( نخوه لذكرى أستشهاد الإمام جعفر الصادق عليه السلام )

نخوه يالصادق إجِينه نادبين
***************
جينه ننخى سيدي بضلع البتول
نريد همنا سيدي كله يزول
يمتى يامولاي للحضره الوصول
نخوه نخوه بفاطمه أم البنين
***************
نخوه يالصادق جينه يالولي
هالقسم ياسيدي بهامة علي
شافي المرضى لنا اوكل مبتلي
گاصدين الليله بسمك گاصدين
***************
نخوه جينه يا إمامي بالحسن
وكل مُنانه نشـوف في گبرك صحن
ندري ندري سمّك الگلبك طحن
شافي المرضى لنا وفك السجين
***************
هالقسم ياسيدي بجاه الشهيد
هاللّي ظل مرمي على حرّ الصعيد
گرّب إلنا يا إمامي كل بعيد
نخوه نخوه يا إمامي بالحسين
***************
دخيل يامولاي بچفوف الگمر
هاللّي ظل مرمي ثلاثه عالنهر
ومن بعد عين الگمر ضاع الخدر
كلنا جينه يا إمامي طالبين
***************
نخوه يالصادق اجينه بهالطلب
بجاه خدر الهاشميّه اللي انسلب
منْ أنصار الحجه احنا ننكتب
ننتخيك بجاه أمير المؤمنين


تمَّت بحمد الله و منّه
يوم الأربعاء 24 / 10 / 1441هـ
العبد المقصّر : سجاد ناجي العديل
https://www.tgoop.com/sajjadnaji2015

( نخوه لذكرى أستشهاد الإمام جعفر الصادق عليه السلام )

نخوه يالمدفون في أرض البقيع
***************
نخوه يالصادق إجينه بفاطمه
اوبصدرها الطاهر اونزف الدمه
ومايهمني خل تلوم الآيمه
انا متعلگ ببن طه الشفيع
*******
نخوه نخوه يالجليل بحيدره
گلبي المكسور رايد تجبره
ندري روحك في عزانا حاضره
نخوه يامولاي ياحصن المنيع
*******
جينه يالصادق ننادي بالحسن
هاللّي گاسى من ورا أعداه الفتن
نريد تكشف سيدي كـل المحن
واللّي اتمسّك ابد لا مايضيع
*******
دخيل يامولاي وبجاه الشهيد
هاللّي ظل مرمي ثلاثه اعْله الصعيد
نريد منّك سيدي اتْگرب البعيد
نخوه نخوه بجاه عبدالله الرضيع
*******
نخوه نخوه بجاه غُربة عمّتك
ساعد الله بالمصايب شيعتك
كلها نادت هالجموع الحبّتك
شافي النا سيدي المرضى سريع
*******
دخيل يالصادق بعباس الگمر
هاللّي ظل مرمي بجانب هالنهر
بجاه اخته الگيدوها بالأسر
تشافي كلمن جاك ياويلي وجيع
*******
جيت يم بابك ويسبگني الدمع
كون بالمجلس أهشّم لي ضلع
منْ الماتم سيدي ما أنمنع
لو اتركه اصبح بحالٍ فضيع
*******
سيدي والمهدي طالت غيبته
كلـها اتـنـادي الجمـوع الحبته
يمتى يطلع ولهـا تضوي غرته
وبدعاء الندبه يگرا له الجميع


تـمـت بـحـمـد الله و مـنّـه
يوم الأحد 14 / 10 / 1441هـ
العبد المقصّر : سجاد ناجي العديل
https://www.tgoop.com/sajjadnaji2015

( قصيدة لذكرى استشهاد الإمام جعفر الصادق عليه السلام )

