واحد معرفة كلمني من فتره، كان مديون بمليون ونص، وعليه حكم ومهدد بالسجن خلال أيام، وصاحب الدين كان رافض أي تفاوض وبيتعامل بمنتهى القسوة معاه ..

قلت له بصراحة: "أنا مش هقدر أساعدك ماديًا… بس عندي حل تاني."
سألني باستغراب: "إيه هو؟"
قلتله: "في صحابي راح للنبي ﷺ وقاله إنه بيكتر الصلاة عليه… فالنبي قاله: «إذن تُكفى همك». جرب تصلي على النبي قد ما تقدر ..

بعدها بكام يوم، اتصل بيا وهو بيعيط من الفرحة!
قالّي: "اللي حصل أغرب من الخيال!"

بعد ما قفلت معاك، قعدت طول الليل أصلي على النبي طول الليل…
وبعد الفجر بشوية، الباب خبط…
فتحت لقيت صاحب الدين قدامي! خوفت، لكن فجأة قالّي: "أنا متنازل عن الدين كله لوجه الله." استغربت انه يتنازل عن المبلغ فجأة وهو الي كان رافض اي حلول .. فقلت له: "ليه؟!"
قالّي: "شفت منام… كنت على باب الجنة، وشفت فيها نعيم يعجز عنه الوصف… ولقى راجل شديد الجمال والهيبة… عرفت إنه رسول الله ﷺ…و أشار لقصر عظيم وقالّي : ده قصرك في الجنة… بس لازم تشتريه." سألته: "بكام؟"
قال: "بمليون ونص… تتنازل لفلان ابن فلان عن دينك، وتدخل القصر يوم الأربع الجاي."

فصحيت مفزوع… قولت يمكن حلم… نمت تاني، لقيت نفس المنام، بس المرة دي النبي ﷺ بيعاتبني:"قوم صلّي الفجر… هيأذّن أهو… وروح له وتنازل."
صحيت فعلاً على صوت الأذان، قمت صليت وجتلك ..
الرجل سبني ومشي… وسبني الف حوالين نفسي ..

اتنازل فعلا وبعدها بأيام جالي خبر وفاته وكان يوم الأربع… ودفن في نفس اليوم الي بشره به النبي .. فقولت صدق المنام وربح القصر …
وصدق النبي ﷺ لما قال: "تُكفى همك".

أحمد زيدان

«أولَيس لَك حاجة عِند الله؟
أولَيس لك أمانٍ ورغَبات؟

أولَيست الجنَّة أعظَمها؟ ورِضاه سُبحانه يوصِلك لهَا!

أدرَكت عَصر جُمعةٍ، سلِ الله رِضاه والجنَّة؛
ارفع حَوائجك وألِحّ علَى الله بها..».

#أذكار_المساء
#ساعة_الإجابة

بعضنا يحسب الأذكار بتحمي من أشياء معينة فقط، وما بيجيش في باله أنها بتحميه حتى من تعثرات يومه
ولو أنه استوعب وقعها عليه ما تركها قط

يقول أحد الصالحين حاجتك للأذكار أكثر من حاجتك للطعام والشراب
ويقول ابن عثيمين "أذكار الصباح والمساء أشد من سور يأجوج ومأجوج في التحصن لمن قالها بحضور قلب.

جاء رجلٌ إلى رسولِ اللّه ﷺ فقال: يا رسولَ اللهِ ما لقيتُ مِن عقربٍ لدَغَتني البارحةَ فقال: ( أَمَا لو قُلتَ حِينَ أمسَيتَ: أعُوذُ بكَلِمَاتِ اللهِ التَّامَّاتِ مِن شَرِّ ما خَلَقَ، لَم تَضُرَّكَ ).
تخيل ده ذكر واحد من اذكار الصباح والمساء بتقوله ٣ مرات , فكيف بباقي الأذكار ؟!

