Mashinistning elektron marshruti – Raqamli texnologiyalar orqali temir yo‘l sohasida yangi bosqich

🚉O‘zbekiston temir yo‘llari sohasida yana bir muhim raqamli yechim – “Mashinistning elektron marshruti” axborot tizimi yakuniy sinov tariqasida foydalanishga topshirildi. Ushbu tizimni joriy etishdan asosiy maqsad – lokomotiv mashinistlarining harakatini, rejalashtirilgan va real vaqtdagi yo‘nalish ma’lumotlarini raqamlashtirish orqali nazorat qilish, xavfsizlikni oshirish va ish jarayonlarini optimallashtirishdir.

Tizimning asosiy afzalliklari:
✅ Raqamli boshqaruv: Endilikda mashinistlar yuritadigan an’anaviy qog‘ozli hujjatlar elektron shaklga o‘tkazildi. Har bir yo‘nalish bo‘yicha marshrut, to‘xtash punktlari va texnik ko‘rsatkichlar elektron qurilmalar orqali taqdim etiladi.
✅Real vaqt monitoringi: Har bir lokomotiv va yo‘nalishga chiqgan mashinist va mashinist yordamchilari haqida ma’lumotlar, marshrutga amal qilinishi va vaqti real vaqt rejimida markaziy boshqaruvga uzatiladi. Bu esa nazorat tizimini yanada kuchaytiradi.
✅Xavfsizlik va intizom: Elektron tizim yordamida mehnat intizomi va mashinistlarning ish yuklamasi kuzatib boriladi. Favqulodda holatlarda esa tezkor ogohlantirishlar yuboriladi. Tibbiy ko‘rikdan o‘tish vaqtlari va ko‘rsatkichlari.
✅Tejamkorlik: Qog‘oz aylanishi kamayadi va ortiqcha vaqtdan yutiladi.
✅Oylik maosh: Mashinist har bir yo‘nalishga borib kelib elektron marshrut yakunlangandan so‘ng mashinistning shaxsiy kabinetida unga yozilgan maosh puli onlayn ko‘rinib turadi.

🚉“Mashinistning elektron marshruti” axborot tizimi – bu temir yo‘l transportida samaradorlik va xavfsizlikni ta’minlovchi zamonaviy yondashuvdir. Uning joriy etilishi O‘zbekiston temir yo‘l sohasida raqamli transformatsiyaning yana bir amaliy natijasi bo‘lib, transport infratuzilmasini rivojlantirish yo‘lidagi muhim qadamlardan biridir.

App Store / Play market

#elektronmarshrut #EMM #mashinist

https://youtu.be/s_1UOlMuC-U?si=IbsNmYMNM8yjif6b