واجعفراه .. واجعفراه
***************
جعفر الصادق إذا جينه لحياته
يا هي أعظم فاجعه من فاجعاته
حين حرگوا داره و فرّت بناته
لو فجيعة عمّته بالغاضريّه
***************
لو إجينه هالمسا و شفنا مصابه
لو ذكرنا بالقهر حرگوه بابه
شنهو الخلّه الگلب يكثر عذابه
مصابه يشبه فاطِمه الزهره الزچيّه
***************
شاليخلي بالگلب تسعر مصايب
مصاب من ظل عالثرى ويَّا الحبايب
لون ذاك الـ راوته الگوم العجايب
اخذته حاسر وهو بحاله شجيّه
***************
ياهو اليفجع مصيبه بين الأمرين
امصيبة الصادق صفت تشبه للحسين
هذا ظل يجمع أطفاله و النساوين
او ذاك صارت جثّته تحت اعوجيّه
***************
عجّل ادركنا يَمهدي هالمسيّه
جعفر الصادق إجت ليه المنيّه
راح و خلاّ عيلته بنوح و عزيّه
مصابه چنّه يشابه امصاب الشفيّه


تمَّت بحمد الله و منّه
يوم الثلاثاء : 22 / 10 / 1443هـ
العبد المقصّر : سجاد ناجي العديل

https://www.tgoop.com/sajjadnaji2015

( ذلك و من يعظم شعائر الله فإنها من تقوى القلوب )
استشهاد الإمام الصادق عليه السلام


آنا الصادق آنا الصادق سمعوا مصابي يا خلق آنا الصادق
*************
سمعوا مصابي شيعتي في هالمسيّه
بروي لكم كل الجرى و الصار بيّه
أصل المصايب كلها من باب الزچيّه
ورّث علينه كل هظيمه و كل بليّه

كَسر لضلوع كَسر لضلوع كله ترى هذا سَبَبْ كَسر لضلوع
*************
كسر الضلع ورّث علينه كل مصيبه
واهجوم دار الطاهره الزّهره النجيبه
منه اصبحت شيبة ابواليمّه خضيبه
وجثْته بقت فوق الثرى حسره وسليبه

وطي لخيول وطي لخيول طشّرت أضلاع الولي وطي لخيول
*************
من بعد ماذبحوا ابواليمّه ولينه
اخذوا بناته اوْيه خواته بالضعينه
من كربلا لكوفان ويلي بالضغينه
و أما علي السجّاد مربوطه ايدينه

على الهزّل على الهزّل اخذوا بنات المصطفى على الهزّل
*************
ادموعي تجري لعمتي دايم ياشيعه
من حرگوا الداري اذْكرت ذيك الفجيعه
في كربلا حرقوها خيمة هالوديعه
واتوجهت حق بوالفضل جنب الشريعه

يبو فاضل يبو فاضل وينك ياخويه ما تجي يبو فاضل
*************
ومن شفت بابي يحترق ذكّرني بامي
الخرّت على العتبه بألم والصدر مدمي
ونادت يافضه خر جنيني گربي يمي
خبريني قلبي انفجع وينه ابن عمي

علي وينه علي وينه يافضه قولي بالعجل علي وينه
*************
قاسيت انا من بني العباس آلام
والسم سقوني بالحقد زمرة الظلاّم
وظلّيت من عظم الألم ياشيعه ما نام
واخلصت من عمري ياشيعه كل الايام

على امصابي على امصابي ياشيعتي نوحوا بألم على مصابي
*************
آخر وصيّه شيعتي منّي اسمعوها
لو ردتوا مني هالشفاعه اتحصّلوها
حفظوا الصلاة الواجبه لا اتضيعوها
وهاي المجالس لازم انكم تحضروها

وابواليمّه وابواليمّه لا لا تخلّوا ازيارته ابواليمّه
*************
والمهدي من يظهر بعد لازم تنصروه
اوبيرق ابواليمّه الأبي عالي تنشروه
وسيف العدل اعلى العدو يا شيعه شهروه
ومن الظلم والجور هالعالم تطهروه

مع المهدي مع المهدي هالكون كلّه يعتدل مع المهدي


حسن الناصر
https://www.tgoop.com/HassanAlNasser
سجاد العديل
https://www.tgoop.com/sajjadnaji2015

