#شور_فزعه

يا حسين.. اطلب وانته الكريم
يا حسين..بگلبي مجلس فدوه قيم
يا حسين..جرحي مو ذاك القديم

مشيني اعمه ومشيتي حبيبي وراك
كل خوفي ريتي تفارگ محنه هواك
بشهوة شبابي خساره ابدل عزاك

غلطان وجاي تحكموني
بصحنك يا ريت تسجنوني
لو ما خادم صاير اسمي
الله اليعلم شيسموني

بفضلك اباهل بالشباب.. يالمنتشلني امن الخراب
____
يا حسين.. فجأه بارد حبي صار
يا حسين..ردني ذاك الجرحه حار
يا حسين.. اليخدم بالليل و نهار

تبردلي بالي اذا تجوي جرحي بخيام
ردني هذاك الدمعته اعلخده وينام
اسبي دمعتي اعلناعي يصيح يشام

فر وجداني بنوگ الهّزل
ميت گلبي ويمك يعدل
مو شرط الأول تعدادي
شتعدني وياكم انه اقبل

قابل تحطني اخر اسم.. مختارني انته المهم
____
يا حسين.. ارحمني وانه بروحي الوم
يا حسين.. وردني ذاك اليبجي دووم
يا حسين.. اليذكر اسمك من يگوم

گلبي يودي وأنه بگلبي گوه اجيب
رجعّت خساره ادنگ واجيك بنحيب
اويه الما يخدمك احس روحي كاعد غريب

ابنادم اكبر غلطة بعمره
يعوف عيونك يبن الزهره
والغلطه الاكبر من عدهه
يحسب نار اخيامك شهره

والعاشك بُحب وادب.. هذا صدك يتسمه حب
___
يا حسين..شما كبرلك مو جبير
يا حسين..طفل بالخدمه ارد اصير
يا حسين..اكسرلي جنحي خاف اطير

الدور تجاره بجراحك يضل بالاخير
العاشك ضماك شيريد شيحاول يصير
عرشك حصير ومتت شيعوك بحصير

لهسه وثوبك باقي بدمه
العنده امصاب يحير بهمه
مو عايف جرحه وخيماته
ويبقه يدلل بأهل الخدمه

لو اهجر احسانك واروح.. من هسه لتخليلي روح

#مصطفى_صادق_اللامي

‏مقطع صوتي من مصطفى صادق اللامي

#مولد_الضامن
لمولانا #علي_ابن_الرضا عليه السلام

بمولد الضامن وثامن الساده
كل گلب كل گلب اعلن اعياده
الليلة ميلاد الرضا..الليلة ميلاد الرضا
...............................................................
يا أنيس انفوسنا وحبنا وقراره
الفرح مثل الحزن هم بحراره
كون كلمن يفرح ترزقه ابشاره
لمشهدك يا سيدي يحصل زياره

نبتهج نبتهج بهجة ميلاده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
ليوم ميلاد الرضا انطر واتاني
فرحتي تقربني من صاحب زماني
ابتشارات وهلا ونحسب ثواني
ينولد مولانا ليحقق لاماني

يا هلا يا هلا والمحب ناده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
يا عزيز اختك المعصومه الكريمه
فرح گلبي بمولدك مولاي ديمه
الشمعه من اشعلها الك تنطيني قيمه
ورجعتني رأفتك فطرة سليمة

سيدي سيدي يدلل الراده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
يا شمس طوس الابد ما قل ضواهه
يا روؤف التكرم الحب والوجاهه
يا أنُس روحي وغزلها ومحتواهه
كبتك تحرك مشاعر من هواهه

واليحب واليحب يطلب امراده
كل گلب كل گلب اعلن اعياده

الليلة ميلاد الرضا..الليلة ميلاد الرضا
...............................................................
دمعة الفرحة عزيزه اعلينه تصبح
وگلبي وي سلطان عشگه بدمعه صرح
انه لو ما افرح الكم المن افرح
غلط كلشي بدنيتي وبس انتم الصح

والبجه والبجه سيدي زاده
كل گلب كل گلب اعلن اعياده

الليلة ميلاد الرضا..الليلة ميلاد الرضا

مصطفى صادق اللامي
اللحن👇👇

لحن ((مولد الضامن))

