هدت اعله خیامکم خیل... ماضل حیل... نشرد شلون
کلهه صاحت شبو النار...  سلبو الصغار... تبعو ام عون
ارکض و ماعندي راي.... رکضو الوادم وراي
أشرد  منین..... لا یحسین.... من العیون
   

خویه ارکض والزلم ترکض وراي وتعبتني الخیل من تبعوني...
ضیعت دربي و بعد ماعندي راي خویه ماشوفن بعد بعیونی...
الموتتني حسین رکضو عل خیام بکل حرگ خیمة احس ذبحوني....

( ابهدت الخیاله اتمنیت موتي )

//////////////////////////////////

حرگو الخیمة علینه... شلون بینه... صعبه یاناس
هدت الماکو حمیه... ماکو جیه... وین عباس
فرهدو خمیتنه گوم.... وختک بنصهم تحوم
ذبحو حسین.... الملاعین... شالو الراس



شالو الراس وعلي صاحو تعاي حسین اخیچ توا غمض عینه...
خاف اروح وخاف یولون الخیام المصیبه تخاف خویه سکینه...
انباگت الترچیه بس ضل الحجاب  بیش نشگف وحنه طرگ ایدینه...


(ابوگ التراچي حسین صاحو فرهود)

////////////////////////////////////

صعدونه بنوگ هزله... الموت یحله...  عالهزیلات
المو کفو ایأمر علینه... ونولینه... یا حسافات
عضبه یانوگ السبي... وحنه بس طرگ العبي
گصدو الشام... ناس ضلام...  وبینه لوعات


وگفونه باب ساعات  انتظار الجاي ولعابر یصد اعلینه....
اسمع یصیحون باچر عدنه عید  حسین مات وظعنه المسلبینه...
هذا ضعن حسین ساعات ویفوت السوگ  لستقبالنه مزینیه....

(وبالسوگ فرحه  هوسو گدامي)

////////////////////////////////////


صعبه یاناس الدواوین... اگبال الحسین... نشبع الام


والسکن صار الخرابه... عالترابه... لازم انام
آخ یا نومة رقیه...  تحلمت راجع علیه
اتگلي عمه... من اشمه... جرحي یلتام

عمه إجاني حسین ابوي بلایه راس و دم لحیته مغرگ عیون السمه/
خیزرانه الجارحه اشفاف الحسین  غیر مفطوره یه عمه من الضمه/
عمه بالطف شنهي صار و وین ابوي  بالحلم شو جتني تصرخ فاطمه/

( بالخیزرانه شلون ینطگ حسین )

////////////////////////////////////////

بقلم الشاعر: خالد السویطي


الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

لو یلفي باچر... سحگ الحوافر... یصبح مصیبه  ماتنسي......
والعشره تفزع... ماترضا ترجع.... جوا الحوافر   ابن النبي......
والبینه بینه... انه سکینه.... نمشب سویه  بنوگ السبي........



هي بس هاي..... شرد اسولف عل سحب ردن العبایه/
هي بس هاي....  حسین جوا الخیل یشهگ تاه رایه/
هي بس هاي.... منین ما باوع زلم ترکض ورایه/


والیضحک گدامب یشبعني قهر/
یتشمت وینادی انتِ اخت الگمر/

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

باچر مصیبه....أصبح غریبه.... بعیوني اشاهد حرگ الخیم......
اوگع وگومن... بالحومه احومن... والحومه کلها متروسه دم.....
کل هذا یسدي... لوصبحي یبدي...یبچي اعله حالي حتی الصنم......


یخلص اللیل... عمري یخلص لو اجت شمس الفجر/
یخلص اللیل.... راح اجهز امتوني لسیاط الشمر/
یخلص اللیل.... فدوا یالیل اعله مود اهلي انتظر/


ها یا لیل الفرگه لاتگضي انتظر
باچر اشبع لوعه بسیاط الشمر
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

بالیسدي باچر... ادري واکابر... لاچني ادري امشي سبیه.......
باچر هضیمه... توگع یتیمه.... یصطر رقیه المامش حمیه.......
باچر یجوني... ویناشدوني... کافل ضعنچن مامنه جیه.........