( في رثاء الإمام جعفر بن محمد الصادق عليهما السلام )

قَدْ قَضَى بالسُّمِ خَيْرُ الْعَالَمِينْ
***************
داميَ القلبِ قضَى يُبدي انتحابْ
وَ لَهُ تنعاهُ آياتُ الكِتابْ
الَذِي أَلْهَمَنَا الْفِعْلَ الصوابْ
شَاجيًّا يَبْكِيهِ خَيْرُ المُرسَلِينْ
***************
صَاحِبُ الحَوزَةِ فِي ذاكَ الزّمانْ
قَدْ قَضَى بالحُزْنِ ينعاهُ البيانْ
وَ لَهُ شَجوًا بَكت إنْسٌ و جَانْ
وَ لَهُ الدِّينُ بَكى في الأَرَضِينْ
***************
خَيْرُ مَن لَبّى إلى البيتِ الحرامْ
وَ لَهُ ينعاهُ رُكنٌ و مَقامْ
و إليهِ قَدْ بَكى دِينُ السَلامْ
دَاميَ القلبِ وَ يذْكُو بِأَنينْ
***************
أيُّهَا الباكِي إمَامًا بالبقيعْ
قَدْ قَضَى بالسُّمِ مَغدورًا وجيعْ
عالمًا قَدْ قَضَى فِي حالٍ فَضيعْ
و لَهُ العَالَمُ مفجوعٌ حَزِينْ
***************
عَالِمٌ فِي عَهْدِهِ الجَهلُ انحسرْ
فَسَّرَ الآياتِ كُلاًّ و السِوَرْ
مَلأَ الدُنْيا علومًا و الدهرْ
و لَهُ منهاجُ حَقٍّ و يَقِينْ


تمَّت بحمد الله و منّه
ليلة الأحد : 24 / 10 / 1442هـ
العبد المقصّر : سجاد ناجي العديل

https://www.tgoop.com/sajjadnaji2015

(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
ذكرى استشهاد الامام جعفر الصادق(عليه السلام)
---------------
واويلاه واويلاه واويلاه واويلاه
*
مصيبتك شابهت اصحاب الكسا
لحيدر الكرار ويْ ست النسا
الظلمتك مولاي أمّه بائسه
اعليك جار الزمن يالغالي وقسى

لظلمك آه واويلاه
**
يبن خير البشر و الله مارعوك
على دارك هجموا اتصلي لقوك
مثل جدّك بوالحسن من طلعوك
حاسر الدار الإماره يسحبوك

بذاك الجاه واويلاه
**
ومثل دار امك الزهره اللي احرقوه
على بابك حطب ويلي جمّعوه
يا ابوالكاظم دارك ابنار اضرموه
وقلب اطفالك امامي روّعوه

شالسواه واويلاه
**
وشابهت حق عمّك الزاكي الحسن
الذي سمته جعده باللبن
سمّك المنصور خلاّك بمحن
واحنا يالصادق لحالك في شجن

احنا افداه واويلاه
**
نواسي جينا أمك الزهره البتول
والدمع يجري على الوجنه همول
هالمصاب اعلينا يالوالي مهول
هالحزن ويّه البچى لجلك يطول

ماننساه واويلاه
**
فاطمه تبچي على فقدك أكيد
وتبچي دايم عالقضى بالبر وحيد
على بنها الضامي احسين الشهيد
الم فقده عالبتوله ما يهيد

تظل تنعاه واويلاه
**
ندعوا كلنا للذي يرد الفرح
وابظهوره ايطيب للزهره الجرح
بالدعا هذا المسا واجب نلح
يمتى ليل اغيابه ايجي له الصبح

يمتى الگاه واويلاه
*
من يجي يبنيها في طيبه القبور
من بعيد يلوح من عندها النور
وندل قبر الزهره وياه ونزور
و تجي ويانه المواكب والحضور

