ماضي
إبتهال حسن
#زواج عادات وتقاليد"الحلقة الأخيرة"

"حين ينتهي الحب أدرك إنه لم يكن حباً"  درويش
الحب الحقيقي ما بينتهي ولا بنقدر نتخطاه 🌸

____
محمد: يلا ندخل جوه مافي زول يشوفك كمان.

هيام: يلا
_

"بعد أن انزل صديقه وساعده في حمل الشنط، تحدث معاه قليلا"

صلاح :ما ح اقول لك بروقة اتعامل لأن حاسي بك بس رجاءاً فكر في ولدك قبل تعمل اي شي، ما تخلي الشيطان يغمض عيونك
اسمع منها اول وبعدين قرر عايز تعمل شنو

سيف: طيب طيب "بضيق"

صلاح: من زمان انت زول حكيم ولمن هسا كمان... يلا امشي انا بضرب لك بعدين
____

محمد: يلا لمن تصل البيت اضرب لي عشان اتطمئن عليك

هُيام: حاضر يلا باي
____

هند:مالك يا صلاح... من ما جيت السودان ما قلت داير رقم هسا مالك؟!

صلاح: طيب ماداير الرقم عايز اقابل قول  ليهو

هند :"باستغراب" ليه في حاجة؟!

صلاح: هند مالك انت الرقم ما عايزة تديني وما عايزه تخليني اقابل كمان

هند: لا ما كده بس مستغربه... طيب هو الليله اظن اظن ما فاضي بس بكره اصلا طالعين انا وهو ممكن اقول ليهو يقابلك

صلاح:" بضحكة" ما فاضي... انا عايز اقابل هسا دي اضرب ليهو أو اديني الرقم ما ح انتظر لمن بكره او لمن يكون فاضي

هند :صلاح في شنو مالك حصلت حاجة وانا ما عارفه

صلاح: مافي حاجة يا هند

هند: طيب سبب المقابله شنو؟!

صلاح:"غضب" عايز افسخ خطوبتك منُ

هند:" باندهاش" تفسخ الخطوبه؟!
معناها في حاجة كبيرة
قول لي يا صلاح

صلاح: "بغضب" واحد كضاب وخاين ما يستاهلك، شوفت قبيل مع وحده وماسكين يدينا بعض كمان

"نزلت كلمات أخيها كالصاعقة عليها،تاكدت الان سبب التغيير الذي طرأ عليه في الفتره الأخيرة... أكمل حديثه"
شوفتهم انا وسيف لو ما مسكت سيف كان ح يعمل مصيبة هناك..
والحمد لله لسه احنا على البر ما تبكي عليه تستاهلِ الاحسن منُ...

هند:" وهي تمسح دموعها" سيف يعمل مصيبه مالو؟!

صلاح: البت الكانت معاه هي هُيام مرت سيف

هند:" باستغراب" هُيام.!
" الان فهمت، لماذا وجهه تغير عندما رآها في المطعم
وسبب الضيق الذي ظهر في وجهه عندما تحدثت عن حب سيف لها"

صلاح:" احتضان اخته" خليهو حسابُ معاي انا

هند:خليهو يا صلاح انا ماشه اقابل اول، رجاءاً يا صلاح ما تقول لي لا، مش انا الكنت مصيرة عليه، خليني اتكلم معاه اول انا وبعدين امشي ليهو انت
__

" يجلس في المنزل يتذكر كل ما حدث منذ بداية زواجهم، حبه لها احترامه لها، كانت دايما بعيدة منه... شاردة الذهن.... كانت تقوم بواجباتها الزوجية باَكمل وجه لكن يظهر عليها الحزن، قليله الكلام معاه، كان يفسر ذلك ويقول عشان ما اتعرفنا على البعض كويس قبل الزواج... قطعت تفكيره صوتها وهي تحدث ابنهما

هُيام: حمد لله على السلامة يا روح ماما وصلنا البيت
"ما إن دخلت الغرفه وجدته "
بسم الله جيت متين... قطعت رحمن قلبي

سيف: "وهو ينظر إليها باشمئزاز" دي حمد لله على السلامة حقتك...
جيت قبيل قلت اعمل ليكم مفاجأة

هُيام:" بتردد" ككرريم دخلتو غرفتو هسا، اجيبُ لك تسلم عليه

سيف: خلي كريم هسا.. ما قلت لي رايك شنو في المفاجأة دي

هُيام:" وهي تحاول عدم النظر إليه" مفاجأه حلوة اكيد
"أصبحت تحدث نفسها، ياربي ضرب لناس امي قالوا ليه انا مافي... لا لا ما اظن امي كان بتقول لي"

سيف:" ينهض من مكانه ويقيف مقابل لها" سرحتِ وين؟

هُيام: لا معاك، غيري هدومك شكلك ما ارتاحت من تعب السفر، انا امشي اجهز لك حاجة تأكلها" امسك بيها قبل أن تذهب"

سيف: ما جعان انا، تعالى عايز اتونس معاك" جلسا سويا في الكنبة "
ما قلت لي ناس امك كيف؟

هُيام :" بتوتر" كويسين

سيف: الحمد لله، ما حكيت لك وانا جاي على البيت شوفت  حاجة غريبة، شوفت وحده ماسكة يد واحد، وظاهرة عليها متزوجة

"ما إن قال جملته نهضت على الفور"

هُيام :سيف انا "تكمل حديثه قام بضربها"

سيف: يا خاينة، بتخوني انا هُيام، قصرت معاك في شنو؟

هُيام: والله ما مست شرفك ماخاينه انا" تحاول الابتعاد عنه ونجحت في ذلك"

سيف: انا شوفتك ماسكة يدو دي ما خيانه.... ولا الخيانه الا في السرير في نظرك

هُيام: سيف ماتظلمني انت كمان، كفايه اهلي زمان... انا ومحمد بنحب بعض من الجامعه
__
"في مكتب محمد"
"يجلس على المكتب ومشغول بجهازه الخاص، لما يرفع راسه ليرى من جاء إليه "

محمد: كويس جيتي، عايزاك تشوف لي المسؤول من الشاحنات دا خليهو يجيني، وعندي ملفات بعدين تعالي رتبهم لي، يوسف في؟
مالك ما بترد.؟
"ما إن رفع رأسه وجدها تقيف امامه محدقه به"

هند، معليش كنت فاكرك السكرتيرة

هند :السكرتيرة مافي، عشان كده دخلت طوالي، شكلك مشغول

محمد: لا لا اقعدي، اخلص ال ف يدي ونطلع

هند: لا ما عايزه نطلع

"ينظر لها نظرة استغراب وينهض من مقعده ليجلس مقابل لها"

محمد: مالك كويسه انتِ، شكلك كنت بتبكي؟

هند :اي كويسه شديد كمان، الله لا جاب البكاء

محمد: طيب الحمد لله ان شاء الله دايما، دقيقه اطلب لك عصير

"رجع إلى مقعده السابق وهي تحدق به"

هند: محمد هو انت بتحبني؟!

" ينزل سماعة الهاتف"

محمد:" باستغراب "ودا شنو السؤال دا هسا؟!

هند: عايزه اعرف، تصدق يدوب لاحظت انك ما قلت لي بحبك لمن هسا

محمد: احنا مخطوبين من متين ونعرف بعض من متين جايه تتأكد الليله؟

هند: ياخ جاوب عشان اتطمئن انا، خدني على قدر عقلي طيب

محمد: هند شكلك الليلة فاضية وقلت تعملِ بي موضوع

هند: السؤال صعب لدرجة دي بتهرب من إجابةُ ول انت ما بتحبني؟
لا بتقول بحبك بس ل هُيام

محمد: هُيام.. الجاب سيرة هُيام شنو هسا... اقصد هُيام منو
"يقيف مصدوم من كلامها "
"تنهض هي الأخرى وتصبح مقابلة له "

هند: هُيام مرت سيف، صلاح هو وسيف شوفكم مع بعض وانتو ماسكين يدينا بعض
صلاح كان عايز يجي رفضت انا قلت ليهو خليني أمشي انا اول، في نفسي بقول ان شاء الله يكونوا فاهمين غلط
"تنظر للجهة الأخرى وتحاول أن تمسك دموعها من النزول"
محمد قول لي انهم فاهمين غلط، قول لي انها نزوة ما اكتر وانك بتحبني
محمد اتكلم ما تسكت

محمد:"  بتردد" هُياااام تبقى البت الكان حكيت لك عنها

هند: "وهي تبكي" مش قلت لي سابتك وعرست مالك تاني حنيت لمن شوفتها، ولا كنت متواصل معاها من الزمن داك

محمد: لا، فعلا كنت خليتها فعلاً

هند: طيب حصل شنو؟!
__

"كان تجلس وعلامات الضرب باينه على وجهها، كان يقيف معكس لها، كأنه لا يريد رؤيتها".