باچر الناس... کلها تسأل وین عباسچ وگع/
باچر الناس... تگول اخوچ حسین راح ومارجع/
باچر الناس... تسحگ اعله حسین اشوفه من نوجع/


بالخیمه وراح اسمع کسرات الضلع/
اترجاهم بطلو  وشطوط الدمع/

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

بعیوني اشاهد... مایبقه واحد... وگبالي أشوفن کل الغیارا......
بعیوني حیره... کلش چبیره... شلون البنات و وادم سکارا.......
واحد یطگهن... واحد یسبهن... واحد یدور بالرفسه ثاره........

باچر عیون... ادور العثره  علینه بالفله/
باچر عیون...وین نشرد صبخه گاعچ کربله/
باچر عیون... والحریم بلایه راي معلعله/


والوادم   لو تفزع   ماترحم حرم
ما ادري  وین امشي ماضلت خیم

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪


بقلم الشاعر: خالد السویطي



الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

یاعمه شصایر... شوشکلچ حایر... مابین الوادم.......
هدو عالخیمه...الماعدهم شیمه... ولافزعو هاشم......
چاوین کفالچ... یاهو الیبرالچ... والکافل نایم......


یاعمه شوفي شلون جابوها النوگ...
من سوگ نطلع عمه ونطب بسوگ...
یاعمه محبس والدی بأيد الناس...
بسلا صدگ محبس أبوي المبیوگ...

یا عمه... یاعمه.... یاعمه
~

خنگتني العبره... وهواي متغیره... من نار الخیمه.....
خمشو ترچیتي... باگو عافیتي... ناس بلا شیمه.......
ارکض بالوادي... یاذیني السادي... تهت بنص هیمه.......



بالهیمه أرکض آنه خفت من الناس...
لا گام أبوي ولاگعدلي العباس...
وین اشرد و درب الشریعة ملزوم...
والخیل ضجة وناس مامش احساس...

یا عمه..... یاعمه..... یا عمه
~~~~

ودموعي اتلالي... بنیات اگبالي.. ایلعبن یاعمه...
مو هینه أحوالي.. جابولي الغالي... سبحان بدمه...
اهواي مشتاگه... یاذیني فراگه... لوموت لو شمه...


جابولي راسه وگالو حسینچ مات...
حسیت موتي وذني آخر شهگات...
چالیش نحر حسین ابوي مطبر...
کل ظني یشهگ چان بآخر لحظات...

یاعمه.... یاعمه.... یاعمه
~~~~

مبیوگ یا حیلي... رفضو تغسیلي... صاحو تعدینه...
والشام غداره... ودموع تتجاره... وتبچیلي سکینه...
اهوای أذوني... میته وسألونی... حسینچ وینه...



والشام صاحت کلها ماعدنه الماي...
مامش حمیه اهواي اذوني اهواي...
هنیالي  من  ودعت ضیم الدنیا...
یاربي ساعد گلب عمتي اعله الجاي....


یاعمه.... یاعمه.... یا عمه

~
بقلم الشاعر: خالد السویطي


الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

#مجمع رباطات#


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

والنار تچویهه........ زینبکم غریبه


یحسین خلیهه....... رقیه ابیتکم

وشلون تالیهه........ سکنه ترید ابوهه

کاروک یاذیهه..... یحرگون ابخیم

و وین والیهه....... یصیحون ام الاکبر

و لاتخلیهه........ رمله اتزف ابنهه

یحسین رد من السحگ...... تنتظرك الخیاله

واختك تصیح بکربله.... یاهو الیلم اوصاله

عباس نایم عالنهر...... فرهود صیّح خاله

ترضاها ذباحك یجي.... طلعوهه صاح اگبالي


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

بقلم الشاعر: خالد السویطي


الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

محرم1447

#تراث _اهوازي


یا شهر الحزن  شترید لیش تخیب آمالي....
گدامي العزاز  تموت  غالي من  بعد غالي... 
یاشهر الحزن بهداي  کلها تخلص گبالي...
حتی الچان الي بالضیج هسه یصیر مومالي....


یاشهر الحزن شترید
بیك تروح عافیتي...
___


هاي آنه ام گلب مشلوع  کل شي یموت گدامي...
وتنفس حرگ والنار  یمي وتخلص  خیامي...
ویموت العزیز حسین  ویلي مگطّع و دامي...
بسهام و طعن وسیوف یتفرهد ترا الضامي....


