حماسيه جنوبيه للاخ الاكبر للامام الحسن العسكري السيد محمد ابن الامام الهادي عليهم السلام وعم الحجة المنتظر عج (سبع الدجيل)
«~«~«~«~«~«~
حسافه الشارته تعلگ يسموه
غصن ورده  من الشجره يكطعوه
«»«»»«»»««
عمر عشرين وصّل ماتهنه
او هرش گلبه انگطع ياناس منه
جمره شارته شلون او تدنه
الطاغي وسممه والچبد وذروه

تعلگ شاراتي /شلون ادنووو

ام حسين المحمداويه
🏴🏴🏴🏴🏴

غضن كسرو الف ياحيف وسفه
اليسطر لليغثه انعــــــــــرف چفه
سمـــــــــــو چبدته  ياناس كلفه

لاغيره ورحم بيهم يــرحمــوه

انه ابن الساده /الثابت اصلي

ام احمد العبوديه زبير
🏴🏴🏴🏴🏴
ماعدهم رحم سموه المهيوب

عنه وين اهله احنان الگلوب

ملاذ الشيعه هوه وعدهه محبوب

اعليه اتعاونو اعداه واذوه

ماهابو اهله/ واجدادي

✍ام مرتضى الخزرجي
🏴🏴🏴🏴🏴
موسوعة علم فاضت بالعلوم
يا نسل النجابه وسادة الگوم
بحر المعرفه ياوسفه مسموم

للضايع صبح اسمه يشوفوه

ابن الهادي // اليرهب صيته

✍️ أم حوراء البركاوي

🏴🏴🏴🏴🏴

جبل شامخ عليه الناس ترتاچ
اجت متعنیه لیه تلزم الشباچ
جربي لونخيتي لا مينساچ
الحاجه تنكضي بابه تعرفوه

تزور الحضره /وترجع فرحانه

✍️☘️ام فراس الساعدي ☘️

~~~~
تمت باقلام شاعرات رابطة  كفيل زينب عليهما السلام

https://www.tgoop.com/alkalm313

☘ للسيد سبع الدجيل ع☘

بطل مهيوب نتنومس بشاراته
مثل جده علي ماننسه حملاته

ابن معصوم لايگله شحلو تاجه
من ابعيد يضوي ويلمع سراجه
كفو ونعمين منه اليگضي الحاجه

نضل للدوم نشهد بيها وگفاته....
يحچي بشنياره /وكلمن زاره

✍️☘️ام فراس الساعدي ☘️
🏴🏴🏴🏴🏴

كلمن زاره يرجع ايده مليانه
كريم ومثل اهله الكرم عنوانه
ابن الساده والله امعلي الشانه

ومشرع بابه/ الخطاره

✍ام مرتضى الخزرجي
🏴🏴🏴🏴🏴

معزٌب دوم كلمن يعتني اكتاره
كريم من اهله ماخذ كرم خطاره
ابن حماي هذه والحمه جاره

سبع البر/يسمونه
ام حسين المحمداويه
🏴🏴🏴🏴🏴

مشرع دوم بابه ومايسد بابه
من جفه الكريم يعزب احبابه
سيد محمد الماخاب طلابــه

اتعناله،،، الراد امـــــــــــــــراد

✍️عاشقة العباس ام عراق الشمري بصره
🏴🏴🏴🏴🏴
تعنه الحضرته ونادي السبع بيها
الشده ابساع من تنخاه يكضيها
ابو الشارات بيدك والله ينطيها

امجرب من تنخاه اتشوفه

✍️ أم حوراء البركاوي

🏴🏴🏴🏴🏴

تمت باقلامزشاعرات رابطة كفيل زينب عليهما السلام

https://www.tgoop.com/alkalm313

قصيده للامام علي الهادي عليه السلام


حزنانه المدينه وارض طيبه

ويبجي الرافضي دموعه سجيبه
🪽🪽🪽🦚🪽🪽🪽
حزنان الموالي اودمعته دم
للمسموم جبده انمرد بااسم
ودين المصطفى ركنه تهدم
وحلت بالبلد اكبر مصيبه

✍ام مرتضى الخزرجي
🪽🪽🪽🦚🪽🪽🪽
وگف بالريج سمّه ويتجرع
منكثر المراره عيونه تدمع
ماصح الدوه لاكلشي ينفع
ابو العسكري راح منين اجيبه...


✍️☘️ام فراس الساعدي ☘️
🪽🪽🪽🦚🪽🪽🪽
سمه المايخاف من الله سمه
يلوچ الوحده ويلي يتغمه
على فگده غدت دنيانه ضلمه
عليه العسكري زايد نحيبه

ام مهدي الفرطوسي
🪽🪽🪽🦚🪽🪽🪽
نفكد ياحيف وتواره شبابه
الشجاع البسلف كلها تهابه
نوحوه بــدمع ودگـو بابــه

ميردگم اصيل واسمه هيبه

ام احمد العبوديه زبير
🪽🪽🪽🦚🪽🪽🪽
هيبه الهادي مارد اليكصده
وخيره الفاح وعلينه تبده
مثل اهله يحينه بموده
والضايع دواه صاير طبيبه

الخادمة زينة الگريشاوية
🪽🪽🪽🦚🪽🪽🪽
اريد ابچي ونوحن وشتكيله
وانه ادري يحل وين الثچيله
النقي اشاكتب عليه والله قليله
القوافي اتحيرت يامنبع الطيبه

أم حوراء البركاوي
🪽🪽🪽🦚🪽🪽🪽

تمت بااقلام رابطة كفيل زينب

https://www.tgoop.com/alkalm313

ع

قصــيدة للسيدة زينب ع}
🪽~♡♡♡~🪽
~~~