🌺 يوم واحد حتى ميلاد الإمام الرضا عليه السلام

حساب الانستكرام يتم نشر اسئلة حول حياة ساداتي

وقريباً مسابقة #الغدير
بجوائز ثمينه

https://instagram.com/mp_sp1?igshid=YmMyMTA2M2Y=

#ثكيل
#ليلة_الخدمه

" من وجد برد حبنا على قلبه فليكثر الدعاء لأمه ، فإنها لم تخن أباه " !
الإمام الصادق (ع)
بحار الانوار ؛العلامه المجلسي
ج٢٧ ؛ ١٤٧

ادعي لامي اعللحليب
ضگتك بدرهه حبيب
جاذبيت الحب لبنهه..اشكر الله صرت ابنهه
............................................................
ابطن امي وطول اشهرهه التسع
غير القرايات ما عدهه طبع
البچي البيه انگطع وامي تصب دمع
ان شاء الله حبل السبي هم ينگطع

من الثواب البالعزه..ابطن امي تغذيتي
من عالم الذر للرحم..ضل مجلسك بيتي

علمتني ابچي عليك..وانه صارت روحي بيك
خدمتي وارثهه عنهه
اشكر الله صرت ابنهه
.....................................................................
قبل اول شربة اليه امن اللبن
شدت بجفي علگ من الصحن
منهه نذرتني ومدامعها جرن
لكل مره مضيعه ولد من الضعن

وانه اعلدين امي صرت..تحيّني تعزيتك
يحسين رباني اللبن..وحسبوني تربيتك

من وعيت وشفت نور..علمتني الجمعه ازور
الخدمه صارت ديني منهه
اشكر الله صرت ابنهه
.....................................................................
اصغير وجانت تكعدني الفجر
بيدهه تحزمني وانه المبتشر
امن الطفولة لهسه امي اعللنذر
العشره الاولى( بجمرته) يضل الجدر

شما نطبخ نصد صورتك..متعلگه فوگانه
وعدنه عقيدة ومعتقد..بالزهره ويانه

وجنه وي جدرك نفور ..نكابل الصورة ونزور
وچان موكبكم وطنهه
اشكر الله صرت ابنهه
......................................................................
شما كبر زنيجلي وياه اكبرت
وبين نعيي امي ونعي الناعي عشت
من حضنها لحضن مجلسكم رحت
يعني ابنكم  وابن دمعتكم صرت

مثل العلگ ياسيدي..يشدني اسمك والتم
واترجه يگرب عاشرك..وقمصانك ابلا دم

وكل سنه تنعاد هاي..تريد ماي وماكو ماي
وامي ما فكت حزنهه
اشكر الله صرت ابنهه
..........................................................
الحمد لله فطرة امي فطرتي
الحمد لله بس مجالس عشِرتي
وياك يربطني الحليب ودمعتي
من هوان الدنيا اعوفن خدمتي

مولاي انه ودمعتي..امن الزهره للزهره
وندري احنه باليحضر عزه...بگبره تجي تحضره

وراح تحضرني واشوف..طولك وما بي سيوف
بفضل امي وفضل ونهه
اشكر الله صرت ابنهه

اللحن👇👇

#سماعي
#ليلة_الخدمه

لو ردت الوذلي بشر غير انته
لا ما لكيت ابنادم اليسترني
شما اصفنلهه يا حسين انه تراب
ما اسوه شي بس انته المكبرني

أجيك وشايل اذنوبي على متوني
اذا مو انتو يا همّه اليتوبوني
شجازي ومن لگيتوا ضلوعي بردانه
حرگتوا اخيامكم خاطر تدفوني

بنعش الگصب ضل منجمع جثمانك
وجامعنه نبچي لغربتك واحزانك
انته الكريم المنطي دم اخوانك
.................................................
عطشان اضلك سيدي شما اروه
واحجيلك أسراري وأنام مأمن
هاي البشر بالشده تنسه الصاحب
بس انته وكت الشده تسأل و تحن

السهام التايهه بصدرك اجن كلهن
اولا چنك حضنن گمت انته تحضنهن
السهم الما يلوحك انته يمه تروح
حته اسهام صدرك ما مفشلهن

انته الحنين الماترد اسهامك
ما ضنك ترّد طلب من خدامك
چوي گلبنه بطاري نار خيامك
.............................................
متعوب اجيك امدوهن امن ذنوبي
شكد بيهه لذه الخادم اليتوسل
انه برگبّتك يا حُبيبي اقبلني
و حته الذبح يم رگبتك يتدلل