یا شهر الحزن شترید
بیك تروح عافیتي....
____



تخلص گعدتي ویه حسین وتطش لمة الخوا...
عمت عیني من أشوفه الیوم راید ینتهض گوا....
یوگع عالنهر عباس  بلوا طیحته بلوا....
بعد مو عازتي اعله الماي العازه عازت التچوا...


ياشهر الحزن شترید
بیك تروح عافیتي.....
____


لو اطر الزلم والخیل واصرخ خویه محتاره....
معناها نذبح عباس یاهو یصدر الغاره...
لَتعنه و اصیح بصوت وصرخ خویه بکتاره....
هاي آنه ام گلب مشلوع  بلکي یشیل بتاره....


یاشهر الحزن شترید
بیك تروح عافیتي
___
خـالد السـويطي


الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

محرم 1447

#مقدمه


یا أبا عبدالله
_


شهر حزنك  وصل یحسین  والخدام منتظره....
شهر یروي الدمع والشوگ کسرة فاطمه الزهره...
أُم تبچي  بگلب ملهوف  تشوف الیگطع بنحره...
توصلك تصیح بصوت  لیش الحافر یطشره...

یا أبا عبدالله
____


بدایة هالشهر لچمات  بناتك وین جایبها....
زینب یا ستر زینب  منو بعدك یرکّبها...
اعله نوگ المالهن حدّاي  والحدّاي غاصبها...
الزلم وي طیحة العباس بت حیدر تحاسبها...



یا أبا عبدالله
__


رکض وصهیل مال خیول نسمع زینب احتارت....
نسمع طلعن بلا راي  وخیل بطیحتك غارت....
سوالف یجرن اعله ام عون  لا دارت ولا صارت...
اخت المنذبح عطشان  من بعد الذبح راحت...



یا أبا عبدالله
____


بنات الما گبل طلعن  یطلعن  والزلم حراس...
شیرکض الخایفه بنص خیل  وتباوع علیها الناس...
عمت عینه الدهر غدّار وسفه بطیحة العباس....
یرکضن والدمع سچاب  یگابلهن شمر بالراس....


یا أبا عبدالله
___
خالد السويطي




الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

محرم 1447
#گعدیه



مسافرین ..ماخذین ویاکم العِز والدلال.....
رایحین.. الدیره غربه وانتم ارویحةحلال....
خایفین.. شگد علیکم من حقد ذیچ الرجال....
مهاجرین.. من المدینة ورایحین اعله الحبال...



خایفین اشگد علیکم....خاف یتشتت شملکم
والله ما نسواك ارجع....حايرين شلون بيكم
ياهو يسوا تموت ضامي...وتحترگ بالطف عبیکم
الخاطر الله حسین ترجع....جهزوها ارماح لیکم


یا أبا عبدالله یا عزیز الزهراء
__

ليش جاي.. المثلك يعيش بمضيفه ويستراح...
صعبة هاي.. تاخذ وياك التحبهم للرماح...
ماكو ماي.. وداعتك من هسه كل الجيش صاح...
چنه ناي.. الموت يعزف رايد اكثر الجراح....


رد يبو الروح الچبیره....وین رایح بالعشیره
عاد خل تکبر رقیه....عالرکض كلش صغيره
تاني عبدالله ايتكلم...طفل بس يعرف مصيره
وداعتك مانسوا موتك...خاف تنشال بحصيره

يا أبا عبدالله يا عزيز الزهراء


____

لاتروح.. هناك وادم ماتريدك وانت فوگ الگاع خیر...
بالجروح.. الوادم اتلاگیك باچر من بعد تعب المسير...
ماكو نوح.. البچي يمنعونه اعله جسمك زينب بلمك تحير....
بلايه روح.. تركض اخت الدللوها زينب ام گلب الچبیر....

