الرادودمحمدابوسجادالكعبي مع ابن أخي بدأت رحلتنا17و 18و 19صفر محرم الحرام 1446 إلى كربلاء العشق٢٠٢٤

شهر الأحزان •••هذا لوشهر الدمع
بلايه أجفان••• وراس أخوي المنگطع
راح  الحسين ••• أبچي ياعين
شهر الاحزان شهر الاحزان
☆☆☆☆☆(1) ☆☆☆☆
ياشهر عاشور أحس بيه سهامه
صورتلي حسين اخوي ابلا عمامه
صورتلي اعله الهزل تمشي اليتامه
گمر  طاح  ونار مستعره  بخيامه
بلايه ذرعان••• والگمر يم النهر
ضامي عطشان••• والسهم طفه النظر
الفكد الاثنين ••• ابچي ياعين
☆☆☆☆ ☆( 2)☆☆☆☆☆
خويه من شفت الشهر مگبل يغالي
أني احس بهيبتي وعز ودلالي
عگب عباس الكمر وحشه اليالي
آه  ياليله  العاشر  ولجرالي
بلايه وليان••• كله نومه اعله الثره
دمعي نهران••• حسين حزو منحره
أهلي ميتين ••• ابچي ياعين
شهر الأحزان شهرالأحزان
☆☆☆☆☆ ( 3 )☆☆☆☆☆
اه يازينب اصبري اعله المصايب
چم عزيز الراح منج جسمه ذايب
آه   ياجرح  الهواشم   والنوايب
بعد فگدك  يبوألاكبر  والحبايب
تبجي رضعان••• من الضمه وتنظرالي
وبين عدوان•••  والشمر يشتم علي
بگلبي جرحين ••• أبچي ياعين
شهر الأحزان شهر الأحزان
☆☆☆☆☆( 4 )☆☆☆☆☆
خويه جرحك بلگب  ماظنه  يبره
بيه يسعر كل وكت يحسين جمره
والدمع بعيوني غيمه بصدري حصره
وآنه  من  كثر الحزن أصرخ  يزهره
جفني سهران••• ما غفه الوجه الصبح
بسيف طغيان••• شفت الحسين أنذبح
ذبحو حسين ••• أبچي ياعين
شهر الأحزان شهر الأحزان
☆☆☆☆☆ ( 5 )☆☆☆☆☆
تمشي زينب عل الهزل أكبر عجيبه
هاي بت حيدر علي وأمهه النجيبه
هاي جدها المصطفى بحاله رهيبه
ضلت  غريبه  بكربله أعظم مصيبه
تمشي بحزان••• ماشيه الديرة غرب
وياهه انسوان••• والدمع منه يصب
بدم عل حسين •••أبچي ياعين
شهرالأحزان شهر الأحزان


خادم الأمام الحسين (عليه السلام)
ابو سجاد الذهبي

شهرالاحزان هذا لوشهر الدمع كلمات ابوسجادالذهبي اداء الرادودابوسجادالكعبي2024 مجالس عزاء

