- لندعُوا حَتى الغُروُب أشيَاء نتَمَنَى شُرُوقَها.💗

• اذكرُونا فِي دُعائِكُم.🌿

- ‏أي حد بجد بيحبني ولو فتفوتة صغيرة يدعيلي بـ التوفيق في سعيي ومُحاولاتي،
• و إن ربنا يبلغني مسألتي و يقضي حاجتي عاجلاً غير آجلاً،

- و ربنا يجعل دُعاءكم لنفسكم و لغيركم مُستجاب بإذن الله ..")💗

• لَا تَنسُوا إخوَانَنا فِي غَزَّة والسودَان انصرُوهُم بِالدُّعَاء حَتَّى يَأذَن اللهُ بالنَّصر وإخوانَنا المُستَضعَفِين فِي كُلِّ مَكَان.
• ولَا تَنسُوا موتَانَا ومَوتَى المسلمِين ادعوُلهُم جميعًا بالرَّحمة والمغفرة.💗

اللهُم اضرِب الظّالمِين بالظَّالمِين وأخرِجنا مِنهُم سَالمِين ..")💗

- صباحُ الخيرِ.

- بما إننا خلصنا الإجازة وراجعين سواء الشغل والجامعة، وأغلبنا مش حابب يرجع "أنا شخصياً كنت مش حابه ارجع الحقيقة" ف بفكرك ونفسي انك و إنت راجع كليتك أو شغلك، ماتنساش تحمد ربنا علي حاجتين مهمين..

• أولاً: ان ربنا رازقك بكلية وتعليم وشغل وغيرك بيتمنى ظروفه كانت تبقى احسن ويبقى في نفس المكان اللي انت فيه.

• ثانياً: إنه مديك القوة والقدره البدنيه والذهنيه على تحمل العمل ده، حتى وان كان في ضغوطات بس ربنا سخرك للمكان ده لانك قده ومناسب ليه!

- وتأكد إن في ناس كتير غيرك تتمنى تكون مكانك او عندها نفس الفرص إللي عندك، عدا عليهم العيد في ضيق الله وحده بس إللي يعلم بيهم، بسبب أنهم معندهمش الفرص او النعم اللي ربنا انعم عليك بيها، ف بلاش نستنكر النعم او نتمنى زوالها حتى لو من غير قصد.💗

- محتاجين دائما نردد دعاء ده..
"اللَّهُمَّ إني أعُوذُ بِكَ مِنْ زَوَالِ نِعْمَتِكَ، وَتَحَوُّلِ عافيتك، وَفَجْأةِ نِقْمَتِكَ وَجَمِيعِ سُخْطِكَ.

- وكمان محتاجين نفتكر نحمد ربنا طول الوقت ..")💗

- التايم لاين والـ stories مُبهجين لدرجة ماتتوصفش بجد، ماشاء الله
من خطوبات لكتب كتاب لزواج وحاجة في قمة الجمال بصراحة والإنسان عينه مُستمتعة وعايز يبارك للكُل ويهنّيهم.💗

- ربنا يفرح كُل الناس ويجعل أيامنا كُلها أعياد بوجود حبايبنا ويزوّج كُل حبيب بحبيبه ويسعد قلوبنا ويبارك لكُل المُتحابين.

- بس استووب بقى ثواني بفكركم ونفسي، إنه مينفعش ولا يجوز لكما إنكم تمسكوا أيد بعض، أو إني أحط ايدي في ايدها والكلام ده، فضلًا عن ما هو أكبر من ذلك!!

- ف ممكن بلاش إننا نضيع بركة الحلال بالحرام.!

- هو لسه غريب عنك و هي لسه غريبة عنك، والخطوبة مجرد وعد بالزواج لها ضوابط ومحتاجين ربنا يبارك! ..")💗

- امبارح بالليل رقم مش متسجل عندي رن عليا ف العادي مابردش بس ماما وبابا كانوا جنبي وقالوا ردي ،رديت وكانت زميله ليا، سألتى فِ الأول لو كانت معطلانى عن حاجه ومن نبرة صوتها حسيت انها محتاجه مساعده اجابتى كانت لأ رغم انى كنت تعبانه، بدأت تتكلم انها مش عارفه تذاكر anatomy ومش فاهمه تبدأ منين وطلبت منى اساعدها علماً ب إن انا بقالى يومين بلخص فيه وبعمل answer keys لنفسي لحد لما اتحفر ف دماغي حرفياً .. طلبت منها تجيب الكتاب وهقول لها طريقه سهله تذاكر بيها وتبقي فاهمه مش حافظه وبدأت معايا من أول chapter لآخر chapter (وأنا اصلا مش ماسكه الكتاب فِ إيدي) كل اما اخلص شابتر اسمَّعه لها وما شاء الله تجاوب ومكنتش مصدقه نفسها.. هي ذاكرت الماده فِ 47 دقيقه وانا في يومين.
- لما خلصنا هي بكت وقالت لى ان مامتها تعبانه وأنها مكنتش لاقيه وقت تذاكر للإمتحان قالت لى بالحرف "أنا كلمتك رغم إننا مش صحاب وتقريباً مابنتكلمش بس انا دعيت كتير وانتِ اللي جيتى فِ بالي حسيت إنها اشاره من ربنا وكلمتك وربنا سخرك عشان تساعديني وتسهلى عليا"
- ودعت لى كتير بالصالح وكان من بين دعواتها ان ربنا يشفيني مع انى ماقلتلهاش انى تعبانه.
- قفلت معاها وانا جوايا كمية طاقه ايجابيه وسعاده ماتتوصفش ونسيت تعبى اصلاً أو هو إللي نسانى.
- معقول انا ربنا يسخرنى لمساعده حد معقول انا استاهل الشرف الكبير ده!