سيف:كنت حاسي من اول زواجنا انك ما معاي وانك مغصوبة، قاعد اكذب الاحساس دا عشان بحبك
اه ااه بس احساسي طلع صح" يمسح دموعها قبل أن تسقط" قلت أهلك زمان ما اديكُ حق الاختيار وظلموك تحت اسم العادات..
ما ح اعمل زيهم انا، ح اخليك تختاري....
هو انت مختارة اصلاً بس برضو....
لو عايزه نوصل ونبدأ من جديد انا ما عندي مشكله ح انسا الفات، ونمشي من هنا لو عايزه... ودا كل عشان خاطر كريم
" يأخذ شهيق زفير"
لو عايزه الانفصال كمان وترجعِ لحبك الاتحرمت منه، ورقتك بتصل في أقرب وقت،  و وحيد ح يكون معاك ما تقلقي من الناحية دي، فكري وشوفي نفسك عايزه شنو.. منتظر قرارك
"قال جملته وخرج من المنزل"
___

"بعد أن حكا لها علاقته بهُيام من الاول الى الآخر، تجلس في مقعد ويجلس في المقعد المقابل لها"

هند: والدموع تنزل من عينيها" هاجر كان دائما تقول لي أن محمد دا ما بحبك في شكل هظاربتقول ، كنت بقول لها لا، حتى لو ما قال كفايه الأفعال، بس شكل كل الكنت شايفه دا هو انعكاس لحبي لك

محمد: هند انا اس...." تقطع حديثه"

هند :ما تقول حاجة يا محمد... الحب هو الحاجة الوحيدة ال ما بتجي بالغصب... ما بيدنا نختار نحب منُ ومتين وكيف وقدر شنو...
القلب لو اختار مافي زول تاني ح يقدر يغير حاجة
"تخرج خاتم الخطوبة من يدها وتضعه على المكتب"
كنت وح تظل حب حياتي يا محمد، وعشان انا بحبك عملت الخطوة دي انا، قلت اعفاك من الكلام ومن أي حاجة...
ربنا يوفقك في حياتك،وشكرآ لمحاولتك انك تحبني
"وقبل أن ينطق بحرف خرجت فوراً من المكتب"
"بعد مرور ساعة"
"يجلسا كل واحد مقابل للآخر، تضع يدها على رأسها والدموع تسقط وحده تلو الأخرى، يضع يده على خده...
بعد أن حكا كل واحد منهما ما حدث معاه"

محمد:ح تختاري شنو يا هُيام؟!

هُيام: تقصد بينك وبينُ؟
"تأخذ تنهيدة وتضغط على شفتيه بلطف"

محمد: اي، هو في خيار تاني

هُيام: اي في خيار ما قال عليه سيف

محمد: خيار شنو

هُيام: وحيد

محمد: وحيد ما فهمت مالو

هُيام: أن أختار وحيد

محمد: وحيد ح يكون معاك، وانا قلت ح يكون زي ولدي

هُيام: لا كده يبقى بتختارك انت

محمد: طيب عايز تختاري سيف يعني

هُيام: لا ح اختار اعيش مع ولدي ال ما عندو ذنب في القصه دي كلها،انا لو بقيت معاك ح يكبر ويسأل عن سبب انفصالي عن ابوه، لو عرف ح يكرهني ويكرهك مهما كنت بتعامل كويس معاه اكيد ح يفضل يعيش مع ابوه
لو قلت سيف ح اكون بكضب على نفسي وعليه هو زاتو

محمد: "بحزن يغطي عليه "هُيام انت كده قاعده تظلمني تاني

هُيام: وهي تبكي اعفي لي بس ما ح اقدر

"غادرت المكان فورا هو ينظر في اتجاهها إلى أن أصبحت سراب"
___
"بعد مرور أكثر من عشرين عاما"

"تجلس مع ابنها في حديقه المنزل وأمام كل واحد منهم فنجان قهوته"

كريم: عشان كده يا أمي انتِ مصيرة أن مراتي تكون من اختياري من غير اي تتدخل من أي شخص

هُيام: اي، لمن اخدت القرار أن انفصل من ابوك
قلت ح اخليك تختار براك بعدين، في قاموسي حذفت العاده حقت الزواج دي

كريم: ومحمد حصل عليه شنو؟

هُيام: من آخر مره اتقابلنا ما عرفت عنُ حاجة تاني، سمعت مره أن سافر تاني بس ما متأكده إذا صح او لا

كريم: بيني وبينك يا أمي لسه بتحبي محمد؟!

هُيام:" أخذت تنهيدة"
كان مره قريت في اقتباس كده لدوريش قال "حين ينتهي الحب أدرك إنه لم يكن حباً"
وانا طول السنين دي حبي ما قل ولا انتهى اتجاه محمد

كريم: ودا الحب الحقيقي يا امي ال بجي مرة وحدة ما بينتهي ولا بنقدر نتخطاه.


تم بحمد الله 💜
_شكرا لمتابعة

فقدناهم والسحاب ماطر 🌧

بين الرجوع والغياب قصص وعبر ...
يغادر جيران واحبة طبعوا ملامحهم في حياتنا بتفاصيلها المختلفة ..
واعتادت عليهم العيون في امكنة الحضور والانس ..
ترافقهم المشاعر وذكريات الجيرة ، يطبطبون حين نجزع ويؤازرون حين ضعف ويهرعون ساعة نجدة ويفرحون بفرحنا اكثر من الأقارب احيانا كثيرة ...
وفجأة تتوه المعالم و الدروب تتقاطع وبهلع يلملون الأغراض التي تتقلص لتحتويها شنطة ويغادرون والمآقي تفيض وتبقى ريحتهم عابقة في المكان والوجدان ..
ومع الأيام يحل في الشوارع والبيوت آخرين ... تراهم باهتين ..
بلا انتماء ..
عابرين لسوح الميادين وازقة حياتنا الموجوعة برهق الأيام الكئيبة ، والفقد ، وهي مستفة حد الغثيان ، في انتظار جرعة اضافية ونتقيأ كل شيء تناولناه بنهم ورغبة بالأمس القريب ...
يصعب تعويض المغادرين ... صعوبة دمج القادمين الجدد ، ونقارن بسرعة قد لا تكون علاقاتنا مع الجيران ممتازة ،لكن نكتشف فجأة أنهم كانوا بعض منا ومازالت ذكرياتهم حية ، مهما كابرنا والتففنا على الحقائق ... ونأبى أن نفتح أيادينا ...
مرة أخرى واسباب الغياب مشرعة لمغادرة أحباب كثر ..

الناس تاني ما بترجع !!!

جملة تسوق الامنيات سوقا لبئر النسيان او الانحياز لذاكرة الإنكار... إلى أين تكون القبلة وماهي مبررات الرجوع ... وهكذا تتوزع بيوت كثيرة ، وتنتشر في أماكن أخرى حيث تبدأ من جديد برزق جديد وبذور مخبأة في انتظار السحاب .
وتظل خياراتنا نحن للبقاء في ظل متغيرات متعددة ومتلاحقة رهينة بالقيم التي نتمثلها والمهارات التي نتملكها والتأهيل النفسي والاستعداد لخوض معركة حياة جديدة والطريق موحل وموحش ومظلم الا من بقع ايمان تتسع او تضيق ...

الفاتح زبد البحر

دنقلا😭❤️❤️

2018
وانا برلومه ومتوتره اني ماشه مرحله جديده ومتوتره اني ولاول مره حأقعد داخليه يا ربي حياتي حتكون كيف؟ يا ربي حأقدر اتأقلم؟ يا ربي حاقدر اتحمل مسؤولية نفسي براي؟
مشيت الجامعه ولأول مره دخلتها ومشيت الداخليه ولهسه بتذكر وانا بملأ استمارتي وبقيت بتأمل فيها ٤ سنه يا تسنيم حتكوني هنا براك ٤ سنه يا تسنيم بدون جيبو لي واعملو لي ومتطلباتك كلها جنبك هنا انتي حتتحملي مسؤولية نفسك براك هنا انتي بتمشي الدكان وحتصرفي قروشك بطريقتك
بتذكر أمي بعد دخلتني الداخليه وقعدت معاي وهم طالعين هي أبوي جملتها( اتذكري دايما البت سمعه م يغرك البحصل في الداخليات قبل تختاري صحباتك اتأكدي منهم خليك زوله واعيه ونحن واثقين فيك استودعناك الله الذي لا تضيع ودائعه) دخلت وانا بعاين في البنات وبفكر في كلام أمي يا ربي انا حأقدر اكون قدر الثقه دي؟ يا ربي انا حأقدر على مسؤولية نفسي براي وحأقدر أحافظ عليها؟
يمكن جملة أمي دي خلتني زوله قنوعه بنفسي شديد جملة أمي دي خلتني أوعى وأركز انه أخطر مرحله هي مرحلة الجامعه بقيت قبل أخطى أي خطوه اتذكر كلام أمي لحد ما شويه شويه اتأقلمت شويه شويه بديت استوعب يا تسنيم انتي كدا بقيتي زوله مفترض تكون عارفه تختاري خيارك يا اما درب( بلد م بلدك أمشي فيها عريان) أو (حتى لو البلد م بلدك انتي سمعة أبوك) حتختاري شنو؟