ونـتها ثـجيله الـفاگـده احباب
الــمن تنـتظر والاهـــل غــياب
🪽~♡♡♡~🪽
ونتــها ثـــجيله الـغايبه اخــوتها
جـــوه ظلــعوها تـستعر جـمرتها
تجوي اخدودها من تهل دمعتها
مأيسئ من اليجيها وساده الباب

✍️ أم محمد التميميه
🪽~♡♡♡~🪽
شيكض الدمع والعبره تچويها
والتفكد اخو تكثر نواعيها
بعد ياهو اليجيها ويسأل اعليها
عمت عين المنيه وعين التراب
ام حوراء البركاوي
🪽~♡♡♡~🪽
اتناطرهم تعاين طلـعة الگــمره
والـمضيع احــنان يــفرهد بعمره
حـلم ذيـچ السنابل والقحـط مرَه
كطعو فرد گطعه شنهي الاسباب

ام حسين المحمداويه
🪽~♡♡♡~🪽
تنـاشغ سـكته ولالام جـرعتهه
مـره الصـبر بيـهه ومـره اتعتهه
تفسر الصـخر ياونات شوغتهه
من ادموعهه حتى الرمش شاب

✍️☘️ام فراس الساعدي ☘️
🪽~♡♡♡~🪽
تمرمر ياگلبها تــكطعت نياطه
مـحروگ ويـعاتب بـاين اشياطه
جرحها غميج مايرهمله خياطه

ولو طلعت جـنازه بـيش تنـهـاب

ام احمد العبوديه زبير
🪽~♡♡♡~🪽
شــالو يااسف كلـهم فـرد شيـله
مـاغمض جـفنها ولاغفــت لـيله
من يوم الجفوها ظـاله انـحيله
كـاتلها الحـزن كـاضـيها لغـياب
✍ام مرتضى الخزرجي
🪽~♡♡♡~🪽

تمت بااقلام شاعرات كفيل زينب ع

https://www.tgoop.com/alkalm313

☘مولد الامام علي ع☘

هليله هليله... مولد علي اليله
يم الرسول بشوك جيته اهنيله
💎🌷💎🌷💎🌷
بلهفه ابارك يالله
الفرحه اشارك يالله
ولحبه دارك يالله
سويله سويله مولود اسويله...
هليله هليله... مولد علي اليله

✍☘ام فراس الساعدي ☘
💎🌷💎🌷💎🌷
اليله فرحنه يالله
بسمه احتفلنه يالله
نترك جرحنه يالله
اطويله اطويله هليله اطويله
زهره الكناني
💎🌷💎🌷💎🌷
فرحنه دايم ياالله
نهني القائم ياالله
واهله الهواشم ياالله

وباالفرج للمهدي هليله ندعيله
هليله هليله مولد علي الليله

✍ام مرتضى الخزرجي
💎🌷💎🌷💎🌷
ايهل علينه يا الله
مولد ولينه يا الله
كلنه اجينه يا الله

غنيله غنيله كلنه نغنيله
هلليله هلليله مولد علي الليله

ام حوراء البركاوي
💎🌷💎🌷💎🌷

تمت بااقلام رابطة كفيل زينب ع

https://www.tgoop.com/alkfoofalskea

لسان حال العليله عليه السلام
•••••♡
گــلبي یـحن كلـساع للـدللونی
راحو عني ابعید يمه وجـفونی
➖➖➖➖➖➖➖
راحو احبابي ابعيد محد بگالي
ظـليت بلحسرات والـدمع هالي
وحدي اون بلدار ما عندي والی
اعتب وودي اعتاب للضيعوني

✍️ #علويه ام فاضل
➖➖➖➖➖➖➖
اعتب وودي اعتاب ودموعي اهلها
الما عده أهل ياناس بالدنيه شلها
كـلمة اشـلونج راح مـحد يـــگلها
من البچي والنوح راحن اعيوني

✍️ام محمد التميميه
➖➖➖➖➖➖➖

اتنطر وبحسرات مرسال منكم
بلكي يجيب اخبار اطمني عنكم
ويحن علي ياريت ياخذني يمكم
اوصل اليمكم كون يالماتجوني

