📌 Бугун пойтахтимизда “Гиёҳванд моддалар савдоси ва уюшган жиноятчиликка қарши курашиш — қатъий ва доимий назоратни талаб қиладиган муҳим масала” мавзусида матбуот анжумани бўлиб ўтди.

Tadbirning dolzarbligi so‘nggi vaqtlarda jamiyatimizda ruhiy nosog‘lom shaxslar tomonidan sodir etilayotgan og‘ir jinoyatlar soni ortib borayotgani, xususan, Toshkent shahrida ruhiy xasta fuqaroning ichki ishlar xodimiga og‘ir tan jarohati yetkazgani, Surxondaryoda 3 yoshli qizaloqning o‘limi bilan bog‘liq holat va 2025 yilda o‘z onasi tomonidan pichoqlab o‘ldirilgan qizcha voqeasi kabi holatlar bilan izohlanib, ushbu sohadagi qonunchilikni takomillashtirish hayotiy zarurat ekanligi ta’kidlandi.

Anjumanda so‘z olganlar yangi tahrirdagi O‘zbekiston Respublikasi Konstitutsiyasining 26- va 55-moddalariga asosan hech kimda uning roziligisiz tibbiy tajribalar o‘tkazilishi mumkin emasligi hamda har kimga o‘z huquqlarini sud orqali himoya qilish huquqi kafolatlanganini e’tirof etdilar.

🔴 Seminarda Oliy Majlis Qonunchilik palatasidagi “Adolat” SDP fraksiyasi a’zolari Zuhriddin Mavlonov, Tohir Palvanov hamda Behzod To‘xtamurodovlar ishtirok etib, partiyaning ijtimoiy adolatni ta’minlash va aholining sifatli tibbiy xizmatdan foydalanish huquqlarini himoya qilishdagi pozitsiyasini bildirdilar.

Deputatlar va soha mutaxassislari tomonidan amaldagi qonunchilikda mavjud bo‘shliqlar tanqidiy tahlil qilindi; xususan, Fuqarolik protsessual kodeksida shaxsni g‘ayriixtiyoriy tartibda statsionarga yotqizish haqidagi sud qarorlarini darhol ijro etish mexanizmining aniq ko‘rsatilmagani amaliyotda muammolar tug‘dirayotgani qayd etildi.

Statistik ma’lumotlarga ko‘ra, 2024 yilda sudlar tomonidan shu mazmundagi 19 ta ish ko‘rib chiqilgan bo‘lsa, 2025 yilning o‘tgan 10 oyida bu ko‘rsatkich 25 tani tashkil etgani muammoning ko‘lami kengayib borayotganidan dalolat beradi.

Qizg‘in muhokamalar davomida deputat Zuhriddin Mavlonov tomonidan qator muhim takliflar ilgari surildi.

Xususan, xavf darajasini inobatga olgan holda Fuqarolik protsessual kodeksining 318-moddasiga o‘zgartirish kiritib, shaxsni statsionarga majburiy, g‘ayriixtiyoriy tartibda yotqizish haqidagi ishlarni ko‘rish muddatini 10 kundan 3 kunga qisqartirish, shuningdek, 266-moddaga o‘zgartirish kiritish orqali sud qarorlarining tezkor ijrosini ta’minlash taklif qilindi.