وشحال الگبور.. والمهدي شيزور
كل القبور امهدمه..مامش ضريح الفاطمه
والمهدي شيزور
……
طبت التخنگ هواه.من يطب لرض البقيع. بلايا انفاس
صرخت المحسن وراه. مثل عبد الله الرضيع. يتاني عباس

تراب اهله عزيز ومشتهي يزوره
يجي الغايب يشاهد بيه الف صوره
يشوف اگبور فوگ الغبره منحوره
على التربان كومه ادموع منثوره

رد گلبه مكسور.. والمهدي شيزور
يالماخذ الگاع وسمه. مامش ضريح الفاطمه
والمهدي شيزور
……
المالگه اگبور الهله.يفتر ابدلاله حسره. ابين الگبور
المهدي روحه ابكربله. وطبت الغرقد تذكره. بعشره عاشور

مذبوح البقيع وترفس الغبره
شتكض يابو صالح بيك الف عبره
بقيع اهلك شماته الذبحوا نحره
اسمها المگبره وين الحسن گبره

تراب الله مشكور.. والمهدي شيزور
بيك البقيع املثمه.. مامش ضريح الفاطمه
والمهدي شيزور
… ..
البيه والمابيه حضر. المهدي يفتر عالمگابر. والدمع حار
بلاگبر جدمه العثر.لاضريح ولامناير. شاف الحجار

بس كومة حجر والدمعه بعيونه
لازوار لاوادم يعزونه
ولاموكب لطم شيعه اليحضرونه
ولا مجلس بچي والناس يبچونه

ماشاف الجدور.. والمهدي شيزور
بعيونه دمعات ودمه. مامش ضريح الفاطمه والمهدي شيزور
…….
بحسرت العايش عذاب. يمشي والخطوه ثگيله. بكل الدروب
هوه شايب لوشباب. مابقه حيل اليشيله. وكت الغروب

يتنفس مرار وبالگلب لوعه
مره ايكض دليله مره بضلوعه
من كثر البواچي نشفن ادموعه
يعاين عالبقيع وروحه مفجوعه

ماشاف البدور. والمهدي شيزور
لحبابه امترس ضمه. مامش ضريح الفاطمه
والمهدي شيزور
……
بكلشي مهدينه جريح. العاش كل هاي النوايب. يصبر شلون
ياعدل چنك ذبيح. من ثگل هم المصايب. تبچي العيون

الله يساعدك عالمحنه والبيها
الجروح اكبار بنفاسك تربيها
بقه عدنه طلب والحاجه تدريها
نريد اگبور ناسك انته تبنيها

طگ گلب النذور. والمهدي شيزور
للباري امره مسلمه. مامش ضريح الفاطمه
والمهدي شيزور
……
علي الحاج الصبيحاوي

اللهم صل على محمد وال محمد

السلام عليكم
اشكر كل الذين عزوني بوفاه اخي الكبير ابو احمد

أقصر خطبة للامام علي عليه السلام ، حينما صعد المنبر وقال :
" لقمة في بطن جائع خير من بناء ألف جامع .وخير ممن كسا الكعبة وألبسها البراقع ••وخير ممن قام لله راكع .. وخير ممن جاهد للكفر بسيف مهند قاطع•• وخير ممن صام الدهر والحر واقع .. وإذا نزل الدقيق في بطن جائع له نور كنور الشمس ساطع •• فيــــــا بُشرى لمن أطعم جائع"

السلام عليك يا أبا الحسنين .

اويلاه يايابه.. على الصدر ومصابه
……
آ يا نبي الحنانه
يالشيعتك حزنانه
محد عرف بلوانه
بينه يناس اصوابه.. اويلاه يايابه
… .
راح الصدر والينه
نار البعد تچوينه
ياسيد ارجع لينه
نار البعد لهابه
……
مالحگينه اوداعه
منه رحل شبساعه
چفنه وصلاته متاعه
خله يتامه احبابه
……
بعده صفينه بحيره
ميت يشيخ الديره
مذبوح يابو الغيره
وسط النجف وترابه
…… .
هليله چم علويه
چنها صفت مسبيه
وسفه الصدر تاليه
بالدم يصير خضابه
……
انعزي زعيم الساده
والباقي من اولاده
الهم تلوگ القاده
والهم صفه محرابه
… ..
نعزي الصدر ونصاره
كل مخلص بتياره
الله زعيم اختاره
وقع علي بكتابه
… ..
علي الحاج الصبيحاوي