ارجع بداعت رقیه...ماتلوگ الها الخطیه
الجایه بچف ابو فاضل...ترجع ویه احبال أميه
الموت رايد كل شي بيكم...والله مو هيچ المنیه
البیها ستر الکون خاتل...لیش تتسمه السبیه


یا أبا عبدالله یا عزیز الزهراء

__
ياحُسين.. ارجع الطف مايريدك جهزو كل السيوف...
جاهزين.. للذبح للسحگ والله اتحظرت کل الالوف....
زاهدین.. ناس ماعدهم حمیه وأبد میعرفون خوف....
مناطرین.. بس تطبون البلدهم لیکم تصف الصفوف....


جهزو حتی الحوافر...اتحزمت لیك العساكر
ياحسين الموت ينطر...كربله الموتك تناطر
والسؤال الحيراني...بالعباية شلون باچر
طایح اتشاهد حرگها....توگع اوگوا تکابر



يا أبا عبدالله یا عزیز الزهراء

__
خالد السويطي


الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

يا فاطمة / لطمية للجواد       بحر طويل                                                           الشاعر قاسم الساعدي المندلاوي
***
يا فاطمة     يا فاطمة     يا فاطمة      يا فاطمة
ريتچ حظرتي الجواد         مسموم اليوم ابّغداد
****
يا أم الحسن چم طف            عشتي من بعد عاشور
وچم مجرم على اهل البيت          تسلّط غيّر الدستور
حد سيفه ابمناحرهم            وشيّد عالضحايه اقصور
عاشوا هالعمر لوعات           ونشعر بيهه من انزور
يا فاطمة     يا فاطمة     يا فاطمة      يا فاطمة
كل يوم الموقف ينعاد         مسموم اليوم ابّغداد
****
بعد يوم ابنچ المظلوم           حسين وما جره والصار
چنهم وقّعوا ميثاق                    الخانوا بيعة الكرار
وگفوا ضدكم وسالت                من عدكم دموم انهار
چم خولي وشمر ظهروا        عادوا جرح ابو الأحرار
يا فاطمة     يا فاطمة     يا فاطمة      يا فاطمة
راعي الرحمة والأرشاد     مسموم اليوم ابّغداد
****

هذا تاسع العصمة                          مثل ابنچ ثلث أيام
جثة اعله الأرض مطروح                لا شيعة ولا أعمام
محّد يعلم ابحاله                           بعد ما صارع الألآم
المسلم من يحضره الموت           اتقوم ابواجبه الأسلام
يا فاطمة     يا فاطمة     يا فاطمة      يا فاطمة
بيه صابوا السبعة اشداد    مسموم اليوم ابّغداد
****
هالموقف يذكّرنه                     ابموقف عالنهر مثله
سبط المصطفى واگع                  انجمعت أمّته الچتله
ونذكر گطعة الخنصر                     ونذكر فعلة النبلة
ونذكر عالفرات آلآف                   وآل المصطفى قلّة
يا فاطمة     يا فاطمة     يا فاطمة      يا فاطمة
عادوا فعلة أبن ازياد         مسموم اليوم ابّغداد
****
حي ابن الرضا ما مات             انشوفه ابشوفة الگبة
شامخ مرقده للدوم                   ويسري بالحشه حبه
نبقه الآخر الأنفاس                    مانترك ذوي القربة    
نتحمّل ألم واهول                   ونرضه ابعيشة الغربة
يا فاطمة     يا فاطمة     يا فاطمة      يا فاطمة
عاشت عدوانه ابأعياد        مسموم اليوم ابّغدادالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

حماسية ية للجواد(ع)                                                                 الشاعر الحسيني قاسم المندلاوي
**
للجواد اتدّير عيني للجواد
وتنزل الدمعة عله باب المراد
***
للجواد اتدير عيني وليه أحن
ابشجرة العصمة انگطع تاسع غصن
رسموا ابهذا الفعل صورة حزن
تبقه هاي الصورة مصدر للحداد
***
هالعمل ناتج عن اسباب الحقد
عالرسول الساوى سيد والعبد
وچان ابو سفيان رايه يعتقد
أبد ما يتساوى وي باقي العباد
**
عالسطح مرمي ثلاثاً كالحسين
مات محّد يمه غمّض أله العين
فرق حزّوا لابو سكينة الودجين
وبالحوافر سحگته أهل العناد
*
زمرة منهجهه القتل لاجل الحكم
الكرسي هوه الغاية تعمل بالظلم
گالوا ابن الرضا للدولة الخصم
وهذا ما مقبول قطعاً بالبلاد
****
من سگاه سم الخيانة ما عرف
يا ذنب يم ربه والهادي اغترف
عن طريق الحق تكتّر وانحرف
وهوه باب المعرفة ورمز السداد
*
آه يا هذا المصاب وهالألم
الفرح من عدنه تشتت وانعدم
حيل جده المرتضى اليوم انهدم
ولبست امه الزهرة ملبوس السوادالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