2019 مرت بكل تفاصيلها يمكن أغلبيتها كنت في البيت بسبب التقفيلات، 2020 مرت ولله الحمد والشكر، 2021 مرت و 2022 و 2023
كنت بشوف البنات بضحكو فيني وانا بتصل لأبوي لمن أكون طالعه😂وكنت بشوفهم بضحكو لمن اقول عايزه وحده تمشي معاي السوق م بمشي براي عشان اجيب حاجاتي بس برضو عمرو الحاجه دي م وقفت لي حاجز ولا عملت لي عقده طالما انا عارفه نفسي ماشه في الطريق الصح💛

2024 وانا في المسرح وبعاين نظرات أمي وأبوي وانا فخوره بنفسي أكتر منهم لأني قدرت أكون ثقتهم كنت فخوره بنفسي لأني أخترت احافظ على نفسي كنت فخوره بنفسي لأني كنت قويه شديد وقدرت اتحمل مسؤولية نفسي براي وكل اختيار انا اخترتو لو سمح ولا كعب قدرت اتحمل نتيجتو وانا مبسوطه من نفسي كنت فخوره لأنه أكتر مرحله كنت متخوفه منها قدرت اطلع منها.

يمكن أبوي كان شويه رافض فكرة التخريج انا قدرت أقنعه م عشان اني خلصت سنوات بالعكس عشان كنت حابه أتوج نفسي واحتفل بيها لأنها تستاهل💛
فمن اللحظه دي انا فخوره بنفسي شديد انا فخوره بأمي وجملتها الماحانساها طول عمري انا فخوره بثقة أبوي فيني ولا عمرو حسسني بعدم ثقه فيني خالص الخلتني دايما محافظه علي وعليه انا فخوره بنفسي مره تانيه على قناعتي بطبيعتي وعلى محافظتي علي وعلى أهلي💛
رسالتي لأي بت داخله على مرحلة الجامعه الجامعه م صعبه اذا قدرت تعيشي حياتك فيها صح ما أي بت في الجامعه كعبه ما أي بت قاعده داخليه كعبه الكعبه هي القدرو يغسلو مخها امك وابوك واخوك م مقيدين م خانقنك عشان محافظين عليك وغيرك متفتحات وماخدين حريتهم بالكامل أحمدي ربك على النعمه دي شديد لأنه غيرك فاقدها
أخوك خانقك عشان عارف الشارع وعايز يحافظ عليك أبوك واخوك وامك بحبوك م يتلعب بعقلك يا ستهم💛💛💛💛
كلو م بعدتي من ربك كلو م حتبعدي من أهلك تبعدي من أهلك حتفقدي نفسك💛
#تسنيم_عبدون

فتحت باب الروح لخيرك الواسع
وحسيت بجيتك من ريحة الأبري في آخر الشارع 😍

اللهم بلغنا رمضان ♥️

هذه تهنئة رسول الله صلى الله عليه وسلم
لأصحابه بقدوم رمضان،
وأنا أهنئكم بها
(أتاكم رمضان شهر يغشاكم الله فيه،، فينزل فيه الرحمة ،، ويحط الخطايا،، ويستجيب الدعاء ويباهي بكم ملائكته، فأروا الله من أنفسكم خيرًا،، فإن الشقي من حرم فيه رحمة الله )...
بلغنا الله وإياكم صيام هذا الشهر المبارك وقيامه،، الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،، الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ ...
مُبارٓكٌ علٓيْكُمْ شّٓهرُ رٓمٓضٓان
وكل عام وأنتم بخير ،،،❤

‏١ رمضان 🌛

فُتحت ابواب الجنه منذ ساعات فاجعلنا يالله من سكانها..

ياارب ,,,♡

مع #الخامس من رمضان🦋
دعائنا أن اللهم أشرق وجوهنا بطاعتك، واملأ قلوبنا بحبك، ويسر أمورنا بعونك، ووفقنا إلى مرضاتك💕

١٨ رمضان 🌙

"اللَّهُمَّ افْتَحْ لِي أَبْوَابَ الْجِنَانِ، وَ أَغْلِقْ عَنِّي أَبْوَابَ النِّيرَانِ، وَ وَفِّقْنِي فِيهِ لِتِلَاوَةِ الْقُرْآنِ، يَا مُنْزِلَ السَّكِينَةِ فِي قُلُوبِ الْمُؤْمِنِينَ".

١٩ رمضان 🌙

‏أكرمتني فلك الحمد، وسترتني فلك الحمد، ورزقتني فلك الحمد، وعافيتني فلك الحمد.. لك الحمد حبًا وشكرًا، ولك الحمد يومًا وعمرًا، ولك الحمد دائمًا وأبدًا.. لك الحمد حتى ترضى، ولك الحمد إذا رضيت، ولك الحمد بعد الرضا، ولك الحمد على كلِّ حال يا الله

#جمعه_مباركه

٢٠ | رمضان 🌙♥️

‏“اللهُم خيرًا في أي إختيار، ونورًا في كل عتمة،
وتيسيرًا لكل عسير، وواقعًا لكل حُلم."

اللهم اجعل لنا في العشر الأواخر نصيباً من الرحمة والمغفرة وبلغنا ليلة القدر ❤️

‏اللهم إنا استودعناڪ رمضان فلا تجعله آخر عهدنا ، وأعده علينا أعواماً عديدة ولا تخرجنا منه إلا مقبولين ومرحومين ومعتوقين من النار 🙏🤍.

ڪل عام و جميعڪم بخير وعافية ، مبارك عليك حلول عيد الفطر المبارڪ ✨🎉
ربي يجعلڪم من الفائزين الغانميين من فضلة و إحسانة و المعتوقين من النار يا عزيز يا رحيم يا جبار..

و ڪل عام و جميعڪم و الامة الإسلامية بخير 💙💙💙

‏"ما من شيءٍ تعوّل عليه في مُنعطفاتِ هذه الحياة الضيّقة إلا أن تُوقِن أنّ الله سيرحمك، ويجبرك، ويلطف بك، ويعوّضك، ويؤتيك سؤلك، ولو بعد حين

#جمعه_مباركة ♥

التفاؤل خيرُ بدايةٍ لِيوم
قد يكونُ مِن أجمل أيام حياتنا ...