صار الاغروب وانطفت نار الخيام
صار الاغروب وكربلا صارت ظلام
اه يا زينب يا غريبه
ــــــــــــــ
اتسولف ادموع اليتامه ابكربله اشصار
كامت الخياله تسحك فوك الازغار
عالــرمل حفاي تركض والرمل حار
تندب الـــعباس كلها اصغار واكبار
وينه عباس كلها تتراكض تصيح
وينه عباس يمكن الكافل ذبيح
اه يا زينب يا غريبه
ــــــــــــــ
من انطفت شمس النهار وجلجل الليل
واعلى صدر احسين كامت تردح الخيل
واليتامه اتريد كـافـل ويلي يا ويل
من جلوس اتصــلي زينب رايح الحيل
شبت النار والخيم صارن رماد
شبت النار وصبغو الدنيا بسواد
اه يا زينب يا غريبه
ــــــــــــــ
طلعت اتلم باليتامه وتبجي بهداي
زينب الليلة الوحــدها وماكو حماي
وين جانت لج يا زينب هالمحن هاي
رحتي عطشانه اعلى اخوتج مو على الماي
دارات العين حايره لصوب النهر
دارت العين شافت اجفوف وكمر
اه يا زينب يا غريبه
ــــــــــــــ
كعدن وسون عبيهن مثل الاخيام
بلكت ايغمض جفنها اتنام الايتام
والصبح لو طر عليهن باجر اشضام
والسبو عــتره محمد جانو اسلام
جابو احبال ونوخت نوك السبي
جابو احبال وشبكو آل النبي
اه يا زينب يا غريبه
ــــــــــــــ
زينب اعيونج عماها ابسطرته البين
ما بقت من البواجي للــدمع عين
كعدت ودارو عليها ايتام الاحسين
اشتاكت وصاحت رقيه والدي وين
صار الاصياح من يمر طاري الحبيب
صار الاصياح ويلي يا حال الغريب
اه يا زينب يا غريبه
ــــــــــــــ
ما يمر ضيم ابعمرها العدها خوان
ما يضل يضحك عليها الجان ما جان
وزينب الليله الوحدها ابين عدوان
عدها بس واحد مريض وكلها نسوان
تدري معذور ما سمع بيها الكفيل
تدري معذور والسبي دربه طويل
اه يا زينب يا غريبه
ــــــــــــــ
نعيم ابو باقر الساعدي

صار الغروب ونظفت نارالخيام كلمات نعيم ابوباقرالساعدي الرادودابوسجادالكعبي مجلس عزاء2024

حيدرنه أيروح)

زيـنـب ويـلاه       حيدرنه أيروح
بـحيره الايـتام.     تصـرخ وتنــوح

زينـب مطـبور الوالي 
واليـلة يـروح الغـالي

حيدرنه ايروح.       حيدرنه ايروح.
ـــــــــــــــــــــــــــــــــــــــــــــــــــــ
يزينب هل مسيه وهـل خـبر جـارح 
علي بفيض الدمه ياويلي شوسابح
غـداً يـم الــخدر طبـعن عـلي رايـح
تطـيح الخـيمه لوبيـها السند طايح

ياحيره شلون         والخيمه أطيح.
نـصرخ ويلاه.        والفـكده نصيح  


يادمعت دعيني تلاالي
واليـلة يـروح الغـالي 

حيدرنه ايروح.      حيدرنه ايروح.
ـــــــــــــــــــــــــــــــــــــــــــــــــــــ
يـزينب جـرح أبـونه للـعـظم وأصـل
اخـبرنـج يـبعـد أهلــي بدمــع هـامل
بـعـد حيـدر كــمر هاشـم الج كــافل
ودمع عـينج يزيــنب كا المـطر نـازل

حكـج تبـجــين.       وأنتــي بحــيره
طـاح بهل يوم.       شــيـخ الـــديـره

يازيـنب طـاح العـالي
واليـلة يـروح الغـالي

حيدرنه ايروح.    حيدرنه ايروح.
ـــــــــــــــــــــــــــــــــــــــــــــــــــــ
عله الونه وعله الدمعـه بــده عـمرج
يتيمه انـتي وحيـده ومانفـذ صـبرج
كبرتي ويه المصايب وأنبت بجـذرج
جرح حيدر يخيـتي هل شعل جمرج

كلبـج حـركوه    بضلع المنصاب
واليلة يـروح.       داحيها الباب

حيره وكلبج ينعالي
واليـلة يروح الغـالي

حيدرنه ايروح.       حيدرنه ايروح.
ـــــــــــــــــــــــــــــــــــــــــــــــــــــ
أجـت يــم بابـــج وتــدعي يـتامانه
يزيــنب هل مسه كلشي بجـه ويانه
وجـرح حـيـدر يـخيتي  والله أذانـه
كلــبنه بـهل مسًــيه من بـده أحـزانه