يقول العثيمين "إصابتك بالعين لا تعني انك جميل جدا أو غني جدا .. وانما تعني أنك مقصر في الأذكار جدا "

مسلم بدون أذكار = مسلم بيضيع

اليوم إللي ضيعته إمبارح وقلت عادي ده يوم، واليوم إللي هتضيعه النهارده وتقول نفس الكلام، وبكره.. وبعده.. إلخ.

بعد ٢٠ سنة هيبقوا ٢٠ سنة ضايعين من عمرك، وبعد كده هيبقى عمرك كله ضاع وأنت مش واخد بالك.

احرص إن يومك ميعديش غير في طاعة وزيادة، عشان اليوم إللي بيروح مبيرجعش تاني، واليوم إللي مقربتش فيه من ربنا أنت بعدت عنه.

- عبد الرحمن إبراهيم.

الأذكار تزرع السَّكينة والطُّمأنينة في قلبك، وتقرِّبك إلى الله عزَّ وجل، وحصن حصين، ودرع متين، ووقاية لك، وتجعلك في معيَّة الله وحفظه ورعايته؛ فحافظ على أذكارك لتُدرك معنى «احفظِ الله يحفظك».

#اذكار_المساء

محدش مشي في شوارع مصر الفترة الأخيرة إلا و قابله المشهد ده
بنت في سن إعدادي أو ثانوي أو جامعة أو حتى أكبر
لابسه طرحة نازله كده بس مبينه جزء من شعرها و رقبتها و لابسه لبس ضيق و حاطه ميك أب

و كلامي هنا هيبقى للبنات اللي بتعمل كده بهدوء و عقل
انتي لابسه الحجاب ده ليه ؟
لو هو موضة ... فشكله مش ظريف و لا حلو بجد والله مش بكرهك فيه يعني
و لو هو عشان ربنا ... فهل ده اللي يرضي ربنا ؟!

طب انتي أصلا لابسه حجاب ليه ؟!
عشان لقيتي الناس بتعمل كده فعملتي زيهم ؟!
و لا عشان أهلك و الناس حواليكي هيزعلوا منك فانتي محروجة ؟!
و لا عشان شعرك مش أحسن حاجة فبتغطيه ؟!
و لا عشان ترضي ربنا ؟!

لو جاوبنا على الأسئلة دي هتكتشفي إن ممكن تكوني لابسه الحجاب لأسباب غير نقطة ( رضا ربنا )

طيب خلينا نرجع لورا شويه و نسأل سؤال
هو أنا بلبس حجاب ليه كبنت ؟!
الإجابة البسيطة جداً عشان ربنا أمرك بكده
نقطة و من أول السطر

طب أنا مش مقتنعة بالنقطة دي ... مش لازم نقتنع أصلاً بحكمة أمر ربنا عشان نعمله
احنا بنصلي و بنصوم و بنحج و بنزكي عشان ربنا أمرنا بكده و بعدين نبقى ندردش في الحكمة من الأوامر
حتى اقرأي كده معايا قول ربنا
" و ما كان لمؤمن و لا مؤمنة إذا قضى الله و رسوله أمراً أن يكون لهم الخيرة من أمرهم "
كده خلصانه و مش محتاجه أي تفاصيل زيادة

طب أنا مش مقتنعه بشروط الحجاب
برده مينفعش أنا كعبد أقول لربنا مش مقتنع أو ينفع أعدل على أمرك
زي مانا برده بصلي الظهر 4 ركعات مينفعش أقتنع الأول أو أعدل فيهم بمزاجي
لأني عبد لربنا سبحانه أسمع له و أطيع حبا له و خشية له و رجاء ثوابه و خوفاً من عقابه