نتمناه واويلاه

تمَّت في طريق المدينة المنورة

حسن الناصر
سجاد العديل
1445هـ

( ملمّع في حق الإمام جعفر ابن محمد الصادق عليهما السلام )


نحنُ أصحابُ الوفاءْ وننادي بالوَلاءْ
سيّدي نحنُ فداءْ
لكمُ يا منهلي
***********
صادق الآل للهُدى امثال
والمحب قال ما نعوفك يالأبي
انتَ آيه اولنا غايه
للنهايه سيّدي يبن النّبي

انتَ بالشدّه لنا سور اوحمايه
اومانعوفك سيدي حتّى النّهايه
والمحب ناداك مولايه اورجايه
الله ايثبّتنا اعلى دربك والولايه

ولَكَ يعلو النداءْ يازعيمَ الأتقياءْ
سيّدي نحنُ فداءْ
لكمُ يا منهلي
***********
أنتَ دستور سيدي اونور
اولنا مذخور بالشدايد يالولي
لك ندبنا اوهل دمعنا
يا أملنا نقسم اعليك ابعلي

ودنا يالصادق نجيك انطوف وانزور
اوعلى قبرك سيدي بالنايحه اندور
ليش منكم ننحرم قلّي يا مبرور
حتى ما نقدر نون وانشم القبور

ولكمْ يعلو البكاءْ يا سليلَ الأنبياءْ
سيّدي نحنُ فداءْ
لكمُ يا منهلي
***********
إلك جينه يا ولينه
اوتدري بينه من نضيع اونبتلي
نصيح بسمك وحق أمّك
يبقى همك اودم مدامعنا ايهلي

ياللي تكرم من يلوذًا بيك مولاي
اوما يضيع اللي قصد ويزور عنّاي
نظره نظره ياللي طبعك دوم وفّاي
اوما أحد جاك اوتركته تايه الراي

لن يرى أيَّ عناءْ عنهُ ينزاحُ البلاءْ
سيّدي نحنُ فداءْ
لكمُ يا منهلي
***********
يا رجانه يا حمانه
لك دمانه انقدّمه يا سيدي
رغم الظروف يا بوالمعروف
شيعتك شوف جات والشوق ايحدي

رغم عن هذا الزّمن مولانه جيناك
اوهل دمعنا اوبالحزن يالغالي طفناك
اوخل علينه هالمسيه ايرفرف إلواك
وامسح اعلينه يبن حيدر ابيمناك

وبكَ يحلو اللقاءْ يا رئيسَ العلماءْ
سيّدي نحنُ فداءْ
لكمُ يا منهلي
***********
أنتَ عرفان وأعظم إنسان
غيره واحسان اعليك دين الله كئيب
والمعادين ثلموا الدين
والموالين ناحوا الفقد الحبيب

سيدي امصابك أبد ما لحظه ننساه
اوفي قلبنا تسعر اوما تبرد الآه
اوكل محب لجلك تصب ادموع عيناه
اولك نعاهد سيدي وانقول والله

قسمًا يبقى العزاءْ والنحيبُ والبكاءْ
سيّدي نحنُ فداءْ
لكمُ يا منهلي
***********
سيدي انصيح ابمدمع ايسيح
مالك اضريح اه من جور الزمن
بلا حاير اولا مناير
اليجي زاير ينحني ابحسره اوشجن

من نجي انزورك ولينه تهمل العين
ما إلك قبّه اومناره مثل الحسين
اوما تجي ابصحنك مواكب وي معزين
اولا احد يلطم ابصدره اويجذب اونين

حُزْنُنَا هزَّ السماءْ وجميعُ الأنبياءْ
سيّدي نحنُ فداءْ
لكمُ يا منهلي
***********
يابو الأسرار لكم أنصار
ابناخذ الثار مع المهدي ابن الحسن
قلبه مجروح اوليكم اينوح
اويشعب الروح أبن طه المؤتمن

يبني اقباب اولكم يعلي المناير
ينادي اهلاَ او مرحبا بالقصد زاير
تالي نقصد كربله اوندخل الحاير
اونبچي عاللي كسّرت صدره الحوافر