ربِنا توكلنا عليك في جميعِ أمورنا
فأكتب لنا الخير أينما كنّا

♡.🕊صباح الخير🕊.♡

#في_ثانوية_البنين

بقـلم / رحـاب محـمد

#لنا_عوده 😁

المساء حاتنزل ان شاء الله

#في_ثانوية_البنين2
ﻗﺒﻞ ﺍﻟﻤﻐﺮﺏ ﺍﻧﺎ ﻭﺍﻧﺘﺼﺎﺭ ﺍﻧﺘﺼﻠﻨﺎ ﻟﻲ ﺻﺤﺒﺎﺗﻨﻬﺎ ﻭ ﺣﻜﻴﻨﺎ ﻟﻴﻬﻢ؛
ﺭﻳﻢ : ﺷﻨﻮ ﺷﻨﻮ ﺷﻨﻮ ﻛﻴﻒ ﺍﻟﺴﻼﻡ ﺩﺍ ﻣﺎﺷﻴﻦ ﻭﻳﻦ ﻣﺪﺭﺳﺔ ﺍﻭﻻﺩ ﻟﻲ ﻋﺸﺎﻥ ﺗﺎﻧﻲ ﻋﺒﺪﺍﻟﻠﻪ ﻫﻮ ﺩﺍﻳﺮ ﻣﻨﻚ ﺷﻨﻮ ﻳﺎﺥ ﻣﺎ ﺭﻓﻀﻴﻬﻮ ﻭﺍﻧﺘﻬﻲ ﻟﻲ ﻳﻌﻨﻲ ﺑﻌﻤﻞ ﻣﻌﺎﻙ ﻛﺪﺍ 💔😭 ﺍﻛﻴﺪ ﺩﻱ ﻫﺎﺟﺮ ﺍﻣﻮ 😠 ﻣﺤﺮﺷﺎﻫﻮ ﻃﻴﺐ ﻣﻌﻨﺎﻫﺎ ﻣﺎ ﺡ ﻧﺘﻼﻗﺎ 😭 ...
ﺗﺒﻴﺎﻥ : ﺍﺭﺡ ﺍﻣﺸﻲ ﻟﻲ ﺑﻨﺖ ﺧﺎﻟﺘﻲ ﺍﺣﺴﻦ ﻟﻴﻜﻢ ﺑﺪﻝ ﺗﻤﺸﻮ ﻭ ﺗﺸﻮﻫﻮ ﻧﻔﺴﻜﻢ 😢
ﺍﻧﺎ : ﻣﺎﻫﻮ ﻧﺤﻦ ﻣﺸﻴﻨﺎ ﺍﻱ ﻣﺤﻞ ﻭﻟﻘﺎﻧﺎ ﺍﻧﺎ ﻣﺎ ﺧﻠﻴﺖ ﺣﺘﺔ ﻣﺎ ﻣﺸﻴﺖ ﻟﻴﻬﺎ ﻭﻟﻘﺎﻧﻲ ﻳﻌﻨﻲ ﻟﻮ ﺩﻓﻨﺘﻪ ﻧﻔﺴﻲ ﻓﻲ ﺍﻟﺘﺮﺍﺏ ﺡ ﻳﻠﻘﺎﻧﻲ 💔
ﺗﻨﺎﺟﻲ : ﻃﻴﺐ ﻳﻌﻨﻲ ﻋﻤﻠﻮ ﺷﻨﻮ ﻫﺴﻲ 😢
ﺍﻧﺘﺼﺎﺭ : ﺣﻠﻘﻨﺎ ﺷﻌﺮﻧﺎ ﻭ ﺧﺸﻨﺎ ﺍﺻﻮﺗﻨﺎ ﻭ ﺟﺒﻨﺎ ﻣﻼﺑﺲ ﻭ
ﺍﻋﻨﺎﺏ : ﻟﻮ ﻋﺮﻓﻮﻛﻢ ﺡ ﺗﻌﻤﻠﻮ ﺷﻨﻮ ﻭ ﺍﻟﺼﻼﺓ ﻭ ﻭ ﻓﻲ ﺍﻟﻨﻬﺎﻳﺔ ﺍﻧﺘﻮ ﺑﻨﺎﺕ😞
ﺍﻧﺎ : ﺍﻣﻲ ﻗﺎﻟﺖ ﺡ ﺗﺘﺼﺮﻑ ﻭ ﻧﺤﻦ ﻣﺎ ﻋﺎﺭﻓﻴﻦ ﻛﻴﻒ ﺍﻟﻠﻪ ﻛﺮﻳﻢ ﻣﻌﺎﻧﺎ ﻭ ﺍﻟﺼﻼﺓ ﺑﻨﺸﻮﻑ ﺡ ﻧﺼﻠﻲ ﻛﻴﻒ ﺡ ﻧﺸﻴﻞ ﻣﻌﺎﻧﺎ ﻃﺮﺣﺘﻴﻦ ﻭ ﻣﻼﺑﺴﻨﺎ ﻃﻮﻳﻞ ﻭ ﻭﺍﺳﻌﺔ ﺑﺘﺼﻠﻲ ﺑﻴﻨﺎ 😞
ﺭﻳﻢ : ﺡ ﻧﺸﻮﻭﻭﻓﻜﻢ ﻣﺘﻴﻦ؟؟؟
ﺍﻧﺎ : ﻣﺎ ﺑﻌﺮﻑ
ﻃﻴﺐ ﻳﻼ ﻣﻊ ﺍﻟﺴﻼﻣﻪ ﻋﺸﺎﻥ ﻣﺎ ﻧﺒﺪﺍ ﻧﺨﻠﻂ 😉
ﺑﻌﺪ ﻗﻔﻠﻨﺎ ﻣﺸﻴﻨﺎ ﺻﻠﻴﻨﺎ ﺍﻟﻤﻐﺮﺏ ﻭ ﻗﻌﺪﺗﺔ ﻓﻲ ﺍﻟﻤﺼﻼﻳﺔ ﺑﺪﻋﻲ ﺍﻟﻠﻪ ﻳﺴﻬﻞ ﻟﻴﻨﺎ ﻭ ﻭﻛﻠﺖ ﺍﻣﺮﻱ ﻟﻠﻪ ....
ﺍﻧﺘﺼﺎﺭ : ﺭﺣﺎﺏ ﻟﻮ ﻣﺸﻴﻨﺎ ﻫﻨﺎﻙ ﻧﺼﻠﻲ ﻛﻴﻒ ﻭ ﺡ ﻧﺘﺎﻗﻠﻢ ﻛﻴﻒ؟؟ !
ﺍﻧﺎ : ﻣﺎ ﻋﺎﺭﻓﺔ ﻭﺍﻟﻠﻪ ﻟﻜﻦ ﺑﻨﺸﻴﻞ ﻃﺮﺣﻨﺎ ﻭ ﻧﻤﺸﻲ ﻧﺸﻮﻑ ﺑﺤﺼﻞ ﺷﻨﻮ
ﻣﺸﻴﺖ ﻗﻌﺘﺔ ﻓﻲ ﺍﻟﺒﻠﻜﻮﻧﻪ ﻭ ﺑﻌﺎﻳﻦ ﻟﻲ ﺷﻮﺍﺭﻉ ﺍﺭﻛﻮﻳﺖ ﻭ ﺩﻣﻌﻲ ﻧﺰﻟﻮ ﻭ ﺍﻧﺎ ﻣﺎ ﻗﺎﺩﺭﺓ ﺍﺫﻛﺮ ﻟﻤﻦ ﻛﻨﺖ ﺻﻐﻴﺮ ﻛﻨﺖ ﻋﺎﻳﺸﺔ ﻛﻴﻒ ﻭ ﻭﻳﻦ ﻭ ﺍﻣﻲ ﻭﺍﺑﻲ ﻣﺎ ﺳﻮﺍ ﻓﻲ ﺍﻟﺤﺎﺩﺙ ﻭ ﺍﻧﺎ ﻣﺎﺗﻪ ﻟﻲ ﻣﻌﺎﻫﻢ ﻭ ﻋﺒﺪﺍﻟﻠﻪ ﻟﻲ ﻣﺎ ﺩﺍﻳﺮ ﻳﻘﺘﻨﻊ ﺍﻧﻮ ﺍﻧﺎ ﻣﺎ ﻋﺎﻳﺰﺍﻫﻮ ﻭ ﻋﻤﻮ ﻋﻠﻲ ﻣﺼﺮ ﻳﻌﺮﺳﻨﻲ ﻟﻴﻬﻮ ﻟﻲ ﻭ ﺣﻴﺤﺼﻞ ﻟﻴﻨﺎ ﻫﻨﺎﻙ ﺷﻨﻮ ....
ﺩﺧﻠﺘﺔ ﺟﻮﺓ ﻗﻠﺘﺔ ﻟﻲ ﺍﻧﺘﺼﺎﺭ ﻓﻀﻞ ﺷﻨﻮ ﻣﺎ ﺩﺧﻼﻫﻮ ﺍﻟﺸﻨﻂ