لطمية للجواد  / تجليبه                                                              الشاعر قاسم الساعدي المندلاوي
***
يبن الرضا أفكارك       صارت مشعل لَنصارك
لآخر نفس نبقى اوياك     انزور المرقد نتعناك
صارت مشعل لَنصارك
****
أبن طه وأخَذ من طـــــــه أدواره
دنيه وآخرة يضوي على انصاره
مكشوفة وابد مو خافية آثـــــاره
فرقد للأبد غاطينه بانــــــــــواره
قبل المصحف قبل اللوح     بيكم آية ابمركب نوح
ابكل اللي نملك نفداك           انزور المرقد نتعناك
*
شفت المو أهلهه حكموا الأخيار
وابحب الكراسي اتسيّدَت لشرار
خانوا كل مباديء منهج المختار
وقدم روحه ألهه حيدر الكــــرار
قدمتوا شيب وشبان          يا ثقل الله اويالقرآن
لو نزحف اعله الأشواك     انزور المرقد نتعناك

**
وصلَت لينه مولانه ومِلَت كل بيـــــت
أخبارك يمولانه اشكثر عانيــــــــــــت
من اللي يحارب مذهب اهل البيــــــت
وضدّه ابحق علي والشيعة من ناديت
تتحده احكام الظلام           المثلك شامخ ما ينظام
نرفض أحكام العاداك           انزور المرقد نتعناك
*
من اشرف سلالة شافت الأجيــــــال
وسهم بغض النواصب صوّب الدلال
من عدكم يغيب اهلال بعده اهــــلال
يا نجم اليطيح الحفرته ينشـــــــــال
ياهو اللي يوگع ينعآ                 جده الهادي ويتلگّأ
نگصد للحضرة وننعاك            انزور المرقد نتعناك
**
گظّينه العمر من محنة والمحنـــة
جرح يلچم جرح طعنة ابأثر طعنة
على اليمشي عكسكم واجب اللعنة
لأن طبع المخالف يخلق الفتنـــــة
صدّر أحكام الطاغوت     الخالَف حكمُه ابجرمه ايموت
آيات المصحف نقراك                انزور المرقد نتعناك
*
كل هاي الطوائف تعترف بامــرك
لأن رب العلا هوّه الرفع قــــــدرك
أصبح كعبة لينه ابهالمحل گبـــرك
بنيت انته المجد يا سيدي ابصبرك
صبرك من صبر الأجداد    بي خَطّيت اعظم أمجاد
يبن الزهره الكل بحماك       انزور المرقد نتعناك
النا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

لطمية للجواد                                                                                        الشاعر قاسم الساعدي المندلاوي
*
مسجون ابگرب مسجون          يم جده التقي مدفون
الكاظم ابزنزانة          والتقي ابأحزانه          يم جده التقي مدفون
****
مدمعنه لوَن يجري         من دم ما نوافيكم
لو موتتنه بالعتبة              أبداً ما نواسيكم
أَعلام ابأرض بغداد          عن حِكمة يخلّيكم
ربنه وحكمته وِحدة          رغماً عاليعاديكم
عن حكمة العلي الجبار                 تهدون البرية اختار
ما رُحمَت عدوانه          والتقي ابأحزانه          يم جده التقي مدفون
**
مضمون السجن واحد              بس انواعه ما تنعد
سجن قصري وسجن نفسي       بي هذا البشر يوعَد
واحنه انشوف ابو الهادي       مسجون ابسجن مرتد
متوكل بني العباس                ابكل نظرة عليه يشتد
لن شافه تحبّه الناس                      وامخالف بني العباس
ما زلزل إيمانه            والتقي ابأحزانه            يم جده التقي مدفون
**
يدري ابهالأمر يجري     عليه لن يعرف العدوان
تحكُم بالمكر والسيف        خارج منهج الرحمن
حضّر نفسه للطعنات         بيهه بَصمة الطغيان
هاي الزمرة مكشوفة         ما مخفية عالأعيان
يعرف شنهو معدنهم    تروي هالكتب عنهم
ضَل شامخ عنوانه          والتقي ابأحزانه         يم جده التقي مدفون
***
شيّد بالصبر مجده             وما مد للتجبَّر أيد
مجده ابصبره يتعلّه    وحقد اهل النفاق ايزيد
ضده ومن تقارنهه       حقد ضد المجد شيفيد
دوم اليلزم الرحمن         يلگه امن العلي تأييد
كلمن خالقه ايأيده       قطعاً يرتفع مجده
ما يرحم سجّانه       والتقي ابأحزانه      يم جده التقي مدفون
***
يبقه ابن الرضا تاريخ             منه تاخذ الأجيال
جبل طبع الجبل ثابت         من يعقَل جبل ينزال
بي ما رحمت الأقلام           ومنابر تجهَر ابأقوال
هيّه اندثرت وراحت    وابو الهادي ابسمانه اهلال
اهلال ونهتدي ابنوره      أله وسط الحشه صورة
الصار اعليه أذّانه        والتقي ابأحزانه          يم جده التقي مدفون
النا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

