ويلات بالدنيا يراويها
العمر شيفيد من راحوا غواليها
الياحد الوكت ها گد يجافيها
وعمد لهل الشماته اصبح يوديها
وذباح الاهل بالدرب حاديها
ساعات الدرب بالون تگضيها
بردنها تمسح الدمعه وتغطيها
ضجت كربله ومخسوف واديها
لحسين الارض ناحت رواسيها
هاي ام الحزن ياهو اليعزيها
بت حامي الحمه مذبوح حاميها
الشاعر حسن لعيبي الحريشاوي
Forwarded from مسلم المطيري
بصوت. مسلم المطيري
ابوذيات عن الامام محمد الجواد عليه السلام
الصبر ثوبك يبو الطيبات ورداك
عشرين على خمسه وذبل ورداك
راواك اللئيم الحتف ورداك
يبو الهادي يبن خير البريه
يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه
الجواد انته الكرم طبعك وجودك
سبب للناس والدنيا وجودك
اشرب جيت من چفك وجودك
يجود وخير بارض الكاظميه
الشاعر حسن لعيبي الحريشاوي
ابوذيات عن الامام محمد الجواد عليه السلام
الصبر ثوبك يبو الطيبات ورداك
عشرين على خمسه وذبل ورداك
راواك اللئيم الحتف ورداك
يبو الهادي يبن خير البريه
يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه
الجواد انته الكرم طبعك وجودك
سبب للناس والدنيا وجودك
اشرب جيت من چفك وجودك
يجود وخير بارض الكاظميه
الشاعر حسن لعيبي الحريشاوي
لسان حال حميدة بنت مسلم بن عقيل رضي الله عنهما. (وزن البند)
يگبل العيد مذبوح. بويه لا اجه العيد
فوگ جروح الفراگ بعدك لوعتي اتزيد
يبت مسلم يگولون. ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت. وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم . تريد الخلگ ترتاح
صرت مرسول لحسين. قصدك تنصر الدين
يگبل العيد مذبوح. ريته لااجه العيد
★★★★★
خلافك بويه الجروح. جرح ابجرح ملچوم
اناطر واحسب احساب تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ. خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر گلبي ويگول. يروحي وضي العيون
اشوفه مثلي مهظوم. دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم. تغدرك خايف الگوم
يگبل العيد مذبوح. ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك. بشر ماعدهم انصاف
بعد ماطحت بالحال. عليك التمت. آلاف
مرمي من القصر حيف على التربان تنعاف
وحيد ومالك انصار. طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت. اضل للونه. والنوح
حسافة بجية العيد. عليه تصبح ابعيد
گبل العيد مذبوح. ريته لااجه العيد
الشاعر حسن لعيبي الحريشاوي
يگبل العيد مذبوح. بويه لا اجه العيد
فوگ جروح الفراگ بعدك لوعتي اتزيد
يبت مسلم يگولون. ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت. وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم . تريد الخلگ ترتاح
صرت مرسول لحسين. قصدك تنصر الدين
يگبل العيد مذبوح. ريته لااجه العيد
★★★★★
خلافك بويه الجروح. جرح ابجرح ملچوم
اناطر واحسب احساب تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ. خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر گلبي ويگول. يروحي وضي العيون
اشوفه مثلي مهظوم. دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم. تغدرك خايف الگوم
يگبل العيد مذبوح. ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك. بشر ماعدهم انصاف
بعد ماطحت بالحال. عليك التمت. آلاف
مرمي من القصر حيف على التربان تنعاف
وحيد ومالك انصار. طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت. اضل للونه. والنوح
حسافة بجية العيد. عليه تصبح ابعيد
گبل العيد مذبوح. ريته لااجه العيد
الشاعر حسن لعيبي الحريشاوي