✍️ ام حوراء البركاوي
➖➖➖➖➖➖
يالماتجوني اشلون گلولي انسه
كل صوت منكم ضال اباذني لهسه
الحالي اتون هليوم يوالي خنسه
شالو اعزاز الروح اوضيعوني
زهره الكناني✍🏻
____
اوضيعوني ليش شالو احبابي
محدمن اهلي اليوم ايدگه ببابي
وديت الك مرسال بيده لعرابي
دمعتي تسولف ليك نشف اعيوني
زهره الكناني✍🏻

••••••
تمت باقلام شاعرات رابطة كفيل زينب عليهما السلام

https://www.tgoop.com/alkfoofalskea

*مولد مولانه الحسن المجتبئ ع السلام*
ــــــــــــــــــــــــــــــــــــــــــــــــــــــــ
*هله بالكرم خطاره*
*بصياره ضوت داره*
💐💐💐💐💐💐
بصياره ضوت طيبه
اجانه الحسن الهيبه
الحك لو ضايع ايجيبه
*من الزهره وعلي اسراره*

*ام✍🏻 رحمه الگاظميه*
💐💐💐💐💐💐💐
يضل للدوم والينه
من اللظى ينجينه
رحمه ونزلت اعلينه
*حلوه هاي البشاره...*

*✍️☘️ام فراس الساعدي ☘️*
💐💐💐💐💐💐
حاتم مستحي منه
طول العمر يتمنه
الكرم عنوانه ايضمنه
*ايريد ايوصل اخباره*

*زهره الكناني✍🏻*
💐💐💐💐💐💐
صفاته هواي ماتنعد
كريم و ما يرد احد
باب الكرم ما تنسد
*مضيفه الماطفت ناره*

*✍️أم حوراء البركاوي*
💐💐💐💐💐💐
كريم وللكرم عنوان
يشبه داحي البيبان
فرحان الانس والجان
*بنوره الناس محتاره*

*✍ام مرتضى الخزرجي*
💐💐💐💐💐💐
العطف والکرم مقیاسه،،
عطــــــر الجنه انفاسه،،
مضیفـــه تاج الـبراسه،،
*بخیت و صاحب اشاره،،*
*ام مهدی مجدم✍🏻*
💐💐💐💐💐💐
تمت بعون الله

باقلام شاعرات رابطة كفيل زينب عليهما السلام

https://www.tgoop.com/alkfoofalskea

*في حق سيد الحسن عليه سلام ميلاده الكريم*
=≈===========
*يا مرحبا ابميلاده... للحسن گلبي ناده*
//////////(1)//////////
يا مرحبا يلغالي وابن الغالي.
يلمولدك بيه انشرح دلّالي.
آمالي بسمك يلحسن آمالي.
*والمحب هاي اعياده... للحسن گلبي ناده*

*أم يحيي العبودي*
////////
ناده الگلب والفرحه بانت هااليوم،،
وصدري انشرح وانجلت منه لهموم،،
نوره يشع و بصدره خازن لعلوم،،
*فرحت ابجيته الساده،،للحسن گلبي ناده*

*ام مرتضى الخزرجي*
////////
ليث انولد من نسل داحي البيبان
خازن بصدره علوم كل الاديان
شعشع علينه الخير من هل وبان
*هلعيد احلا اعياده للحسن گلبي ناده.*

*☘️ام فراس الساعدي ☘️*
////////
بيدي القلم✍️ وحتار قلمي وچفي
شكتب عليه. فخر الكرم ماوفي
ابياتي كلها ا. مقصره و متكفي
*اعجز اعد امجاده للحسن گلبي ناده*

*أم حوراء البركاوي*
//////////
الزهره فرحانه وملت بي الدار
ونهني ابوه المرتضى حامي الجار
الليله ازهرت دنيانه ببن الكرار
*ماننسى ابد ميلاده،،،للحسن گلبي ناده*

*ام علي المالكي*
//////////
ياهلا ويا مية هلا بمولانه
كل الخلك ابجيته فرحانه
نوره يشعشع دوم ظل بسمانه
*بلهفة الكلب جن راده للحسن كلبي ناده*

*ام عباس السكيني*
///////////////
تمت بأاقلام شاعرات رابطة كفيل زينب عليها السلام

https://www.tgoop.com/alkfoofalskea

حرمانه زماني كلمه اليابه
راح الجان سدره كله اهيابه
________
شيعوضى مجانك بويه حاجيني
ليل انهار اونن دم تصب عيني
جنت صبح اومسه بويه تماسيني
من مات ابوه تولتنه لذيابه

زهره الكناني✍🏻
___
تولونه الكفر بعدك يوالينه

وسفه تروح منه انت وتخلينه

حسن وحسين دم لجلك بجت عينه

نار وبالكلب عليك لهابه

ام رحمه الگاظميه
_____

اشلون اتروح من عدنه يلهيابه

ويتامه ازغار نبقى اشلون يايابه

اعليك ابعبره نبجي ودمعه سچابه

اله عبره بصدرنه وحركه لمصابه،،

✍ام مرتضى الخزرجي
_______
يمصابك يابويه الماكو منه امصاب
جرح خله بدليلي. لاشفه ولاطاب
وحگ امنه وضلعها والحصل بالباب
تظل ادموع عيني اعليك سچابه

✍️ ام حوراء البركاوي
______
سچابه تظل تنوح كل ليله
بخدودي دمه يتجاره اتسيله
يل جرحك كلف بالروح شيشيله
بچلواته عساه منيشن صوابه...

