التجربة الإنسانية. الوجدان، عُمق التجربة الإنسانية بداخلك. أبعاد الكون في نفسك هو معنى الحياة الحقيقي. في عالم مادي سطحي زائف، أكثر ما يفتقد البشر هو تجربتهم الإنسانية. التجربة المختلفة المليئة بكل شيء، بالفِكر و المشاعر و الأحاسيس و المعاني. ما معنى الحياة إن لم تتمثّل بداخلك؟! عيشوا تجربة الحياة. هي تُعاش مرة واحدة فقط، و المحظوظ اللي بيقدر يعيش في هذه التجربة الواحدة مائة مرة، و يترك بعده تجربة إنسانية مميزة و عميقة تبقى يعيش فيها الناس. أوَ أظن هذه هي حياتي و ما أعيشُ به، و هذا ما حدّثتني به نفسي في تلك الساعة الهادئة الصافية من الليل.

‎حول كتابي الأخير جراحة نفسية، و حول نفسك و إعادة التوازن لعالمك الداخلي، يكون لقاءنا الليلة الساعة ٧ مساءً على القناة الأولى المصرية HD.

‎إن شاء الله تكون حلقة لطيفة و مفيدة. هنجاوب على أسئلة كتير تدور بداخلك حول سلامك النفسي، و كواليس و تفاصيل تُحكَى لأول مرة عن الكتاب، مع الإعلامية الجميلة رانيا السيد.

"نُودِيَ يا موسى إني أنا ربُّك فاخلعْ نعْليك إنك بالوادِ المُقدّسِ طُوَى* و أنا اخترتُك فاستمع لما يُوَحى".

حتى يختارُك الله ممن ينعم عليهم برسائله و بتجلّياته و بفتحٍ من عنده، يجب أن تخلَعَ نعْلَيْك. تخلع الكِبر و الغرور. تخلع الغباء و العِند. تخلع الاعتقادات الفاسدة، و ما أنت تعتقده و تؤمن به.

تخلع عن نفسك و عن ذهنك كل الأشياء المرهقة التي تُشتت نفسك و ذهنك، و تتوجه بقلبك و بنفسك نحو نور الحق.

وقتها "استمِع" لما يُوَحَى، و ما يهديك إليه الله، و ما يُرشدُك إليه. استمع بإحساسك، و بقلبك، و بوعيك الجديد. استمع لرسائل نور السموات و الأرض، فتُنير قلبك و حياتك كلها.

الآن يمكنكم مشاهدة اللقاء الجديد كاملاً حول مناقشة كتاب جراحة نفسية.

العرض الأول بدأ الآن على قناتي الرسمية على يوتيوب: https://youtu.be/Tb6rq227AeU?si=oFGHAm7DJNDfZNVA

اكتبوا لي تعليقاتكم على الفيديو، و أسئلتكم نتناقش فيها و نجاوب عنها مع بعض.

مشاهدة ممتعة و مفيدة.

نجاحك في ال business بتاعك أياً كان، يعتمد على مهارات عديدة ليس لها أي علاقة بموهبتك أو شطارتك. لو انت جرافيك ديزاينر محصلتش، لو انتي بتعملي مجوهرات تحفة، لو انت عندك صنعة، حِرفَة أياً كانت، و مهما كنت شاطر فيها و مميز، لازم يكون عندك مهارات تواصل عالية، و مهارات اجتماعية، و عقلية مرنة، و ذكاء اجتماعي و ذكاء عاطفي، عشان تقدر تنجح فعلاً.

الموهبة وحدها لا تكفي. لازم تتعمل إزاي تتعامل مع العملاء، تتعامل مع الناس؛ لأننا بنشوف عدم ذكاء اجتماعي بيفشّل تجربة النجاح كلها.

اتعلّم ازاي تبقى ذكي اجتماعياً. ازاي تتكلم مع العملاء. ازاي يبقى عندك عقلية مرنة. نفس متزنة. بتعرف تسيطر على غضبك و مشاعرك "ذكاء عاطفي". ازاي تظبط مواعيدك. ترتب وقتك. تبقى ذكي و لطيف و عندك أخلاق المعاملة. بيسموها في السوق التقليدي السُمعَة و الكلمة و الخُلُق و اللسان الحلو. اتعلم تبقى كده مع الجميع. البيزنس بتاعك هيروح في منطقة بعيدة و هيكون نقلة كبيرة.

سوف تذهب موهبتك إلى الجحيم إن لم يكن عندك ذكاء اجتماعي و عاطفي.

و أنا راجع ف الطريق من شوية من يوم طويل، كنت مستمتع بالإنصات للقرآن الكريم بصوت الشيخ المنشاوي. كنت مُرهَق لكن إنصاتي و تركيزي مع القرآن الكريم خلاني مبسوط. كنت كل شوية أقول "الله! يا سلام ع الحلاوة و الجمال! اللغة الجميلة و الحكمة و التعبيرات و البلاغة!"

بعدين مرّت سورة من جزء عمَّ، ف كنت مستمتع و بعدين قلت ازاي كنا بنحفظ السور دي و احنا أطفال و مش فاهمين منها أي حاجة!

بعدين جه ف بالي ليه أصلا ً كانوا بيحفظونا القرآن و احنا أطفال و مش فاهمين أي حاجة؟! ايه الفايدة؟!

بالنسبة للطفل و هو بيقرأ القرآن أو بيسمّع هو بالنسبة له لوغاريتمات مش فاهم حاجة!

اقتراحي لأطفالك إنك تعلمهم و تحفظهم الآيات اللي بتعلمهم خُلُق معيّن. هتكون آيات واضحة و بسيطة و لما تشرحها له هيفهمها، و بكده هيحفظها بسهولة، و في نفس الوقت بدأت تعلّمه التدبر و التفكر و الحكمة من حفظ القرآن الكريم. مش مجرد إنه عمّال يحفظ كلام مش مفهوم.

ركزوا على الآيات البسيطة الواضحة لسنهم و فهمهم. الآيات اللي فيها تعاليم أخلاقية. اشرحوها لهم. الاستفادة هتكون أعظم و هتبني عقل طفل ذكي.

ايه رأيكم؟

رسالة صباحية جميلة جديدة بعد قليل...