اليوم تعقد فاطمة / فزاعية للجواد                                                                     الشاعر قاسم الساعدي المندلاوي
*
يا موالي اليوم تعقد فاطمه
عالجواد المجلس ابمدمع دمه
من سبب هذا الوضع     هاجت الآم الضلع
عالجواد المجلس ابمدمع دمه
**
يا موالي ذوله معراج السماء
للشفاعة همه أبواب الرجاء
ألهم الكون الفسيح اعلن ولاء
ساعد الله التنفجع       هاجت الآم الضلع    
حرب علنوهه عليهم ظالمة
**
گضّت الأيام عالعترة تدور
طاحوا ابكل صوب من عدهه بدور
بنوا فوگ اجسادهم دور وقصور
نوح منهه ينسمع         هاجت الآم الضلع
تطلب ابحقهم ابيوم المحكمة
**
هاك اخذ هذا الخبر عن الجواد
على هذا الصار اله إعلن حداد
صابه سهم النايبة امن اهل العناد
والبواچي ترتفع       ط     هاجت الآم الضلع
حاله حال حسين عانه امن الضمه
**
من سرى السم ابجسد أبن الرضا
وسلّم الباريّه آمن بالقضا
صار أظلم لاجل هالمحنة الفضا
حبل وصله ينگطع         هاجت الآم الضلع
سِمّه چبد امه الوديعة ثلّمه
****
خل نساعدهه ندگ اعله الصدر
يم ابو الهادي ونطوف اعله الگبر
زلزل الكونين ندريه هالأمر
مِزِن تجريه هالدمع        هاجت الآم الضلع
وصارت الدنيه ظلام ومعتمة
***
چنهه وگفت عالجنازة ام الحسن
عالسطح مطروح ما غاطيه چفن
وچن اشاهد حُضرته من اندفن
هوّه من عدهه نَبع      هاجت الآم الضلع
جرحه ينزف ما تحصَّل بلسمه
النا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

موشح للأمام الجواد في ذكرى شهادته عليه السلام.
*
  هدوم سوده نلبس ونعلن حداد
ونجري دمع العين لمصاب الجواد
           **
نواسي أمه الطاهره أبدمع الحزن
  أنادي يامسموم وأنوح ونون
نقيم مأتم عالذي ظل ممتحن
بين عدوان الغدر وأهل العناد
          **
سبق عصره بالعلم والمعرفه
أتحير أقلام الزمن شتوصفه
صان عهده النقي والدينه وفه
هذا جده الكاظم وأبن الأسياد
         ****
بالعلم  جاهد   وحيّر   سائله
وأبد ماصعبت عليه كل مسأله
خسر  كلمن  ناظره  واليجهله
يفتي بالقرآن وأحكامه سداد
         **
هواي عانه من النواصب والغدر
وچان عنوانه الورع ويه الصبر
الجواد   أتحمل  أبعمره  شكثر
من بني العباس وأحكام الفساد
          *
دولة  السفاح  دوله  فاسده
الواله آل النبي بليل أتشرده
والخليفه  يبيح  دم  العانده
وأستمر هذا الظلم ذبح وبعاد
          *
دولة  الطغيان  كلهه  عادته
ومن أرض جده محمد بعدته
للنقي المهيوب سموا چبدته
بدار غربه ومو بلاده هالبلاد
        *
آه يالمسموم يالشفت العذاب
الشيعه كلهه أتنوح لهوال المصاب
كلف يامولاي مانحمل غياب
بعدك سنين التمر ظيم وشداد
          **
خادم الأمام الحسين عليه السلام
أبو نور المدحتي
نسالكم الدعاءالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