- وأخيراً فضلاً ياجماعه لما حد يطلب منكم مساعده ساعدوه وبلاش الكلام اللي هو ده بيكلمنى عشان مصلحته بس
- لأن اولاً: انت ماتعرفش ظروفه،
- ثانياً: شرف كبير جداً إن ربنا يسخرك انت لمساعده الناس، خلوا بابكم دائماً مفتوح خليكم ناس سهله ولطيفه فِ التعامل وصدقنى طول مانت بتساعد الناس ربنا هيكون دايماً معاك.

- وافتكر ان الشخص ده سأل ربنا ف الأول وربنا إللي دله ع طريقك.💗

- نُقل ..")💗

- حبايبنا المسيحيين يارب تكونوا بخير وصحه وخاصة "اصحابي" ويشهد الله إنى بحبكم ولايوجد فى قلبي ذرة غل ولا حقد تجاهكم.💗

- على مدار شهر سمعت سورة مريم 6 مرات فى راديو السيارة وكنت عايز أوضح الموضوع ده لكن متوتر تزعلوا منى لكن ده امر لله نافذ لازم ابلغ الدعوة فى النقطة دى.

- إذا كان سيدنا عيسي ربنا نفخ فيه من روحه فسيدنا أدم أيضاً ربنا نفخ فيه من روحه..
- إذا كان سيدنا عيسي ولد بدون أب فسيدنا أدم ولد أيضاً بدون أب ولا أم.
- إذا كان سيدنا عيسي نبي فسيدنا ادم نبي وأول الأنبياء
- إذا كان سيدنا عيسي هو الرب أو رب الأرباب ..
- فمن رب نوح وإبراهيم وإسماعيل وزكريا وموسي الذى قال له فرعون فما بال القرون الأولى قال علمها عند ربي فى كتاب .. يقصد مين هنا ربي؟
- هل يقصد عيسي الذى لم يأتى بعد؟
- أم يقصد ربنا الله الخالق الباريء المصور الغفار الوهاب الرزاق.

- ربنا مش هيسمح لحد يضرب او يعذب سيدنا عيسي فلو راجعت الأنبياء من قبله لوجدت ان النار لم تحرق ابراهيم عليه السلام والسكين لم تدبح اسماعيل والبحر لم يغرق موسي والحوت لم يأكل يونس ..
- مافيش إله يتوسل لإله غيره مافيش إله طفل، ويرضع من امرأة، مافيش اله بيأكل ويعمل حمام مافيش إله بينام ويترك الخلائق ..
- كل الانبياء ماتوا وسيدنا عيسي ربنا رفعه ولم يبقى الا الله وحده..
( لَّوْ أَرَادَ اللَّهُ أَن يَتَّخِذَ وَلَدًا لَّاصْطَفَىٰ مِمَّا يَخْلُقُ مَا يَشَاءُ ۚ سُبْحَانَهُ ۖ هُوَ اللَّهُ الْوَاحِدُ الْقَهَّارُ )

شكراً لكم.

لصاحبه.💗

- صباح الجُمعة..

- كل ما أفسدته أيام الأسبوع تستطيع تطهيره، وإصلاحه الآن
بل ورشه بالمسك والريحان.

غفران، بركة، رفعة درجات.

- ما عليك إلا أن تكثر من الصلاة والسلام على النبي صلى الله عليه وسلم.

- ولا تنسوا
- الكهف.
- الأغتسال.
- التطيب ولبس أحسن الثياب.

- وتحري ساعة الدعاء ..")💗

والصلاة والسلام على نبيّنا المُجاهد الشهـيد وعلى آله وصحبه ومَن جاهَد جِهاده إلى يوم الدين ..")💗

أسألُكَ رفقةً لا أستوحِشُ بعدها، وبيتًا لا أشعر فيه بالغربة، ورزقًا أكون بهِ في بَحبوحةٍ من العيش، وأسألكَ حِكمةً ورشدًا لا أضلّ بعدهما، ورِقَّةً في الطبعِ مهما تحجَّرتْ القلوب من حولي، ولينًا في المعاملة مهما طغتْ عليَّ مُعكِّراتُ الصفو، وأسألكَ بلاغةً في القولِ، وسدادًا في العمل، واتِّساعًا في الرؤية، وقوّةً ونفادًا في البصيرة، وأسألكُ من الأخلاقِ أحسنها، ومن الكلماتِ أعذبها، ومِن العَلاقاتِ أطيبها، إنَّكَ يا ربُّ قديرٌ على ما أريد، وليس سِواكَ مَنْ يؤتِني سُؤلِي ويقرّ عيني ويكفِني يا واسع الكرم ..")💗