نيجي بقى للسؤال الصريح
الحجاب اللي في الصورة ده .... هو اللي ربنا أمر بيه ؟!
الحجاب ده لما تلبسيه كده .... ربنا يرضى عنك ؟!
لو افترضنا و تخيلنا إن النبي صلى اللّه عليه وسلّم لسه عايش و قابلك في الشارع باللبس ده ... هتروحي له بسرعة عشان يشوفك و يفرح بيكي و بلبسك و لا هتتكسفي و تستخبي منه و تتحرجي

الموضة مش هي اللي تحدد الحجاب و شكله
اللي يحدد الحجاب و لبسك كبنت اللي ربنا قاله في القرآن و اللي يقربك من ربنا مش يبعدك عنه
و اقرأي معايا كده
" و ليضربن بخمرهن على جيوبهن "
يعني ينزل حجابك يغطي رقبتك و أعلى الصدر

ربنا يرضى عنك و يصرف عنك شياطين الإنس والجن

يااللي عايش حياتك وغرقان في المعاصي وبتقول ...لسه العمر طويييل
يااللي لسه مش مظبطة حجابك وبتقولي أعيش حياتي ...ولسه العمر طويييييل بعدين هبقى أتووووب
يااللي لسه مش بتحافظ على صلاتك وبتقول في المستقبل هبقى احافظ على الصلاة
يااللي رايح شرم ولا الساحل وبتقول هخربها ولما أرجع أبقى اتووووووب

............⚠️عفوًا ⚠️................
⛔لقد نفذ رصيدكم ⛔

بس المرة دي مش رصيد التليفون ..المرة دي رصيدك من الحياة
أيوة ..وارد جدا يكون ده آخر رصيد ليك
وارد جدا تكون دي آخر طلعة ليك اللي كنت بتقول هتتوب بعدها
وارد جداااا يكون آخر خروجة ليكي اللي خرجتي فيها بالحجاب اللي مش مظبووط
وارد جداااا...تكون الصلاة اللي ضيعتها آخر صلاة في عداد عمرك ويبقى الفرض الجاي....الدور عليك عشان يصلوا عليك

إلى كل واحد بيأجل التوبة ولسه مكمل في الذنوب ....لحد امتى ؟؟!!
عاوزين نرجع لربنا ونتوب قبل مايجي اليوم اللي نندم فيه ونقول ((رَبِّ ارْجِعُونِ لَعَلِّي أَعْمَلُ صَالِحًا فِيمَا تَرَكْتُ))
باب التوبة لسه مفتوووووح ...بلاش تأجيل ..يلا حالا سيب الذنب اللي بتقع فيه وعاهد ربك على عدم العودة للذنب واسأل الله الثبات 💖

#كوكب_بنات

س/ ايه حكم توريد الشفايف؟
****
ج/ توريد الشفايف وزيه تحديد الشفايف هياخد حكم عمليات التجميل
👈🏼 لو كان لمجرد التجميل فهيدخل في حكم الوشم اللي النبيﷺ قالنا عنه :
"لعنَ اللهُ الواشماتِ ، والمسْتَوْشِماتِ ، والنامِصاتِ ، و الْمُتَنَمِّصاتِ ، والْمُتَفَلِّجَاتِ لِلْحُسْنِ ، الْمُغَيِّراتِ خلْقَ اللهِ"
حتى لو كان ده لفترة مؤقتة وهتروح

👈🏼 أما لو كان التوريد ده لإزالة عيب زي أثر حرق مثلا ، زي مرض غير لون الشفايف فساعتها بس ينفع ومش حرام

🚫 ماتنسيش إن البنت ربنا أمرها إنها ماتعملش حاجة تلفت النظر ليها فقال: "وَلَا يُبْدِينَ زِينَتَهُنَّ"
وطبعا نفخ وتوريد الشفايف بيلفت النظر جدا غير إنه في أصله تغيير للخلقة بدون مايبقى فيه مرض أو عيب