‏( ﻃﺒﻌﺎ ﺍﻟﻤﺪﺭﺳﺔ ﻓﻴﻬﺎ ﺳﻜﻦ ﻋﺸﺎﻥ ﻛﺪﺍ ﻭﺍﻓﻘﻮ ﻳﻮﺩﻫﻢ ﻫﻨﺎﻙ ﻭ ﺍﻟﻤﺪﺭﺳﺔ ﻋﺸﺎﻥ ﻳﺘﻤﻮ ﺩﺭﺍﺳﺘﻬﻢ ﻣﺮ ﺷﻬﺮ ﻋﻠﻲ ﺍﻟﻌﺎﻡ ﺍﻟﺪﺭﺍﺳﻲ ﻳﺘﺘﺴﺎﻟﻮ ﻟﻲ ﻣﺎ ﻧﺰﻟﻮ ﻋﺸﺎﻥ ﻋﺒﺪﺍﻟﻠﻪ ﻣﻨﻌﻬﻢ ﻳﻨﺰﻟﻲ ﻭ ﻳﺘﻤﻮ ﺩﺭﺍﺳﺘﻬﻢ ﻭ ﻣﺎ ﻳﻄﻠﻌﻮ ﻣﻦ ﺍﻟﺒﻴﺖ ‏)
ﺻﺤﻴﻨﺎ ﺍﻟﺼﺒﺎﺡ ﺍﻟﺴﺎﻋﺔ ﺛﻼﺛﺔ ﺻﺒﺎﺣﺎ
ﺟﻴﻨﺎ ﻟﺒﺴﻨﺎ ﺍﻟﺸﺎﺵ ﺍﻟﺒﻴﺠﻲ ﺣﻖ ﺍﻟﻜﺴﺮ ﻭﻻ ﻻﻋﺒﻴﻦ ﺍﻟﻜﻮﺭﺓ ﻋﺸﺎﻥ ﻧﺨﺒﻲ ﺻﺪﻭﺭﻧﺎ ﻭ ﺍﻧﻮﺛﺘﻨﺎ ﻟﺒﺴﻨﺎ ﺗﻲ ﺷﺮﺗﻴﻦ ﻭ ﻋﺎﻳﻨﺘﺔ ﻟﻲ ﺍﻧﺘﺼﺎﺭ ﻟﻘﻴﺘﻬﺎ ﺑﺘﺒﻜﻲ ﻭﺗﻘﺶ ﻓﻲ ﺩﻭﻣﻌﺎ ﻣﺸﻴﺖ ﺣﻀﺘﻨﺘﻬﺎ ﻭ ﻗﻠﺘﺔ ﻟﻴﻬﺎ ﻧﺤﻦ ﺳﻮﺍ ﻭ ﻣﺎ ﺡ ﻳﺼﻴﺮ ﻟﻴﻨﺎ ﺷﻲ ... ﻃﻴﺐ ﺗﻌﺎﻟﻲ ﺍﻣﺴﺤﻲ ﻟﻲ ﺍﻟﺪﻭﺍ ﻓﻲ ﻇﻬﺮﻱ ﻋﺸﺎﻥ ﺑﻘﺖ ﺗﺤﺮﻗﻨﻲ 😢
ﺍﻟﺴﺎﻋﺔ ﺧﻤﺴﺔ ﺻﺒﺎﺣﺎ ﻧﺎﺩﺗﻨﺎ ﺍﻣﻲ ﺍﻣﺎﻧﻲ ﻟﻤﻦ ﻃﻠﻌﻨﺎ ﻟﻴﻬﺎ ﻟﻜﻦ ﺩﻣﻌﺖ ﻭ ﻗﺎﻟﺖ ﺑﻘﻴﺘﻮ ﺗﺸﺒﻬﻮ ﺍﻻﻭﻻﺩ ﺍﻛﻴﺪ ﻣﺎ ﺡ ﻳﻌﺮﻓﻜﻢ ﻱ ﺭﺍﻣﻲ ﻭ ﺍﻧﻮﺭ ﻭ ﺿﻤﺘﻨﺎ ...
ﺍﻧﺎ ﻛﻨﺖ ﻻﺑﺴﺔ ﺑﻨﻄﻠﻮﻥ ﺟﻴﻨﺰ ﺍﺳﻮﺩ ﻭ ﺟﺰﻣﺔ ﺍﺑﻴﺾ ﻭ ﺗﻲ ﺷﻴﺮﺕ ﺍﺑﻴﺾ ﻓﻴﻬﻮ ﻛﺘﺎﺑﺔ ﺑﺎﻻﺳﻮﺩ ﻭ ﺟﻜﻴﺖ ﺍﺳﻮﺩ ﻭ ﻃﺎﻗﻴﺔ ﺳﻮﺩﺍ 😃...
ﺍﻧﺘﺼﺎﺭ ﻟﺒﺴﺖ ﺑﻨﻄﻠﻮﻥ ﺟﻴﻨﺰ ﻛﺤﻠﻲ ﻭ ﺟﺰﻣﺔ ﺍﺳﻮﺩ ﻭ ﺗﻲ ﺷﻴﺮﺕ ﺍﺳﻮﺩ ﻭ ﺟﻜﻴﺖ ﺍﻟﺒﻴﺾ ﻭ ﺍﻟﻄﺎﻗﻴﺔ ﻛﺤﻠﻲ 😍
ﻃﻠﻌﻨﺎ ﻭ ﻟﺴﺔ ﺍﻟﺸﻤﺲ ﻣﺎ ﻃﻠﻌﺖ ﻣﺸﻴﻨﺎ ﺷﻮﻳﺔ ﻛﺪﺍ ﻭ ﻟﻘﻴﻨﺎ ﻋﺮﺑﻴﺔ ﻋﻤﻮ ﻣﺤﻤﺪ ﺭﺍﺟﻞ ﻓﺎﻳﺰﺓ ﻧﺰﻝ ﺳﻠﻢ ﻋﻠﻲ ﺍﻣﻲ ﻭ ﺟﺎﻧﺎ ﺑﻨﺎﺗﻲ ﻭﻻ ﺍﻭﻻﺩﻱ ﻛﻴﻔﻜﻢ ﺑﺎﻟﺠﺪ ﻣﺎ ﺑﺘﺘﻔﺮﺯﻭ ﻣﻨﻬﻢ ﺍﻟﻤﻬﻢ ﺍﺭﻛﺒﻮ ﺍﺭﺡ ﺭﻛﺒﻨﺎ ﻭ ﺑﻘﻲ ﻳﻘﻮﻝ ﻃﺒﻌﺎ ﺍﻧﺘﻮ ﻋﺎﺭﻓﻴﻦ ﻣﺪﺭﺳﺔ ﺭﻭﺍﺩ ﺍﻻﻣﻞ ﺍﻟﺜﺎﻧﻮﻳﺔ ﺑﻨﻴﻦ ﻓﻴﻬﺎ ﺳﻜﻦ ﻭ ﺍﻱ ﺷﻲ ﻣﺘﻮﻓﺮ ﻓﻴﻬﺎ ﺣﺘﻲ ﺍﻻﻛﻞ ﻭ ﺍﻟﺸﺮﺏ ﻭ ﺍﻟﺘﺮﻓﻴﻪ ﺍﻧﺎ ﺑﺸﺘﻐﻞ ﻣﺪﻳﺮ ﺗﻨﻔﻴﺬﻱ ﻣﻊ ﺍﻟﻤﺪﻳﺮ ﻋﺒﺪ ﺍﻟﻌﺰﻳﺰ ﺍﻟﻔﺎﺿﻞ ﻭ ﻧﺤﻦ ﺡ ﻧﻤﺸﻲ ﻟﻠﻤﺪﻳﺮ ﺍﻟﻌﺎﻡ ﻳﺎﺳﺮ ﺍﺣﻤﺪ ﻋﺸﺎﻥ ﻳﺴﺎﻋﺪﻧﺎ ﻭ ﻭﻟﺪﻱ ﺻﻬﻴﺐ ﺩﺍ ﺡ ﻳﺴﺎﻋﺪﻛﻢ ﺍﻧﺎ ﻭﺭﻳﺘﻮ ﻳﻌﻨﻲ ﻟﻮ ﺍﺣﺘﺠﺘﻮ ﻟﻲ ﺍﻱ ﺷﻲ ﻫﻮ ﻣﻮﺟﻮﺩ ﻭ ﻣﺎ ﺗﺨﻔﻮ ﻋﻨﻮ ﺷﻲ ﻭﺍﻧﺎ ﻛﻞ ﻣﺮﺓ ﺑﺠﻲ ﺍﻣﺮ ﻋﻠﻴﻜﻢ ﻻﻧﻮ ﻋﻨﺪﻱ ﺷﻐﻞ ﺗﺎﻧﻲ ﻟﻮ ﻓﻲ ﺧﻄﺮ ﻋﻠﻴﻜﻢ ﺑﻨﺘﺼﺮﻑ
ﺍﻣﺎﻧﻲ : ﻱ ﺑﻨﺎﺗﻲ ﻏﻴﺮﺗﻮ ﺍﻟﺸﺮﺍﺋﺢ ﻣﺶ
ﻧﺤﻦ ﺍﻱ
ﻃﻴﺐ ﺍﻧﺎ ﺑﺘﺼﻞ ﻋﻠﻴﻜﻢ ﻭﻣﺎ ﺗﺘﺼﻠﻮ ﻋﻠﻲ ﻭ ﺑﺠﻲ ﻣﻊ ﻣﺤﻤﺪ ﻋﺸﺎﻥ ﺍﺯﻭﺭﻛﻢ
ﻭ ﻣﺎ ﺗﺨﺎﻓﻮ ﻭ ﺧﻠﻮﻛﻢ ﻣﻊ ﺑﻌﺾ ﻭ ﻛﻮﻧﻮ ﺳﻮﺍ ﻭ ﺑﻘﺖ ﺗﺒﻜﻲ ﻣﻦ ﻏﻴﺮ ﺻﻮﺕ ....
_$$$$$__

