معي وجه واحد ما تغير مع الايام
‏على حشمته عند الاوادم وتقديره .

والله ان حبّك سعاده وذنب من الذنوب
‏سكةٍ فيها الرّكايب يطول اوقافها

‏"مايتُوب القلب من حب خلّه مايتوب"
‏لو تتوب النّاس من حقّها واعرافها .

‏ضاعت أحلامي بقربك مابقى شي بيديني
‏حتى روحي عذبتني وكنت أداويها لحالي

‏ماخذلني شخص عابر ماخذلني إلا يقيني
‏يوم ظنيتك ربيع العمر تقطع فـ وصالي .

‏خلاص انتهى مافات وأمر الله الغلاب
‏وكلن معرّض للضماء و اشهب اللالي

‏صواديف بقعاء غيبها مثل سم الدّاب
‏و مـادام راسي حي بمشـي على فالي

‏كرامة الطيّب أكبر من كبار الظروف
‏وقسوة ظروف الحياة تلاوعه في شقى

‏والوقت متغير وصلف الليالي تحوف
‏عزيز قومٍ يكابر و الظروف محقى

‏ولو يختلف كل شي وكل شي منه خوف
‏يبقى على أرحب وحيّ الله ودام البقى

‏لو كان ما يملك من المال قيمة خروف
‏يملك وسبعين نعم وهقوة اللي هقى

انا وين بلقى يالاجاويد فاعل خير
حريص على سلم المحبـين لارسلته

أجمَع سمان الهرج خوفٍ من التقصير
أجييه عندي علم واروّح ماقـلته . .

لاتوّجد وجود اللي عن الدار جلّي
‏ودك الرجل لاضاقت عليه أيتحمّل

‏قل معي جعلنا مانزهم الواحد اللي
وقفته ماتسر . . وفزعته ماتجّمل .

لو على عرش المحبين شيّدنا الصروح
‏المفاارق يهدم العععرش والليّ يعتليه .

يا وجودي صوبهم ما تهيّا لي مراح
‏وإن تهيّت فرصـةٍ ما صفى لي جوّها .

انا من غلاته كنّي اللي ملكت الارض
‏و أحس السما وافلاكهّا صارت افلاكي

‏احبّه وله منّي عهد لين يوم العرض
‏لو ان الزمن خذاهّ .. يبقى من أملاكي

‏انا ما نسيته كود ننسى صلاة الفرض
‏واذا قد نسيته ..قدرتي خارج إدراكي

لو اني بحثت القاع في طولها والعرض
‏ فلا فيه غيره شخص يقدر على إضحاكي‏

ليا من تضايق قلت له يا وليفي إرِض
‏وليا من بكى صرت اتمنى انا الباكي

يامل قلبٍ عيوف وعاشقٍ عايف
‏لا ينعذلي ولا ادري وايش اسوي به ؟

مات الغلا مالك علينا مشاريه
حبك رماد و شبته مستحيله .

على الاقل عشنا على وجه واحد
‏في مجتمع لازم معك عدّت وجيه .

اللهم انك عفو كريم تحب العفو فاعفُ عنا .

يلومونني في جرّة الصوت بالمنكوس
وانا قول خلو مولع القلب ولحونه

خذينا من ظروف الليالي عُبر ودروس
ولا زالت الايام ما هي بمأمونة .

أنا مبطيٍ من جرة الصوت بالمنكوس
حداني عليه البعد والحزن والفرقا

إلى شفت مدهالٍ قديم عليه رموس
تباشر نظير العين بالدمعة الزرقا

على مطلبك يا بو فهد كاسب الناموس
غدالي مجال أنزل مع أهل الطرب وارقا .

ألعب المنكوس وأحب روباعـه .

ونتي ونت خلاوي بدى تالي النهار
‏شاف زولٍ غاب الشمس له مازولّه
‏
ملحتس ياعين تبكين ليلتس و النهار
‏لا ذكرت اللي مضى من عصورتس لولّه

‏اشهد ان جي المنازل مواشير العمار
‏كل مافي الراس من دمع عيني حولّه .

قلبي اللي كل ما سج عوّد في عنااه
‏وحالي اللي لا تشالى من الحزن انطوّى .

مال الحزين الا يفل احجّاجه
‏عُقب الزمان الي تركز عجّـه
‏
الغايب اللي مانويت احراجه
‏في غيبته وين اغدي واوجه
‏
مايدري اني في امس الحاجه
‏ادور السجه ولا به سـجّه

‏نار انتظاره في الصدر وهاجه
‏مافيه لاعـذرٍ ولابـه حجّـه ! .