وحـزانه أدوم.    كلبي المجروح
زينب هل يوم.    تطـلع هل روح

ماجانت خويه أبـالي
واليـلة يروح الـغـالي

حيدرنه ايروح    حيدرنه ايروح.
ـــــــــــــــــــــــــــــــــــــــــــــــــــــ
علي بفـكــده يدنيا والله شـو حــيره
مصيبت حيـدر جبـيره وترة جـبــيره
تظل بـعـده حـزينـه وفاهــيه الديــره
وتـظـل بعــده العقــيلة زينب بحــيره

حـــيدر ويــلاه.     بدمـعي المنهال
بفكـدك ياحــيد.     شنهـو الاحــول     

مااشرح إليكم حالي
واليـلة يـروح الغـالي

حيدرنه ايروح.   حيدرنه ايروح
ـــــــــــــــــــــــــــــــــــــــــــــــــــــ
تــعالي وكابلي أخـوانـج علــه الونه
اكيد  بهل مسًــه فاطـم تـجي أمنـه
تواسينه بجـرح حــيدر وتصـد ألــنه
أديهــا عله الـضلع تنـحب تجي يمنه

بضلع المكسور.     تواسي الكرار
من يتــلاكون.       طبره وبسمار

والغالي يواسي الغالي
زينــب مطــبور الوالي

حيدرنه أيروح   حيدرنه ايروح.        
ـــــــــــــــــــــــــــــــــــــــــــــــــــــ
كلمات الشاعر
مرتضى مكطوف الموالي

زينب ويلاه حيدرنه ايروح كلمات مرتضى مكطوف الموالي الرادوابوسجادالكعبي19من رمضان20/ 3/ 2025جرح الأمام

نزله معه (رباطات)



الوداع.  الوداع.  يابو زينب ياعلي
الوداع. الوداع.   يابو زينب ياعلي

__
اليلة ترحـل ياعلي بهـــذه المسه
واليتامه تصيح ياحامـي الحــمه
الدنيا بـعدك ياعـلي شـو مـضلمـه


(((ويــــتامه تـــون هايه اليــلة )))!

الوداع.   الوداع.   يابو زينب ياعلي
الوداع.  الوداع. يابو زينب ياعلي
___
اليــلة ايتــامك تــنام على الثــره
بالسلامه تكول نــدعي  الحيـدره
والعــقيلــه تنـوح والله مـحـــيره


((( يادمـــعت زيـــنب هـــماله )))


الوداع.   الوداع.   يابو زينب ياعلي
الوداع.  الوداع. يابو زينب ياعلي
___
تجــــري دمعـــتها العقيلة للـفجر
الدنيه ماتـــنفـع بــدونك والعــمر
يامصيـــبت حيدره الــــماتنجــبر


(((ياحيــرت زينــــب  بمصـــابه )))

الوداع.   الوداع.  يابو زينب ياعلي
الوداع. الوداع.    يابو زينب ياعلي
___
شـــيعتك ياحيدره نصـب عــزاء
للمصـيبه الي جرت مـنها الدماء 
والمـصابك تبــجي أركان السماء

(((ومصــــابك حيــدر ياذينه )))


الوداع.   الوداع. يابو زينب ياعلي
الوداع.   الوداع. يابو زينب ياعلي
____
مـصابك يئــذي اليحــبونك علي
بكل مسيه الدمعه ماضن تنــجلي
الــيلة نــصــرخ ياولــــينه ياولـي


(((والدمعه الجرحك نجريها ))

الوداع.   الوداع. يابو زينب ياعلي
الوداع.  الوداع. يابو زينب ياعلي
___
ياعلي علينه الجـره كلش صــعب
والله مايـحمل غيـابك هل كلـــب 
سفرتك صعـبه تره بعـيـــد الدرب



(((يالرايح ويــــن مخليــــــنه )))

الوداع.   الوداع. يابو زينب ياعلي
الوداع.  الوداع.  يابو زينب ياعلي

__
          كلمات خادمكم
         مرتضى مكطوف الموالي

الوداع الوداع كلمات مرتضى مكطوف الموالي الرادوابوسجادالكعبي19من رمضان20/ 3/ 2025جرح الأمام علي ع