✍️☘️ام فراس الساعدي ☘️

ـــــــــــــــــــــــــــــــ
تمت باقلام
شاعرات رابطة كفيل زينب عليهما السلام

https://www.tgoop.com/alkfoofalskea

☘ ذكرى استشهاد الامام علي ع☘

بلسان الشاعر👉

عازوا المنتضر.. مفجوع هليله
مطبور الامام اليوم ينعيله

كسرو خاطره وحرگوله افاده
من صابو علي وتيتّموا اولاده
يغدرونه صعب هذا ابو الساده

نعازيه بمصابه نواسي العيله ...

✍☘ام فراس الساعدي ☘
🏴🏴🏴🏴🏴

انعازي المنتظر واهله الميامين

وننصبله عزاء المات للدين

نلطم عله الهامه وتهمل العين

حتى الطير يبچي ومدمعه اييسيله

✍ام مرتضى الخزرجي
🏴🏴🏴🏴🏴
محزون الامام او ويلي يمصابه
ينوح اعله الجره وعينه سجابه
ابو الكلفات راح وبيه الهيابه
الحزن فت بدليله وعظم ويله

✍️ام مصطفى الاسدي
___
اليله المنتظر التمت احزانه
لمصاب الوصي تستعر نيرانه

ماحاضر بوكته جان مولانه

يصفج راح فوك الراح يبجيله

الخادمة زينة الگريشاوية
__
المهدي اليوم حاله صبح ياحاله
چبيره الفاجعه وهموم تبراله
فگد جده يهد الكون وجباله
بكل عام اليمر ذكراه يهد حيله

✍️ أم حوراء البركاوي
\__

تمت باقلام شاعرات رابطة
كفيل زينب عليههما السلام
https://www.tgoop.com/alkfoofalskea

قصيدة لاستشهاد مولانا امير المؤمنين ع
وزن نصاري متمنيه الموفقيه لجميع خادمات الزهراء ع

بآيات الفجر كربت شفتها
منيتك يا علي من رتلتها

موتك ياعلي الزينب هضيمه
من ام و. ابو صارت. يتيمه
يالچنت السند وعليها خيمه
يبو الايتام رحت ويتمتها
ام حوراء البركاوي
___
زينب من رحت ظلت حزينه
كلبهه دوم مايبطل ونينه
بعد متريد هلعمر وسنينه

وحيده وحايره لمّن عفتها

✍️☘️ام فراس الساعدي ☘️
_____
من لمن عفتها تبجي زينب
دمعتها اعالخدها دمه تصب
نيران بگلبها غدت تلهب
بيوم العيد تنعه لوشفتها
زهره الكناني✍🏻
______
عفت ام الخدر امحمله اهموم،،

ليل انهار تبجي بدمع مسجوم،،

ماغمض جفنها وشافت النوم،،

عليك اتنوح ياريت أسمعتها،،

✍ام مرتضى الخزرجي
--------------
تناشغ ماتهيد تريد ابوهه
ارجاس بلاسبب منّه احرموهه
اهلهه اسياد بس
مايعرفوهه

لابد ما يعثرهم بختها...

✍️☘️ام فراس الساعدي ☘️
ــــــــــــــــــــــــــــــــــــــ
تمت باقلام شاعرات
رابطة كفيل زينب عليهما السلام
https://www.tgoop.com/alkfoofalskea

☘لاستشهاد الامام علي  ع☘

في ليلة التاسع عشر من رمضان تتذكر السيده زينب ع تلك الليله الحزينه المفجعه عندما كان اباها ساجد يصلي الفريضه لوقت الفجر واذا بعدو الله عبد الرحمن ابن ملجم لع  وثب عليه بسيفه وطبر راسه الى نصفين وا أماماه  وا علياه

على طور/ عذبني درب الشام


لمّن يهل رمضان
اتذكر الاحزان

ساجد الوالي.... لله العالي
            لله العالي

ياليلة  التاسع  عشر  من رمضان
مطبور اجاني الوالي وكت الاذان
شفت الحسن مهموم واگف حيران
وحسين يبچي  والمدامع  غدران
تتصارخ الايتام
ومترادي الضرغام

