قصيده فزاعيه للدفن


يدفان اعله خوي بهيده وياه
مرضوض الضلع والحافر أذاه


مرضوض الضلع لاتلچمه بهيده
ورجع خنصره من تدفنه الأيده
ظل    نايم   ثلث  تيام  بالبيده
مطروح الشمر  عالغبره   خلاه


ظل مطروح منه مسلبه هدومه
وكل اخوانه ظلت عالترب نومه
انظر عالجثث متوزعه بالحومه
گبر  حسين  يم   عباس   ادناه



يم عباس گبر حسين لتبعده
تدريبه عزيز الاخو شكد عنده
يا حيدر علي ياحاضر الشده
يريت اليوم تحظر بويه الواه




تحضر يا علي وسجادك اتعينه
وبايدك تشيل حسين والينه
وبالدفنه تيزيح اتراب الي بعينه
وعله حاله تصيح الويل ويلاه

✍أم حوراء البركاوي
ـــــــــــــــــــــــــــ

مقطوعه من وزن النصاري

عل طف لو كتبتم ثقفو الاقلام
واعـظـم شـرف لـليكتب ينولـه

خـل اول درس نيـران الخيـام
وسلب ترجيه واحلام الطفوله

لاينسب ابكيفه ويكتب اوهام
ويحذر من كلامه الـي  يگولـه

عظيمه الواقعه بيها العقل حار
ابوضع الذله  ليخـلي البـطولـه

قلمي أم حوراء البركاوي

دارميات على لسان مولاتي زينب ع تقول

من صغري شلت هموم ما الهن حساب
طفله وبدن وياي من عصرت الباب

كبرن وثگلن حيل يشهدلي محراب
وجرح البكلبي عليك يابويه ماطاب

يدي الجرح ماطاب  بعدك يكرار
وتلاحگاه بچلاي جرح الحسن صار

بعد الحسن احتار شيعد الجروح
وكبرها جرح حسين من شفته مذبوح

بقلمي ام حوراء البركاوي

مولاتي زينب ع تنعى اخيها الحسن ع قائله

يبعد العافيه وچبير خوتنه
شلون اگدر أأيس وگطع الضنه
صعب كلش عليه النعش اودعنه

((ياريت بنعشك خلوني))

بقلمي

على وزن قصيدة احنه غير حسين ماعدنه وسيله

من زيارة وارث وجود الكفاله
ومن خلال المنبر،نوجه رساله

فليجب كل حسينيا مطيعا
واجبا اختاه تطبيق الشريعا

انواسي دمعات العقيله والثكاله
ومن خلال المنبر انوجه الرساله


اولا لبس الحجاب واجب اعلينه وفرض
وخلي خطواتچ رزينه اتهاب من عدها الارض
العدو عينه علينه يريد بس زله يكض
واحنه زينب علمتنه اسلاحنه اتكون العبايه



وكلنه كون انصير قدوه بهالمسيره
نحيي كون بهاي مضمون الشعيره

كل عاماً بالدمع نحيي الفجيعا
وعلى درب الهدى نمشي جميعا

والشفاعه اتنولها بس من خلاله
ومن خلال المنبر انوجه الرساله


التحيي كون الاربعين موفقط تبچي وتنوح
كون بيه اداوي زينب موتزيدلها الجروح
بالخطى اتمثل العقيله بالدرب لمن تروح
تكتب العفه شعار الزينبيات اعله رايه

نكتب العفه شعار الزينبيه
والحجاب النه صبح عز وهويه

شكلكِ بالعفه يا اختي بديعا
وبهِ تشفى جراحات الشفيعا

وتنشمل عند العقيله بالكفاله
ومن خلال المنبر انوجه الرساله


الچ يا أختي نصيحه والوضع كلش خطير
خلي كون الحره قدوه لو نويتي اعله المسير
هواي عدنه من يضدنه ناس منزوعت ضمير

اعيونها تتربص النه اتريد تسقيط الولايه

الشجاعه اتكون بالعز والاراده
وحتشام المرأه من ضمن العباده


كل من كانت الى زينب مطيعا
فلتكن في الاخره هي الشفيعا

والسجل معروض يم رب الجلاله
ومن خلال المنبر انوجه الرساله

قلمي ام حوراء البركاوي
تمت ببركة مولاتي زينب عليها السلام

فاطم   ياكنز    مكنون    والدار
وحگ مخزون دمع العين والدار
عليها   الباب   والبسمار   والدار
كلها     اتواردت   بيد     الدعيه

قلمي أم حوراء البركاوي 2023/11/27

كتمت كل الم بيها ودارت
صبت دمع عالمحسن ودارت
ملاعين الغدر هجمت ودارت
على ريحانة الهادي الزچيه
بقلمي

غصن وترف حر الشمس،،،  ذبل معاني البيها
طفله وصفت بيد العده،،،،نار الخيم تجويها
تركض رقيه اليا جها،، وعدوانها امحوطيها
لا ابو ظل الها وسند،،،ياهو الذي ايحاميها