ابوذيات للأمام الجواد ع

يالمثل النبي جده.             تسمه
وعن كل رجس عن كل شر. تسمه.  تسامه
مرته بياذنب أنشد.           تسمه
الجواد الچان خيمة اعله البريه


العليه ربه أمس سلم.   وصله
منزل وصل ماواحد.     وصله
خبر تنسم أضن محد.  وصله
غدر سمته بت هند وأميه


الجواد بحبه عمرك گوم عمره
وتحصل حجه منه وبعد عمره
بعمر الورد من سموه.    عمره
العمر كل العمر لجله هديه


الجواد تعلينه متفضل.  هدمنه   
نهدم حياه سموه.         هدمنه
اسود بالشهادة اصبح.   هدمنه
ولطمنه مايكف حد المنيه


عليه لمن رحل ياناس.   لعناه
وعنوت طفل لمه يريد. لعناه
عله السموّه تنزل ألف.  لعناه
الخله گلوبنه متوجره هيه


اسألكم الدعاء
خادم ابي الاحرار
ضياء الكنانيالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

ابوذيات لاستشهاد الامام محمد الجواد عليه السلام

ثوبك كل رزيه الصبر ورداك
عشرين على خمسه وذبل ورداك
راواك الخليفه الحتف ورداك
يبو الهادي  يبن خير البريه

يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي  ارداك ونهاك
العاداك وكسر گلب الزجيه

الجواد انته الكرم طبعك وجودك
سبب للناس والدنيا  وجودك
اشرب جيت من كاسك وجودك
يجود وخير بارض الكاظميه

الشاعر حسن لعيبي الحريشاويالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

ابوذيات استشهاد الامام الجواد صلوات الله عليه


يعمه اجروح اذا اسولف بچبداي
نعه گلبي وعله اجروحج بجبداي
غريب وسرت نار السم بجبداي
واون وابجي الغربتج يالسبيه


يون اعله السطح وحده من الما
صايم ينســـــــم ويُحرم من الما
مثل جده الجواد اصبح منو الما
دره بمصيبته اتخبره الزجيه


درت بس ماعمت عيني  شبيها
وجانون الحزن لجــلك  شبيها
نــــــار امصيبتك بيّــــه شبيها
يبن الرضــــــــا بنـــــار الغاضريه


عليك اعيوني وي دمعي سلتها
وسَل امصيبتك روحي سلتــها
شنهي امنيتج الليــــله سألتــها
عزه انصب جاوبَت بالكاظميهالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

ابوذيات في استشهاد الامام الجواد التقي ع
كلمات الاديب #الشاعر_سيد_سعد_الذبحاوي

الامامه فگدت الليله     شبــلها
تون وتنوح لمصيبة     شبــلها
نار المـحنه بغـيابــه      شبــلها
الجواد اعليه بـچـت كل البريه


كَلَِف جرح الجواد اويدّي       منشــال
انگطع جفّ اللّي سمَّه وريت   منشــال
غريب اوجسمه ظل مطروح   منشــال
ثـلـث تيـام مثـل ابــن الزجــيه

اعلام الشاعر سيد سعد الذبحاوي
🏴أنت المعزى سيدي يا صاحب الزمان ... عظم الله اجوركم💔

النا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

ابوذيات للأمام الجواد ع

يالمثل النبي جده.             تسمه
وعن كل رجس عن كل شر. تسمه.  تسامه
مرته بياذنب أنشد.           تسمه
الجواد الچان خيمة اعله البريه


العليه ربه أمس سلم.   وصله
منزل وصل ماواحد.     وصله
خبر تنسم أضن محد.  وصله
غدر سمته بت هند وأميه