انشلت احوالي....ساجد الوالي

✍☘ام فراس الساعدي ☘
🏴🏴🏴🏴🏴

مترادي ابونه جانه مضروب الهام
مانام ليله اسهرنه ويّاه ايام
اتحمل اللوعه وشاف ذيج الآلام
ضحى ابدمه لاجل دين الاسلام

دكتوره ظل حيران
ومكدره الديران

والدمع هالي.... ساجد الوالي

✍ام مرتضى الخزرجي
🏴🏴🏴🏴🏴

من شفت راسك منطبر عالهامه
حسيت صرنه بعد ابونه ايتامه
چنه الولي ميكمله يصيامه
هلشهر سود ياخلگ ايامه

ظل الگلب محزون
والشيعه يتباچون

دمعي ايلالي
ساجد
الوالي
✍️ زهره الكناني
🏴🏴🏴🏴🏴

ايتامه تصرخ يا علي وتنادي
رايح ابو الحمله السند وعمادي
يومك يوالي نعازي بيه الهادي
يا اعز ناسي وأعز من اولادي

راحت الايام

مترادي الضرغام

انشلت احوالي

ساجد الوالي

ام رحمه الگاظميه
🏴🏴🏴🏴🏴

ياليلة امصاب الابو الألمنه
اذانه حيل امصابه زيد همنه



عليه الگلب مجروح
نار وتشب بالروح

دمعي يبرالي
ساجد الوالي

✍️أم حوراء البركاوي
🏴🏴🏴🏴🏴
تمت باقلام شاعرات رابطة كفيل زينب عليهما السلام
https://www.tgoop.com/alkfoofalskea

☘لاستشهاد الامام علي  ع☘

في ليلة التاسع عشر من رمضان تتذكر السيده زينب ع تلك الليله الحزينه المفجعه عندما كان اباها ساجد يصلي الفريضه لوقت الفجر واذا بعدو الله عبد الرحمن ابن ملجم لع  وثب عليه بسيفه وطبر راسه الى نصفين وا أماماه  وا علياه

على طور/ عذبني درب الشام


لمّن يهل رمضان
اتذكر الاحزان

ساجد الوالي.... لله العالي
            لله العالي

ياليلة  التاسع  عشر  من رمضان
مطبور اجاني الوالي وكت الاذان
شفت الحسن مهموم واگف حيران
وحسين يبچي  والمدامع  غدران
تتصارخ الايتام
ومترادي الضرغام

انشلت احوالي....ساجد الوالي

✍☘ام فراس الساعدي ☘
🏴🏴🏴🏴🏴

مترادي ابونه جانه مضروب الهام
مانام ليله اسهرنه ويّاه ايام
اتحمل اللوعه وشاف ذيج الآلام
ضحى ابدمه لاجل دين الاسلام

دكتوره ظل حيران
ومكدره الديران

والدمع هالي.... ساجد الوالي

✍ام مرتضى الخزرجي
🏴🏴🏴🏴🏴

من شفت راسك منطبر عالهامه
حسيت صرنه بعد ابونه ايتامه
مات الولي ماكملاه اصيامه
هلشهر سود اعليك حط اعلامه

ظل الگلب محزون
والشيعه يتباچون

دمعي ايلالي
.... ساجد
الوالي
✍️ زهره الكناني
🏴🏴🏴🏴🏴

ايتامه تصرخ يا علي وتنادي
رايح ابو الحمله السند وعمادي
يومك يوالي نعازي بيه الهادي
يا اعز ناسي وأعز من اولادي

راحت الايام

مترادي الضرغام

انشلت احوالي

ساجد الوالي

ام رحمه الگاظميه
🏴🏴🏴🏴🏴

ياليلة امصاب الابو الألمنه
اذانه حيل امصابه زيد همنه
ياريت لو بيها اتحضر كون امنه
اتهون علينه وبالعبايه اتلمنه

عليه الگلب مجروح
نار وتشب بالروح

دمعي يبرالي
ساجد الوالي

✍️أم حوراء البركاوي
🏴🏴🏴🏴🏴

تمت باقلام شاعرات رابطة كفيل زينب عليهما السلام

https://www.tgoop.com/alkfoofalskea

الوزن هجري على ليله جرح فقط

ــــــــــــــــــــــــــــــــــــ
فزعت امن النعي تبجي شنهو صايربالسمه
صوته جبرائيل ناده انطبر حماي الحمه

صوت لنياح اونحيب
ابكونه چن شي غريب
واعلياه واعلياه
_
مدوهنه لخوتهاراحت گصدت حسين اوحسن
والمدامع عله خدها مثل جمرات انزلن
خويه چنهن المصايب على گلبي اترادفن
اضلوعي من صوت السمعة خويه خويه اتراجفن
صاحت بدمعه وحنين
خويه اركض ياحسين
واعلياه واعلياه