يا سيف اليگصّدك كله رد احمر
حته اويه الذبح نحرك و لا قصر
خدامك ولا همتنه هاي الناس
مثل الشيب لو واحد وكع نكثر

الخاطرنه ضل ملوّي سرج ميمونك
ضلت الخيمه امضيعه لون عيونك
كلشي ثگّل من گاموا يهزونك
....................................................
ياهو اليجيلك لأهله رد أمحّمل
ومدنگ انه و جاي الك يم بابك
حته اليكرهك محبس انته انطيته
محتار شتجازي البچّه اعلمصابك

يأكثر من ابوي انته التدللني
شما احسبهه بس عيونك تحبني
من اتضيچ امشي لگبتّك مولاي
ابابك احضن وچن انته تحضني

قبل الخليقه وانته هم منطيني
من فاضل الطينه صبح تكويني
يعني انته بيدك سيدي مسويني
..................................................
أمّاره نفسي سيدّي و تغويني
و جايبها يمك اشتكي من عدها
مولاي كون امن اغلط تسامحني
ادبلي روحي وفدوة لا تطردها

جبتلك روحي سلعه وانته شاريها
لو تاخذها يمك لو تدليها
اجيتك جيّت الحر من أجه اگبالك
العبيد اتيه اذا متّطيع راعيها

گبتّك عزيزه وحته أعز من اهلي
لو ما اطيعك كون اموت اهونلي
يا ساتر اعيوب العبيد المثلي

مصطفى صادق اللامي
اللحن👇👇

ياعلي ابن موسى الرضا مدد
لطلب الحان القصائد
@safaoe0
https://www.tgoop.com/MustafaHussain9

مشاهدة "من يصير غروب | الملا علاء التميمي | موكب عشق علي - البصرة - محرم الحرام 2022مـ ١٤٤٤هـ" على YouTube
https://youtu.be/pBIfUJZ0coM

يوم العاشر



هاي آخر لحضه مابين الخيام
بلا جنح  شيعيّشه ويطير الحمام  
شفت شمس الله الحنينه اعله الأرض
حسين اخوي ابحرهه مانام ابسلام


اسيره تلوذ وتحامي ابأسيره
اه يامحنتي وهضمه الجبيره
حسين شلون ملموم ابحصيره


يالعبايه اتّربي .. الله اكبر
طلعن اخدور وعبي .. الله اكبر

خويه يحسين
____

حزنوا ياشيعة علي ولبسوا السواد
ولـمصيبة كربله علنو الحداد
بلا خيمنه ولذنه باكتار الطفوف
مابقه شي بالخيم بس الرماد

حرگوهن خيمنه ابلا مخافه
اطب شام وخرايب ياحسافه
موش اخيالي طولي الحادي شافه

يالثار الطالبي .. الله اكبر
طلعن اخدور وعبي .. الله اكبر

خويه يحسين
____

ابنص نهار ابياوكت مشدوهه بال
عفة الله المارعت چفهه الحبال
حته من الدمعه حرموني عليك
وبعد راح ومايرد ذاك الدلال


يروحي بالضهاري وين تردين
اخوتچ عالشريعه هناك ميتين
وعلى الهزل يروحي راح تمشين

عالطغه بروح النبي .. الله اكبر
طلعن خدور وعبي .. الله اكبر

خويه يحسين
__

يامصيبه اذكرهه حته اگدر اكول
سهله هاي وياسهل؟ دوس الخيول
اقسى حاله حسين اخوي تسحگه خيل
واعله جسمه معصبه تصول وتجول


عمت عيني الحوافر هشمنة
عزيز اختة الحبيبة شتلگة منة
والخيل اعله صدره وتعبنه


الضيم راونه اجنبي .. الله اكبر
طلعن اخدور وعبي .. الله اكبر

خويه يحسين
__

خويه شيصبره اليصيحوله الغريب
وابقه انه امناطره الجيت الحبيب
حته لو بالطيف مرو يخوتي
ضني بيكم يخوتي لا مايخيب

بقت زينب غريبة ومحد الهه
تحن لأيامهه وگعدات اهلهه
الشام يهون والفرگه  شيحلهه


شلون زينب تنسبي .. الله اكبر
طلعن اخدور وعبي .. الله اكبر

خويه يحسين

____

حسين الفاطمي