كلش ازغيره عالجره. اشوف الخيام اموجره
ماظل ولي ايساعدها.  شمت نحر والدها

ام حوراء البركاوي

شرد اقدم راح اقصر
بيا جرح ابدي واروف
من نحر حزو وريده
من سهم طفل الرضيع
من الاكبر من عريس اصبح صريع

من لواء اتكطعت منه الزنود
من سبي وحرك الخيام
اطفال مرعوبه وقيود
انه ادري راح اقصر وادري خجلانه الحروف
لو اظل كل عمري اكتب
ما اوفي شماكتبت اعله الطفوف

قلمي

يدفان اعله خوي بهيده وياه
مرضوض الضلع والحافر أذاه


مرضوض الضلع لاتلچمه بهيده
ورجع خنصره من تدفنه الأيده
ظل    نايم   ثلث  تيام  بالبيده
مطروح الشمر  عالغبره   خلاه


ظل مطروح منه مسلبه هدومه
وكل اخوانه ظلت عالترب نومه
انظر عالجثث متوزعه بالحومه
گبر  حسين  يم   عباس   ادناه



يم عباس گبر حسين لتبعده
تدريبه عزيز الاخو شكد عنده
يا حيدر علي ياحاضر الشده
يريت اليوم تحظر بويه الواه




تحضر يا علي وسجادك اتعينه
وبايدك تشيل حسين والينه
وبالدفنه تيزيح اتراب الي بعينه
وعله حاله تصيح الويل ويلاه

✍أم حوراء البركاوي
ـــــــــــــــــــــــــــ

(٦٠)
بابچ دوم بالضیجه
ادگنه
امجربته یحره ودوم
اعرفنه
ــــــــــــــــــــــــــــــــــــــــــــــ
الشدايد ماتهمني وبابچ انعرفه
كل وجعان يمچ علته تشفه
بس ننخاچ بالعباس وبچفه

((كل عله بجاهچ تتشافه))
ـــــــــــــــــــــــــ
احلفچ بالذبيح الگطعو اوداجه
باسم حسين ادري ماترد حاجه
روحي اليوم الأم عباس محتاجه

((وانه ادري الشده اتخلصيها

ـــــــــــــــــــــــــــــــــــــــــ
انه ادري كفو منچ ينشميه
انتي ام الكرم وام العزوبيه
يمچ حاجتي بالحال مگضيه

((وبساع /الحاجه اسهليها))


ـــــــــــــــــــــــــــــــــــــــــ
نقيه وبت اصل والعفه محياچ
لذالك حيدره يم الوفه ختاراچ
ابد ماخاب كلمن گاصد وينخاچ

((والحاچه بساعچ تگضيها))

✍أم حوراء البركاوي
ـــــــــــــــــــــــــــ

شرد اقدم راح اقصر
بيا جرح ابدي واروف

من نحر حزو وريده
من سهم طفل الرضيع

من الاكبر من عريس اصبح صريع

من لواء اتكطعت منه الزنود

من سبي وحرك الخيام
اطفال مرعوبه وقيود

انه ادري راح اقصر وادري خجلانه الحروف

لو اظل كل عمري اكتب
ما اوفي شماكتبت اعله الطفوف

قلمي المقصر

اجلبنك يليلي امنين ابدي منين
ثوره والثمن منحر چفوف وعين
ترك كلشي بحياته حسين لجل الدين
واخت محتاره شداوي ابتصاويبه


التاريخ ثوره وبالدمه خطاها
خسران كلمن ماتبع خط طاها
كل خطوه عكس حسين لو خطاها
ايظل ابحياته يخسر ويتعثر

قلمي

اجلبنك يليلي امسجل ومكتوب
عد حسين كل خادم باسم محبوب
كل شيعي بسجله ما تظل اذنوب
كلمن ينعه ابو السجاد بنحيبه
قلمي

اجلبنك يليلي والدموع انهار
من اذكر عبي لاحت طرفها النار
شكتب والقلم ظل يرجف ومحتار
ياچلمه التوصف هاي المصيبه
قلمي

موجهه الى خدمة الحسين ع

الخدمه تعني اخلاص صادق كل حرف بي مخلصين
تشهد اعليه العقيله لازم ايكون بيقين

الشهاده بي تكون
حبنه لحسين بجنون
كلنه خل بصوت واحد انردد بحب الحسين

حيدر حيدر حيدر

الخدمه تعني الارتباط الخادم بخدم سوه
لاتلم يا لائمآ اجنون من عابس حوه
يحمل هوايه صفات
بالمعاني والثبات
المحمد وأل بيته حبنه ليهم كالهوه
نكتب بخط الولايه كلنه ليهم عاشقين

حيدر حيدر حيدر

اني من سموني خادم عندي هالخدمه شرف
كون ماحرف العقائد والقلم ماينحرف
اكتب الصار ابضمير
غير هذا مايصير
والله واحدنه يساوي بالخدامه مية الف

حيدر حيدر حيدر

قلمي
___

كل خادم وسام الشرف ناله
حسيني بكل فخر هالاسم شاله
وعله خط الفده يكمل الرساله
مواكبنه صفت اكبر دلاله
تزيد وتكبر شمامرت اسنين
ونحي امصاب ابو فاضل والحسين

قلمي