زهره الكناني
____
منطبر نصين راسه ودمه سايل للارض

النصبه رب البريه وطاعته واجب فرض

عنده اسرار البرايه ومنه احنه نتعض

ماكو والينه بمثيله بدنيتي طول اوعرض

اتصيح والمدمع يصب
والگلب ناره تشب

واعلياه واعلياه

✍ام مرتضى الخزرجي
__
مو محلها علي نايم گالت بهذا الشهر..
وسفه والمحراب خالي والله موتهه السهر..
دولبتهه هلنوايب آيميلات الدهر..
ساعد الله گلب زينب شيبت من القهر

تشكي لربها الجليل
كلمن اعليها يعيل

واعلياه ... واعلياه

✍️☘️ام فراس الساعدي ☘️
_
صاحت ونادت يحيدر گلبي يابويه انفطر
شلون راسك يبو اليمه ينطبر بعظم شهر
لسه جمرة فكد امي مني شيريد الدهر
اتعوفني وانه زغيره بويه ما احمل قهر

راسك امصابه چبير
الفجه ماعنده ضمير

واعلياه. واعليناه

✍️ أم حوراء البركاوي
___
باالسمه جبريل كبّر ينعى حماي الدخيل

اينادي اتصوب براسه ودمه ابطوله يسيل

وانخطف لونه ولينه من النزف عوده نحيل

سند للرافضه اوغالي وشايل الحمل الثجيل

الأبن عم الرسول
خلو المدمع سيول

واعلياه واعلياه

✍ام مرتضى الخزرجي

ــــــــــــــــــــــــــــــــــ
تمت باقلام شاعرات رابطة كفيل زينب عليهما السلام
https://www.tgoop.com/alkfoofalskea

قصيده للامام الحسين ع الوزن دارمي.


كلما يهل عاشور يبن الزجيه
حيل اللجم وانهار وانصب عزيه

انته الذي ضحيت مولانه بدماك
واني الاخدمك دوم مالحضه انساك
الطم واون وانعاك واتعاهد اوياك
لاخر نفس ما عوف هاي القضيه
الخادمة زينة الگريشاوية
«««««««««««««««
لاخر نفس ماعوف خطك ياالحسين،،
روحك وعيله انطيت النصرت الدين،،
واجب تنوح اعليك تبجي الموالين،،
وتنصب عزه ورايات حد المنيه،،
✍ام مرتضى الخزرجي
«««««««««««««««
ننصب عزه وكل عام نحيي الشعائر
نقره بحزن لحسين فوگ المنابر
من تكتب الي صار اكتب يشاعر
ابين السطور اتروح زينب سبيه
✍️أم حوراء البركاوي
«««««««««««««««
ابچي وون اعليك ودموعي تجري
ومقصره انه اوياك يحسين ادري
ياريت خيل اعداك داسته صدري
لكن اسف مولاي ماصح بديه
✍️ ام مهدي الفرطوسي
«««««««««««««««
طول الزمن يحسين وذكرك ابالي
راسمته بالوجدان وصوره ابخيالي
شماطالت الأيام أومرت لليالي
لا أبد مانساك يبن الزچيه
ام علي المالكي
«««««««««««««««
لا ابد ماننساك ماننسه ثارك
للذله لا هيهات نردد شعارك
تحيي الشريعة تريد ربنه لختارك
بالطفل من ضحيت واخته رقيه
✍🏻ام محمد باقر ال عبيد
«««««««««««««««
تمت بأاقلام شاعرات رابطة كفيل زينب عليها السلام

تمت باقلام شاعرات رابطة كفيل زينب عليهما السلام
https://www.tgoop.com/alkfoofalskea

موشح مقصور وداع الحسين والعليله المقاصير فعلاتن فاعلن

وداعت الله يا أبو كلب الحنين

رايح ونتلاكه جا يابويه وين

عيني تبقى عالدرب

واتنضر ليه تطب

؛...................................
انتضر ياوالدي يمتى تعود
تدري لو ماجيتني العله تزود
خل انام ابحضنك اشويه الودود
تمسح ادموعي التصب
وانتضر ليه تطب

الخادمة زينة الگريشاوية
،،،،،،،،،،،،،،،،،،،،،،،،،،،،،،،،،،،،،،،،،،،،
خل انام ابحضنك والكه حنان

وعطرك اشتمه و احسن باالامان

گسر ظهري وداعك اصعب امتحان

يكتل وداعك صعب

وانتظر ليه تطب
✍ام مرتضى الخزرجي
،،،،،،،،،،،،،،،،،،،،،،،،،،،،،،،،،،،،،،،،،،،،،
ماتردلي ادخيل خافن ماتجي
وانه بدنياي عكبك شترجي
نايحه عليك بونين اشكد شجي
يابعد هرش الكلب
وانتظر ليه تطب
ام حسين المحمداويه
،،،،،،،،،،،،،،،،،،،،،،،،،،،،،،،،،،،،،،،،،،،،،،
هرش گلبی حاضن اجروحه ابشعف،
مثـــــل شمعه جــــای اذوبن بالکهف
اسطوره اکتابی بدمعي ما نشف
یذبح ابروحی الرعب
وانتظـــــر لیه تطب،،