#في_ثانوية_البنين1
ﻱ ﺑﻨﺘﻲ ﺍﺳﻤﻌﻲ ﻛﻼﻣﻲ ﻭﺍﻣﺸﻲ ﺍﻧﺎ ﺭﺍﺿﻴﺔ ﻋﻨﺪﻙ .. ﺍﻧﺘﻲ ﻣﺎ ﻋﻨﺪﻙ ﺧﻴﺮﺍ ﺗﺎﻧﻲ ﺍﻻ ﺗﻤﺸﻲ ﻟﻴﻬﺎ ﻋﺸﺎﻥ ﺍﻟﻤﺮﺓ ﺩﻱ ﻋﺒﺪﺍﻟﻠﻪ ﺩﺍ ﺟﺎﺩﻱ ﻱ ﺍﻣﺎ ﻋﺮﺳﻚ ﺍﻭ ﻗﺘﻞ ﺍﺫﺍ ﺍﻧﺘﻲ ﺭﻓﻀﻲ ﺍﺳﻤﻌﻲ ﻭ ﺍﻣﺸﻲ ..... ﻱ ﺍﻣﻲ ﺍﻣﺎﻧﻲ ﻛﻴﻒ ﺍﻣﺸﻲ ﻭ ﺍﺧﻠﻴﻚ ﻛﺪﺍ ﺍﻧﺎ ﻟﻮ ﻫﺮﺑﺘﺔ ﺍﺣﺘﻤﺎﻝ ﺍﻟﻤﺮﺓ ﺩﻱ ﻳﺴﺄﻟﻚ ﺍﻭ ﻳﺴﻮﻱ ﻟﻴﻚ ﺍﻱ ﺷﻲ ﺯﻱ ﺍﺧﺮ ﻣﺮﺓ ﻭ ﻛﻤﺎﻥ ﺡ ﻳﻀﺮﺏ ﺍﻧﺘﺼﺎﺭ ﺑﺪﻟﻲ ....
ﺍﻣﺎﻧﻲ : ﻱ ﺭﺣﻮﺑﺔ ﺑﻨﺘﻲ ﺍﻣﺸﻲ ﺍﻧﺘﻲ ﻭﺍﻧﺘﺼﺎﺭ ﺳﻮﺍ ﻭﺍﻧﺎ ﺑﺘﺼﺮﻑ ﻛﻠﻤﺘﺔ ﻟﻴﻜﻢ ﺭﺍﺟﻞ ﺻﺤﺒﺘﻲ ﻓﺎﻳﺰﺓ ﻫﻮ ﺍﻟﻤﺪﻳﺮ ﻭ ﺑﻌﺮﻓﻚ ﺍﺑﻬﺎﺗﻜﻢ ﻋﺸﺎﻥ ﻛﺪﺍ ﻣﺎ ﺗﺨﺎﻓﻮ ﺍﺫﺍ ﺣﺼﻞ ﻟﻴﻜﻢ ﺍﻱ ﺷﻲ ﻫﻮ ﺑﺘﺼﺮﻑ
ﺍﻧﺘﺼﺎﺭ : ﻃﻴﺐ ﻱ ﺍﻣﻲ ﺍﺫﺍ ﻛﺸﻔﻮﻧﺎ ﻧﻌﻤﻞ ﺷﻨﻮ ...
ﺍﻣﺎﻧﻲ : ﻣﺎ ﺡ ﺗﻌﻤﻠﻮ ﺷﻲ ﻻﻧﻮ ﻧﺤﻦ ﻣﻌﺎﻛﻢ ...
ﺭﺣﺎﺏ : ﺍﻟﻠﻪ ﻛﺮﻳﻢ ﻱ ﺍﻣﻲ ﺑﺲ ﺍﻧﺎ ﺧﺎﻳﻔﺔ ﻳﺤﺼﻞ ﻟﻴﻜﻢ ﺯﻱ ﺍﻟﻤﺮﺓ ﺍﻟﻔﺎﺗﺖ ﺑﻲ ﺳﺒﺒﻲ ﻱ ﺭﻳﺖ ﻟﻮ ﺍﻣﻲ ﻭﺍﺑﻮﻱ ﻫﻨﺎ 💔
ﺍﻣﺎﻧﻲ : ﻱ ﺑﻨﺘﻲ ﻫﺴﻲ ﺍﻧﺎ ﻫﻨﺎ ﻣﻌﺎﻙ ﻭﺍﻧﺘﺼﺎﺭ ﺑﺮﺿﻮ ﻃﻴﺐ ﻳﻼ ﻗﻮﻣﻮ ﺍﺭﺗﺎﺣﻮ ﻭﺍﻧﺎ ﻣﺎﺷﺔ ﺍﻋﻤﻞ ﺍﻟﻐﺪﺍ ﺷﻜﻠﻮ ﺑﻌﺪ ﺩﺍ ﺡ ﻧﺘﻐﺪﺍ ﺍﻟﻤﻐﺮﺏ ﻋﺪﻳﻞ
_____
# ﺍﻟﺸﺨﺼﻴﺎﺕ
ﺍﻧﺎ ﺭﺣﺎﺏ ﺑﻨﺖ ﻭﺳﻄﻴﺔ ﺍﻟﻄﻮﻝ ﻟﻮﻧﻲ ﻓﺎﺗﺢ ﻋﻴﻮﻧﻲ ﻭﺍﺳﻌﺔ ﺭﻣﻮﺵ ﻏﺰﻳﺮﺓ ﻟﻮﻧﻬﺎ ﺯﻳﺘﻲ ﻋﻨﺪﻱ ﻏﻤﺎﺯﺓ ﻭﺣﺪﺓ ﺑﻲ ﺍﻟﻴﻤﻴﻦ ﻭ ﻋﻼﻣﺔ ﺟﻤﺎﻝ ﻓﻲ ﺍﻟﺬﻗﻦ ﺑﻠﺒﺲ ﻧﻈﺎﺭﺓ ﻧﻈﺮ ﺷﻌﺮﻱ ﻃﻮﻳﻞ ﻟﻲ ﻧﻬﺎﻳﺔ ﻇﻬﺮﻱ ﻟﻮﻧﻲ ﺑﻨﻲ ﻓﺎﺗﺢ ‏( ﻋﻨﺪﻧﺎ ﻫﻨﺎ ﻟﻮﻧﻮ ﺍﻗﺒﺶ (😂 ﻋﻤﺮﻱ ١٧ ﺳﻨﺔ ﻓﻲ ﺗﺎﻧﻴﺔ ﺛﺎﻧﻮﻱ
_ ﺍﻧﺘﺼﺎﺭ ﻧﻔﺲ ﻃﻮﺍﻟﻲ ﻟﻮﻧﻬﺎ ﻓﺎﺗﺢ ﻋﻨﺪﻫﺎ ﻏﻤﺎﺯﺗﻴﻦ ﺫﺍﺕ ﺣﻮﺍﺟﺐ ﻏﺰﻳﺮﺓ ﻭ ﺭﻣﻮﺵ ﻃﻮﻳﻠﺔ ﻟﻮﻥ ﻋﻴﻮﻧﻬﺎ ﺍﺳﻮﺩ ﺷﻌﺮﻫﺎ ﺍﺳﻮﺩ ﻟﻲ ﻧﺺ ﻇﻬﺮﻫﺎ ﻋﻨﺪﻧﺎ ﻣﻼﻣﺢ ﻓﻲ ﺑﻌﺾ
_ ﺍﻣﺎﻧﻲ ﺍﻣﻲ ﺑﺎﻟﺮﺿﺎﻋﺔ ﻭ ﺍﻡ ﺍﻧﺘﺼﺎﺭ ﻭ ﺑﺘﻜﻮﻥ ﺧﺎﻟﺘﻲ ﺍﺧﺖ ﺍﻣﻲ‏( ﺍﻣﻨﺔ ﺍﻟﻠﻪ ﻳﺮﺣﻤﻬﺎ ‏) ﻧﻔﺲ ﻣﻼﻣﺢ ﺍﻣﻲ ﻟﻮﻧﻬﺎ ﻓﺎﺗﺢ ﻃﻮﻳﻠﺔ ﻃﻴﺐ ﻭ ﻫﺎﺩﺋﺔ ﻭ ﺭﺫﻳﻨﺔ ﺑﻌﺪ ﺍﻣﻲ ﻣﺎﺗﺖ ﻫﻲ ﺍﻫﺘﻤﺖ ﺑﻲ .....
ﻧﺮﺟﻊ &
ﻓﻲ ﻏﺮﻓﺘﻨﺎ
ﺍﻧﺘﺼﺎﺭ : ﺭﺣﺎﺏ
ﺭﺣﺎﺏ : ﻫﻤﻤﻤﻤﻢ
