قناة قمر الحسين ام محمد الهاشميه
فزاعيه لامام علي ج ١١
الشيعه اليوم طلعوله عرضات
ابو الحمله علي شيخ الفرضات
✍✍✍✍
يستاهل لطمنه ودمعه العين
ولينه علي انت يابو حسين
نضل وياك عدلين وميتين
ولو ضاك الخلك يمك انبات
✍✍✍✍✍
عراظه اليوم ونسوي قرايه
ونعازي الحره بهالروايه
ياهل بيت النبؤه انتم حمايه
عراظه اليوم ونسوي مسيرات
✍✍✍✍✍✍
باسمك يا علي نحطم الحصون
يا المشي السفينه برمش العيون
نحبك عالفطره الكل يدرون
ومانقبل بذله ابد هيهات
✍✍✍✍✍
اصحاب السقيفه ردو علينه
ومانقبل بغيرك انت والينه
انموت بحبك انت تدرينه
هو العمر يسوه يابو الحملات
✍✍✍✍
الشيعه مكدره واليوم حزنانه
من شال الصميده الدنيا خربانه
وين الي يعازي يلطم ويانه
نون عليك ياتاج النجيبات ام محمد الهاشميه لا يجوز حذف لاسم ذمه https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
هوسات بحق لامام علي ع ج١١
١.اريدك يا علي بالكبر تحضرني
وهناك عالصراط انت التعبرني
وبذيج اليله انت التلقني
(احضر يؤمي يا داحي الباب)
✍✍✍✍
٢ انت السفينه وانت العباره
وبيوم الحشر منك البشاره
تعبرنه الصراط هنا يابؤ الشاره
الصك من جفك وانت توقع بيه)
✍✍✍✍
مايسوه العمر من غير والينه
نطوف عليك عدلين ميتين تدرينه
نوليك ونعادي العادينه
كل الناس اطوف عليه الحي والميت)
✍✍✍✍✍
صلاه بلا علي ما تصير مقبوله
امام لانس والجان بيك الناس مذهوله!
يا سيف الله الفقار العب جوله
وبخيبر حير عدوانه)
✍✍✍✍✍
والينه علي ونفتخر بالجنه
تعبرنه الصراط انت املنه
خادمه الكم وتسجل اسمنه
نزامط بيه اليشري الجنه) ام محمد الهاشميه لا يجوز حذف لاسم ذمه رجاء الحسين ام محمد الهاشميه
https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
لطميه للحسين ع ج١١
تارس ايدي الحسين تارس ايدي
انا خادمته والخدمه عيدي

من الزغر انا خادمته واكتب إشعار ولطم
هذا طريقي واعرفه مو مشكلتي الما فهم
خسران دنيا واخره الما ينقله الجدم
شما احس انا مقصره اكل لروحي زيدي
✍✍✍✍✍
انا احبك عالفطره اي وحق ذيج الجفوف
مايفوت اسبوع وانا اجي للحضره اطوف
مولاي انا خادمه وانت بعينك تشوف
رؤعي مايسكن ابد ياروحي شويه هيدي
✍✍✍✍✍✍
انت ياصك الشفاعه ياسفينه النجاة
عليك ظلع امك الزهره لا تنساني بالمماة
الله يامحلا خدمتك واجي للحضره ابات
كون اخلص سنيني يمك انا لو يصح بيدي
✍✍✍✍✍
شما تضيق الدنيا بيه انت حل للمعضله
بيك انت وابو فاضل والله صيتي عله
حبي الكم جنوني هيه هاي المسأله
مولاي اقبل خدمتي واقبله ترتيلي
✍✍✍✍✍
عندي والله خدمتك هيه احلى من الشهد
شما اشمن ضريحك اريده بعد وبعد
والله ماينشبع منك انت ياتاج المجد
شما يمر العيد بينه تبقى انت عيدي ام محمد الهاشميه لا يجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
لطميه لأهل ج١١
حنين كلبي ودووم ما يحمل افراك
ياناس للخوان شو دوامه بشتاك
🖤🖤🖤🖤
للعاشرونه سنين العين تربي
صبح ومسى ياناس وادعي ربي
وين التريده الروح ساكن بكلبي
كلبي يون يا ناس دووم حراك