ام مهدی مجدم✍🏻
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گاعده وتنطر ودمعي يهل
من ونيني عليك ابدا ما امل
اتمنه يابويه لون يمك أصل

فركتك نار وتشب
وانتظر ليه تطب

✍️ أم حوراء البركاوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه انطيني وعد يمته ترد
وداعك اذاني ومرد چبدي مرد
وداعت الله ياحبيبي والسند
يلي اعز من العذب
وانتظر ليه تطب
✍️ ام مهدي الفرطوسي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بأاقلام شاعرات رابطة كفيل زينب عليها السلام

https://www.tgoop.com/alkfoofalskea

بسم الله الرحمن الرحيم
اللهم صل على محمد وال محمد

عد الله العمل بكتاب مكتوب
اتروح من الحساب اهناك ياصوب
🍃🍃🍃🍃🍃🍃
الباري امسجله والملك محصيهه
كل ذره من خير وشر تسويهه
حافظ على الگبر والبنه ابنيهه
ظهرك منكسر من كثر الذنوب
✍ام مرتضى الخزرجي
🍃🍃🍃🍃🍃🍃

ابسورة زلـــــزله اقــــره خبرها،،
کـــل ذرة خیــــر اتسوی وشرها،،
وحگ طاها النبـــی سید بشرها،،
ابرگبته یطوقو بعماله کل صوب،،
ام مهدی مجدم✍🏻
ظهرك منكسر خل يعدل بتوبه
البشر بالآخره مرهون بذنوبه
يم ربنه الخلقها الروح مطلوبه
فكر وتعض بالآخره وتوب

✍️أم حوراء البركاوي
🍃🍃🍃🍃🍃🍃

فكر وتعض وشعامل اليوم
من غفلة الدنيا انهض وگوم
الماعنده عمل كافي من النوم

اعدلها المعاصي اعبد المحبوب
ظهرك منكسر من كثر الذنوب

ام علي المالكي

🍃🍃🍃🍃🍃🍃

الدنيه لاتغرك اعمل الصالح

يبن ادم اشما تبقى تره رايح

صفي نيتك واتعبد وسامح
ولاشي ابنهج ابو اليمه المهيوب

الخادمة زينة الگريشاوية
🍃🍃🍃🍃🍃🍃🍃
تمت بأاقلام شاعرات رابطة كفيل زينب عليها السلام

https://www.tgoop.com/alkfoofalskea

السيده زينب ع تخاطب الامام الحسين ع
ـــــــــــــــــــــــــ
بجيت عيون الك من شفتك موذر
ياساگي العطش والعطش بيك اثر
سنينك طشن بلحضه
المهن ماتصح ركضه

حيل اختك سبگها بذبحة المنحر
ــــــــــــــــــــــــــــــــ
أتنفس اخو مكسور ظهره طاح
واشهگ شهگة لغرگان ماكو صياح
حروف اسمك قلم ويدون الالواح
بوريد الدم كتب مامات لاماراح

ياميت عدل نبضه
المهن ماتصح ركضه
حيل ختك سبگها ابذحةالمنحر

ام حسين المحمداويه
ــــــــــــــــــــــــــــــــــ
شهگتي كبرتني وراح مني الحيل
من شفت الصدر مسحون تحت الخيل
ودم نحرك نزف يبن امي مثل السيل
مصيبه ماجرت ولا الها امثيل
الك ذكرى والك ومضه
المهن ماتصح ركضه
حيل اختك سبگها ابذبحة المنحر
✍️ ام مهدي الفرطوسي
______
العبره امكسره بصدري واجر ونه
اذبيح وضامي شفته سيد الجنه

ومن دم النحر الشيب اله اتحنه

اموذر على الترب اعيوني شافنه

المهن ماتصح ركضه

الخيل بحافر اتسحكه

حيل اختك سبكهه ابذبحه المنحر

✍ام مرتضى الخزرجي
___
المكتوب خويه كون الي يندار
ولاشوفك امگطع والگلب يحتار
يوالي لويصح القدر بيه اختار
وگف من الهضايم والسبي والنار

الحوافر جسمك اترضه
المهن ماتصح رگضه
حيل اختك سبگها ابذبحة المنحر

ام علي المالكي
______
راح الحيل مني اوين ادورنك
اشتم ريحه امي من اشمنك
مكلوب اعله وجهك خويه اشوفنك
اصيح بصوت بسمك ارد اندهنك
گلبي اعليك يتلظه
المهن ماتصح ركضه
حيل اختك سلگها ابدبحه المنحر
زهره الكناني✍🏼
____
اخاف احچي يخويه اتزيد بيك اجروح
مو بس الگفى خاطر الي مذبوح
يريت اليوم روحي ليك فدوه تروح
يا عطر الاخوه شلون كلي ايروح