ونطوفُ كربلاءْ حولَ مسلوبِ الرِداءْ
سيّدي نحنُ فداءْ
لكمُ يا منهلي


تمَّت بحمد الله ومنّه
بجوار رسول الله صلى الله عليه وآله الأطهار عليهم السلام
يوم الخميس : 23 / 10 / 1445هـ
العبد المقصّر : سجاد ناجي العديل

https://www.tgoop.com/sajjadnaji2015

( أبوذيات لاستشهاد الإمام جعفر الصادق عليه السلام )

مجالسنا المسا لجلك نصبها
ولا نخاف العدى الشايع نصبها
ولجلك سيدي الدمعه نصبها
نواسي أمّك الزهره الزچيّه

الحمامه تنوح ماتْبَطْل محنّه
عظيم الصادق اوكلّه محنّه
يسمّه الظالم اوما بيه محنّه
يا ويلي اومات إمام الجعفريّه

تمَّت بحمد الله و منّه
1441هـ
العبد المقصّر: سجاد ناجي العديل
https://www.tgoop.com/sajjadnaji2015

( قصيدة في حق الإمام جعفر ابن محمد الصادق عليهما السلام )


ناشر أعلوم النبي صادق القول الأبي
هالمسا يجذب ونينه والله تفجع حالته
اوشيعته تبچي وتنادي والله صعبه امصيبته
وإماماه وإماماه
***************
جينا يا جعفر الصّادق انصيح بالعبره
شيعتك مولاي جاتك تجذب الحسره
شلون لونك صاير اصفر اوحالتك مُرّه
لا تسافر عنّا نقسم بامّك الزهره

جعفر الصّادق نصيح قوم لا تبقى طريح
قوم يا مولاي وانعى على حسين اوفجعته
اوشيعته تبچي وتنادي والله صعبه امصيبته
وإماماه وإماماه
*******
ناحك الدين اوعلومه سيّدي اوشرعه
اوناحك الفقه او أصوله اعليك منفجعه
اومنبرك مولاي ينعى اوظل يصب دمعه
اودرسك المحزون بعدك مختلف وضعه

وإلك كم طالب يقول سيّدي يبن الرسول
ابفقدك المذهب إمامي ظل يطوّح ونّته
اوشيعته تبچي وتنادي والله صعبه امصيبته
وإماماه وإماماه
*******
واذكر الموقف إمامي الهيّج اصوابك
الدوانيقي يا غالي والله ما هابك
بلا عمامه حاسر انتَ بالحقد جابك
او بالحچي الجارح يقلّك زيّد امصابك

اخجل اعلى شبيتك چلمته ذي جرحتك
اومارعى المختار طه ابحفظ اهله اوعترته
اوشيعته تبچي وتنادي والله صعبه امصيبته
وإماماه وإماماه
*******
ابسمّك الملعون ندري منشغل باله
اوصرّح اوقال ابن حيدر لازم اغتاله
لازم ابسم المنيّه يقضي آجاله
وأمحي ذكره عن الدنيا وأمحي افضاله

ومن غدر طاغي عنيد رحت مسموم اوشهيد
وأنطفى مصباح هاشم من طحت يا سلوته
اوشيعته تبچي وتنادي والله صعبه امصيبته
وإماماه وإماماه
*******
أنتَ دفنوك ابمهابه اوحصّلت تغسيل
اوجسمك الطاهر إمامي ما انطحن بالخيل
مو مثل الحسين جدّك فصّلوه تفصيل
امن النحر مقطوع راسه والدموم اتسيل

عالرمح راس الحسين شايلينه الظالمين
اوبالسبي راحت الكوفه اعياله ويلي اونسوته
اوشيعته تبچي وتنادي والله صعبه امصيبته
وإماماه وإماماه
*******
واللي افجع يا إمامي ظلمك اتكرّر
من تجي اتزورك الشيعه اعليك تتحسّر
ما إلك قبّه اومناره يفجع المنظر
ولا صحن وسطه اقرايه اوموكب اومنبر

