الحياة بشكل عام طول الوقت هتمنحك فرصة تانية، مفيش حاجة في الدنيا مفيش فيها فرص تانية، ومرات كمان تاخد فرصة تالتة ورابعة، لحد نقطة معينة وشكرًا، بتكون خلصت فرصك، مبقاش عندك محاولات تانية، وقتها بتنزل شاشة سودا مكتوب عليها بخط واضح نيون كده: Game Over .. عشان كده، حاول تقدر الفرص اللي الحياة بتقدمها لك، وتعرف إن الفرص دي ممكن متتكررش أصلاً مرة تانية.

اليوم اللي بتعيشه نفسه، مستحيل يتعاد مرة تانية، مستحيل يرجع تاني، وكل ثانية بتعدي م وقتك مش هتعرف تكررها مرة تانية، قدَّر قيمة الوقت، قدَّر قيمة الفرصة، حاول بإخلاص، وربنا يوفقك.