🏠 “Mirzo Ulug‘bek vorislari” navbatdagi tayyorlov o‘quv kurslarini yakunladi, 2025/2026-o‘quv yili uchun qabul jarayonlari davom etmoqda📚 Yoshlarning raqamli savodxonligini oshirish, iqtisodiyotning turli tarmoqlarida raqamlashtirish jarayonlarida faol ishtirok etadigan iqtidorli mutaxassislarni yetishtirish maqsadida 2023-yil 19-mayda Vazirlar Mahkamasining
“Mirzo Ulug‘bek vorislari” tayyorlov o‘quv kurslarini tashkil etish chora-tadbirlari to‘g‘risida”gi
qarori qabul qilingan edi.
🖌Mazkur qaror asosida Raqamli texnologiyalar vazirligi tomonidan Toshkent shahridagi Inha universiteti qoshida “Mirzo Ulug‘bek vorislari” tayyorlov o‘quv kurslarini tashkil etish markazi
2023-2024-o‘quv yilidan boshlab o‘z faoliyatini amalga oshirib kelmoqda.
❕Ushbu kurslarning asosiy yo‘nalishi —
“Data Science” bo‘lib, unda tinglovchilarga matematik statistika, dasturiy ta’minot vositalari orqali katta hajmdagi ma’lumotlarni tahlil qilish, ularga asoslangan boshqaruv qarorlarini ishlab chiqish bo‘yicha chuqur bilimlar beriladi. Kurs doirasida tinglovchilar zamonaviy talablar asosida tayyorlanib, davlat organlari va boshqa tashkilotlar ehtiyojlari uchun raqamli tahlilga ixtisoslashgan mutaxassislar sifatida yetishib chiqadilar.
💡Tayyorlov o‘quv kurslariga barcha oliy ta’lim muassasalarining bakalavriat yo‘nalishining 2-bosqichini muvaffaqiyatli tamomlagan talabalardan kursga qabul qilingan
60 nafar talabalar
“Mirzo Ulug‘bek vorislari” tayyorlov o‘quv kurslarini muvaffaqiyatli tamomladilar.
🔠Bugun, 3-iyul kuni ushbu kursning
2024/2025-o‘quv yili bitiruvchilarini
taqdirlash marosimi bo‘lib o‘tdi. Tadbirda “Mirzo Ulug‘bek” jamg‘armasi raisi O. Salimov hamda Raqamli texnologiyalar vaziri Sh. Shermatov ishtirok etdilar.
🔠Ma'lumot uchun: hozirda “Mirzo Ulug‘bek vorislari” Data Science kurslariga 2025/2026-o‘quv yili uchun qabul jarayoni davom etmoqda. Tanlovda 3-bosqichda tahsil olayotgan, raqamli texnologiyalarga qiziqadigan yoshlar ishtirok etishi mumkin. Tanlov asosida saralangan talabalar Toshkent shahrida bir yil davomida tahsil olish imkoniyatiga ega bo‘ladi.
➡️Shuningdek,
2025/2026-o‘quv yilidan boshlab “Mirzo Ulug‘bek vorislari” kurslari doirasida yangi
GRANT asosidagi (bepul) yo‘nalishlar ham joriy qilinmoqda.
3-bosqich va undan yuqori bosqichdagi talabalar uchun mo‘ljallangan bu yo‘nalishlar quyidagilarni qamrab oladi:
– 3D modellashtirish
– VFX Compositing
– Animatsiya
– O‘yin dizayni va Game Development asoslari
– Digital Art
– FX Simulation
– Cinema 4D
– Unreal Engine❗️Bugungi kunda raqamli texnologiyalar – faqat alohida bir soha emas, balki har bir sohaga chuqur integratsiyalashayotgan muhim yo‘nalishdir.
“Mirzo Ulug‘bek vorislari” tayyorlov o‘quv kurslari nafaqat yoshlarni zamonaviy IT sohalariga yo‘naltirmoqda, balki ularni kasbiy jihatdan shakllantirib, mamlakat taraqqiyotiga bevosita hissa qo‘shadigan yetuk mutaxassislar sifatida tayyorlamoqda.
Zamonaviy bilimlarni egallab, bepul ta’lim olish imkoniyatini qo‘ldan boy bermang.➡️Data Science kurslariga ariza topshirish: https://dscience.uz/#price➡️GRANT asosidagi yo‘nalishlarga ariza topshirish: https://creativetech.uz/Batafsil:
👉 https://digital.uz/oz/news/view/65803📩Telegram 📱Facebook 📱 Instagram 📺Youtube 🌐 LinkedIn 🐦 X 