من يجي عندك يزور قلبه بالحرقه يفور
ان شاء الله اوي المهدي باچر نبني صحنك قبّته
اوشيعته تبچي وتنادي والله صعبه امصيبته
وإماماه وإماماه
*******

تمَّت بحمد الله ومنّه
يوم الأربعاء : 24 / 10 / 1446هـ
العبد المقصّر : سجاد ناجي العديل

https://www.tgoop.com/sajjadnaji2015

(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
ذكرى استشهاد الامام جعفر الصادق(عليه السلام)
---------------
جعفر اليوم   بالسموم  گضى ابحقد العده
اوهذي الأملاك   والأفلاك  جره منها النده
والأكوان أرض اوسما
اتواسي لجله فاطمه
**************
احنه كلنه الشيعه   ابحزن حگ مذهبنه
اوكلّ ما اتوالينه   يعني الله ايحبنه
اوهالولا لاهل البيت   لينه نعمة ربنه
اوهالحزن للصادق   بالأسى ذوّبنه

مع أمّ  لحسين   بالونين  نعيش اعلى الدوام
ابگلب مصدوع   هالدموع  نصبها اعلى الإمام
من الألم صابغ دمه
اتواسي لجله فاطمه
**************
هالسموم الصابت   چبدتك والينه
صابت إلنا اچبودنا  اوبگت تسعر بينه
أنتَ سور الشيعه   ابنهجك اتربّينه
ابحبّكم المْوالي  الله كمّل دينه

نظل كل عام   والأيّام      عهد يالمؤتمن
نخدمك دوم   يا مسموم   على مر الزمن
والمجالس دائمه
اتواسي لجله فاطمه
**************
هالمواكب باسمك      جمّعت احبابك
دمعه فوق الدمعه    تنهمل لمصابك
وبالحزن نلقاها        حاسره طلاّبك
ينعى هم وياها        درسك اومحرابك

يا ضوى العين   إلى وين    تنادي شيعتك
تجذب الآه      اويلاه       تواسي اميمتك
شيعتك متألّمه
اتواسي لجله فاطمه
**************
لاْسمك اينسبونا     اونفتخر يالغالي
اوخلهم ايسبّونا      بالعدى مانبالي
والذي اتحبونا       أوّل اوبالتالي
ما يهبّط راسه     عالي بيكم عالي

حبكم اوسام    ما ينلام   يلزمه للأبد
اوحاشه يحتار  يالأنوار  اذا انتوا المدد
ياغياث الموزمه
اتواسي لجله فاطمه
**************
سيّدي والغايب    ننتظر أيّامه
كل محب واموالي   عايش ابآلامه
يمتى يطلع لينه   اوننكتب خدّامه
اوننحسب أنصاره   نمشي تحت أعلامه

كل الوعود  لنا اتعود   من أنواره تشع
تصفى لگلوب   يا محبوب  اوحولك نجتمع
اگلوبنه بك سالمه
اتواسي لجله فاطمه
**************
اونطلبك يالصادق   سيّدي بوالشاره
مع المهدي باچر   من تشع أنواره
نگصد لبواليمّه   اونعتني زوّاره
والذي گطعوا له  يمنته وايساره

نقصد انزور   بالنذور   لبو النخوه القمر
راعي الجود   وفى وزود  عطائه چالنهر

واليجي له يكرمه
اتواسي لجله فاطمه



الشيخ حسين البوخضر
حسن الناصر
سجاد العديل
1446هـ

( أبوذيات لميلاد السيدة الجليلة فاطمة المعصومة عليها السلام )


إلچ ثابت ولانه وانتمانه
الهوى انتي الينه وانتي مانه
ملاذ الخايف انتي وانتي امانه
اوحرز من لاذ بيكم يا زچيّه