وسفه  طبرو هامتك *حيدر يبويه
ملعونه أمه الغدرتك *حيدر يبويه
بشهر الصيام  صرنه  أيتام
حيدر يبويه
@@@@@@@@@@@
وسفه  طبرو  هامتك  يانور  العيون
والكون لجلك ياعلي  الليله محزون
الحسن وحسين بويه  بلوعه يبچون
وگلب زينب عالجره مايحمل اشلون
انصبغ شيبك دمه *حيدر يبويه
وتبچي املاك السمه* حيدريبويه
مفجوع الأسلام  صرنه أيتام
حيدريبويه
@@@@@@@@@@
نصبغ شيبك  دمه بسيف  المرادي
هتزت  عروش  السمه وصاح المنادي
صوت  جبريل الأبي ينعه  الهادي
وأني دمعي عالوجه  يغلي فؤادي
والصوت يمي  يعتلي *حيدر يبويه
وگلبي  ناره  تصطلي*  حيدر  يبويه
وينك  ياضرغام     صرنه  أيتام
حيدر  يبويه
@@@@@@@@@@
الصوت يمي  يرتفع وأسمع  أنينه
خيم الكون  بظلامه اعله المدينه
ونخطف لون الوجه شابحه  عينه
وعيني ظلت  عالدرب تنطر  ولينه
شفت طولك ياالابو * حيدر  يبويه
ويمشي  بصفه الأخو* حيدر  يبويه
من شفت الأمام     صرنه  أيتام
حيدر  يبويه
@@@@@@@@@@
شفت  راسك يلأبو  ونهدم  حيلي
وذكرت  ظلع  الزچيه  آه  يويلي
وحزنك الخيم عليه وفت دليلي
ليله أمصابك  حزن مانمت ليلي
عيونه تخفه اشلون* حيدر يبويه
واني مالي لون*  حيدر  يبويه
الدنيه ظلام      صرنه  أيتام
حيدر  يبويه
@@@@@@@@@@
شلون تغفه العين گلي وانت مجروح
بويه  يلماخذ  حياتي  كله  والروح
بويه ومصابك  هظمني  زيد النوح
لو متت بعدك  يحيدر ألمن نروح
صعبه لو نمت بلحد *حيدر  يبويه
حزني ماظن  ينخمد* حيدر  يبويه
جفني مانام  صرنه  أيتام
حيدر  يبويه
@@@@@@@@@
صعبه لو نمت بلحد وعفت العيال
ورحلتك ادري طويل تعذب الحال
تغيب  يابويه  ويظل الدمع  همال
أدري  أنه  الموت  فرگه وأبو  شال
ميت وعايف يتامه* حيدر  يبويه
مودع  الله بسلامه  *حيدر  يبويه
وحسن  الختام  صرنه  أيتام
حيدر يبويه

خادم أمير المؤمنين عليه السلام
أبو سجاد الذهبي

وسفه طبروهامتك كلمات ابوسجادالذهبي اداء الرادودابوسجادالكعبي٢٠من رمضان 22/ 3/ 2025جرح الأمام علي ع

علي هواي حفر مو كبر واحد
ومايدفن يضل باللحد كاعد

لأن يدري الزچية جوت ابنار....
يدورلها الحنين تراب بارد....

كتب فوكه حياتي...
ادفنتها وذكرياتي....
يدورلها الحنين اتراب بارد...
...................................................................
بالعيون تبين لوعة الفاكد بالعيون
شيكولون حيره للدفن روحة شيكولون
يمدفون اليضل اخلافك امعلعل يمدفون

يخجل يبجي اكبال الوادم ينحب من الناس اتنام
هواي اصوّر ابعينه قديمه شبعت ضيم من الايام
كونك دافن روحك بيدك وطك روحك ماتنلام

بعد بيتي لمن عني مشيتي..
يكلها بعد ماينراد بيتي...