ﺍﻧﺘﺼﺎﺭ : ﺻﺤﻲ ﺡ ﻧﻤﺸﻲ ﻟﻮ ﻋﺮﻑ ﻣﺤﻠﻨﺎ ﺍﻛﺪ ﺡ ﻳﻘﺘﻨﺎ ﺍﻟﻤﺮﺓ ﺩﻱ ﺍﺧﺮ ﻣﺮﺓ ﻣﺸﻴﻨﺎ ﺩﺍﺧﻠﺔ ﺍﻟﺠﺎﻣﻌﺔ ﻟﻘﺎﻧﺎ ﻟﻮ ﻣﺎ ﺍﻣﻲ ﻛﺎﻥ ﻗﺘﻠﻨﺎ ﻋﺪﻳﻞ ﻳﺎﺍﺥ ﺣﺘﻲ ﻭﻟﻮ ﻣﺎ ﻟﻘﺎﻧﺎ ﻛﺪﺍ ﻟﻮ ﻣﺸﻴﻨﺎ ﻫﻨﺎﻙ ﺡ ﻳﻌﺮﻓﻮﻧﺎ ﻭ
ﺭﺣﺎﺏ : ﻭ ﻳﺸﻜﻮ ﻋﻠﻴﻨﺎ ﻭﻳﺠﻲ ﻳﻜﺘﺸﻔﻨﺎ ﺧﻠﻲ ﻧﺤﺎﻭﻝ ﺍﺧﺮ ﻣﺮﺓ .. ﺍﻧﺘﺼﺎﺭ .
ﺍﻧﺘﺼﺎﺭ : ﻫﻤﻤﻢ
ﺭﺣﺎﺏ : ﺍﺳﻔﺔ ﻋﺸﺎﻥ ﻭﻗﻌﺘﻚ ﻣﻌﺎﻱ ﻛﺪﺍ ﺍﻧﺎﺍ .....
ﺍﻧﺘﺼﺎﺭ : ﻻ ﺭﺣﻮﺑﺔ ﻣﺎ ﺗﻘﻮﻟﻲ ﻛﺪﺍ ﺍﻧﺎ ﺍﺧﺘﻚ ﺍﻟﺘﻮﻣﺔ ﻧﺴﻴﺘﻲ ﻣﺎ ﺡ ﺍﺧﻠﻴﻚ ﺑﺮﻙ ﻣﺎﺩﺍﻡ ﻋﺎﻳﺸﺔ ...
___
# ﻧﻔﻬﻢ ﺷﻮﻳﺔ 👌
ﺍﻧﺎ ﻭ ﺍﻣﻲ ﺍﻣﻨﺔ ﺣﺴﻦ ﻭ ﺍﺑﻮﻱ ﻣﺤﻤﺪ ﻋﺒﺪﺍﻟﺮﺣﻤﻦ ﺍﻟﻐﺎﻟﻲ ‏( ﺍﻛﺪ ﻣﺎ ﺡ ﺍﻗﺘﻞ ﺍﺑﻮﻱ 😅 ﺍﻟﻠﻬﻢ ﺍﺣﻔﻆ ﺍﺑﺎﺋﻨﺎ ﻭ ﺍﺭﺣﻢ ﻣﻦ ﻣﺎﺕ ﻣﻨﻬﻢ (🤲 ﻣﺎﺗﻮ ﻓﻲ ﺣﺎﺩﺙ ﻭﺍﻧﺎ ﻋﻤﺮﻱ ﻋﺸﺮﺓ .... ﻣﺎ ﻛﺎﻥ ﻣﻌﺎﻱ ﺯﻭﻝ ﻻﻧﻲ ﻭﺣﻴﺪﻫﻢ ﻛﺎﻥ ﻓﻲ ﻋﻤﻲ ﻋﻠﻲ ﻭ ﻭﻟﺪﻭ ﻋﺒﺪﺍﻟﻠﻪ ﺍﻛﺒﺮ ﻣﻨﻲ ﺑﻲ ﺧﻤﺴﺔ ﺳﻨﺔ ﻫﻢ ﺳﺎﻗﻮﻧﻲ ﻣﻌﺎﻫﻢ ﻭ ﻗﻌﺘﺔ ﻣﻌﺎﻫﻢ ﻟﻤﻦ ﻋﻤﺮﻱ ﺣﺼﻞ 15 ﺳﻨﺔ ﻭ ﺍﻗﺪﻡ ﻟﻲ ﺑﺲ ﺍﻧﺎ ﻛﻨﺖ ﺧﺎﺗﺔ ﻋﺒﺪﺍﻟﻠﻪ ﻣﺎﻛﻨﺔ ﺍﺑﻮﻱ ﻭﺍﺧﻮﻱ ﻋﺸﺎﻥ ﻛﺪﺍ ﺭﻓﻀﺔ ﻗﻠﺘﺔ ﻟﻴﻬﻮ ﻣﺴﺘﺤﻴﻞ ﺍﻋﺮﺳﻚ ﻭﻻ ﺍﻗﺒﻞ ﺑﻴﻚ ﺭﺍﺟﻠﻲ 💔 ﺑﺲ ﻓﻲ ﻧﻔﺲ ﺍﻟﻠﺤﻈﺔ ﻣﺮﺓ ﻋﻤﻲ ﻫﺎﺟﺮ ﺿﺮﺑﺘﻨﻲ ﻛﻒ ﻟﻤﻦ ﻭﻗﻌﺘﺔ ﺑﻘﺖ ﺗﺸﺘﻢ ﻓﻴﻨﻲ ﻧﺤﻦ ﺭﺑﻴﻨﺎﻙ ﻭ ﻛﺒﺮﻧﺎ ﻭ ﻋﺒﺪﺍﻟﻠﻪ ﺩﺍ ﻋﻤﻞ ﻟﻴﻚ ﺍﻱ ﺷﻲ ﻭ ﺗﺠﻲ ﺗﺮﻓﻀﻴﻬﻮ ﺑﻲ ﺩﻡ ﺑﺎﺭﺩ .......
___
ﺭﺣﺎﺏ ﺭﺣﺎﺏ ﺍﺭﺡ ﺍﻟﻐﺪﺍ ﺳﺮﺣﺎﻧﺔ ﻭﻳﻦ 🧐
ﺭﺣﺎﺏ : ﻭﻻ ﺷﻲ ﺍﺭﺡ
____
ﺍﻣﺎﻧﻲ : ﻧﺤﻦ ﻣﺎ ﻋﻨﺪﻧﺎ ﺯﻣﻦ ﺑﻌﺪ ﺍﻟﻤﻐﺮﺏ ﺡ ﻧﻤﺸﻲ ﻭ ﺍﻧﺎ ﺍﺗﻜﻠﻤﺘﺔ ﻣﻊ ﻣﺤﻤﺪ ‏( ﺭﺍﺟﻞ ﻓﺎﻳﺰﺓ ‏) ﻗﺎﻝ ﻋﻤﻞ ﺍﻟﻤﻄﻠﻮﺏ ﻭ ﺡ ﺗﻨﺰﻟﻮ ﻟﻤﻦ ﺗﺠﻬﺰﻭ ﺗﻤﺎﻡ ...
ﻧﺤﻦ ﺍﻱ
‏( ﻃﺒﻌﺎ ﺡ ﻳﻤﺸﻮ ﻣﺪﺭﺳﺔ ﺭﻭﺍﺩ ﺍﻻﻣﻞ ﺩﺍ ﺍﺧﺮ ﻗﺮﺍﺭ ﻋﺸﺎﻥ ﻳﻬﺮﺑﻮ ﻣﻦ ﻋﺒﺪﺍﻟﻠﻪ ﺑﺘﻔﻬﻮ ﺍﻛﺘﺮ ﻓﻲ ﺍﻻﺟﺰﺍﺀ ﺍﻟﺘﺎﻧﻴﺔ ﺭﻛﺰﻭ ﻫﺴﻲ ﻋﺸﺎﻥ ﻣﺎ ﺗﺴﻤﺒﻜﻮ(😂😬
ﺭﺣﺎﺏ : ﺍﻣﻲ ﺍﻧﺘﻲ ﻟﻲ ﺍﻟﺜﺎﻧﻮﻱ ﺩﻱ ﺍﺳﻤﻬﺎ ﺭﻭﺍﺩ ﺍﻻﻣﻞ ﻟﻲ 🧐 ﻣﺶ ﺍﺳﻢ ﻣﺪﺭﺳﺔ ﺑﻨﺎﺕ 🤔
ﺍﻣﺎﻧﻲ : ﺑﺮﻱ ﻣﺎ ﻋﺎﺭﻓﺔ ﻟﻤﻦ ﺗﻤﺸﻮ ﻭﻋﺮﻓﺘﻮ ﻭﺭﻭﻧﻲ ﻣﻌﺎﻛﻢ 😂
ﺍﻧﺘﺼﺎﺭ : ﻭ ﻣﺪﺭﺳﺘﻨﺎ 😟
