* شبرين الجنة *

يل مو يمّي وبعدك يمّي ...

خمر الله الما ينمل منّه .

وآنت هناك الليله آمعيّد ،

وشموعك تبجي آمن الفرحه ...

وتنكَّط ليلو آعلى الحنّه ،

آنا الليله ،

الليله آركَص ويّ آخيالك ،

أعصر غيم عيوني بكاسي ...

وبصحتك أشرب وآتغنّه .

بس آخيالك وانا مكيّف ،

وشْويْ آشويْ منّه آتدنّه ،

بلجي بلمسة اِيد آتحنّه .

بس آخيالك ،

ومكيّف جنّي آبباب الله ...

وشبرين آتذبني آعلى الجنّه .

ليل مشذّر من دموعي ،

وانا وجم حوريّه بروحي ...

خلّينا آزواكَه لصينيتك ...

دمعه وشمعه وياس وحنّه ...

وآصبع من دم عيني آمحنّه ،

بلجي آعبر شبرين الجنه ،

#عبدالکریم_ألقصاب

اكعد اكعد يمه باجر عيد

الشاعر عبد الكريم القصاب

بصوت محمدالاميري

#رسايل_شوك @o1uuoo

ليلي دوخة راس ،
حنظل كاس ...
والوهواس صاعد .
بغير ما أدري أفك الباب وآطلع .
شوكَي عصفة ريح وآفكاري كواغد .
فاهيه وخنكَه الشوارع ،
وآمشي أمشي لمدري وين .
أمشي ودموعي كَلايد .
بلجي آلاكَيك بدرب ...
وآوكَف وآكَلك ،
آه منك .


#عبدالکریم_ألقصاب

وين متشوف الجمال ...

تشوف ألله ،

وكل كَلب أبيض نبي

#عبدالکریم_ألقصاب

أسألك ياعراق شوكت نرتاح

الفنان الكبير كريم منصور

@o1uu_2

سنين ناسي ،

سنين ما تدمع العين
على بختك

ليش مريت آعلى بالي ؟
والله ما سويت زين .

#عبدالکریم_ألقصاب

لا كَمره التسكّرني
لا خضره وجرف خمري
واهس بارد ومطفي
يكَلبي المن نغني ؟

#عبدالکریم_ألقصاب

من آتمر على بالي
أشمك وآنت مو يمّي
وآكَول آفّيش

#عبدالکریم_ألقصاب

** بواجي الناي **
أحن والبينك وبيني ...
بحر كَد السما ...
وكَلبي آعلى كل موجه ...
بواجي الناي .
مثل تايه الطير عيوني مرعوبه .
مامش خيط من بسمه ...
يمد روحه محط للعين .
ظلمه ولا وجه منك ،
بس عيونك يجدحن ...
نجمتين آعلى وجه الماي ،
تدعي لي بأمان الله .
صار سنين ...
ناذر لك أصابيعي شمع عالماي ،
بلجي آلكَه جرف لحرورة الشبكَه .
كلّش دايخ بمرجوحة الوهواس .
تمرجحني ظنون آهواي ،
ونا ما بين ذيج وهاي ،
لا كَادر أشوفك ، لا رخيص آنساك ،
لا نايل يدفّي جروح ،
لا لجماتهن بهداي .
ظلمه ولا كَمر منك ،
بس عيونك آعلى الماي ،
تدعي لي بأمان الله .
يبعد آهلي ، يما تنشاف ،
وين آنت ؟

#عبدالکریم_ألقصاب

*** دفو الواهس ***
من أشتاك ،
أجيك آمن الدفو بردان ..
وبيّه آمن العطش جرفين .
أطيح بحضنك مرايه ..
وآحس ضيّك يدفّيني ،
ونسيم آنفاسك يشمني .
كل جرة نفس نجمه بسما روحي ،
كل أفّيش تحفر ساجيه بروحي ...
وآكَلك حيل ، أكَلك حيل .
خصر قداح تشبكَني وآكَلك حيل .
بالملكَه شحلاة الليل !
يشتل كل مسامه شمة كَرنفل ...
وحبة هيل .
يجيني الواهس معرّس ،
يرش طولي ندى مثل الحضن دافي ،
وكَبلما تجيسني أدفه ..
وآحس طعمك على شفافي .
عطش بشفافك يمصني ،
فرح وردي يركَّصني ،
يفز بيّه لمن أخدر ...
وآطيح آمهّيل آمن البوس ،
وعطر من آخر الدنيا يجي يشمني .
أذوب ومدري وين يصير ..
شَيْ بداخلي آمن تغيب يلجمني .


#عبدالکریم_ألقصاب

***** دندنة *****
على الواهس ،
تعال الليله نادمني ...
وآخذني لوردة الغبشه .
حزني الليله كلّش مو مثل حزني .
يل طولك جفن نعسان ،
يل مايع مثل رعشه ،
بيك آمن العنب ليلة سكر وآكثر ،
بخيالك يسكر الواهس ...
ودندن بيك بالوحشه .
يل وجهك مقامات العشك ...
والعود والدهشه ،
تعال الليله سامرني ...
وآدندن بيك عالواهس ،
أصيرن لك خصر ...
وآركَص على الواهس ..
وآطوّح وآشتعل كَمرة سكر ...
والكَمر يتغشه .
يل مايع مثل رعشه ،
اِلك وحشه .
تعال الليله آدندن بيك .
دفّيني بطعم صوتك ،
حزين وبارده الوحشه .

#عبدالکریم_ألقصاب

** مراية شمس ***
وآفتركَنا ،
وانا كَتلك ....
يجي يوم ونفترك .
جنت آشوفن من وره البسمة ...
رماد وكَلب يلعب ،
مو لوجه الله يدك ،
وجنت خايف من صدك .
ومرت الأيام حسره بغير حس ،
وشفتك بلا ثوب بمراية شمس ،
وصار مكشوف الفرق بينك وبيني ،
آنا نافورة عطر ، ...
دفتر عشك ،
وآنت كاغد محترك .

#عبدالکریم_ألقصاب

يبرالك الله ، آميسره
لا تلتفت ،، من تلتفت
تكسر مراية روحي
وتنزف كَزاز جروحي .


#عبدالکریم_ألقصاب

تريد ستوريات حزينه
تعال هنا بلتيك توك
رابط الحساب👇
https://vm.tiktok.com/ZSJ6EWVgX/
اجمل مقاطع حزينا
وأجمل كلام من الشعر الشعبي
يلا وين عشاق الشعر الشعبي

اِي يكَلبي ، مثل آدم ،
عيب تكَعد راحه
غرّتك شجرة التفاح ..
وضكَتها ودولبتني ،
وآنت تدري آبليس بالتفاحة


#عبدالکریم_ألقصاب

.
.

(شبگة روح)


صـوت : محمد الأميري


#عبدالکریم_ألقصاب

.
.

(سعدون)


بصـوت : محمد الأميري


#عبدالکریم_ألقصاب

عود عراقي

أغاني حزينه

@o1uuoo