علي بعمامته ايغطي الكبر جان
ويكلهه ها بعد روحي دفيتي

سوالف ومنياتي...
ادفنتهاوذكرياتي..
يدورلها الحنين اتراب بارد...
...............................................................
البجه انهاك تكلة الناس مو كافي البجه انهاك
علي ذاك اليرهب لو مشة محني علي ذاك
علي اوياك يكل لروحة من يتعب علي اوياك

من يكوم الفاكد دوره ابمكعادة اشكد تلكه اجروح
يمشي بين الناس اجنازة هيج الفاكد مابي روح
الشدة من ايصير المغرب ويضل حاير وين ايروح

بهيدة اتراب بيدة ينزللهه....
واسف فاطمه اهوايه يكلهه...

ويكل لروحة حيدر لازم اتموت
بعد يازهرة ضلت عايشلهه

ألجمع شتاني....
ادفنتهاوذكرياتي...
يدورلها الحنين اتراب بارد...
...................................................................
اجه الليل عذابة لا هلة ابجيته اجة الليل
بلا حيل اليوزع حيل من يمشي بلا حيل
علة الخيل يعثر بالهوه اليسحك علة الخيل

كرار المارجفت ايدة ابعمرة ولاطاح ومسنود
طايح ويكومونه اولادة ويرجع هم ايطيح اردود
جنه انشال الاخر نجمه و عل الكاع التوجع مهدود

شكثر للمكبرة لحگته الوادم...
تضل اعله الكبر لاوين نايم...

يكلهم اسمع ام احسين ياناس
من اكوم اتكلي حيدر وين كايم

التشابهني بصفاتي...
ادفنتهاوذكرياتي......
يدورلها الحنين اتراب بارد...
..................................................................
علي اوحيد اشما ناسه اكثرت يبقه علي اوحيد
ولا عيد اخلاف الزهرة ما عيد ولاعيد
يالبعيد ترد لو اكطع الظنه يالبعيد

بسمار الشوغة من ايذبهه حار وينبت بين اضلوع
نحلف احنه بشارب حيدر وشارب حيدر كلة ادموع
الون اليطلع بي راحه اليكتل ون المامسموع

علي من يبجي ما واحد يسمعه...
ويكلهم للكبر محد يتبعه......

من اطيح الشمس بالمغرب ايكوم
يكض بسمار ويدك اعلة ضلعه

التدللني وغلاتي....
ادفنتهاوذكرياتي.....
يدورلها الحنين اتراب بارد.....
...................................................................
سلامات ايكلهم لحد ايكلي سلامات
علي مات اقروا  الفاتحه اعلية علي مات
حرامات ألتذ بالنفس عكبج حرامات

من اتعب ياهوه احجيلة وياهو الليل وياه اكضي
حيدر مثل الماي الدنية تشيلة اخلافج وتبدي
المايفهم حبچ يم گلبي معذور اشيحجي اشمدري

عوفيهه المكابر عيشي گربي....
يزودي بالسلم وحزام حربي....

يعطش يم كبرهه وهمس بهداي
گبل لا اشرب من الماي اشربي

قسمتي ومسراتي....
ادفنتهاوذكرياتي......
يدورلها الحنين اتراب بارد.....
...................................................................
كلمات الشاعرالحسيني
علي عويز الشويلي

اداء
سيدفاقدالموسوي

الكاتب خادم الحسين ع
الرادودمحمدابوسجادالكعبي

ذمه كلمن يحذف الاسم او يتلاعب بالكاتبه

علي اهواي حفر موكبر واحد كلمات علي عويزالشويلي اداء الرادودابوسجادالكعبي ليلة23من رمضان٢٤ / ٣ / ٢٠٢٥

ياالله بسم الله الرحمن الرحيم  حياكم جميعا

معرض ومؤسسة راعي الجود ع للاجهزه الصوتية
ومكبرات الصوت بيع وشراء وتجهيز جميع
الاجهزه للهيأت والمواكب الحسينية

بادرة حسين الربيعي ‎07711083013 موبايل

العنوان بغداد الباب الشرقي بشارع الصوتيات

من طرف خادمكم الرادودابوسجادالكعبي

دعم مؤسسة منبريون الحسينية
#افضل قناة للنعي
https://www.tgoop.com/+P0VV4bLqtzuKdcQS
#للاشتراك بالدعم @ahmed_alziwar0