حلم ياريته مو يقضه
المهن ماتصح ركضه
حيل اختك سبگها ابذبحة المنحر

ام حوراء البركاوي
___
ياغصن الورد مگطوع من شجره
گطعو منحرك يامهجة الزهراء
ماي الله تبده بوسطت الصحره
ويتامك عطاشه وماتصح گطره

صله الماي الك فرضه
المهن ماتصح ركضه
حيل اختك سبگها ابذبحه المنحر


الشاعره ام روكان الشمري
ــــــــــــــــــــــــــــــ
تمت باقلام شاعرات رابطة كفيل زينب عليهما السلام

ــــــــــــــــــــــــــــــــ
https://www.tgoop.com/alkfoofalskea

ديوان نعي المحمداويه
للشاعره الحسينيه
أم حسين المحمداويه
يحتوي على نعي المجردات والنعي النصاري مع اجمل الابوذيات وكذالك ختمه بالهوسات الرائعه
سارعو بالحجز متوفر بجميع مكتبات المحافظات الحقوق للطباعه والنشر
لمكتبة الزهراء عنوان المكتبه
البصره//,العشار

مذنبين احنه يربي مقصرين
تغفرنه نريد وبجاه الحسين

غير ماعدنه وسيله
نسال بحق العليله

تغفرنه نريد وبجاه الحسين

ــــــــــــــــــــــــــــــــــــ

ياعظم هاي الذنوب لكن انعرفك رحيم

باب مفتوح العبادك اليسلكه يستقيم

المشه بمنهج قضيته نجا وبدربه يقيم

عاصي وذنوبي ثجيله
نسال بحق العقيله
تغفر النه نريد وبجاه الحسين

ام حسين المحمداويه
ـــــــــــــــــــــــــــــــــــــــــــ

رحمتك الله وسيعه وانت القل هو احد
وانتَّ قادر وانتَّ واحد وكلشي بيدك ياصمد
صورتنه بصور حلوه ياجلال ألم تلد
أعفوا عنا ذا خطئنا نسبح وليك الحمد

بجاه فاطمة الزچيه
أغفر الذنب العليه
تغفرنه أنريد وبجاه الحسين
ام علي المالكي

ـــــــــــــــــــــــــــــ
نسالك ياباري سامح بيدك الحق والمصير
امسح اذنوب الخلايك بجاه مولانه الامير
احنه متمسكين بيكم وباسمكم نستجير

الذنب صعبه نشيله
نسال بحق العقيله
تغفر النه نريد وبجاه الحسين

✍☘ام فراس الساعدي ☘
ـــــــــــــــــــــــــــــــــــــــــــــــ
ادخيل يارب البريه اغفر اذنوب البشر
لاتخلي العبد حاير ابجاه مگطوع النحر
بحق ابواليمه نخيت بحق التسع الدرر
ربي مااطن مستحيله
نسال بحق العقيله
زهره الكناني✍🏼
ــــــــــــــــــــــــــــــــــــــــــــ
انت ارحم من ابونه ومن حضن امنه الحنون،،

رحمتك اوسع ياربي اتكول لشي كون يكون،،

تغفراذنوب العلينه ونشرب بكاس المنون،،

مالنه ياربي حيله،،
نسأل بجاه العليله،،

تغفر النه انريد وبجاه الحسين،،

✍ام مرتضى الخزرجي
ـــــــــــــــــــــــــــــــــــــــــــــــ

جيتك وكلي معاصي وادري كل ذنبي يزول
مرتكب ذنب وخطيئه مستحي منك شگول
العـفو اطلب تسامح منك بجاه الرســول

انت كل دربي سبيله
نسأل بحـق العلــيله

تغفر النه نريد وبجاه الحسين

أم صـــ✍️ـــادق المنصوري
ـــــــــــــــــــــــــــــــــــــــــــــــــــــ
ندري وابرحمتك واسع انت غفار الذنوب
ابد بابك ماتسده اترحب ابكلمن يتوب
انت تهدي من تشاء شما قست بينه الگلوب

ندعي والمدمع نسيله
نسأل بحق العقيله
تغفرلنه انريد وبجاه الحسين
✍️أم حوراء البركاوي
ـــــــــــــــــــــــــــــــــــــــــــــ
اسألك ياربي رحمه انستر حد الممات
ماازول منالعقيده اريد يارب الثبات
تعمي گلبي وتعمي عيني من جميع المحرمات
ارحم العبد الضعيف منالمعاصي والشتات
ماكو غيرك اشتكيله
نسأل بحق العقيله
تغفرلنه انريد وبجاه الحسين
✍️ ام مهدي الفرطوسي
ـــــــــــــــــــــــــــــــــــــــــــــــــــ
تمت بأاقلام شاعرات رابطة كفيل زينب عليها السللام
https://www.tgoop.com/alkfoofalskea