عليچ الروح يامولاتي ولهه
اوحاشا عن طريقچ اضل ولهه
أبارك للزچيّه اليوم ولهه
نطيت الروح يالحره هديّه


تمَّت بحمد الله و منّه
الخميس : 30 / 10 / 1445هـ
العبد المقصّر : سجاد ناجي العديل

https://www.tgoop.com/sajjadnaji2015

( أبوذية في مولد السيدة فاطمة المعصومة عليها السلام )

حـفـل مـولاتــي جَـمّـعـنـا ولمنه
ونـسـيـنه كـل وجـع بـيـنـه ولمنه
ونـبـارك للــولــي بــونــه ولمنه
بـمـولـد فـاطـمـه الـحـره الأبـيّـه


تـمـت بـحـمـد الله ومـنّـه
يـوم السبت ٢٧ / ١٠ / ١٤٤١هـ
سـجـاد نـاجـي الـعـديـل

قناة التيلگرام:

https://www.tgoop.com/sajjadnaji2015

( موشح صلواتي للسيدة الجليلة فاطمة المعصومة عليها السلام )

إذا عندك مريض اوحالته عسره
إلى أخت الرضا اتعنّه بالكسره
فلا تردك حفيدة فاطمه الزّهره
عليها اقسم بجاه المنهشم صدره
اوصلاة اعلى النبي اهديها لو مرّه
بلا شك فاطمه كل أمرك اتيسره

تمَّت بحمد الله و منّه
الخميس : 30 / 10 / 1445هـ
العبد المقصّر : سجاد ناجي العديل

https://www.tgoop.com/sajjadnaji2015

( موشح فصيح لمولد السيدة فاطمة المعصومة عليها السلام )


هذهِ بِنْتُ الهُدَى و المَكْرُماتْ
أشرقت أنوارُها بالبَركاتْ
هي سرٌ هي نورُ الكائنات
فارفعوا أصواتكم بالصلوات


تمَّت بحمد الله و منّه
العبد المقصّر: سجاد ناجي العديل
https://www.tgoop.com/sajjadnaji2015

( خاطرة في ميلاد الإمام علي بن موسى الرضا عليهما السلام )

يالرضا هالوضع يذبحنا صحيح
وكل گلب لزيارتك أصبح جريح
منْ فراگك سيدي المدمع يسيح
والموالي يريد يوصل للضريح


سيدي مولاي يا أبن الحجج
ذابت النا بهالبُعد والله مهج
يمتى يامولاي يحل لينا الفرج
نريد نوصل مشهد اوبيها نحج


نوصل احنا مشهد اوحولك نطوف
نعاين الگبه ومناراتك نشوف
حضرتك ندخلها بالگلب اللهوف
نوّصل الحاير اومدمعنا ذروف


هالحسينيّه الجليله يالإمام
عملوا ليكم هالحفل يبن الكرام
جمّعونا عالمحبه والسلام
نسأل الله ايعودنا في كلِّ عام


اوما نسينه بالحفل شيب اوشباب
لينا احفظهم يبن خير الاطياب
بالرضا افتح لنا للفرج باب
نعود احنا بخدمته ويَّه الاحباب


العبد المقصر: سجاد ناجي العديل
1441هـ

( هوسات في مولد الإمام علي بن موسى الرضا عليه السلام )

إجينا هالمسا نبارك لمولانا
ابجيتك يالرضا أنتَ يا رجوانا
اوندري أم الحسن هالليله ويّانا

كلنا جينا كلنا جينا
علگـناها ليـك الزينه

إجيناك المسا اوعدنا طلب اومراد
إجينا انحلّفَك ابجدك أبو السجاد
انتَ يالرضا يا ملجأ العباد

اوخسران الما يرفع ايده
يافرحة قلبي اوياعيده


تمت بحمد الله و منّه
ليلة الخميس ٩ / ١١ / ١٤٤١هـ

العبد المقصّر:
سجاد ناجي العديل

https://www.tgoop.com/sajjadnaji2015

( ابوذية لميلاد الإمام علي الرضا عليه السلام )