وهو ده اللي قاله الشيخ ابن عثيمين : " التجميل نوعان: النوع الأول: إزالة عيب. والنوع الثاني: زيادة تحسين.
أما الأول فجائز -إزالة العيب- فلو كان الإنسان أنفه مائل فيجوز أن يقوم بعملية لتعديله؛ لأن هذا إزالة عيب
؛أما النوع الثاني: فهو زيادة تحسين، هذا هو الذي لا يجوز؛ ولهذا لعن النبيﷺ المتفلجات للحسن، بمعنى: أن تبرد أسنانها حتى تتفلج وتتوسع للحسن"

#س_و_ج #رسايل

لمن يهتم بحفظ وتثبيت ومراجعة القرآن
ثلاث تطبيقات لا غنى عنهم لمن أراد إتقان الحفظ والتثبيت.. 🤎📖

-المقرأة: واجعله تطبيق الحفظ الرئيسي لك،لك نصف ساعة أسبوعيا محدده تحفظ فيها وفق خطة منظمة ومرتبة

https://play.google.com/store/apps/details?id=com.recitation_app

-القرآن مباشر: يوفر لك معلمين ومعلمات لتصحيح التلاوة والتسميع والمراجعة، وانت من تختار الوقت المناسب لك للتسجيل فمتى تدخل تجد معلما متقننا ينتظرك.

https://play.google.com/store/apps/details?id=maknoon.student

-تعاهد: تطبيق يوفر لك رفيقا للقرآن متى شئت اطلب جلسة وانتظر، ولا تخفى عليكم أهمية السرد غيبا على رفيق لتثبيت الحفظ وإتقانه🤍

https://play.google.com/store/apps/details?id=com.taahod

نفع الله بنا وبكم وجعلنا جميعاً من أهل القرآن .

كل الذنوب = محرّمة
والأعظم حرمة هي = المجاهرة بها!
• فالموسيقى مثلاً:
- إن سمعتها لوحدك = تأثم.
- لكن إن سَمَّعتها غيرك أو نشرتها في مواقع التواصل أو دليت الناس عليها = فإنك تصبح:
1- آثم.
2- مجاهر.
3- حاملاً وزر كل من سمعها بسببك.

وقِس عليها المعاصي الثانية.

أذكاركم 💚

ما دام العبد يلح في الدعاء، ويطمع في الإجابة من غير قطع الرجاء، فهو قريب من الإجابة، ومن أدمن قرع الباب يوشك أن يُفتح له
#ساعة_استجابة

جبر الله قلوبكم وأعطاكم ماتتمنون وزيادة💚

السلام عليكم ورحمة الله وبركاته

كيف لنا أن نرى شخص ينشر مقطع يحتوي على موسيقى أو صور غير لائقة ونتجاوز الأمر بسهولة ، ونقول الجُملة المعتادة "دع الخلق للخالق" لازم ننكر عليه هذا الأمر وننصحه بالرِّفق واللّين ونحاول معه مرة واتنين وعشرة

قال النبيﷺمن رأى مِنكم مُنكرًا فليغيّرهُ بيدِه فإن لم يَستطع فبلسانِه ، فإن لم يَستطع فبقلبِه وذلك أضعفُ الإيمان

الأمر بالمعروف والنَهي عن المُنكر فرضُ عين على كُل مُسلِم

لصاحبته

قبل ما تروح لدكتور مهما كان شاطر ( استخير ) علشان انت متعرفش ( خبرته ) هتأذيك ولا تنفعك.

قبل ما تعاتب حد ( استخير ) علشان انت مش عارف العتاب ده هيصلح الدنيا ولا يبوظها .

قبل ما تسافر أي مكان حتى لو صد رد ( استخير ) علشان انت مش عارف مستخبي لك ايه.

قبل ما تروح مكان تتفسح فيه ( استخير ) علشان انت مش عارف هل فعلًا المكان ده هينفعك دنيا و اخره ولا لأ؟

قبل ما تختار تخصص معين ( استخير ) مهما كنت واثق انك شاطر فيه، لإنك متعرفش التخصص ده هينفعك ولا لأ.

