Бугун Сурхондарё вилоят ҳокими Улуғбек Қосимов Шеробод туманида ишсиз ва турли муаммоларга дуч келаётган бир гуруҳ ёшлар билан учрашув ўтказди. Мулоқот самимий ва очиқ руҳда ўтди. Вилоят раҳбари ёшларнинг фикр-мулоҳазалари, таклиф ва муаммоларини тинглади.

Учрашувда ёшларнинг муаммоларини бартараф этиш, уларни қўллаб-қувватлаш мақсадида масъулларга бириктирилган вазифалар ижроси таҳлил қилинди ва бу борада амалга оширилаётган ишлар танқидий кўриб чиқилди.

Вилоят ҳокими ёшларга зарур кўмак ва қўллаб-қувватловлар кўрсатилишини, уларнинг бандлигини таъминлаш, ўзини ўзи банд қилиш, таълим олиши ва касб-ҳунар эгаллаши учун барча имкониятлар яратилганини таъкидлаб ўтди. Шу билан бирга, ёшларни ушбу имкониятлардан самарали фойдаланишга чақирди.

Бундай учрашувлар ёшларнинг жамиятдаги ўрнини мустаҳкамлаш, уларнинг фаоллигини ошириш ва имкониятларини кенгайтиришда муҳим аҳамият касб этади.

Каналга уланиш: https://www.tgoop.com/murodbekdavlatov

Айни пайтда Сурхондарё тажрибаси асосида Тахиатошда тадбиркорликни ривожлантириш, аҳоли турмуш шароитларини яхшилашга қаратилган бир қатор лойиҳалар ишга туширилмоқда.

Сурхондарё вилояти ҳокими Улуғбек Қосимов Тахиатош тумани ҳокими бошчилигидаги мутасаддилар ва тадбиркорлар делегацияси билан учрашув ўтказди.

Термиз халқаро савдо марказида ташкил этилган учрашувда Тахиатошда амалга оширилаётган ишлар, тадбиркорликни қўллаб-қувватлаш йўналишидаги вазифалар ижроси ва келгусидаги режалар муҳокама қилинди. Шу билан бирга, делегация аъзоларининг таклиф ва ташаббуслари тингланиб, лойиҳалар тақдимоти ҳам ўтказилди.

Учрашув якунида вилоят раҳбари мутасаддиларга қатор вазифаларни белгилаб берди. Жумладан, Тахиатош туманида турли тадбирлар ташкил этиш, болаларни Сурхондарёдаги оромгоҳларда дам олдириш ва соғломлаштириш ишларини мувофиқлаштириш юзасидан топшириқлар берилди.

Каналга уланиш: https://www.tgoop.com/murodbekdavlatov