يمتى مشهدك اوصل واسكنه
بنظرت قبتك قلبي دسكنه
قسمت انا بزينب ويا سكنه
اريد انظر منارات الزهيّه


تمَّت بحمد الله و منّه
ليلة الأحد : 7 / 11 / 1444هـ
العبد المقصّر : سجاد ناجي العديل

https://www.tgoop.com/sajjadnaji2015

( أبوذيات في مولد الإمام علي بن موسى الرضا عليهما السلام )

وضعنا يالرضا عدله وَ حَسْنَه
يمن تملك ضمايرنا وَ حِسْنَه
ابجمالك يالرضا احترنا وَ حُسْنَه
شبيه المصطفى اوحيدر وصيّه

تركت أحزاني الليله و رايه
واشيلن بالحفل بيرگ و رايه
الحاقد أبد مايهمني و رايه
*لإمامي الرضا أفرح هالمسيّه

تـمـت بـحـمـد الله ومـنّـه
يـوم الأثنين ١١ / ١١ / ١٤٤١هـ
العبد المقصّر : سجاد ناجي العديل

https://www.tgoop.com/sajjadnaji2015

( ابوذيات لميلاد الإمام علي بن موسى الرضا عليهما السلام )


عطرنا ايفوح والحاسد شمه لنا
لطف بارينه هالليله شملنه
بأبن موسى جمع لينه شملنا
اوحضرنا محفله ابهاي المسيّه

على حبكم يا مولانه وعينه
اليواليكم امد چفي واعينه
اوقلب كل محب فدوه الكم وعينه
اولكم روحه يقدّمها هديّه

بمحبتكم يا مولانه علينا
اوخيرك سيّدي ديمه علينه
يمن اسمك شبه حيدر علينا
او وراث كل صفاته الحيدريّه

إذا رايد رضا الباري تعالى
تعاله احضر إلى المحفل تعاله
اوصلاتك هالمسا خلّها اتعاله
على الهادي اوعترته الهاشميّه


تمت بحمد الله ومنّه
يوم السبت : 9 / 11 / 1445هـ
العبد المقصّر : سجاد ناجي العديل

https://www.tgoop.com/sajjadnaji2015

( جلوة في ذكرى ميلاد الإمام علي بن موسى الرضا عليه السلام )


هاليوم هاليوم مولود الرضا
************
هاليوم جينا نهني فاطمه
اونهني حيدر علي حامي الحمه
اوجدّه المختار وأهل المرحمه
ابنور الرضا اللي شع اعلى الفضا
************
نوره إمامي شع اعلى الملا
اونزلت الأملاك إله تستقبله
او والده لمّن شاله اوقبّله
نادى هلا بيك يا شبه المرتضى
************
ياهلا ابعالم آل المصطفى
نور الحقيقه اوشمس المعرفه
لا شعر وأقلام علمك يوصفه
يا سعد حضّه اللي من علمك حضى
************
انتَ يا مولاي انيسٍ للنفوس
ودنا ابزياره نجي لك ارض طوس
ندخل الحضره اوندنّق للرؤس
واتطيب القلوب المستعره لظى
************
تدري بالمشتاق عينه ما تنام
ودنا نجي لك نسلّم يالإمام
اوتستمع لينا اوترد اعلى السلام
اوكل شخص تعبان نريد اتعوّضه
************
يالرضا عدنا حوايج واشكثر
منها تعبنا اوملينا الصبر
والدهر ينقلنا من مُر الأمر
كل حالنا اليوم عليك ابنعرضه
************
ودّنا نزور الحُسين ابحضرته
اونحيي ميلادك تحتها قبته
اويطلع المهدي اونشارك نصرته
اوتالي الصحنك ضعنّه انقوّضه


تمَّت بحمد الله و منّه
يوم الأثنين : 7 / 11 / 1446هـ
العبد المقصّر : سجاد ناجي العديل

https://www.tgoop.com/sajjadnaji2015