🖤🖤🖤🖤
ما نعتب عليهم بطلنه من العتاب
من راحو لليؤم كلبي مصوب اصواب
لا طارش منهم لاوصو ولا اصحاب
حنينه الدهر فرني وكلبي دووم بشتاك
🖤🖤🖤🖤🖤
شالو بليل ابساع اهل المحنه
ظلت خليه الدور ونسمع الونه
جانت احلى ايام واطشر شملنه
نار لأهل ياناس بالكلب اشؤاك
🖤🖤🖤🖤🖤
للعاشرونه ابجن يا العيؤن
شو طالت الغيبه وخلهم يرجعون
أصيح بصوت ردو جنهم مايسمعون
انا من عكبهم ذليله وماخذه الراك
🖤🖤🖤🖤🖤
ياهل الخيل ردو اه ياهل الدواوين
من يؤم الرحلتو شؤ ماغمظت عين
اشلون اشلون شالو بس اصفك بلادين
جا المن اسير والله الخلك لو ضاك ام محمد الهاشميه لا يجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
لطميه لأهل ج١١
هواي النه ذكريات
ابيت اهلنه للممات
هنا لعبنه.......هنا حجينه
بقت منهم ذكريات
✍✍✍
انا من امس العصر وعيوني تربي
ابجي وادعي يجون اه ياربي
ربي لاتخيب اظنوني وذاك تعبي
هذا هذا سهمنه....دوم جاري دمعنه
نحسب اهات و نحسب اهات
بقت منهم ذكريات
✍✍✍
مريت ببيؤت لاحبهم ماكو اجواب
خاليه يادورهم ويذري التراب
جيت اسال انا عنهم وين لاحباب
اه يا دنيا تعبنه....هواى ظايع يااملنه
عدمن نبات ..و..عدمن نبات
بقت منهم ذكريات
✍✍✍
انا جنت معلمه كل عيد يمهم
جنت أصبح وامسي ابمحلهم
وين همه بيا بلد وانا اتبعهم
بعد راحو يااهلنه...زيدي ياروحي الونه
انطفت شمعات... انطفت شمعات
بقت منهم ذكريات
✍✍✍
محله كعدات العصر عنت عليه
ومحله ذاك الجاي والهيل وسويه
امست خليه دورهم واصفك بديه
ليش راحو همه عنه...نريدهم اهل المحنه
بالتربات....تالي نامو بالتربات
بقت منهم ذكريات
✍✍✍
وين لاحبهم يامكبره احجيلي
بعيد المبارك و أصيح يا ويلي
تيهت الحساب انت احسبيلي
بيج حيد وتعرفينه...بلكي يسمع حجينه
وبيج الشبابات....بيج الشبابات
بقت منهم ذكريات
✍✍✍
الناس كله معيده وانا بالكبور
اه ياحزني وظيمي مثل عاشور
يوميه جنازه بهلي ولهم أزور
وين الحنينات ...ذيج لاخوات
وبيج لأمهات وبيج لامهات
بقت منهم ذكريات
✍✍✍
ولج بسج ياروحي لاتموتين
بعد شالو اهلنه اى الطيبين
اهل هيل وكهوه والفناجين
بعد خل نكطع الظنه..المشىما يرجع النه
نصب دمعات ..ونصب دمعات 😭
بقت منهم ذكريات...ام محمد الهاشميه لا يجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg

🎗تذكير ☝️
الرجاء عدم حذف لاسم أو نسب القصيده إلى كان من يكون تذكروا بأن لنه وقفه عند الزهراء عليها السلام
وقبل كل شي الله يسمع ويرى ويسجل كل شي
اختكم الشاعره ام محمد الهاشميه

قناة قمر الحسين ام محمد الهاشميه
لطميه الاهل ج١١
ون ياكلب* راحو اعزازك بعد
يانظرعيني*** والسعد
خلوني وحدى بالدار
ماكو منهم أخبار
ون ياكلب *ون ياكلب
******
ون ياكلب واعميها العيون
صدكنى راحو مايرجعون
اكظي ليلي اشلون باشلون
اهلن دمعى اعبار
مااجتني منهم أخبار
ون ياكلب *ون ياكلب
******
ياعزاز كلبي الفركه جتاله
وانا مريظه الكم علم بالحاله
لاحبيبه يمي ولاعمه وخاله
اون ليلي وانهار
مااجتني منهم أخبار
ون ياكلب *ون ياكلب
*****
كتلني فراكهم دوم
عله وقهر وهموم
كلبي ينزف دموم
هذا الوكت غدار
مااجتني منهم أخبار
اخ ون ياكلب *ون ياكلب
*****
كتبت اهات الكلب بدموعي
هذا عذابي وونتى ولوعي
يا لوعتي وياطبكه اظلوعي
وحيده انا بالدار
مااجتني منهم أخبار
اخ ون ياكلب*ون ياكلب
******
ياكلب بسك اهدا شويه
انا عليله ماكالو خطيه
خلوني وحدى انا البنيه
ماكو خبر بالي صار
مااجتني منهم أخبار
اخ ون ياكلب *ون ياكلب ام محمد الهاشميه لا يجوز حذف لاسم ذمه رجاء
https://www.tgoop.com/joinchat-AAAAAEHY9hoqdfkVRv78tg

قناة قمر الحسين ام محمد الهاشميه
نعي ج١١ طلب مني بعض لاخوات
اخوات ذهبن إلى بيت اختهن فوجدن ابنها في قمه الحزن والبيت مغبر
لسان الحال😭
اكعدي ياام هلا اجت الحبايب
وعلى فراكج دلالي ذايب
بيتج مغطى بالترايب
اووووف خيه
وين اللمه وذاك الصوت
وين الحجي النحجيه بسكوت
ماحسبت يفركنه الموت
اوووف خيه
ردي لبيتج طاوعيني
وعلى فراكج ماغفت عيني
معلمه عليج تدريني
اخ اخ
ياام كلب الحنين اليوم ردناج
نريد الرفك ياخيه وياج
يام سوالف الحلوه محلاج
يابت امي
بيتج ياخيه يؤن وياي
وابنج يبجي وكاعد اخذاي
مدري اسكته لو امسح دمع عيناي
اووف خيه
خيه تعاي انا وياج نكعد
نخلي اظعون الناس تبعد
اتسامر ياخيه اروحنه ترد
اخ اخ
خيه انا جايه لبيتج شسوي
وشفته حزين وكلبي مجوي
يا ظمي وياذاك تعبي
ام محمد الهاشميه لا يجوز حذف لاسم ذمه
https://www.tgoop.com/joinchat-AAAAAEHY9hoqdfkVRv78tg