عالصادق يشيعه الليله ونتنه
يا دار الامامه بنار حرگوها
مدري شلون حال الكاظم الليله
وين الناس خليهم يشيعونه
مات اليوم والشيعه يعزونه
ياملچ المنيه وين والينه
چم حره عليك الليله مفجوعه
هليله بواچي عيوني متروسه
مثل بيت الزچيه داره محروگه
تصيح الجعفريه وين حادينه
مدري بياشريعه الچبده سموها
مسموم الامام وغمض عيونه
بالمحراب ضل ينوح قرءانه
يمعدل عليك الشيعه حزنانه
الروافظ عالمصيبه حيل مهمومه
ياحال العلاوي الليله مكسوره
يالكاظم وليكم چبده مسمومه
يالصادق مصابك گطع هروشي
عالصادق بواچي عيوني متروسه
… ..
علي الحاج الصبيحاوي

السلام على من لبس لاكفان وقال الطغيان كلا

قناة قمر الحسين .ام محمد الهاشميه
ندبه للعباس ع قضاء حاجه.ج١١
رايحه لعباس اكله رايحه
انا خادمتك هظموني تعال
**
انا اجيت اليوم مهمومه و أصيح
حشمت امك واخوك الذبيح
طلعت من بيتي بالهم والنويح
من كثر همي روحي رايحه
**
هاسبع الكنطره انا بالباب
ليش مهظومه انا شنهى لأسباب
تلكاني يا مولاي طحت على العتاب
روحى ردت من ريحته الفايحه
*****
انا احجي يزود خادمتك بعد
من اجي واخدم احلى من الشهد
وهاى خدمتكم الغايه والسعد
ولكم يوميه اقره الفاتحه
****
ابجي واندبك سبع الكنطره
صول عليهم يابو الزمجره
مثل صولات على على الفجره
عليك الزهره وذيج النايحه
***
كاظيه سنيني بالهم والونين
من زغر سني خادمه الحسين
وخادمه الزهره وام البنين
وانا الكم دووم عيني شابحه .ام محمد الهاشميه لا يجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

اعلان اعلان سيتم إصدار ديوان ام لاقمار إلى جميع المكتبات ومن الله التوفيق

قناة قمر الحسين ..ام محمد الهاشميه
لطميه للعليله ج١١
مشه ظعن الحبايب خيه باليل
وخلني أصيح الويل الويل
**
مشى حادى الظعن وابعد عليه
ردي وياي خيه يارقيه
مو انا مريظه وتدري بيه
كمت امشي واطيح وحيلي نحيل
******
يمر اليل وحسباتي هواي
وانا مدوهنه وشاده الراي
خاف اموت ومن يأخذ عزائ
ابوي العافني بهدوه اليل

******
ليل نهار اون بالدار وحدي
كتبت كتاب وادعي بربي
يردون لأهل اصلي وادعي
تشهدلي بعد يانجمه سهيل
****
انتظرت اطرؤشهم والعين والباب
اثاري الهوى والباب جذاب
ريحتهم بقت معطره العتاب
شيصبر الكلب فأكد خليل
*****
عافني ومشن كل الحبايب
وعلى فراكهن دلالي ذايب
وانا خلافهن شفت المصايب
وين الي تجي من غير تعطيل.ام محمد الهاشميه لا يجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

« الحَمْدُ للهِ الَّذِي جَعَلَنا مِنَ المُتَمَسِّكِينَ بِولايَةِ أَمِيرِ المُؤْمِنِينَ وَالأَئِمَّةِ عَلَيْهِمْ السَّلامُ ».

« الحَمْدُ للهِ الَّذِي أكْرَمَنا بِهذا اليَوْمِ وَجَعَلَنا مِنَ المُوْفِينَ بِعَهْدِهِ إلَيْنا وَمِيثاقِهِ الَّذِي وَاثَقَنا بِهِ مِنْ ولايَةِ وُلاةِ أمْرِهِ وَالقُوَّامِ بِقِسْطِهِ وَلَمْ يَجْعَلْنا مِنَ الجاحِدِينَ وَالمُكذِّبِينَ بِيَومِ الدِّينِ ».

متباركين بعيد الله الأكبر🌹
نسألكم الدعاء والزيارة 🤍✨