قبل ما تعمل عملية ( استخير ) علشان اللي يعلم النفع و الضر هو الله مش الدكتور بس ، الدكتور لا يعلم الغيب ، الله يعلم!

قبل ما توافق على عروسة/ عريس - قبل ما تشتري ( عربية - بيت - دهب - أي مقتنيات ) استخير، انت متعرفش الحاجة دي دخلتها عليك خير ولا شر.

استخيروا في كل التفاصيل ، الاستخارة اعتراف صريح بالفقر و بعدم الثقة في العقل و قراراته ولا في العين و رؤيتها ، الاستخارة امان نفسي و قمة التوكل ، الاستخارة أدب مُحب :

لن أفعل حتى تأذن.

Cpd

هَل اللايك حَرام؟

كثيرٌ ما أرَى بعض الأخوات والإخوة ممن نحسبهم على خَير، أو من عَوام الناس الذين لا يعلمون الكثير من الشريعة أو ربّما لم يخطر على بالهم حتى بشكلٍ عام (حتى لا نُحدد فِئة معينة)؛ يضعون "إعجابا" على مقطع يظهر فيه امرأة كاشفة لشعرها، أو متبرجة، أو مقطع فيه معازف في الخلفية وغيره من المقاطع.

سؤال: هل فكّرنا قبلًا ما فائدة اللايك؟ هل فقط لأنه أعجبني أو لأني رأيت فيه حكمة رغم وجود امرأة متبرجة أو معازف في الخلفية؟

أبدًا!
اللايك: هو نقرتَان أو نقرة على (القَلب أو الإبهام) لوضع إعجاب على المَقطع.

فائدة الإعجاب على هذا المَقطع هو زيادة نشره وتدَاوله في الريلز أو الشورت، سواء في الإنستغرام أو يوتيوب أو أي تطبيق آخر.

يعني؛ اللايك يُساعد على نشر المقطع عند آخرين بشكل أوسع.

ويعني مرّةً أخرى أختي القارئة وأخي أن اللايك قد يكون في موضع حَرام والله أعلم، ووضع اللايك على مقطع فيه معازف أو صور نساء وغيره يُساعد على نشره، فإن وضعت إعجابا فقد ساهمتَ فِي نشره لغيرك.

طيّب مثَلا تذكّروا معي قَليلا، لنقل الإنستغرام! ألا يظهر لكم بعض الفيديوهات وترَون أسفلها مثلا (حاز على إعجاب فُلان تُتابعه) .. وهذا يعني أن بسبب الإعجاب هذا وصل الفيديو إليك.

تخيّلوا أنكم تضعون إعجابا على مقاطع فيها معازف! فقط لأنه أعجبكم كُنتم وسيلة في نشر الفيديو بشكل أكبر وإن لم يكن قصدكم هذا.

وهُنا نقول؛ اللايك حرام شرعًا على أي مقطع داخله معازِف أو نساء لأن فيه تعاوُنا على نَشر الإثم وهذا مما نبذه الشرع وحرّمه، فلا يجوز إشاعة ونَشر الفواحش .. ووضع الإعجاب على مقطع فيه معازف لَا يُعين على نشره فقط، بل أنكَ راضٍ في المُنكر الموجود في الفيديو! وهو ذَنبٌ قد يكون جارٍ إلى يَوم القِيامة إن لم يتب صاحبه منه.

ولذلك أيّها القارئ علَيك الانتباه إلى ما تضع علَيه بصمتك، فإنها تشهد لك يوم القِيامة أو علَيك فلا تجعلها خصيمةً لك.

بل كُن من الذين يتعاونوا على نشر البرّ والتقوى، وإن أردت ترك إعجابا فاتركه على ما يُفيد المُسلمين من علمٍ، ومقاطِع قُرآن وغيره...

نفع الله بكم، والله أعلم

نُقِل..