ﺍﻣﺎﻧﻲ : ﻛﻠﻮ ﻣﺤﻠﻮﻝ ﻃﺒﻌﺎ ﻏﻴﺮﻧﺎ ﺍﺳﺎﻣﻴﻜﻢ ﺭﺣﺎﺏ ﺍﻧﺘﻲ ﺭﺍﻣﻲ ﺍﺣﻤﺪ ﺍﻟﻐﺎﻟﻲ ﻋﺒﺪ ﺍﻟﺮﺣﻤﻦ
ﻭﺍﻧﺘﺼﺎﺭ ﺍﻧﺘﻲ ﺍﻧﻮﺭ ﻋﻤﺎﺩ ﻋﻠﻲ ﺍﻟﻤﻬﺪﻱ
ﻧﺤﻦ ﺷﻨﻮ 😳 ‏( ﺍﺑﻮ ﺍﻧﺘﺼﺎﺭ ﺍﺳﻤﻮ ﺣﺴﻴﻦ ﻋﺒﺪﺍﻟﺮﺣﻤﻦ ﻣﺘﻮﻓﻲ ﺑﻌﺪ ﺍﺑﻮﻱ ﺑﻲ ﺳﻜﺮﻱ 😢 ﻣﺮﺗﻔﻊ ‏)
ﺍﻱ ﻣﺎ ﺍﻧﺘﻮ ﻣﺎﺷﻴﻦ ﻣﺪﺭﺳﺔ ﺍﻭﻻﺩ ﺩﺍﻳﺮ ﺗﻤﺸﻮ ﺑﻲ ﺍﺳﺎﻣﻴﻜﻢ ﺩﻱ ﻭ ﺡ ﻧﻐﻴﺮ ﺷﻜﻠﻜﻦ ﺣﺒﺔ ﻭ ﺑﻌﺪ ﺷﻮﻳﺔ ﻃﺎﻟﻌﻴﻦ ﻧﺸﺘﺮﻱ ﺣﺎﺟﺎﺕ ﺗﻤﺎﻡ
ﻧﺤﻦ ﺍﻱ 😟
ﻣﺸﻴﻨﺎ ﺍﻟﺴﻮﻕ ﺟﺒﻨﺎ ﺗﺮﻧﻜﺎﺕ ﻭ ﺑﻨﺎﻃﻠﻴﻦ ﺟﻴﻨﺰ ﻭ ﻗﻤﺼﺎﻥ ﻭ ﺗﻲ ﺷﻴﺮﺗﺎﺕ ﻭ ﻓﺎﻧﻴﻞ ﺍﻛﻤﺎﻡ ﻭ ﺟﺰﻡ ﻭ ﻃﺎﻗﻴﺎﺕ ﻭ ﺷﺎﻻﺕ ﻭﻭﻭﻭ 🙄 ﺍﻱ ﺷﻲ ﺷﺒﺎﺑﻲ ﻃﺒﻌﺎ ﺍﻱ ﻭﺣﺪﺓ ﺩﺧﻠﺖ ﻣﺤﻞ ﺑﺮﻫﺎ ﻭ ﺳﻴﺪ ﺍﻟﻤﺤﻞ ﻳﺴﺎﻝ ﺧﻴﺮ ﻱ ﺑﻨﺘﻲ ﺩﺍﻳﺮﻩ ﺑﻴﻬﻢ ﺷﻨﻮ 🠾񕇐 ﻱ ﻋﻤﻲ ﺑﺲ ﺩﺍ ﺍﺧﻮﻱ ﻋﻴﺎﻥ ﻭ ﻫﻮ ﺩﺍﺧﻞ ﺍﻟﺠﺎﻣﻌﺔ ﻗﺎﻝ ﻟﻲ ﺍﺟﻴﺐ ﻟﻴﻬﻮ ﺣﺎﺟﺎﺗﻮ 😬😆 ﺍﻳﻮﺍ ﻃﻴﺐ ﻱ ﺑﻨﺘﻲ
&&&__
ﺭﺟﻌﻨﺎ ﻭ ﻗﻌﺪﻧﺎ ﺑﻲ ﺗﻌﺐ ﻭ ﻧﻀﺤﻚ ﻋﻠﻲ ﺷﻜﻠﻨﺎ ﻓﺠﺎﺓ ﻛﺪﺍ ﺟﺎﺕ ﺍﻣﻲ ﺍﻣﺎﻧﻲ ﺑﻲ ﻣﻘﺺ 😱
ﺑﻘﻴﻨﺎ ﻧﻌﺎﻳﻦ ﻟﻴﻬﺎ ﻛﺪﺍ 🤯😱😳
ﻗﻌﺪﺗﻨﺎ ﻭ ﻭﻭ ﻭﻭﻭ ﻗﺼﺘﻮ ﺍﻱ ﻗﺼﺖ ﺷﻌﺮﻧﺎ 💔😭😭😱 ﻭ ﺗﻤﻴﻨﺎ ﺍﻟﻠﻴﻞ ﻛﻠﻮ ﺑﻨﺒﻜﻲ ‏( ﻣﺎ ﺻﻠﻊ ﻣﺎ ﺗﻤﺸﻮ ﺑﻌﻴﺪ 🌚 ﻧﻔﺲ ﺣﻼﻗﺔ ﺍﻭﻻﺩ ﺍﻟﺠﻴﻞ ﺩﺍ 👌(🤚 ﻭﻻ ﻧﻤﻨﺎ ﻟﻠﺼﺒﺎﺡ ‏( ﺍﻟﻠﻪ ﻳﻨﺘﻘﻢ ﻣﻨﻚ ﻱ ﻋﺒﺪﺍﻟﻠﻪ (💦 ﺍﻣﻲ ﺍﻣﺎﻧﻲ ﻗﺎﻟﺖ ﻟﻴﻨﺎ ﻻﺯﻡ ﺗﺨﺸﻮﻧﻮ ﺍﺻﻮﺍﺗﻜﻢ ﻭ ﺍﻋﻤﻠﻮ ﺣﺬﺭﻛﻢ ﻭ ﻣﺎ ﺗﺨﻄﻠﺘﻮ ﻣﻌﺎﻫﻢ ﻭ ﺗﻌﻤﻠﻮ ﻣﺸﺎﻛﻞ ﻛﻮﻳﺲ ﻱ ﺭﺣﺎﺍﺍﺏ 😒 ﺍﻧﺎ 😑 ﺍﻱ ﺗﺎﻧﻲ ﻗﺎﻟﺖ ﺡ ﻧﻤﺸﻲ ﺑﻜﺮﺓ ﺍﻟﻠﻴﻠﺔ ﺩﺭﺑﻮ ﻧﻔﺴﻜﻢ ﻋﺸﺎﻥ ﻣﺎ ﺗﺘﻌﺎﻭﺭﻭ ﻭ ﺧﻠﻴﻜﻢ ﺩﺍﺋﻤﺎ ﻣﻊ ﺑﻌﺾ ﻭ ﺍﺣﻤﻮ ﺑﻌﺾ ﺗﻤﺎﻡ ﺑﻨﺎﺗﻲ ﻭ ﺟﻴﻨﺎ ﺿﻤﻴﻨﺎﻫﺎ ﻭ ﺑﻜﻴﻨﺎ ﻧﺤﻦ ﻟﻮ ﻣﺸﻴﻨﺎ ﺡ ﺗﻘﻌﺪﻱ ﻣﻊ ﻣﻦ ﻭ ﻋﺒﺪﺍﻟﻠﻪ ﻟﻮ ﺟﺎ ﺡ ﺗﻘﻮﻟﻲ ﺷﻨﻮ ﺍﺻﻼ ﻫﻮ ﺳﺎﻛﺖ ﻛﺪﺍ ﻣﻌﺎﻧﻬﻮ ﻫﺪﻭ ﻣﺎ ﻗﺒﻞ ﺍﻟﻌﺎﺻﻔﺔ ﻋﻠﻴﻚ ﺍﻟﻠﻪ ﺍﻧﺘﺒﻬﻲ ﻟﻲ ﻧﻔﺴﻚ ﻣﺎ ﻋﻨﺪﻧﺎ ﻏﻴﺮﻙ 😭😭😭😭😭😭😭😭😭 ﺧﻼﺹ ﺍﻧﺘﻮ ﻣﺎ ﺑﺘﻌﺮﻓﻮﻧﻲ ﻭﻻ ﺷﻨﻮ ﺑﻌﺮﻑ ﺍﻫﺘﻢ ﺑﻲ ﻧﻔﺴﻲ 😉 ﺍﻧﺘﻮ ﻛﻤﺎﻥ ﺍﻫﺘﻤﻮ ﺑﻲ ﻧﻔﺴﻜﻢ ﺣﺒﻴﺒﺎﺗﻲ ﻳﻼ ﺟﺮﺑﻮ ﺍﻟﻤﻼﺑﺲ ﻭ ﻭﺭﻭﻧﻲ 😉 ﻇﺎﺑﻄﺔ ﻭﻻ ﻻ ...