"رَّبُّكُمْ أَعْلَمُ بِكُمْ"

الآية دي بتغمرني بالسَّكِينة والطُمأنينة دايمًا

يقول السعدي فِي تفسيرها:
"هو أعلمُ بكمْ مِن أنفسِكُم، فلذلك لا يريد لكم إلا ما هو الخير، ولا يأمركم إلا بما فيه مصلحة لكم وقد تريدون شيئًا والخير في عكسه"

فيه حاجة ممكن تخلينا نطمئن أكتر من كدا؟ ..")💗

"ككُلِّ صَباح؛ نَأمل بأن نُعيدَ لحياتِنا مَا يُضيف لها معنى، نَبحثُ عمَّا تَتوق إليه نفوسُنا ويُرضي ربنا، نُفتش في قلوبِنا فنحاول أن نجعلَ دقاتها لله.

نسقي تلك النَّبتة التي زرعناها في قلوبنا، نرعاها ونراقبها حتى تُثمر، ونطوِّق تلك الثمرة التي أثمرت بالإخلاص لعلها تُقبَل.

كَكُلِّ صباح؛ نحاول أن نُفرِح قُلوبَنا بكل صغيرة وبسيطة؛ بوِرد القرآن والأذكار الذي يمدنا بالنور، بصوت المنشاوي الشَّجي، بصوت زقزقة العصافير، برائحة المخبوزات الصباحية، بكوب القهوة الساخن.

ثم يَلجُ الليلُ، وككل ليلة؛ تظل الدعوات المرجوَّة كما هي: إلهي، أحاول جاهدًا، فهلَّا قَبلتني؟ إلهي، أنا الذي تعرفه ولا يعرفه الناس، فهلَّا عفوتَ عني؟ ..")💗

«يا رب إنِّي شاردٌ فتولّني
‏فإليكَ تَمضي حاجتي وسؤالي! ..")💗

- من امبارح وانا نفسياً مش قادرة اذاكر من حزني وضيقي، افتكرت انهم كانوا بيناقشوا ماجستير في الخيام!
هما علمونا معنى تعمير الأرض بدون ما يخطبوا خطبة فيها كلام مؤثر.
علمونا معنى الصبر والإيمان، علمونا معنى:
﴿ قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ، لا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ ﴾
علمونا معنى كل كلمة في ديننا في أيام ونجحوا واستشهدوا وفازوا ورب الكعبة..
والله والله احنا اللي خسرانين مش هما، الشفقة علينا إحنا ربنا يحلقنا بيهم ويستعملنا ولا يستبدلنا وينجينا.

ليك دور مهما كنت فاكر نفسك ضعيف، دعائك هيفرق، مذاكرتك هتفرق، مقاطعتك هتفرق، وذنبك كمان هيفرق!..

استقيموا ..")💗

مساء الخَير،
حبيبت اشارك معاكم شيء معين لموقف لسه حاصل معاياا، بمناسبة المذاكرة وأجواء الفاينل الحزينة دي بفكرك:
"نحن مسلمون، نعوّل علىٰ البركة لا علىٰ الوقت"
المؤمن عندما يستدرك يستدرك عند ربِّ كريم.

حتى ولو متأخر المهم إنِّي أبدأ حتى لو ضيعت وقت كبيير جدًا بس أستعين بالله فى اللي لسه باقي معايا وأتوكل عليه وأبدأ وأدعي ربنا يرزقني البركة في الوقت والجهد دايمًا والتوفيق.

بكلمك من وسط الحدث والله وإني ضيعت وقت بردو بس على الأقل بحاول أنا أصلًا علطول زانقة نفسي والله، أسلوب حياة.))"

"بس بردو ما لا يُدرك كله لا يُترك كله."

"لو أنَّ أحدكم همَّ بإزالة جبل وهو واثقٌ بالله لأزاله."
-ابن القيم رحمه الله.

اللَّهمَّ اطرح البركةَ في أوقاتِنا وأدهشْنا بعظيمِ توفيقِكَ وجبرِكَ وألطافِكَ الله يوفِقنَا ويسدِد خُطانَا جميعًا ..")💗

صبَاح الخَير ..")💗

- غدًا يومُ التلاق يوم عرفة المشهود غداً أعظم يوم طلعت عليه الشمس غداً قد تُقلب موازين حياة العبد قلباً لم يحلم به!
يقول أحد الصالحين: "والله ما دعوت دعوة يوم عرفة وما دار عليها الحول إلا رأيتها مثل فلق الصبح"
ظنّنا بالله خيراً أن يُجيب فيه دُعائنا ويجبر قلوبنا")

- لا تغفلوا عنّا

- دعوة الأخ لأخيه المسلم بظهر الغيب مجابة بإذن الله ..")💗