الجواد بحبه عمرك گوم عمره
وتحصل حجه منه وبعد عمره
بعمر الورد من سموه.    عمره
العمر كل العمر لجله هديه


الجواد تعلينه متفضل.  هدمنه   
نهدم حياه سموه.         هدمنه
اسود بالشهادة اصبح.   هدمنه
ولطمنه مايكف حد المنيه


عليه لمن رحل ياناس.   لعناه
وعنوت طفل لمه يريد. لعناه
عله السموّه تنزل ألف.  لعناه
الخله گلوبنه متوجره هيه


اسألكم الدعاء
خادم ابي الاحرار
ضياء الكنانيالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

ابوذيات .. لأستشهاد الأمام الجواد ع
=========================
     العتب  ميفيد  ويه   الدهر  ...... والآم ( اللوم )
     ومصايب    حملاه   اشكثر .......  وألآم
     الجواد   السم  سره  ابدمه ......  وألآم
     ويلوج  ابروحه من سم  المنيه
=========================
   كريم  اصلك  وعالي  الشان .... تسعه
   وچفك       دوم     للطيبات .....تسعه
   ياتاسع       اهل        البيت .......تسعه
    معصوم   أمام  الجعفريه
=========================
     غميج    ولا   اظن   الجرح  ..... يبراه
     راح    الچان   لي من الألم  .....  يبراه
     سم     البگلب      ماشوف  ......يبراه
     وغده يوم المنيه أكرب عليه
=========================
     الفرح    مايوم     لحبابي .....سرلهم   ( مشه الهم )
     المصايب حطن ابروحي سرلهن ... سرلهم
     خبر  موتي  لعد   شامت .... سرلهم  ( يسرهم )
     بني العباس تفرح وآل أميه
=========================
الشاعر علي غني الصفار الحليالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊

شوط كربلائي للأربعينية// الشاعر قاسم الساعدي المندلاوي
زينب طافت البلدان هزت دولة الطغيان
عن خطّة ألاهية بس بالأسم مسبية
******
من صوّر الله الكون كل خلقه ابحكم جبار
أنطه الكل بشر عقله واجب يتّبع آثار
وخَير آثاره بيهه اختص طه وعترته الأبرار
لن العصمة مصدرهه بعده من علي الكرار
البيعة الهم أمر واجب من هادينه للغايب ألهم واجب اتكاتب
ابعين الباري محمية بس بالأسم مسبية
********
زينب والمحب يعجز يوصف قطرة من حقهه
لو يمدحهه ليل انهار وكل چلماته دقّقهه
مايوصفهه لن هيه ابأمره الباري وفقهه
وكلام الزهره عن الطف ويومه هوه صدّقهه
من گالت سبيّة تروح بنتي وبگلب مجروح اگبالي كربلاء اتلوح
عفّتهه حسينية بس بالأسم مسبية
*******
جدهه وامهه والوالد أفضل مدرسة هالناس
شنهو الواجب اعلينه انطبقه لاخر الأنفاس
واجب يرضي الخالق بي كل البشر تنقاس
منهو اليتبع المرسل ومنهو يتبع الأرجاس
زينب صرّحت تصريح بي للما عرف توضيح لتكون انته بيد الريح
ابهالخطبة الحماسية بس بالأسم مسبية
*******
كتبَت هالأسم من نور بحروف الجهاد الحر
وهيه تدري هالمصباح تفگد غالي من ايطر
وصايا كثرة وصلنهه لو صار الأمر تصبر
لن هذا الأمر يصبح بحلوگ الأعادي مر
تفضحهم على الأشهاد وتنطي الكربله أبعاد لمّن يوصل الميعاد
عن مبدأ فدائية بس بالأسم مسبية
******
هاك وأقره واقعهه شوف الناتج ابعينك
يا مؤمن ألك أحساس تدركه ابحضرة حسينك
تشعر بي تحت گبته بين الماضي وبينك
وتشعر منهه بعد الله تاخذ كل قوانينك
وتشعر هيه بالحضرة أخوهه اتطوف يم گبره چنهه هيبة الزهره
لاجل المذهب المشية بس بالأسم مسبيةالنا شر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